افغانستان نے ایران اور چین کے ساتھ تجارتی راہداریاں بنانے کا اعلان کردیا ہے۔

باغی ٹی وی: ایران اور افغانستان کے درمیان مہاجرین اور پانی کے حقوق جیسے مسائل پر تعطل کے درمیان طالبان کا 30 رکنی ”اقتصادی وفد“ ہفتے کے روز تہران پہنچا،افغان وفد کی قیادت افغانستان کے پہلے نائب وزیر اعظم برائے اقتصادی امور اور ملا عمر کے ساتھ طالبان کے شریک بانی عبدالغنی برادر نے کی، وفد ایرانی حکام سے تجارت، ٹرانزٹ، ٹرانسپورٹیشن، انفراسٹرکچر اور ریلوے کے علاوہ علاقائی ترقی اور ایران میں افغان مہاجرین کی بڑھتی ہوئی تعداد کے معاملے پر بات چیت کرے گا۔

افغان طالبان کے ترجمان ذبیح اللہ کے مطابق تہران میں چابہار کے ذریعے افغانستان کی برآمدات اور درآمدات میں اضافے اور برآمدات اور درآمدات کی سہولت فراہم کرنے پر بات چیت ہوئی ملاقاتوں میں دونوں فریقین نے واخان کے ذریعے چین کے ساتھ ایران کے رابطے پر زور دیا اور زمینی اور عملی کام کو فروغ دینے کے لیے مشترکہ ٹیموں کا تقرر کرنے پر بات کی۔

https://x.com/Zabehulah_M33/status/1721821854468636872?s=20
ایران کو افغانستان کے راستے ازبکستان سے جوڑنے اور اس راستے کے ساتھ ساتھ واخان راہداری تک ریلوے منصوبے کو بڑھانے پر بھی بات ہوئی دونوں فریقین نے قندھار تک ریلوے لائن کی توسیع پر بھی زور دیا منشیات اور اسمگلنگ کے خلاف جنگ اور افغان کسانوں کے لیے متبادل ذریعہ معاش تلاش کرنے کے لیے مشترکہ کوششوں پر گفتگو ہوئی۔

ترجمان کے مطابق ایران کے ساتھ 24 گھنٹے کسٹم سروس کی فراہمی، دونوں طرف لینڈ ٹیکس کی چھوٹ، ایران کے ساتھ تجارتی توازن قائم کرنے کے لیے دونوں طرف سے نظریاتی اور عملی اقدامات کرنے پر بھی تبادلہ خیال کیا گیابعض افغان برآمدات پر ترجیحی ٹیرف کا نفاذ بھی زیر بحث آیا جبکہ مہاجرین کے مسائل کے حل کے لیے مشترکہ کمیٹیوں کے قیام پر بھی غور کیا گیا۔

ماسکو :روس نے غزہ پر ایٹمی حملے سے متعلق اسرائیلی وزیر کے بیان پر بین الاقوامی تحقیقات کا مطالبہ کردیا ہے۔

باغی ٹی وی:اتوار کو اسرائیلی وزیر ثقافت امیچائی الیاہو نے اپنے حالیہ انٹرویو میں کہا ہے کہ غزہ پر ایٹم بم گرانے پر غور کیا جا سکتا ہے اور غزہ سے فلسطینیوں کو نکال کر وہاں اسرائیلیوں کو آباد کرنا چاہیےفلسطینیوں کو صحرائے سینا یا آئرلیںڈ بھیج دیا جائے ، فلسطین کا پرچم اٹھانے والوں کا اس زمین پر رہنے کا کوئی حق نہیں، اسرائیلی وزیر کے بیان پر رد عمل دیتے ہوئے حماس کا کہنا تھا کہ الیاہو کا بیان نیتن یاہو حکومت کی بے مثال دہشت گردی کی عکاسی کرتا ہے۔

جبکہ ٹائمز آف اسرائیل نے دعویٰ کیا تھا کہ اسرائیلی وزیر اعظم نیتن یاہو نے وزیر ثقافت کے اس بیان کے بعد ان کی جنگی کابینہ سے رکنیت معطل کر دی ہے اسرائیلی وزیر اعظم آفس کی جانب سے سماجی رابطے کے پلیٹ فارم ایکس پر جاری بیان میں کہا گیا ہے کہ امیچائی الیاہو کا بیان حقیقت سے الگ ہے،اسرائیل اور اسرائیلی ڈیفنس فورسز بین الاقوامی قوانین کے مطابق کام کر رہے ہیں۔

اسرائیلی فضائی حملوں کی وجہ سے 60 یرغمالی لاپتہ ہو گئے ہیں،ترجمان حماس

اسرائیلی وزیر اعظم بنجمن نیتن یاہو نے اتوار کو ان کی مخلوط حکومت میں موجود انتہائی دائیں بازو کی جماعت سے تعلق رکھنے والے وزیر برائے ثقافتی ورثہ امیہ الیاہو کو ان کے متنازع بیان پر تنقید کی وجہ سے کابینہ اجلاسوں میں شرکت سے روک دیا تھا۔

اب روس نے بھی اسرائیلی وزیر ثقافت کے بیان پر رد عمل دیا ہے،روس کی وزارت خارجہ کی ترجمان ماریا زاخارووا نے منگل کو جاری ایک بیان میں کہا کہ اسرائیلی جونیئر وزیر کے ایک ریمارک نے بہت سارے سوالات کو جنم دیا ہے اصل مسئلہ یہ ہے اسرائیل نے اعتراف کیا ہے کہ اس کے پاس جوہری ہتھیار ہیں۔

خیال رہے کہ اسرائیل عوامی طور پر یہ تسلیم نہیں کرتا کہ اس کے پاس جوہری ہتھیار ہیں، حالانکہ فیڈریشن آف امریکن سائنٹسٹس کا اندازہ ہے کہ اسرائیل کے پاس تقریباً 90 نیوکلئیر وار ہیڈز ہیں۔

اسرائیل نے کرائے کے فوجیوں کی بھرتی شروع کر دی،ہسپانوی اخبار کا دعویٰ

زاخارووا نے کہا، ’سوال نمبر ایک کیا (بیان سے) یہ پتہ چلتا ہے کہ ہم جوہری ہتھیاروں کی موجودگی کے بارے میں سرکاری بیانات سن رہے ہیں؟ ’اگر ایسا ہے تو پھر بین الاقوامی ایٹمی توانائی ایجنسی اور بین الاقوامی ایٹمی معائنہ کار کہاں ہیں؟‘

اسرائیلی وزیر الیاہو کے ریمارکس پر پاکستان سمیت دنیا بھر کے عرب ممالک کی جانب سے مذمت کی گئی ہے، ایک امریکی اہلکار نے اسے ”قابل اعتراض“ سمجھا، اور ایران نے فوری بین الاقوامی ردعمل کا مطالبہ کیا۔

ایرانی وزیر خارجہ حسین امیرعبداللہیان نے پیر کو پلیٹ فارم ”ایکس“ پر کہا کہ ’اقوام متحدہ کی سلامتی کونسل اور بین الاقوامی جوہری توانائی ایجنسی کو اس وحشیانہ اور نسل پرست حکومت کو غیر مسلح کرنے کے لیے فوری اور بلاتعطل کارروائی کرنی چاہیے، ورنہ کل تک دیر ہو چکی ہوگی‘۔

جنوبی افریقہ نے بھی اسرائیل سے سفارتی عملے کو واپس بلالیا

تہذیب کی کہانی Story of Civilization کے مصنف ول ڈیورانٹ

باغی ٹی وی: امریکہ سے تعلق رکھنے والے عالمی شہرت یافتہ تصنیف” تہذیب کی کہانی” Story of Civilization کے مصنف، فلسفی اور مورخ ول ڈیورانٹ 5 نومبر 1885 میں نارتھ ایڈمز میساچوسٹس میں پیدا ہوئے انہوں نے سینٹ پیٹرز کالج نیوجرسی سے گریجویشن کیا اور بعد ازاں اسی کالج آف یونیورسٹی میں لیکچرر مقرر ہوئے وہ وہاں لاطینی، فرانسیسی، انگریزی اور جیومیٹری پڑھاتے رہے ول ڈیورانٹ نے 1913 میں ایرئیل نامی 20 سالہ لڑکی سے پسند کی شادی کی جس کے بعد انہوں نے یونیورسٹی کی سرکاری ملازمت چھوڑ دی اور اپنی اہلیہ کے ہمراہ یورپ کی سیاحت کیلئے روانہ ہو گئے ۔

انہوں نے کولمبیا یونیورسٹی سے 1917 میں پی ایچ ڈی کی ڈگری حاصل کی، ول ڈیورانٹ نے متعدد کتابیں لکھیں جن میں سب سے زیادہ عالمی شہرت اور پذیرائی 11 جلدوں پر مشتمل ان کی کتاب ” اسٹوری آف سولائیزیشن” (تہذیب کی کہانی)کو حاصل ہوئی تاہم ان کی دیگر تصانیف بھی بہت بڑی اہمیت کی حامل ہیں ، ول ڈیورانٹ کی 7 نومبر 1981 میں وفات ہوئی۔ ان کی تصانیف کی دنیا کی کئی زبانوں میں ترجمے ہو چکے ہیں جن میں اردو بھی شامل ہے ۔ ول ڈیورانٹ کی چند تصانیف کی فہرست درج ذیل ہے۔

1. (Philosophy and the Social Problem)
2. (The Story of Philosophy)
3.(The Story of Civilization)
4. (Transition)
5. (The Mansions of Philosophy)
6. (The Case for India)
7. (The Pleasures of Philosophy)
8. ( The Lessons of History)
9. (Interpretations of Life)

غزہ پر اسرائیلی بمباری کو ایک ماہ ہو گیا، دس ہزار سے زائد شہری شہید ہو چکے، اسرائیل جنگ بندی کی طرف نہیں جا رہا تو وہیں اقوام متحدہ کی سلامتی کونسل کا ایک اور اجلاس بے نتیجہ ختم ہو گیا، جنگ بندی کے حوالہ سے قرارداد اجلاس میں منظور نہ ہو سکی

اقوام متحدہ کی سلامتی کونسل کا اجلاس دو گھنٹے تک جاری رہا ، بند کمرے میں ہونے والے اجلاس میں اختلاف ختم نہ ہوئے اور اجلاس بغیر کسی قرارداد کے ختم ہو گیا، اجلاس میں امریکا کی جانب سے انسانی ہمدردی کی بنیاد پر وقفے کا مطالبہ کیا گیا تو دیگر اراکین نے جنگ بندی کا مطالبہ کیا، اجلاس میں قرارداد منظور نہ ہونے پر فلسطینی نمائندے نے امریکا کو سیز فائر معاہدے میں رکاوٹ قرار دے دیا

دوسری جانب اسرائیلی وزیر اعظم نیتن یاہو نےیرغمالیوں کی رہائی تک جنگ بندی کا امکان مسترد کردیا،ایک انٹرویو میں اسرائیلی وزیراعظم کا کہنا تھا کہ حماس کے ساتھ جنگ کے بعد اسرائیل غزہ پٹی کی غیر معینہ مدت کے لیے سلامتی کی مجموعی ذمہ داری سنبھالے گا اس وقت حماس کی وجہ سے اسرائیل کے پاس سکیورٹی کی ذمے داری نہیں ہے،غزہ میں اس وقت تک جنگ بندی نہیں ہو گی جب تک حماس کے ہاتھوں یرغمالیوں کو رہا نہیں کیا جاتا،

دوسری جانب او آئی سی کا فلسطین مسئلہ پر اجلاس اگلے ہفتے ہو گا، اجلاس میں ایرانی صدر کی شرکت متوقع ہے، پاکستانی نگران وزیراعظم انوارالحق کاکڑ بھی او آئی سی اجلاس میں شریک ہوں گے،او آئی سی سربراہی کانفرنس میں ایرانی صدر ابراہیم رئیسی کی شرکت کے حوالہ سے ذرائع نے تصدیق کی کہ وہ شریک ہوں گے،سات برس بعد یہ ایرانی صدر کا دورہ سعودی عرب ہو گا.

اسرائیلی بمباری سے غزہ میں دس ہزار سے زائد فلسطینی شہید ہو چکے ہیں، شہدا میں بچوں اور خواتین کی بھی بڑی تعداد شامل ہے، کئی ممالک احتجاجا اسرائیل سے سفیر واپس بلا رہے ہیں، سلامتی کونسل اجلاس ہو چکے ہیں، اقوام متحدہ سیکرٹری جنرل جنگ بندی کا مطالبہ کر چکے ہیں،

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

اقوام متحدہ کا غزہ میں جنگ بندی کا مطالبہ

ہسپتال پر اسرائیلی حملہ ،جوبائیڈن کا دورہ اردن منسوخ

ہسپتال پر ‘اسرائیلی حملہ’ ایک ‘گھناؤنا جرم’ ہے،سعودی عرب

غزہ کے الشفا ہسپتال پر بھی بمباری 

اسرائیل کی حمایت میں گفتگو، امریکی وزیر خارجہ کو مہنگی پڑ گئی

اسرائیلی بمباری سے فلسطین کے صحافی محمد ابوحطب اہل خانہ سمیت شہید

 فلسطینی بچوں کو طبی امداد کی فراہمی کے لئے متحدہ عرب امارات میدان

بلغاریا کی نابینا خاتون بابا وانگا کی سال 2024 کے حوالے سے خوفناک پیشگوئیاں سامنے آئی ہیں-

باغی ٹی وی: بلغاریا کی نابینا خاتون بابا وانگا کا انتقال 1996 میں ہوچکا ہے، لیکن انہوں نے موت سے پہلے جو پیش گوئیاں کیں وہ ان کی موت کے کافی عرصے بعد بھی سچ ثابت ہورہی ہیں، اب 2024 کیلئے بھی ان کی کچھ پیش گوئیاں سامنے آئی ہیں،برطانوی اخبار ”ڈیلی اسٹار“ کے مطابق بابا وانگا نے سال 2024 کے لیے سات پیش گوئیاں کی ہیں،بابا وانگا نے اگلے سال روسی صدر ولادیمیر پیوٹن پر ایک قاتلانہ حملے کی پیشگوئی کی ہے، یہ حملہ ان کا کوئی اپنا ہی ساتھی کرے گا۔

بابا وانگا نے یورپ میں دہشت گردانہ حملوں کے بڑھنے کے حوالے سے بھی خبردار کیا اور یہ بھی بتایا کہ ایک ”بڑا ملک“ اگلے سال حیاتیاتی ہتھیاروں کے ٹیسٹ یا حملے کرے گا،بابا وانگا کے مطابق ایک بہت بڑا معاشی بحران آئے گا جو اگلے سال عالمی معیشت کو متاثر کرے گا، قرضوں کی بڑھتی ہوئی سطح اور بڑھتے ہوئے جغرافیائی سیاسی تناؤ جیسے عوامل اس کی وجوہات ہوں گے۔

طویل القامت پاکستانی غلام شبیر جدہ میں انتقال کرگئے

انہوں نے یہ بھی پیش گوئی کی تھی کہ اگلے سال خوفناک موسمی واقعات اور قدرتی آفات آئیں گی،بابا وانگا کے مطابق 2024 میں سائبر حملوں میں اضافہ ہوگا اعلیٰ درجے کے ہیکرز پاور گرڈز اور واٹر ٹریٹمنٹ پلانٹس جیسے اہم انفراسٹرکچر کو نشانہ بنائیں گے، جس سے قومی سلامتی کو خطرہ لاحق ہو گا 2024 میں الزائمر اور کینسر سمیت لاعلاج بیماریوں کے نئے علاج دریافت ہوں گے جبکہ کوانٹم کمپیوٹنگ میں ایک اہم پیشرفت ہوگی۔

اسرائیل نے کرائے کے فوجیوں کی بھرتی شروع کر دی،ہسپانوی اخبار کا دعویٰ

واضح رہے کہ بابا وانگا کو ”بلقان کی نوسٹراڈیمس“ بھی کہا جاتا ہے، انہوں نے 9/11 کے دہشت گرد حملوں، شہزادی ڈیانا کی موت، چرنوبل کی تباہی اور بریگزٹ جیسے بڑے عالمی واقعات کی پیش گوئی کی تھی، بابا وانگا 1911 میں پیدا ہوئی تھیں اور 12 سال کی عمر میں انہوں نے ایک بڑے طوفان کے دوران پراسرار طور پر اپنی بینائی کھو دی تھی۔

جنوبی افریقہ نے بھی اسرائیل سے سفارتی عملے کو واپس بلالیا

جدہ: دنیا کے طویل القامت پاکستانی غلام شبیرجدہ میں انتقال کرگئے، غلام شبیر طویل مدت سے علیل تھے۔

باغی ٹی وی : العربیہ کے مطابق غلام شبیرکافی عرصے سے جدہ کے اسپتال میں زیر علاج تھے جہاں وہ گزشتہ روز انتقال کرگئے انہوں نے 42 ملکوں کا دورہ کیا لیکن وہ سعودی عرب سے محبت کرتے تھے اور ان کا انتقال بھی وہیں ہوا۔

غلام شبیر کا قد7 فٹ 8 انچ تھا وہ 1980 میں لالیاں میں پیدا ہوئےانھیں 2000 سے 2006 تک دنیا کا طویل القامت شخص ہونے کا اعزاز حاصل رہا غلام شبیر کا نام گنیز بک آف ورلڈ ریکارڈ میں شامل ہے۔

پی پی کے سابق ایم این اے کی بیٹے سمیت پی ٹی آئی میں شمولیت

اخبار 24 کے مطابق غلام شبیر جب حیات تھے تو حرمین شریفین کی وجہ سے انہیں سعودی عرب میں سکون محسوس ہوتا تھا غلام شبیر فٹبال کے شائقین میں سے ایک تھے وہ سعودی لیگ کے میچ بڑی پابندی اور لگن سے دیکھتے تھے ایک وقت تھا جب وہ روزانہ منرل واٹر کی چالیس بوتلیں پیتے تھے جبکہ ناشتے میں دس انڈے اور چار روٹیاں کھاتے تھے اور دوپہر کے کھانے میں چار مرغیاں اور رات کے کھانے میں تین مرغیاں اور چاول نوش کرتے تھے۔

الیکشن کمیشن کیجانب سے ووٹر لسٹیں رواں ماہ فائنل ہوں گی

مقبوضہ فلسطین کے علاقے غزہ میں اسرائیل نے اپنے فوجیوں کی جانیں بچانے کے لیے فرانس سے کرائے کے فوجیوں کی بھرتی شروع کر دی۔

باغی ٹی وی: ہسپانوی اخبار نے دعویٰ کیا ہے کہ غزہ میں جنگ کیلئے اسرائیل نے فرانس کے کرائے کے پرائیوٹ فوجی بھرتی کیے ہیں اور غزہ جنگ میں اسرائیلی فوجیوں کے ساتھ کرائے کے فوجی بھی شامل ہیں، اسرائیل نے ماہانہ 12 ہزار ڈالرز کرائے پر کچھ پرائیوٹ فوجیوں کو بھرتی کر لیا ہے، اسرائیل دیگر ممالک سے بھی پرائیوٹ فوجیوں کو بھرتی کرے گا، اسرائیلی اقدام کا مقصداسرائیلی فوجیوں کو غزہ میں براہ راست تصادم سے بچانا ہے۔

خیال رہے کہ غزہ میں آپریشن کے دوران اسرائیلی فوجیوں کی ہلاکتوں میں اضافہ ہوگیا اور زمینی آپریشن میں اب تک 29 فوجی افسر اور اہلکار مارے گئے ہیں جس کے بعد 7 اکتوبر سے اب تک مارے جانے والے اسرائیلیوں فوجیوں کی تعداد 346 ہوگئی ہے۔

اسرائیلی فوج نے حماس کی سرنگوں تک پہنچنے کے لئے کتوں کا سہار ا لے …

دوسری جانب غزہ میں 31 روز سے جاری اسرائیل کی وحشیانہ کارروائیوں کے دوران شہید ہونے والے فلسطینیوں کی تعداد 10 ہزار سے تجاوز کر گئی ہے،فلسطینی وزارت صحت کیجانب سے جاری بیان کے مطابق گزشتہ 24 گھنٹوں کے دوران اسرائیلی جارحیت سے مزید 252 فلسطینی شہید ہوئے، جس کے بعد 7 اکتوبر سے اب تک شہید ہونے والے افراد کی تعداد 10 ہزار 22 ہوگئی ہے، شہید افراد میں 4104 بچے اور 2641 خواتین بھی شامل ہیں،اس عرصے میں اسرائیلی جارحیت کے نتیجے میں 25 ہزار 408 فلسطینی زخمی ہوئے۔

امریکہ نے جوہری میزائل آبدوز تعینات کر دی

خیال رہے کہ 31 روز سے جاری اس جنگ کے باعث غزہ کے 15 لاکھ سے زائد افراد بے گھر بھی ہوچکے ہیں اسی طرح مغربی کنارے میں 7 اکتوبر سے اب تک 140 سے زائد فلسطینی شہید ہوچکے ہیں وزارت صحت کے ترجمان نے بتایا کہ 7 اکتوبر سے اب تک اسرائیلی بمباری میں 192 طبی ورکرز شہید جبکہ 32 ایمبولینسیں تباہ ہوچکی ہیں اسرائیلی بمباری کے باعث غزہ کے 16 اسپتال بند ہو چکے ہیں جبکہ بیکریوں کو نشانہ بنائے جانے سے خوراک کا بحران بڑھ گیا ہے،اسرائیل کی جانب سے غزہ کے سب سے بڑے طبی مرکز الشفا اسپتال کے سولر پینل سسٹم کو بھی نشانہ بنایا گیا ہے جس کے باعث اسپتال میں توانائی حاصل کرنےکا واحد ذریعہ بھی تباہ ہوگیا ہے،جب کہ باقی اسپتالوں پر بھی شدید دباؤ ہے اور ایندھن کی شدید قلت کے باعث اسپتالوں میں انکیوبیٹرز اور دیگر طبی آلات چلانا مشکل ہو رہا ہے۔

فلسطینی مزاحمتی تحریک حماس کے رہنما اسماعیل ہنیہ نے پاکستانیوں کا شکریہ ادا کیا

اسرائیل کی جانب سے اسپتالوں کو بھی جان بوجھ کر نشانہ بنایا جارہا ہے، صیہونی فضائیہ غزہ میں موجود پانی کے کنووں اور بیکریوں کو بھی چن چن کر نشانہ بنا رہی ہے تاکہ غزہ کے باسیوں کی زندگی مزید اجیرن ہوجائے اور وہ غزہ کو خالی کردیں۔

اسرائیلی بربریت کے باعث 6 نومبر کو اقوام متحدہ اور انسانی حقوق کی 18 عالمی تنظیموں کے سربراہان نے ایک مشترکہ اعلامیہ جاری کیا جس میں انسانی بنیادوں پر فلسطین اور اسرائیل کے درمیان فوری سیز فائر کا مطالبہ کیا گیا ہے،انٹر ایجنسی اسٹینڈنگ کمیٹی کی جانب سے جاری مشترکہ اعلامیے پر 18 تنظیموں کے سربراہان نے دستخط کیے جس میں کہا گیا ہےکہ بہت ہوگیا اب اس جنگ کو ہر صورت رکنا چاہیے۔

محمود عباس نے بلنکن کے ساتھ ملاقات میں غزہ جنگ بندی کا مطالبہ

مشترکہ اعلامیے میں کہا گیا ہےکہ غزہ میں اسرائیل کی جانب سے عام شہریوں کا قتل سفاکیت ہے، اسرائیلی حملے کے نتیجے میں 2.2 ملین فلسطینی محصور ہیں جہاں غذا، پانی، ادویات، بجلی اور ایندھن تک میسر نہیں جب کہ گھروں، پناہ گاہوں، عبادت گاہوں اور اسپتالوں پر بمباری کی جارہی ہے، جو ناقابل قبول ہے۔