Category: بین الاقوامی

ایران نے اسرائیل کو دنیا کے لیے کینسر کا پھوڑا قرار دے دیا ہے اور کہا ہے کہ جب تک اس کے وجود کا مکمل خاتمہ نہیں ہو جائے گا اسرائیل پر حملے جاری رہیں گے کیونکہ یہ ایک ظالم اور ناجائز ریاست ہے ۔ اس امر کا اظہار پاسداران انقلاب کے نائب کمانڈر علی فداوی نے کیا اور اس بیان کی اہمیت کا اندازہ اس امر سے کیا جا سکتا ہے کہ یہ پاسداران انقلاب کور کی طرف سے سامنے آیا ہے جس کے بارے میں تصور ہے کہ یہ کور ناصرف 1979 کے ایرانی انقلاب کی محافظ مانی جاتی ہے بلکہ اسے سپریم لیڈر کا غیر معمولی اعتماد بھی حاصل ہوتا ہے نیز یہ ایران سے باہر ایرانی حمایت یافتہ مسلح گروپوں کی بھی سرپرستی کرنے والا ادارہ تصور کیا جاتا ہے۔

عالمی ادارے کے مطابق پاسداران انقلاب کے نائب کمانڈر کا یہ بیان سے ایک روز قبل ایرانی سپریم کمانڈر کا یہ بیان سامنے آیا تھا کہ اگر اسرائیل غزہ پر بمباری نہیں روکتا تو مزاحمتی گروپوں کو اسرائیل پر حملے سے روکنا مشکل ہو جائے گا جبکہ پاسداران کمانڈر نے کہا ‘ مزاحمتی قوتیں اس وقت تک اسرائیل کے خلاف اپنی کارروائیاں جاری رکھیں گی جب تک دنیا کے نقشے سے اس سرطانی پھوڑے کا خاتمہ نہیں ہوجاتا۔’

علاوہ ازیں ایران عام طور پر علاقائی سطح پر سرگرم اپنی حمایت یافتہ مسلح تنظیموں کے لیے ‘ مزاحمتی قوتوں، مزاحمتی گروپوں اور مزاحمتی محاذ کی اصلاحات استعمال کرتا ہے۔ ‘ ان میں ایران کا حامی فلسطینی گروپ حماس بھی شامل ہے۔ جبکہ لبنان کی حزب اللہ وغیرہ بھی انہیں گروپوں میں شمار ہوتے ہیں اور ایرانی پاسداران انقلاب کے نائب کمانڈر نے اسرائیل کو انتباہ کیا ہے ۔ اگر اسرائیل نے غزہ پر حملے جاری رکھے تو اسرا ئیل کو مزید حملوں کا سامنا کرنا پڑے گا۔

خیال رہے کہ ایران کے نیم سرکاری خبر رساں ادارے نے رپورٹ کیا ‘ اسرائیل حالیہ دنوں ہونے والے غیر معمولی حملوں کے بعد ابھی اپنے اوسان بحال نہیں کر پایا ہے۔ یہ اسرائیل کی ایک بڑی شکست ہے جو اسے حماس سے کھانا پڑی ہے۔ علی فداوی کا کہنا تھا اگر غزہ میں جرم جاری رہا تو دوسرے ممالک کے مسلمان بھی صہیونیوں کے خلاف مزاحمت کا حصہ بن جائیں گے۔ ہوسکتا ہے اسرائیل پر ایک اور حملہ راستے پر ہو یعنی کیا ہی جانے والا ہو۔
ورلڈ کپ 2023: 256 رنز کے تعاقب میں جنوبی افریقہ کے 8 کھلاڑی آؤٹ
سولہ سالہ لڑکی سے مبینہ زیادتی اور زہریلی اشیاء کھلانے کے واقعہ میں اہم ہیشرفت
کورکمانڈر کانفرنس: دشمن عناصر کیخلاف پوری قوت سے نمٹنے کا عزم
نگران وزیراعظم کی چین کے صدر کی جانب سے دیئے گئے عشائیے میں شرکت

علی فداوی نے اسرائل کے بارے میں کہا وہ غزہ میں سویلینز کو نشانہ بنا رہا ہے۔ کیونکہ مزاحمت کاروں کو نقصان پہنچانے میں ناکام ہو چکا ہے، دنیا کے مسلمان اس صورت حال کو ایک موقع کے طور پر دیکھ رہے ہیں تاکہ اسرائیل پر سات اکتوبر جیسے مزید حملے ہو سکیں، ادھر اسرائیل نے اپنے لاکھوں فوجی غزہ کی سرحد پر تعینات کر دیے ہیں۔ یہ تیاری اسرائیل نے غزہ پر ایک بھر پور زمینی حملے کے سلسلے میں کی ہے۔اسی سبب گیارہ لاکھ فلسطینوں کو غزہ سے نکل جانے کی دھمکی دے رکھی ہے۔

بائیڈن انتظامیہ کا کہنا ہے کہ وہ این ویڈیا اور دیگر کی تیار کردہ جدید مصنوعی ذہانت کی چپس کی چین کو ترسیل روکنے کا ارادہ رکھتی ہے، جس کا مقصد بیجنگ کو اپنی فوج کو مضبوط بنانے کے لیے جدید ترین امریکی ٹیکنالوجی حاصل کرنے سے روکنا ہے۔ ان قوانین کے تحت ایران اور روس سمیت کئی ممالک میں جدید چپس اور چپ میکنگ ٹولز کی وسیع پیمانے پر دستیابی کو محدود کیا گیا ہے اور چینی چپ ڈیزائنرز مور تھریڈز اور بیرین کو بلیک لسٹ کیا گیا ہے۔

روئیٹرز کے مطابق محکمہ تجارت کی سیکریٹری جینا ریمنڈو نے پیر کی رات صحافیوں کو بتایا کہ نئے اقدامات کا مقصد گزشتہ اکتوبر میں جاری کیے گئے قواعد و ضوابط میں خامیوں کو ختم کرکے چین کی فوجی ترقی میں رکاوٹ ڈالنا ہے اور ممکنہ طور پر اسے "کم از کم سالانہ سالانہ” اپ ڈیٹ کیا جائے گا۔ انہوں نے کہا کہ اس کا مقصد چین کی جدید سیمی کنڈکٹر تک رسائی کو محدود کرنا ہے جو مصنوعی ذہانت اور جدید ترین کمپیوٹرز میں کامیابیوں کو فروغ دے سکتے ہیں جو (چینی) فوجی ایپلی کیشنز کے لئے اہم ہیں، انہوں نے اس بات پر زور دیا کہ انتظامیہ بیجنگ کو معاشی طور پر نقصان پہنچانے کی کوشش نہیں کر رہی ہے۔
مزید یہ بھی پڑھیں؛
سولہ سالہ لڑکی سے مبینہ زیادتی اور زہریلی اشیاء کھلانے کے واقعہ میں اہم ہیشرفت
کورکمانڈر کانفرنس: دشمن عناصر کیخلاف پوری قوت سے نمٹنے کا عزم
نگران وزیراعظم کی چین کے صدر کی جانب سے دیئے گئے عشائیے میں شرکت
محمد بن سلمان کا سعودی عرب،پہلی بار ہو رہا”ریاض فیشن ویک”
حنیف عباسی کی سزا کیخلاف اپیل پر سماعت،فیصلہ محفوظ
تاہم امریکہ اور چین کے درمیان کئی سالوں سے ٹیکنالوجی کی جنگ جاری ہے لیکن گزشتہ برس عائد کی جانے والی پابندیوں نے سپر پاورز کے درمیان کشیدگی میں مزید اضافہ کر دیا ہے۔ قواعد کی اشاعت کے بعد ایک بیان میں ٹاپ اے آئی چپ ڈیزائنر این ویڈیا (این وی ڈی اے) نے کہا۔ او) نے کہا کہ وہ قواعد و ضوابط کی تعمیل کرتا ہے اور اپنے مالی نتائج پر "قریب مدتی معنی خیز اثر” کی توقع نہیں کرتا ہے. کمپنی نے اے 800 اور ایچ 800 جیسی چپس تیار کی ہیں جو چین کو فروخت جاری رکھنے کے لئے پچھلے قوانین کی لائن پر چل تی ہیں ، اور اے ایم ڈی (اے ایم ڈی)۔ او) نے بھی قواعد سے متاثر ہوکر کہا ہے کہ وہ اسی طرح کی حکمت عملی کا ارادہ رکھتا ہے۔

سعودی عرب کی تاریخ میں پہلی بار "ریاض فیش ویک” 20 اکتوبر سے شروع ہو رہا ہے، اس فیشن شو میں 30 برانڈز اپنے ڈیزائن دکھائیں گے، ریاض فیشن ویک 23 اکتوبر تک جاری رہے گا

سعودی عرب مذہبی روایات،اقدار کے حوالہ سے جانا جاتا ہے، ایسے میں ریاض میں منعقد ہونے والے ریاض فیشن ویک کی اہمیت بڑھ جاتی ہے کیونکہ وہاں پہلی بار ایسا ہو رہا، اس سے قبل اپریل 2018 میں ایک بار پرائیویٹ تقریب ہوئی جسے مکمل طور پر ہی "پرائیویٹ” رکھا گیا تھا، اس شو میں داخلے کے لئے بھی خصوصی پاسز جاری کئے گئے تھے، جبکہ 20 اکتوبر کو شروع ہونے والا ریاض فیشن ویک سعودی حکومت کے تعاون سے ہو رہا ہے

سعودی عرب کا انحصار تیل پر ہے تاہم سعودی عرب نے صرف تیل پر انحصار کرنے کی بجائے خود کو نئے انداز میں پیش کرنا شروع کیا ہے، محمد بن سلمان جب سے ولی عہد بنے وہ سعودی عرب میں تبدیلیاں لائے ہیں، سعودی عرب مستقبل پر نظر رکھتے ہوئے ثقافت اور فیشن کے میدان میں آگے بڑھ کر اپنی شناخت بنانا چاہتا ہے، ایسے میں ریاض فیشن ویک کی شاندار تقریب کی توقع کی جا رہی ہے،اگرچہ مذہبی حلقوں کی جانب سے اسکی مخالفت کی جا رہی ہے

اپریل 2018 میں سعودی عرب میں ہونے والے فیشن ویک میں صرف خواتین کو داخل ہونے دیا گیا تھا،اب اس ریاض فیشن ویک میں سعودی اہم شخصیات بھی شریک ہوں گی،سعودی فیشن کمیشن کے سی ای او براک کیک کا کہنا ہے کہ ہم پہلی بار اس طرح کی تقریب منعقد کر رہے ہیں، ہم نے مقامی فیشن برانڈز کے ساتھ ساتھ غیر ملکی برانڈز کو بھی ریاض فیشن ویک میں شرکت کی دعوت دی ہے، سعودی عرب دنیا کا اگلا بین الاقوامی فیشن سینٹر بنے گا،ریاض فیشن ویک ہماری تخلیقی صلاحیتوں کو ظاہر کرے گا،اس سے دنیا ہمارے ساتھ جڑے گی،

October 20 to 23 — Riyadh tailoring tomorrow's fashion tales. #RFW pic.twitter.com/9UMRAPiJHg

— Riyadh Fashion Week (@Riyadhfw) October 8, 2023

سعودی ولی عہد محمد بن سلمان کے ولی عہد بننے کے بعد سعودی عرب میں بہت سی بڑی سماجی تبدیلیاں سامنے آئی ہیں، سعودی عرب میں پہلے خواتین کو ہمیشہ پردہ، نقاب یا حجاب میں باہر جانے کی اجازت تھی۔محمد بن سلمان کے آنے کے بعد سعودی عرب میں خواتین کو ڈرائیونگ کی اجازت ملی تو وہیں خواتین کو گھر سے باہر اکیلے جانے کی بھی اجازت ملی، محمد بن سلمان کے ہی دور میں سعودی عرب میں تھیٹرز سے پابندی اٹھائی گئی ہے، جولائی 2021 میں سعودی عرب نے ایک ترمیم منظور کی جس میں بالغ خواتین کو باپ یا دوسرے مرد رشتہ داروں سے اجازت لیے بغیر آزادانہ زندگی گزارنے کی اجازت دی،

سعودی عرب کا بڑا وفد کب آ رہا ہے پاکستان؟ وزیر خارجہ کا بڑا اعلان

حالات گرم،فیصلہ کا وقت آ گیا،سعودی عرب اسرائیل کے ہاتھ کیسے مضبوط کر رہا ہے؟ اہم انکشافات مبشر لقمان کی زبانی

آرمی چیف کے دورہ سعودی عرب سے پہلے سعودی سفیر متحرک، اہم شخصیات سے ملاقاتیں

سعودی عرب میں پاکستانی سفیرکو واپس بلائے جانے کا امکان

بلال اکبرکی واپسی، سعودی عرب میں کون ہو گا نیا سفیر،طاہر اشرفی نے بتا دیا

امریکی صدر جوبائیڈن اسرائیل پہنچ گئے ہیں

امریکی وزیر خارجہ انٹونی بلنکن کا کہنا ہے کہ امریکی صدر کا یہ دورہ اسرائیل کے ساتھ یکجہتی کے لئےہو گا،اردن اور مصر بھی جائیں گے اور سربراہان مملکت سے ملاقات کریں گے،بلنکن کا کہنا تھا کہ اسرائیل کو حق حاصل ہے کہ وہ حماس سےلوگوں کو محفوظ بنائے،امریکی کمانڈر مائیکل کوریلا صدر جوبائیڈن کی آمد سے چند گھنٹے قبل اسرائیلی شہر، تل ابیب پہنچ گئے ہیں،

https://twitter.com/RTEUrdu/status/1714216107874398578

امریکی صدر جوبائیڈن نے ٹویٹر پر کہا کہ وہ اسرائیل کا دورہ کریں گے، حماس کے اقدامات فلسطینیوں کے حق خود ارادیت کے بنیادی اصولوں سے ہم آہنگ نہیں ہیں۔کچھ بنیادی اقدار ہیں جن کا ہمیں بطور امریکی مل جل کر رہنا چاہیے اور ان بنیادی اقدار میں نفرت، نسل پرستی، تعصب اور تشدد کے خلاف کھڑا ہونا شامل ہے، نفرت کی کارروائیاں ہماری بنیادی اقدار کے خلاف ہیں اور امریکہ میں نفرت کی کوئی جگہ نہیں ہے

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان

 پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

اسرائیل پر حملہ کی اصل کہانی مبشر لقمان کی زبانی

حماس کا وجود مٹانا ہو گا،تاہم غزہ پر اسرائیلی قبضہ غلطی ہو گی،امریکی صدر

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

حماس کے اسرائیل پرسات اکتوبر کے حملے کے بعد اسرائیل کی جوابی کاروائی میں غزہ پر مسلسل بمباری، حملے جاری ہیں، اسرائیلی حملوں میں 2800 فلسطینی شہید ہو چکے ہیں

اسرائیل کے حملوں کی وجہ سے فلسطینی شہریوں کے لئے مشکلات بڑھ گئی ہیں، خوراک،پانی ،بجلی کی سہولیات ختم ہو چکی ہیں، کوئی ایسی جگہ نہیں جہاں شہری اسرائیلی حملوں سے بچنے کے لئے قیام کر سکیں،عمارتوں پر بمباری سے عمارتیں ملیا میٹ ہو چکی ہیں،شہید ہوانے والوں میں ایک ہزار بچے اور چار سو سے زائد خواتین بھی شامل ہیں،اسرائیلی حملوں سے دس ہزار شہری زخمی بھی ہوئے ہیں، ایک ہزار کے قریب لاشیں عمارتوں کے ملبے تلے دبی ہوئی ہیں جن کو نکالنے کا کام جاری ہے.

ہم جنس پرستوں کی شادی کو قانونی قرار نہیں دے سکتے، بھارتی سپریم کورٹ نے فیصلہ سنا دیا
ہم جنس پرستوں کی شادی کو قانونی قرار دینے کے حوالہ سے بھارتی چیف جسٹس کی سربراہی میں پانچ رکنی بینچ نے 11 مئی کو فیصلہ محفوظ کیا تھا جو آج سنا دیا گیا ہے،بھارتی سپریم کورٹ نے فیصلہ سناتے ہوئے ہم جنس پرستوں کی شادی کو قانونی قرار دینے سے انکار کر دیا، تا ہم عدالت نے مودی سرکارکو حکم دیا کہ ہم جنس پرست کمیونٹی کے حقوق کو یقینی بنایا جائے،عدالت نے اس حوالہ سے قانون سازی کی بھی ہدایت کی ہے

بھارتی سپریم کورٹ کے چیف جسٹس چندر چوڑ نے بھارت کی مرکزی حکومت اور تمام ریاستی حکومتوں کو ہدایت کی کہ وہ یقینی بنائیں کہ ہم جنس پرستوں کے ساتھ کوئی امتیازی سلوک نہ کیا جائے،انکے حقوق بارے عوام کو آگاہی دی جائے،جن ہم جن پرستوں کو تشدد کا سامنا کرنا پڑتا ہے انکو حکومت تحفظ فراہم کرے ،حکومت یہ بات بھی یقینی بنائے کہ مختلف جنس والے بچوں کو آپریشن پر مجبور نہ کیا جائے،

بھارتی سپریم کورٹ کے چیف جسٹس نے فیصلے میں کہا کہ جنسی رجحان کی بنیاد پر یونین میں داخل ہونے کے حق پر پابندی نہیں لگائی جا سکتی، متضاد تعلقات میں خواجہ سرا افراد کو موجودہ قوانین بشمول پرسنل لاز کے تحت شادی کرنے کا حق ہے،غیر شادی شدہ جوڑے، بشمول ہم جنس پرست جوڑے، مشترکہ طور پر بچے کو گود لے سکتے ہیں،مرکزی ھکومت ہم جنس پرستوں کی یونین کے حقوق اور اختیارات کے لئے کمیٹی تشکیل دے، ہم جنس جوڑوں کو راشن کارڈ میں بھی شامل کرنے پر غور کیا جائے،بینک اکاؤنٹس کھلوانے میں ان کے لئے مسائل نہ بنائے جائیں،عدالت قانون نہیں بنا سکتی بلکہ صرف اس کی تشریح کر سکتی ہے اور اس پر عمل درآمد کو یقینی بنا سکتی ہے،

بھارتی سپریم کورٹ نے فیصلے میں کہا کہ اگر اسپیشل میرج ایکٹ کو ختم کر دیا جائے تو یہ ملک کو آزادی سے پہلے کے دور میں واپس لے جائے گا، اسپیشل میرج ایکٹ کے نظام میں تبدیلی کرنی چاہئے یا نہیں، اس کا فیصلہ پارلیمنٹ کو کرنا ہے، اس عدالت کو محتاط رہنا چاہیے کہ وہ قانون سازی کے میدان میں داخل نہ ہوں،ہم جنس پرستوں کا معاملہ دیہی یا شہری کا نہیں لوگ ہم جنس ہوسکتے ہیں چاہے ان کا تعلق کسی گاؤں یا شہر سے ہو، صرف انگریزی بولنے والا یہ دعویٰ نہیں کرسکتا کہ وہ ہم جنس پرست ہے یہ ایک کھیتوں میں کام کرنے والی عورت بھی ہوسکتی ہے،ہ ہم جنس پرستوں کی شادیوں کو قاعدے کے طور پر قبول نہیں کیا جاسکتا

سپریم کورٹ نے اس کیس میں بھارتی حکومت کا مؤقف بھی ریکارڈ کیا جس میں کہا گیا کہ حکومت ہم جنس پرستوں کو حقوق اور سہولیات کی فراہمی کیلئے ایک کمیٹی قائم کرے گی جو ان چیزوں کا جائزہ لے گی،بھارتی سپریم کورٹ میں دائر درخواست میں ہم جنس پرستوں کی شادی کو قانونی قرار دینے کی استدعا کی گئی تھی تاہم حکومت نے اس درخواست کی مخالفت کی تھی۔

یورپ ہم جنس پرستی میں پاگل،پاکستان،روس اس پاگل پن کے مخالف ہیں،روسی سفیر

نوجوان مرد ہم جنس پرست ایڈز کے مریض بننے لگے،اسلام آباد میں شرح بڑھ گئی

برطانیہ؛ہم جنس پرست جوڑے کو ہراساں کرنے والے باس پر کروڑوں روپے جرمانہ

ہندوستان ایک ہم جنس پرست ملک ہے آیوشمان کھرانہ

ہم جنس پرستی کو پاکستان میں قانونی تحفظ،مخالفت کریں گے،زاہد محمود قاسمی

ہم جنس پرست خواتین ڈاکٹرز نے آپس میں منگنی کر لی

رواں برس 2023 کے آٹھ ماہ کے دوران 11 ملین سیاحوں نے دبئی کا رخ کیا ،

متحدہ عرب امارات کے محکمہ سیاحت نے دبئی آنے والےسیاحوں کی آٹھ ماہ کی رپورٹ جاری کی ہے جس کے مطابق 2023 کے ابتدائی آٹھ ماہ میں سب سے زیادہ سیاح بھارت سے دبئی آئے،دبئی گزشتہ برسوں کے دوران غیر ملکی سیاحوں کا پسندیدہ ترین شہر بنتا جارہا ہے،دبئی میں غیر ملکی سیاح گزشتہ سال کے مقابلے میں آنے والے سال میں مسلسل اضافہ ہو رہا ہے، محکمہ سیاحت کے مطابق 2022 میں 9 ملین سیاح دبئی تھے جبکہ 2023 کے ابتدائی آٹھ ماہ میں 11 ملین سیاح دبئی آئے،

محکمہ سیاحت نے اعدادوشمار جاری کرتے ہوئے کہاکہ رواں برس کے پہلے آٹھ ماہ میں سب سے زیادہ 1.56 ملین بھارت سے آئے۔سعودی عرب سے سات لاکھ 85 ہزار، برطانیہ سے 7 لاکھ 34 ہزار، روس 7 لاکھ 31 ہزار سیاح دبئی پہنچے۔عمان سے رواں برس سیاحوں کی تعداد میں کمی ہوئی اورعمان7 لاکھ 11 ہزار سے پانچویں نمبر پر رہا ، امریکہ سے چار لاکھ 72 ہزار ، چین سے 3 لاکھ 92 ہزار، جرمنی سےتین لاکھ 71 ہزار اورایران سے دو لاکھ 54 ہزار سیاحوں نے رواں برس کے ابتدائی آٹھ ماہ میں دبئی کا رخ کیا.

رپورٹ کے مطابق سیاحوں کی آمد زیادہ ہونے سے دبئی میں ہوٹلوں کے کمروں کی بکنگ بھی زیادہ ہوئی ہے، ماہ اگست کے آخر میں دبئی میں ایک لاکھ 48 ہزار 500 کمروں کی بکنگ کی گئی،2022 میں یہ تعداد ایک لاکھ 42 ہزار تھی