Category: بین الاقوامی

جمعیت علما اسلام (س)کے امیر مولانا حامد الحق حقانی نے کہا کہ آج فلسطینی عوام پر ہونے والی ظلم و بربریت پر انسانی حقوق کے ٹھیکیداروں کی مجرمانہ خاموشی ان کے دوغلے معیار اور منافقانہ رویے کا بین ثبوت ہے۔ خدارا مسلم ممالک کے حکمران اپنے مفادات اور مجبوریوں سے نکل کر علی الا علان فلسطین کے مظلوم مسلمانوں کے شانہ بشانہ کھڑے ہو کر ان کو غاصب صہیونی اسرائیلی ریاست سے نجات دلائیں۔

انسانی حقوق کی بین الاقوامی تنظیموں کا فلسطینی مسلمانوں پر ہونے والے ظلم کو نظرانداز کرنا دراصل یہ ان کے دوغلے پن اور منافقانہ رویے کا ثبوت ہے. مولانا حامد الحق حقانی@HaqqaniHamid #PalestineGenocide #فلسطين_الآن pic.twitter.com/LNPpRtU19l

— Malik Ramzan Isra (@MalikRamzanIsra) October 18, 2023

جبکہ ان خیالات کا اظہار انہوں نے ملتان میں خدمات مولانا سمیع الحق شہید کانفرنس سے خطاب کرتے ہوئے کیا۔ مولانا حامد الحق نے کہا کہ مولانا سمیع الحق شہید ساری زندگی دنیا بھر کے مظلوم مسلمانوں کی توانا آواز رہے۔ انہوں نے ہمیشہ مظلوم فلسطینیوں سمیت مظلوم کشمیری، افغانی اور برمی مسلمانوں کا مقدمہ لڑا اور اسی جرم کی پاداش میں انہیں ملک اور اسلام دشمن عناصر نے شہید کردیا۔ مولانا سمیع الحق شہید کی خدمات کسی سے مخفی نہیں۔ ان کے لازوال کردار کے بدولت پاکستان کے آئین میں اسلامی شقوں کا اضافہ ہوا۔ انکی ساری زندگی پاکستان میں اسلامی نظام کے نفاذ کی جدو جہد میں گزری۔ مولانا سمیع الحق شہید کی خدمات رہتی دنیا تک یاد رکھیں جائیں گی۔

مولانا حامد الحق حقانی نے کہاکہ قبلہ اول بیت المقدس مسلمانوں کی عقیدتو ں کا مرکز ہے اس سے کسی بھی حال سے دستبردار نہیں ہوسکتے۔مظلوم فلسطینی مسلمانوں پر جاری وحشیانہ ظلم و جبر پر اقوام عالم بالخصوص امت مسلمہ کے نام نہاد حکمرانوں کی خاموشی شرمناک اور بزدلانہ فعل ہے۔ گزشتہ پون صدی سے مظلوم فلسطینیوں کی جان و مال اور انسانی حقوق کی بدترین پامالی اقوام عالم کے ماتھے پر بدنما داغ ہے۔ مسئلہ فلسطین پر بین الاقوامی ادارے منصفانہ طرز عمل کو پروان چڑھائیں، اب وقت ہے کہ ناجائز قابضین و جابرین کی پشت پناہی کو چھوڑ کر حقیقی حریت پسندوں کی آواز کو سنیں اگر اب بھی مظلومین کی آواز کو سن کر داد رسی نہ کی گئی تو اس کے بھیانک نتائج برآمد ہوسکتے ہیں۔مولانا حامد الحق حقانی نے کہاکہ اب بھی وقت ہے کہ اقوام عالم مسئلہ فلسطین کے پرامن اور قابل قبول حل کے لئے سنجیدہ اقدامات اٹھائیں ۔
مزید یہ بھی پڑھیں:
آئی سی سی نے نئی رینکنگ جاری کردی
جناح ہائوس حملہ کیس، خدیجہ شاہ سمیت 6 ملزمان کی ضمانت منظور
کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
انٹر بینک؛ روپے کے مقابلے میں ڈالر کی قدر میں پھر اضافہ
مولانا حامد الحق نے مسلم دنیا بالخصوص پاکستان ،سعودی عرب،قطر،ایران ،ترکی اوردیگر مسلم ممالک سے اپیل کی کہ وہ مظلوم فلسطینیوں کا بھرپور ساتھ دیتے ہوئے ان کے ساتھ ہر قسم کا سیاسی ،اخلاقی،مالی اور جانی تعاون پیش کریں۔کانفرنس سے جمعیت علماء اسلام (س) کے مرکزی نائب امیر پیر حبیب الرحمن درخواستی، مرکزی جنرل سیکریٹری مولانا سید محمد یوسف شاہ، شمالی پنجاب کے امیر پیر عبد القدوس نقشبندی، جنوبی پنجاب کے امیر مولانا اسعد درخواستی، ترجمان مولانا عبد الصمد درخواستی، مجلسِ احرار کے سربراہ مولانا سید کفیل شاہ بخاری، قاری سعید احمد ، مفتی ممتاز ، مولانا رحمت الرحمن درخواستی، پیر اکبر ساقی، قاضی خلیل احمد ، مولانا شبیر احمد عثمانی ، مولانا عبد الرحمن جامی کے علاؤہ جمعیت کے دیگر رہنماؤں اور مختلف مذہبی و سیاسی جماعتوں کے رہنماؤں نے بھی شرکت کی اور خطاب کیا۔دریں اثنا جمعیت علماء اسلام (س) جنوبی پنجاب کا اجلاس ملتان میں منعقد ہوا جس میں صوبہ بھر سے اراکین شوری نے شرکت کی۔ مولانا حامد الحق حقانی نے بطور مہمان خصوصی اجلاس میں شرکت کی اور خطاب فرمایا۔

فلسطینی عوام کے خلاف وحشیانہ اسرائیلی فوجی جارحیت پر وزرائے خارجہ کی سطح پر او آئی سی ایگزیکٹو کمیٹی کے غیر معمولی اوپن اینڈڈ اجلاس کا حتمی اعلامیہ جاری کردیا گیا ہے.

اسلامی تعاون تنظیم کی ویب سائٹ کے مطابق ایگزیکٹو کمیٹی نے مملکت سعودی عرب کی مشترکہ دعوت پر 3 ربیع الثانی 1445 بمطابق 18 اکتوبر 2023 ء کو وزرائے خارجہ کی سطح پر منعقد ہونے والے اپنے غیر معمولی اوپن اینڈڈ اجلاس میں اسلامی سربراہی اجلاس کے موجودہ اجلاس کے چیئرمین اور ایگزیکٹو کمیٹی کے چیئرمین، اور اسلامی جمہوریہ پاکستان فلسطینی عوام کے خلاف جاری اسرائیلی فوجی جارحیت پر تبادلہ خیال کیا ، اسلامی تعاون تنظیم کے چارٹر میں شامل اصولوں اور مقاصد کو یاد کرتے ہوئے مسئلہ فلسطین اور شہر القدس الشریف کے حوالے سے اسلامی تعاون تنظیم کی طرف سے جاری کردہ تمام قراردادوں پر زور دیتا ہے۔

اسلامی ممالک کی تنظیم او آئی سی نے غزہ کے ایک ہاسپیٹل پر اسرائیلی حملے کی شدید مذمت کی ہے، کیا او آئی سی کا مذمتی بیان کافی ہے یا او آئی سی کو اسرائیل کے خلاف کوئی عملی قدم بھی اٹھانا چاہئیے؟ #CapitalTalk https://t.co/5rTe5VJGXE

— Hamid Mir حامد میر (@HamidMirPAK) October 18, 2023

جبکہ مزید کہا کہ پوری امت مسلمہ کے لئے مسئلہ فلسطین کی مرکزیت پر زور دینے کا اعادہ کرنا ہے۔ اور فلسطینی عوام کے ناقابل تنسیخ حقوق کی حمایت، خاص طور پر ان کے حق خودارادیت اور فلسطینی پناہ گزینوں کی واپسی، ان کا حق آزادی، اور 4 جون 1967 کو اس کے دارالحکومت القدس الشریف کی سرحدوں پر فلسطین کی آزاد اور خودمختار ریاست کے مجسمے کے ساتھ ساتھ ان کی زندگیوں کو نشانہ بنانے والی اسرائیلی جارحیت کا مقابلہ کرنے کے لئے ان کے جائز حق خود ارادیت کی حمایت، ان کے تقدس اور ان کی خصوصیات مقبوضہ فلسطینی علاقے میں کھلم کھلا اور بے مثال اسرائیلی جارحیت اور اسرائیلی قابض افواج کی جانب سے غزہ کی پٹی میں شہریوں کے بہیمانہ قتل عام کی روشنی میں، جس کے نتیجے میں سیکڑوں بے گناہ شہری ہلاک، ہزاروں زخمی اور ان کے گھروں کو مسمار کرکے لاکھوں بے گھر ہوئے ہیں.

اعلامیہ کے مطابق فلسطینی عوام کے خلاف اسرائیلی قابض افواج کی وحشیانہ جارحیت کے فوری خاتمے اور غزہ پٹی کا محاصرہ فوری طور پر ختم کرنے کا مطالبہ کیا گیا ہے۔ محصور غزہ پٹی اور پورے مقبوضہ فلسطینی علاقے میں شہریوں کے خلاف بے مثال جارحیت کی شدید مذمت کرتے ہوئے ان پر بمباری، جان بوجھ کر انفراسٹرکچر کو تباہ کرنے، مظالم ڈھانے اور انہیں ختم کرنے کی دھمکیاں دینے کے ساتھ ساتھ کسی بھی بہانے سے شہریوں کو نشانہ بنانے یا انہیں ان کے گھروں سے بے دخل کرنے، یا بھوک سے محروم کرنے اور تمام بین الاقوامی اصولوں کی خلاف ورزی کرتے ہوئے انہیں انسانی امداد تک محفوظ رسائی سے محروم کرنے کی شدید مذمت کرتا ہے۔

جبکہ انہوں نے تمام ممالک پر زور دیا کہ وہ فوری طور پر انسانی، طبی اور امدادی امداد، پانی اور بجلی فراہم کریں اور فوری طور پر انسانی راہداریاں کھولیں تاکہ غزہ کی پٹی تک فوری امداد بشمول اقوام متحدہ کے اداروں بالخصوص مشرق قریب میں فلسطینی پناہ گزینوں کے لیے اقوام متحدہ کے ریلیف اینڈ ورک ایجنسی (یو این آر ڈبلیو اے) کے ذریعے فوری طور پر فوری امداد پہنچائی جا سکے اور اس سلسلے میں اس کی کوششوں کی حمایت کی جا سکے۔ شہریوں کو جان بوجھ کر نشانہ بنانے اور اجتماعی سزا دینے کی پالیسی کو جاری رکھنے اور بھوک، پانی کی کمی اور ایندھن تک رسائی کی روک تھام کی وجہ سے غزہ کی پٹی میں بجلی پیدا کرنے والے واحد اسٹیشن کو بند کرنے، بین الاقوامی انسانی قوانین کی خلاف ورزی اور بین الاقوامی جرائم کے ارتکاب کے مترادف تمام صحت اور انسانی خدمات کے لئے ایک حقیقی تباہی کا باعث بننے کے خطرے کے بارے میں خبردار کیا۔ جس میں انسانیت کے خلاف جرم بھی شامل ہے۔
مزید یہ بھی پڑھیں:
بچوں کو قتل کرنے والا ملزم پولیس مقابلے میں ہلاک
جناح ہائوس حملہ کیس، خدیجہ شاہ سمیت 6 ملزمان کی ضمانت منظور
کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
انٹر بینک؛ روپے کے مقابلے میں ڈالر کی قدر میں پھر اضافہ
واضح رہےکہ پاکستان کی وزارت خارجہ کے ایک بیان کے مطابق وزیر خارجہ جلیل عباس جیلانی جدہ میں منعقد ہونے والے او آئی سی ایگزیکٹو کمیٹی کے وزارتی اجلاس میں شرکت کر رہے ہیں اور اس وزارتی اجلاس میں اپنے خطاب میں وزیر خارجہ جیلانی غزہ میں سنگین انسانی صورت حال کے بارے میں پاکستان کے سنگین خدشات اور جنگ بندی، محاصرہ ختم کرنے اور غزہ کے عوام کو امدادی امداد کی فراہمی کی فوری ضرورت پر زور دیا۔ اس موقع پر وزیر خارجہ او آئی سی کے دیگر رکن ممالک کے اپنے ہم منصبوں سے بھی ملاقاتیں ہیں۔

ورلڈ کپ 2023 کے لیئے 20 اکتوبر کو شیڈول میچ کو پاکستان اور آسٹریلیا کے درمیان ہونا ہے میں دو روز قبل بھارت کے شہر بنگلورو کے تجارتی مرکز میں ایک دھماکہ ہوا ہے اور پاکستان کی قومی کرکٹ ٹیم بھی ان دنوں بنگلورو میں موجود ہے تاہم پانچ اکتوبر کو پاکستان اور بھارت کے درمیان احمد آباد میں کھیلے گئے میچ سے قبل بھارتی میڈیا نے دہشت گردی کا الرٹ جاری ہونے کی اطلاعات دی تھیں، جس کے بعد احمد آباد اسٹیڈیم اور اس کے اطراف میں سیکیورٹی بڑھا دی گئی تھی۔

Blast in Bangalore Raises Security concern for Pakistan and other Teams in World Cup pic.twitter.com/ezvEKqxxPP

— ٰImran Siddique (@imransiddique89) October 18, 2023

جبکہ بھارتی میڈیا کے مطابق دھماکہ بنگلورو کی ایک 4 منزلہ عمارت میں ہوا اور اس کے نتیجے میں عمارت میں آگ بھڑک اٹھی اور دیکھتے ہی دیکھتے پوری عمارت کو اپنی لپیٹ میں لے لیا۔

مزید یہ بھی پڑھیں:
مفاد پرست سیاستدانوں نے کراچی کو تباہی کے سوا کچھ نہیں دیا . احمد ندیم
جناح ہائوس حملہ کیس، خدیجہ شاہ سمیت 6 ملزمان کی ضمانت منظور
کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
انٹر بینک؛ روپے کے مقابلے میں ڈالر کی قدر میں پھر اضافہ
جبکہ ابتدائی رپورٹس میں کہا گیا ہے کہ دھماکہ عمارت کی چھت پر واقع مڈ پائپ نامی ایک کیفے میں گیس سلنڈر پھٹنے کے باعث ہوا ہے اور دھماکے کے نتیجے میں 2 افراد بھی زخمی ہوئے ہیں۔

فلسطینی مزاحمتی تنظیم حماس نے غزہ کے الاہلی اسپتال پر اسرائیلی فوج کے حملے کے حوالے سے امریکی صدر جو بائیڈن کے بیان پر ردعمل میں کہا ہے کہ امریکی صدر جوبائیڈن اسرائیل کی حمایت میں اندھی جانبداری کا مظاہرہ کر رہے ہیں، اور حقائق کو تہس نہس کررہے ہیں علاوہ ازیں ماہرین کا بھی کہنا ہے کہ بائیڈن کو ایسا بیان نہیں دینا چاہئے تھا اور ایسے بیانات سے عالمی رہنماؤں کو اجتناب کرنا چاہئے. جبکہ عالمی ادارے کے ایک صحافی نے کہا کہ امریکہ اسرائیل کی حمایت میں اندھا ہوچکا ہے.

خیال رہے کہ امریکی صدر جو بائیڈن حماس کیخلاف جنگ میں یکجہتی کا اظہار کرتے ہوئے اسرائیل پہنچے اور کہا کہ غزہ کے ایک ہسپتال میں ہونے والے دھماکے میں بڑی تعداد میں فلسطینی ہلاک ہوئے ہیں اور ایسا لگتا ہے کہ یہ اسرائیل کی وجہ سے نہیں بلکہ اس کے دشمنوں کی وجہ سے ہوا ہے۔ منگل کی شام الاہلی العربی ہسپتال میں آگ لگنے سے وائٹ ہاؤس میں مشرق وسطیٰ کے لیے بائیڈن کے ہنگامی سفارتی مشن کے منصوبوں کو نقصان پہنچا اور عرب رہنماؤں نے ان کے ساتھ طے شدہ ملاقات منسوخ کر دی۔

روئیٹرز کے مطابق فلسطینی حکام نے اس دھماکے کا ذمہ دار اسرائیلی فضائی حملے کو قرار دیا ہے جس کے بارے میں ان کا کہنا تھا کہ اس حملے میں کم از کم 500 افراد ہلاک ہوئے تھے۔ اسرائیل کا کہنا ہے کہ یہ دھماکہ فلسطینی شدت پسند گروپ اسلامک جہاد کی جانب سے ناکام راکٹ داغے جانے کی وجہ سے ہوا۔ اسرائیلی وزیر اعظم بینجمن نیتن یاہو کے ہمراہ گفتگو کرتے ہوئے جو بائیڈن نے کہا کہ ‘میں گزشتہ روز غزہ کے اسپتال میں ہونے والے دھماکے سے بہت افسردہ اور مشتعل تھا اور جو کچھ میں نے دیکھا ہے اس کی بنیاد پر ایسا لگتا ہے کہ یہ آپ نے نہیں بلکہ دوسری ٹیم نے کیا تھا۔
مزید یہ بھی پڑھیں:
جناح ہائوس حملہ کیس، خدیجہ شاہ سمیت 6 ملزمان کی ضمانت منظور
کسان، مزدور اور قوم پیپلزپارٹی سے امیدیں لگائے بیٹھی ہے۔ بلاول بھٹو زرداری
انٹر بینک؛ روپے کے مقابلے میں ڈالر کی قدر میں پھر اضافہ
جبکہ بائیڈن نے مزید کہا کہ لیکن بہت سے لوگوں کو یقین نہیں ہے، لہذا ہمارے پاس بہت کچھ ہے، ہمیں بہت سی چیزوں پر قابو پانا ہوگا۔’ "دنیا دیکھ رہی ہے. امریکہ اور دیگر جمہوریتوں کی طرح اسرائیل کی بھی قدر و قیمت ہے اور وہ دیکھنا چاہتے ہیں کہ ہم کیا کرنے جا رہے ہیں۔ بائیڈن کا مشرق وسطیٰ کا دورہ خطے کو پرسکون کرنے کے لیے کیا گیا تھا، یہاں تک کہ انہوں نے اپنے اتحادی اسرائیل کے لیے امریکی حمایت کا مظاہرہ کیا، جس نے حماس تحریک کو ختم کرنے کا عہد کیا ہے، جس کے جنگجوؤں نے 7 اکتوبر کو ایک ہنگامہ آرائی میں 1،400 اسرائیلیوں کو ہلاک کیا تھا۔

سات اکتوبر کو حماس نے اسرائیل پر حملہ کیا، اس حملےکے دوران کئی افراد کو یرغمال بنایا گیا، اطلاعات کے مطابق حماس نے 14 امریکیوں کو بھی یرغمال بنایا ہے ،جن کی رہائی کے لئے حماس نے کہا ہے کہ ہم اپنے قیدی امریکہ سے بدلے میں چھڑوائیں گے، اب تک 20 امریکی لاپتہ ہیں، جن میں سے 14 حماس کے پاس ہیں،

لاپتہ اور یرغمال امریکیوں کے خاندانوں سے امریکی صدر جوبائیڈن نے بات کی اور کہا کہ میرا عزم اور کوشش ہے کہ ہر لاپتہ امریکی کو واپس لایا جائے،ہم حماس کے پاس امریکی یرغمالیوں کی رہائی کے لئے بھی کام کر رہے ہیں،تاہم امریکی صدر نے فی الحال امدادی دستے بھیجنے سے انکار کیا، امریکہ حماس کے ساتھ مذاکرات کے لئے قطر اور ترکی کو استعمال کر رہا ہے،اسرائیل نے یرغمالیوں کی رہائی کے لئے حماس کے قیدی چھوڑنے سے انکار کر دیا ہے تا ہم میڈیا رپورٹس کے مطابق امریکی صدر اپنے قیدیوں کی رہائی کے لئے حماس کے قیدی رہا کر سکتے ہیں

حماس کے ایک سینئر رہنما علی براکا نے خبر رساں ادارے سے بات کرتے ہوئے کہا کہ امریکہ میں ایسے قیدی ہیں ہم چاہتے ہیں کہ انکو رہا کیا جائے،حماس کے ارکان امریکی جیلوں میں ہیں، انکو عمر قید کی سزا سنائی گئی ہے، ہم چاہتے ہیں کہ امریکہ ہمارے بیٹوں‌کو امریکی جیلوں سے رہا کرے، امریکہ قیدیوں کا تبادلہ کرتا ہے، اس نے ایران کے ساتھ قیدیوں کا تبادلہ کیا ہے تو ہمارے ساتھ کیوں نہیں کر سکتا؟

حماس رہنما کا کہنا تھا کہ امریکہ میں ایسے فلسطینی بھی قید ہیں جنہیں امریکہ نے فلسطین میں مزاحمت کی حمایت کے الزام میں گرفتار کیا، ان افراد پر غزہ میں محصور افراد کی مدد کرنے کے لئے فلاحی تنطیمیں چلانے کا الزام لگایا گیا ہے

میڈیا رپورٹس کے مطابق ہولی لینڈ فاؤنڈیشن کیس، امریکہ کا خیراتی ادارہ ہے جس کی اہم شخصیات کو حماس کو لاکھوں روپے بھجوانے کے جرم میں مجرم قرار دیا گیا تھا، حماس کو حماس رہنما خالد مشعل کے بھائی میں بھی دلچسپی ہو گی ، عبدالقادر, خالد کےسوتیلے بھائی ہیں اور ٹیکساس کی ایک جیل میں 20 برس قید کی سزا کاٹ رہے ہیں،دہشت گردون کی مالی معاونت اور دہشت گردانہ دھمکیوں کا مقدمہ ان پر بنایا گیا تھا.

امریکہ میں عبدالقادر کی رہائی کے لئے وبائی مرض کرونا کے دنوں میں بھی تحریک چلائی گئی تھی کہ اسکی عمر 60 برس سے زائد ہے، اور اسے کرونا ہو سکتا ہے، اسے رہا کیا جائے تاہم امریکہ نے عبدالقادر کو رہا کرنے سے انکار کر دیا تھا، جیل میں اسے کرونا ہو بھی گیا تھا تا ہم وہ صحتیاب ہو گیا، اب 2025 میں اسکی سزا ختم ہو جائے گی.

قطر جو امریکہ اور حماس کے مابین قیدیوں کی رہائی کے لئے مذاکرات کر رہا ہے وہ یہ ممکنہ طور پر دلیل دے سکتا ہے کہ عبدالقادر تو دو برس بعد رہا ہونے ہی والے ہین.

امریکی یرغمالیوں کی رہائی ہوتی ہے یا نہیں آئندہ چند دنون میں واضح ہو جائے گا، امریکی صدر جوبائیڈن بھی اسرائیل کے دورے پر ہیں جنہوں نے غزہ میں ہسپتال پر حملے کا ذمہ دار اسرائیل کو نہیں بلکہ فلسطین کو ٹھہرایا ہے،

ہسپتال حملہ،اسرائیل کا انکار،اسلامک جہاد کو ذمہ دار قرار دے دیا

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

اقوام متحدہ کا غزہ میں جنگ بندی کا مطالبہ

ہسپتال پر اسرائیلی حملہ ،جوبائیڈن کا دورہ اردن منسوخ

ہسپتال پر ‘اسرائیلی حملہ’ ایک ‘گھناؤنا جرم’ ہے،سعودی عرب

ہسپتال پر بمباری،فلسطینی صدر کی جوبائیڈن سے ملاقات منسوخ

اسرائیل نے گزشتہ شب غزہ کے ہسپتال پر بمباری کی ہے جس سے کم از کم 500 افراد کی موت ہوئی ہے، اسرائیل کی جانب سے ہسپتال پر یہ پہلا حملہ نہیں بلکہ سات اکتوبر سے اب تک اسرائیل تقریبا 115 چھوٹے بڑے طبی مراکز پر حملے کر چکا ہے جن میں سے کئی مکمل تباہ ہو گئے ہیں، مسلسل اسرائیلی بمباری کی وجہ سے طبی عملے کی بھی اموات ہوئی ہیں

اسرائیلی حملوں میں اب تک 3500 اموات ہو چکی ہیں جبکہ 12 ہزار شہری زخمی ہیں،ہسپتال پر حملے کے بعد برطانیہ میں فلسطینی اور انسانی حقوق کی تنظیموں نے برطانوی حکومت سے اسرائیل کو ہتھیاروں کی فروخت بند کرنے کا مطالبہ کر دیا،برطانیہ میں تنطیموں نے برطانوی وزیر خارجہ برائے بین الاقوامی تجارت کو خط لکھا جس میں مطالبہ کیا گیا کہ اسرائیل سے اسلحہ برآمد کے تمام لائسنس معطل کئے جائیں.

ہسپتال پر بمباری کے بعد غزہ میں وزارت صحت کی جانب سے ڈاکٹر یوسف ابوریش نے ہسپتال میں پریس کانفرنس کی ،پریس کانفرنس کی تصاویر اور ویڈیو سامنے آئی ہیں، اس پریس کانفرنس میں میڈیا کی بجائے، انسانی لاشوں کا ڈھیر ان کے سامنے ہے،ڈائس کے ساتھ ایک والد اپنے بیٹے کی لاش کو اٹھا کر دنیا کے سامنے بےبسی کی تصویر بنا ہوا ہے،ڈاکٹر ود آؤٹ بارڈرز کے ڈاکٹر غسان کا کہنا تھا کہ ہم ہسپتال میں سرجری کر رہے تھے کہ اچانک زوردار دھماکہ ہوا،یہ ایک قتل عام ہے،

ہسپتال حملہ،اسرائیل کا انکار،اسلامک جہاد کو ذمہ دار قرار دے دیا

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

اقوام متحدہ کا غزہ میں جنگ بندی کا مطالبہ

ہسپتال پر اسرائیلی حملہ ،جوبائیڈن کا دورہ اردن منسوخ

ہسپتال پر ‘اسرائیلی حملہ’ ایک ‘گھناؤنا جرم’ ہے،سعودی عرب

ہسپتال پر بمباری،فلسطینی صدر کی جوبائیڈن سے ملاقات منسوخ

اقوام متحدہ کے سیکرٹری جنرل نے غزہ میں فوری انسانی بنیادوں پر جنگ بندی کا مطالبہ کردیا

انتونیو گوتریس نے اسرائیل سے مطالبہ کیا ہے کہ لوگوں کی بنیادی ضروریات کو پورا کرنے کے لیے فوری طور پر انسانی امداد کی غیر محدود رسائی کی اجازت دی جائے،غزہ میں خواتین اور بچوں کی فوری بنیادی ضروریارت کو پورا کیا جائے،منگل کے روز غزہ کے ہسپتال میں ہونے والے دھماکے ، جس میں سینکڑوں افراد جاں بحق ہوئے سے بہت خوفزدہ ہوں،”میرا دل متاثرین کے خاندانوں کے ساتھ ہے۔ ہسپتالوں اور طبی عملے کو بین الاقوامی انسانی قانون کے تحت تحفظ حاصل ہے،”انتونیو گوتریس نے غزہ کے پناہ گزین کیمپ میں اقوام متحدہ کے زیر انتظام اسکول پر حملے کی بھی مذمت کی.

اسرائیل کی جانب سے غزہ کے ہسپتال پر بمباری کے بعد روس کا ردعمل بھی سامنے آیا ہے، روسی وزارت خارجہ کا کہنا ہے کہ ہسپتال پر حملہ جرم اور غیر انسانی فعل ہے، اگر اسرائیل اس حملے میں ملوث نہیں تو وہ اس کی سیٹلائٹ تصاویر لازمی جاری کرے.ترجمان کا کہنا تھاکہ مشرق وسطیٰ میں تیزی سے پھیلتی صورتحال خطے کے باہر تک پہنچ چکی ہے

جمعیت علماء اسلام کے سربراہ مولانا فضل الرحمان نے کہا ہے کہ غزہ کے ھسپتال پر بمباری کرکے آٹھ سو سے زائد انسانوں کو شہید کرکے جس بربریت ظلم اور انسانیت کشی کا مظاھرہ اسرائیل نے کیا ھے جنگی جرائم کی تاریخ میں اس کی مثال مشکل سے مل سکے گی۔ اسرائیل کے ان جنگی جرائم ظلم اور بربریت میں امریکہ اور یورپ کے ممالک برابر کے شریک ھیں۔ مسلم امہ اور انسانیت دوست ممالک کو اب روایتی بیانات سے ھٹ کر اقدامات کرنے ھونگے۔

فرانس کے صدر ایمانوئیل میکرون نے بھی اسرائیل کی جانب سے غزہ کے اسپتال پر حملےکی مذمت کی اور کہا کہ ہسپتال اور شہریوں پرحملے کا کوئی جواز پیش نہیں کیا جا سکتا،ضرورت اس امر کی ہے کہ غزہ کے لیے انسانی امداد کا رستہ فوری طور پر کھولا جائے،

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان

 پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

اسرائیل پر حملہ کی اصل کہانی مبشر لقمان کی زبانی

حماس کا وجود مٹانا ہو گا،تاہم غزہ پر اسرائیلی قبضہ غلطی ہو گی،امریکی صدر

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

ہسپتال حملہ،اسرائیل کا انکار،اسلامک جہاد کو ذمہ دار قرار دے دیا

اسرائیلی حملہ،مسلم ممالک کی خاموشی سوالیہ نشان ہے، حافظ نعیم
جماعت اسلامی کراچی کے امیر حافظ نعیم نے کہا ہے کہ فلسطین سے یکجہتی کے لیے جماعت اسلامی کی تحریک جاری ہے، پوری دنیا کا اس وقت سب سے بڑا مسئلہ فلسطین اور غزہ ہے، اسرائیل نے دہشت گردی کا مظاہرہ کرتے ہوئے ہزاروں فلسطینیوں کو شہید کیا، کل اسپتال میں بم پھینکا جس سے اسی وقت 500 افراد شہید ہوئے،مسلم ممالک کی خاموشی سوالیہ نشان ہے، حماس نے جمہوری جماعت کے طور پر انتخاب میں کامیابی حاصل کی تھی، حماس سیلف ڈیفینس کا استعمال کرتے ہوئے مقابلہ کررہی ہے،امریکہ نے فلسیطن کی مخالفت میں اسرائیل کا ساتھ دیا ،

ہسپتال پر بمباری، ملت جعفریہ پاکستان کا جمعہ کو یوم احتجاج کا اعلان
قائد ملت جعفریہ پاکستان علامہ ساجد نقوی نے غزہ کے بڑے اسپتال میں سینکڑوں نہتے شہریوں کے قتل عام کی شدید مذمت کرتے ہوئے تین روزہ سوگ کی حمایت، جمعہ کو یوم احتجاج کا اعلان کر دیا، علامہ ساجد نقوی کا کہنا تھا کہ غزہ میں ڈھائے جانیوالے مناظر دیکھے جاسکتے ہیں نہ ایسے الفاظ کہ کربناک مظالم کو بیان کیا جاسکے، صیہونی سامراجی قوتوں کے بدنما چہرے،عزائم اور باطنی حقیقت کھل کر سامنے آگئی، غزہ میں ظلم کی تاریک رات برپا مگر افسوس اسلامی ممالک، او آئی سی ، عرب لیگ ودیگر تنظیمیں صرف بیانات تک محدود ہیں،مظالم کی انتہاءکے باوجود پاکستا ن کی جماعتیں اور تنظیمیں کسی ایک مناسب اقدام پر متفق نہ ہوسکیں، وقت آگیا کہ سامراجی و صیہونی ظلم کےخلاف قراردادوں یا نعروں کی بجائے امہ متفقہ عملی اقدام اٹھائے،

صدر پاکستان کی غزہ میں ہسپتال پر وحشیانہ اسرائیلی فضائی حملے کی مذمت
صدر مملکت نے غزہ میں اسپتال پر اسرائیلی حملے کے نتیجے میں خواتین اور بچوں سمیت سینکڑوں افراد کے جاں بحق ہونے پر اظہارِ مذمت کی ہے، صدر مملکت نے اسرائیلی فضائی حملے کے نتیجے میں معصوم جانوں کے المناک نقصان پر اپنے گہرے افسوس کا اظہار کیا اور کہا کہ اسرائیل نے ایک ہسپتال پر حملہ کر کے تمام بین الاقوامی اور اخلاقی اصولوں کو پامال کیا، صدر مملکت نے اسرائیل کی طرف سے سنگین جنگی جرائم کے ارتکاب پر تشویش کا اظہار کرتے ہوئے کہا کہ اسرائیل شہری آبادیوں اور صحت کی سہولیات کو بلاامتیاز نشانہ بنا رہا ہے،عالمی برادری اسرائیل کو اس کے جنگی جرائم پر جوابدہ ٹھہرائے اور اسرائیلی بمباری اور غزہ کے جاری محاصرے کو فوری طور پر روکنے کے لیے فوری اقدامات کرے،

باغی ٹی وی کی رپورٹ کے مطابق امریکی صدر جوبائیڈن اسرائیل کے دورے پر پہنچے، اسرائیلی وزیراعظم نتین یاہو سے امریکی صدر نے ملاقات کی، اس موقع پر امریکی صدر نے غزہ کے ہسپتال پر اسرائیلی حملے کی ذمی دار فلسطینی گروپ پر ڈال دی، جوبائیڈن بھی اسرائیلی وزیراعظم کی زبان بولنے لگ گئے

غیر ملکی میڈیا رپورٹس کے مطابق امریکی صدر جوبائیڈن کی اسرائیل آمد پر اسرائیلی وزیراعظم نے پرتپاک استقبال کیا،بعد ازاں اسرائیلی وزیراعظم سے بات چیت کرتے ہوئے امریکی صدر جوبائیڈن نےیقین دہانی کروائی کہ امریکہ غزہ میںجنگ کے دوران اسرائیل کو اسکے دفاع کے لئے سب کچھ فراہم کرے گا،امریکی صدر نے اس دوران بات کرتے ہوئے بتایا کہ اسرائیل حماس کی لڑائی میں 31 امریکی شہری بھی مارے گئے ہیں،

امریکی صدر جوبائیڈین نے اسرائیلی وزیراعظم سے بات چیت کے دوران غزہ کے ہسپتال پر حملے کی ذمہ داری فلسطینی گروپ پر ڈالتے ہوئے کہا کہ یہ حملہ بظاہر آپ نے نہیں دوسری ٹیم نے کیا، ساری دنیا کو دکھانے کے لیے کہ ہم اسرائیل کے ساتھ ہیں، میں یہاں آیا ہوں،ہم اسرائیل کی بھرپور مدد کریں گے،

قبل ازیں اسرائیل کی جانب سے غزہ کے ہسپتال پر وحشیانہ حملے کے بعد فلسطینی صدر محمود عباس نے امریکی صدر سے ملاقات منسوخ کی ہے جس کے بعد امریکی صدر نے اردن کا دورہ ملتوی کر دیا،امریکی صدر جوبائیڈن کل اسرائیل پہنچے تھے، آج اردن میں انکی فلسطینی صدر سے ملاقات تھی تا ہم گزشتہ شب اسرائیل نے ہسپتال پر بمباری کی جس سے 800 کے قریب شہری شہید ہوئے، اس وحشیانہ حملے کے بعد فلسطینی صدر رام اللہ واپس چلے گئے اور کہا کہ امریکی صدر سے ملاقات نہیں کروں گا،غزہ میں ہسپتال پر اسرائیلی بمباری کے بعد اردن نے عمان میں چار ملکی سربراہی اجلاس منسوخ کردیا ہے ،اجلاس میں امریکی صدر جوبائیڈن، مصر اور فلسطینی رہنماؤں نے شرکت کرنی تھی، امریکی صدر جوبائیڈن کا دورہ اردن منسوخ ہونے کے بعد آج وہ واپس روانہ ہو جائیں گے،

ہسپتال پر حملے پر امریکی صدر جوبائیڈن کا کہنا ہے کہ میں غزہ کے العہلی عرب اسپتال میں ہونے والے دھماکے اور اس کے نتیجے میں ہونے والے ہولناک جانی نقصان پر شدید غمزدہ ہوں۔ اس خبر کو سنتے ہی، میں نے اردن کے شاہ عبداللہ دوم اور اسرائیل کے وزیر اعظم نیتن یاہو سے بات کی اور اپنی قومی سلامتی کی ٹیم کو ہدایت کی کہ وہ اس بارے میں معلومات اکٹھا کرتے رہیں کہ اصل میں کیا ہوا ہے،ریاست ہائے متحدہ تنازعات کے دوران شہریوں کی زندگیوں کے تحفظ کے لیے واضح طور پر کھڑا ہے اور ہم اس سانحے میں جاں بحق یا زخمی ہونے والے مریضوں، طبی عملے اور دیگر بے گناہوں کے لیے سوگوار ہیں،

دوسری جانب ایرانی وزیر خارجہ عامر عبد اللہیان ہنگامی دورے پر سعودی عرب پہنچ گئے۔ ایرانی وزیر خارجہ نے غزہ العہلی ہسپتال پر ہونیوالے حالیہ اسرائیل حملے ہر بیان دیا تھا کہ ” بس! اب بہت ہو گیا” اسرائیل کو غزہ پر حملوں کی اجازت نہیں دی جائے گی، اگر فلسطینیوں پر حملے نہ رکے تو کارروائی کی جا سکتی ہے،اگر آج ہم نے غزہ کا دفاع نہیں کیا تو کل ہمیں اپنے ہسپتالوں میں اسرائیلی فاسفورس بموں سے نمٹنا پڑے گا۔

ہسپتال پر حملے کے بعد ملالہ یوسفزئی کا بھی ردعمل سامنے آیا ہے، ملالہ نے ویڈیو جاری کی ہے جس میں انہوں نے کہا ہے کہ میں غزہ میں العہلی ہسپتال پر بمباری دیکھ کر خوفزدہ ہوں اور اس کی واضح الفاظ میں مذمت کرتی ہوں۔ میں اسرائیلی حکومت پر زور دیتی ہوں کہ وہ غزہ میں انسانی امداد کی اجازت دے اور جنگ بندی کے مطالبے کا اعادہ کرے۔ میں تین خیراتی اداروں کو $300K عطیہ کررہی ہوں جو حملے میں فلسطینیوں کی مدد کر رہے ہیں.

واضح ر ہے کہ اسرائیل نے غزہ میں ایک ہسپتال پر بمباری کی ہے،وزارت صحت کے مطابق ایک اسرائیلی فضائی حملہ میں غزہ شہر کے ہسپتال کو نشانہ بنایا جو زخمیوں اور پناہ کے متلاشی دیگر فلسطینیوں سے بھرا ہوا تھا۔اسرائیل کی جانب سے متوقع زمینی حملے سے قبل شہر اور ارد گرد کے علاقوں کو خالی کرنے کا حکم دینے کے بعد غزہ شہر کے کئی ہسپتال سینکڑوں لوگوں کے لیے پناہ گاہ بن گئے ہیں۔حملے میں پانچ سو سے زائد اموات ہوئی ہیں،

غزہ کے ہسپتال پر اسرائیلی فضائی حملے میں سینکڑوں افراد ہلاک

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان

 پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

اسرائیل پر حملہ کی اصل کہانی مبشر لقمان کی زبانی

حماس کا وجود مٹانا ہو گا،تاہم غزہ پر اسرائیلی قبضہ غلطی ہو گی،امریکی صدر

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

ہسپتال حملہ،اسرائیل کا انکار،اسلامک جہاد کو ذمہ دار قرار دے دیا