Category: بین الاقوامی

ایم کیو ایم لند ن کے رہنما کو امریکی عدالت نے ایک سال قید کی سزا دی، مجرم پر الزام تھا کہ اس نے ایم کیو ایم کے رہنما ندیم نصرت کو ٹویٹر پر دھمکی دی تھی

باغی ٹی وی کی رپورٹ کے مطابق امریکی ریاست ورجینیا کی فیئر فیکس کاونٹی کورٹ نے متحدہ لندن کے بالٹی مور چیپٹر کے انچارج قیصرعلی کو ایک سال قید کی سزا سنا دی. قیصر علی پر الزام تھا کہ اس نے ایم کیو ایم کے سابق کنوینئر ندیم نصرت اور اس کی اہلیہ کو گھر میں گھس کر ذبح کرنے کی دھمکی دی تھی. استغاثہ نے تفصیلی شواہد عدالت میں پیش کیے جنکی روشنی میں ملزم نے اقبال جرم کر لیا. جس پر امریکی عدالت نے ملزم کو ایک سال قید کی سزا سنا دی. تفصیلی فیصلہ میں عدالت نے کہا کہ وہ دو سال تک ندیم نصرت اور ان کے اہلخانہ کے قریب بھی نہیں جا سکتے، نہ ہی ان کے بارے میں کوئی تبصرہ کر سکتے ہیں. عدالت نے ملزم کو ہتھیار رکھنے، خریدنے پر بھی پابندی عائد کر دی ہے. اور کہا ہے کہ اگر کوئی قانونی ہتھیار بھی موجود ہے تو اسے قریبی تھانے میں جمع کروا دیا جائے .

ندیم نصرت نے کہا کہ عدالت کا فیصلہ اس بات کا واضح ثبوت ہے کہ کسی بھی مہذب معاشرے میں تشدد کرنے، تشدد پر اکسانے اور قتل و غارت گری کی کوئی گنجائش نہیں ہے.

اپنا ہی ہیلی کاپٹر گرانے پر بھارتی ایئر فورس نے ائر آفیسر کمانڈر کا تبادلہ کر دیا اور مزید کاروائی کا بھی عندیہ دیا ہے

باغی ٹی وی کی رپورٹ کے مطابق بھارتی ائیر فورس نے مقبوضہ کشمیر کے سرینگر ائیر بیس کے سینئر ترین ائر آفیسر کمانڈر کا تبادلہ کر دیا گیا ہے. ائیر آفیسر کمانڈر کے خلاف تحقیقات چل رہی تھیں ، 27 فروری کو پیش آنے والے واقعہ جس میں بھارتی ائیرفورس نے خود ہی اپنے ایم آئی 17 ہیلی کاپٹر کو میزائل مار کر گرا کر تباہ کر دیا تھا ،ابتدائی انکوائری رپورٹ میں یہ بات واضح ہوئی کہ بھارتی ائیر فورس کے افسر کو اس لئے ہٹایا گیا ہے کہ اس کی نگرانی میں یہ حادثہ پیش آیا، واقعہ کے دوران بھارتی ائیر فورس کی متعدد غلطیوں کی بھی نشاندہی ہوئی. رپورٹ میں کہا گیا کہ ائر ٹریفک کنٹرول نے اس وقت ہیلی کاپٹر کو واپس بلایا جب راجوری کے نوشہرہ سیکٹر میں بھارت اور پاکستانی فضائیہ کے درمیان جنگ ہورہی تھی ۔پہلی کاپٹر کو واپس بلانے کے بجاے محفوظ زون میں بھیجا گیا ہوتا،آنے والے پہلی کاپٹر کو اپنے طیاروں کیلئے بنائے گئے محفوظ زون کی طرف موڑنا چاہیے تھا جب تک ائر ڈیفنس الرٹ بند نہیں کیا جاتا .رپورٹ کے مطابق ایئر فورس کے آفیسر کے خلاف مزید کاروائی بھی کی جائے گی افسران کے خلاف مقدمات بنیں گے اور کورٹ آف انکوائری ہو گی.

واضح رہے کہ 27فروری کو پاکستان نے بھارت کے دو جنگی طیارے گرائے تو اسی وقت بھارت نے اپنا روسی ساختہ ہیلی کاپٹر پاکستان کا طیارہ سمجھ کر گرا دیا تھا ، اس حادثے میں بھارتی فضائیہ کے 6 افسر ہلاک ہوئے تھے،.

عرب اتحاد کی فورسز کے سرکاری ترجمان کرنل ترکی المالکی نے اعلان کیا ہے کہ حوثی باغیوں کی طرف سے مملکت سعودی عرب کے شہر نجران کو ڈرون طیارے کے ذریعہ نشانہ بنانے کی کوشش کی گئی ہے.

باغی ٹی وی کی رپورٹ‌ کے مطابق کرنل ترکی المالکی نے کہاکہ حوثی باغی شہری مقامات اورسعودی تنصیبات کو نشانہ بنا رہے ہیں اور اس طرح مقامی شہری اور ہر شہریت کے حامل مقیم افراد ان کے نشانے پر ہیں۔

انہوں نے حوثیوں‌ کو سعودی تنصیبات اور شہریوں کو نشانہ بنانے کی مذمت کرتے ہوئے کہا کہ انہیں‌ اس حوالے سے سخت جواب دیا جائے گا اور مشترکہ فورسز کی کمان تمام تر جوابی اقدامات کرے گی۔

یاد رہے کہ چند دن قبل بھی سعودی عرب نے کہا تھا کہ مکہ اور جدہ کے مختلف علاقوں‌ پر میزائل حملوں‌کی کوشش کی گئی ہے.

امام کعبہ اور حرمین شریفین کے امور کے سربراہ الشیخ عبدالرحمان السدیس نے یمن کے حوثی باغیوں کی طرف سے جدہ اور طائف میں کئے جانے والے ڈرون حملوں‌ کی شدید مذمت کی ہے اور کہا ہے کہ مملکت سعودی عرب پر یمنی باغیوں‌ کے حملے بزدلانہ اور گھٹیا سوچ کی عکاسی کرتے ہیں۔

باغی ٹی وی کی رپورٹ کے مطابق امام کعبہ نے سعودی ایئر ڈیفنس کی جانب سے حملوں کی سازشیں ناکام بنانے پر مملکت کی بہادر افواج کو زبردست خراج تحسین پیش کیا اور کہا ہے کہ مملکت سعودی عرب کی سرحدوں کے محافظ دشمن کے مقابلہ کیلئے ہمہ وقت تیار ہیں۔ باغیوں کی چالیں کسی طور کامیاب نہیں ہوں گی اور یہ سازشیں ان کی اپنی تباہی کا سبب بنیں گی۔

یاد رہے کہ چند دن قبل حوثی باغیوں کی جانب سے مکہ اور جدہ پر حملوں کی کوشش کی گئی تھی۔

ایران کے صدر حسن روحانی نے کہا ہے کہ وہ بات چیت اور سفارت کاری کو درست سمجھتے ہیں مگر موجودہ حالات میں مذکورہ امور کو قبول نہیں کیا جا سکتا۔

باغی ٹی وی کی رپورٹ کے مطابق ایرانی صدر نے کہاکہ ہمارا آپشن مزاحمت ہے. ملک میں سیاسی گروپوں کے درمیان یک جہتی کا مطالبہ کیا تھا تا کہ موجودہ حالات سے نمٹا جا سکے جو روحانی کے نزدیک عراق کے ساتھ جنگ کے دوران ملکی صورت حال سے زیادہ دشوار ہو چکے ہیں۔

ایرانی صدرحسن روحانی نے چند دن قبل کہا تھا کہ ان کے ملک کو غیر معمولی جنگ درپیش ہے۔

یاد رہے کہ ان دنوں‌ ایران اور امریکہ کے درمیان سخت کشیدگی چل رہی ہے اور دونوں طرف سے جارحانہ بیان بازی دیکھنے میں آرہی ہے.