ورلڈ کپ کے 36 ویں میچ میں افغانستان نے پاکستان کو جیتنے کے لیے 228 رنز کا ہدف دیا ہے. اصغر اور نجیب اللہ نے 42 42 رنز بنائے، اوپنر رحمت شاہ 35 رنز بنا کر آؤٹ ہو گئے.

افغانستان کی 2 وکٹیں 27 رنز پر گر گئی تھی لیکن افغان کھلاڑی پریشر نہ لیتے ہوئے سکور بناتے رہے اور رنز 227 تک لے گئے.

شاہین شاہ آفریدی نے 4 کھاڑیوں کو آؤٹ کیا. عماد وسیم اور وہاب ریاض نے 2 2، شاداب خان نے 1 وکٹ حاصل کی تاہم عامر آج کے میچ میں کوئی وکٹ نہ لے سکے. پاکستان بمقابلہ افغانستان میں بالرز نے اپنا کام کر دیا اب بیٹنگ بھی اچھی کرنا ہوگی. سوئنگ کے سلطان وسیم اکرم نے کہا ہے کہ افغانستان کے سپنرز خطرہ بن سکتے ہیں. اوپنرز کو وکٹ روک کے کھیلنا چاہیے.

اگر پاکستان افغانستان کو شکست دیتا ہے تو سیمی فائنل کے لیے ایک اور قدم بڑھا لے گا, اگلے میچ میں بنگلادیش کو بھی ہرانا ضروری ہے.

ورلڈ کپ کے 36 ویں میچ میں افغانستان نے ٹاس جیت کر بیٹنگ کا فیصلہ کیا ہے. افغان کپتان کہتے ہیں کہ موسم خشک ہے اچھا ہدف دینے کی کوشش کریں گے.

پاکستان کے پلیئنگ الیون میں کوئی تبدیلی نہیں کی گئی. سرفراز احمد آج کا اہم میچ فتح کرنے کے لیے پر امید ہیں. سوئنگ کے سلطان وسیم اکرم کہتے ہیں کہ افغانستان کے سپنرز خطرہ بن سکتے ہیں. اوپنرز کو وکٹ روک کے کھیلنا چاہیے.

پاکستان کے لیے آج کا میچ جیتنا بہت ضروری ہے. اگر پاکستان ہارتا ہے تو سیمی فائنل کی ریس سے آؤٹ ہو جائے گا.

واضح رہے پوائنٹس ٹیبل پر پاکستان 7 پوائنٹس کے ساتھ ساتویں اور افغانستان صفر پوائنٹ کے ساتھ آخری نمبر پر ہے.

اسلام آباد میں وزیر خارجہ شاہ محمود قریشی نے پاکستان بمقابلہ افغانستان کے مطلق توقع ظاہر کی ہے. میڈیا سے گفتگو کے دوران وزیر خارجہ شاہ محمود قریشی نے کہا ہے کہ افغانستان نے کرکٹ پاکستان سے سیکھی ہے اور اب ایک اچھی ٹیم بن چکی ہے, افغان کھلاڑی بہت اچھا کھیل رہے ہیں تاہم اس ورلڈکپ میں کوئی میچ فتح نہ کر سکے.

انہوں نے مزید گفتگو کرتے ہوئے کہا کہ افغانستان کے کھلاڑی پاکستان میں ٹریننگ کیمپوں میں رہ چکے ہیں، دراصل پاکستان نے ہی افغانی کھلاڑیوں کو کرکٹ سے آشنا کیا ہے۔

انہوں نے پاکستان اور افغانستان کے میچ سے متعلق اپنی رائے کا اظہار کرتے ہوئے کہا ہے کہ پاکستان اور افغانستان کا میچ بہت دلچسپ ہوگا، پاکستان کو سیمی فائنل تک پہنچنے کے لیے افغانستان کو شکست دینا ہوگی. افغانستان کے خلاف اچھا کھیل پیش کریں گے تو سیمی فائنل تک پہنچ سکتے ہیں.

شاہ محمود قریشی نے قومی ٹیم کی حالیہ کارکردگی پر خوشی کا اظہار کیا ہے اور کہا ہے کہ پاکستان نے نیوزی لینڈ کے خلاف اچھا کھیل پیش کر کے انہیں شکست دی، سیمی فائنل تک رسائی کے لیے قومی ٹیم کو افغانستان اور بنگلادیش کے خلاف بھی ایسا ہی کھیل پیش کرنا ہوگا۔

واضح رہے کہ پاکستان کو سیمی فائنل تک رسائی کے لیے افغانستان اور بنگلادیش کو شکست دینا ضروری ہے اور انگلینڈ کا بھی اگلے دو میچوں میں سے ایک میں ہارنا ضروری ہے۔

عبدالرزاق کہتے ہیں کہ میں نے بھارت اور ویسٹ انڈیز کا میچ دیکھا اور پہلی بار ہردیک پانڈیا کر پرفارم کرتے دیکھا. مجھے اس میں بہت ساری غلطیاں نظر آئیں, ان کی فل موومنٹ میں, ان کے بیٹ سوئنگ اور باڈی بیلنس میں جب وہ ہٹنگ کرتے ہیں. اس کے علاوہ اور بھی کئی غلطیاں نظر آئیں.

عبدالرزاق نے مزید کہا کہ اگر ہردیک پانڈیا دبئی میں مجھ سے 2 ہفتے کا سیشن لیں, اور اگر میں ان کے ساتھ کرکٹ پہ کام کروں اور کوچنگ دوں تو صرف دو ہفتوں میں مجھے امید ہے کہ ان کو دنیا کا بہترین ہٹر اور آل راؤنڈر بنا دوں گا.

اگر بی سی سی آئی ہردیک پانڈیا میں امپروومنٹ لانا چاہتی ہے تو میں صرف دو ہفتوں میں اس کو دنیا کا بہترین آل راؤنڈر بنا دوں گا. میں نے جب ان کو پرفارم کرتے دیکھا تو سوچا کی یہ بات شیئرکروں.

عبدالرزاق کے اس ٹویٹ پر انہوں نے ایک اچھا جیسٹر دیا ہے اور بھارت کے لوگ ان کو اس ٹویٹ پر سراہ رہے ہیں.