Category: بین الاقوامی

ایران پر امریکی پاندیوں کا سلسلہ جاری،جوہری توانائی ایجنسی کے سیکریٹری جنرل نے دعویٰ کیا ہے کہ ایران نے 2015ء کو طے پائے جوہری سمجھوتے کی شرائط پر ان کی روح کے مطابق عمل درآمد نہیں کیا۔

تفصیلات کے مطابق :ایران پر امریکی پاندیوں کا سلسلہ جاری عالمی جوہری توانائی ایجنسی کے سیکرٹری جنرل یوکیا امانو نے دعویٰ کیا ہے کہ ایران نے افزودہ شدہ یورینیم کی مقدار بڑھا دی ہے، ایک بیان میں یوکیا امانو نے کہا کہ ایران کی طرف سے یورینیم کی افزدوگی میں اضافہ باعث تشویش ہے۔ ان کا کہنا تھا کہ ایران اور امریکا کے درمیان جاری تناؤ کی وجہ سے پہلے ہی کشیدگی کی فضاء پائی جا رہی ہے۔
ایران پر الزام ہے کہ اس نے 2015ء کو طے پائے جوہری سمجھوتے کی شرائط پر ان کی روح کے مطابق عمل درآمد نہیں کیا۔ انہوں نے اْمید ظاہر کی کہ امریکا اور ایران کیدرمیان پائی جانے والی کشیدگی میں جلد کمی آئے گی اور فریقین بات چیت کے ذریعے تنازعات کے حل پر غور کریں گے۔ عالمی جوہری توانائی ایجنسی کے سربراہ نے ان خیالات کا اظہار اجلاس سے خطاب میں کیا،

سعودی نائب وزیر دفاع نے کہا ہے کہحوثیوں کے جرائم کا شدت اور حوصلے کے ساتھ جواب دیں گے

تفصیلات کے مطابق سعودی عرب کے نائب وزیر دفاع شہزادہ خالد بن سلمان نے کہا ہےکہ ایرانی حمایت یافتہ یمن کی حوثی ملیشیا اخلاق وقانون کے دائروں سے ماورا ہوکر اپنے جرائم کا سلسلہ جاری رکھے ہوئے ہے۔ ان کا کہنا ہے کہ سعودی عرب کے ابھا شہر میں قائم بین الاقوامی ہوائی اڈے پر حوثیوں کا حملہ ایران کی طرف سے جارحیت میں اضافے کا ثبوت ہے۔

شہزادہ خالد بن سلمان نے مائیکرو بلاگنگ ویب سائیٹ ‘ٹویٹر’ پر پوسٹ کی گئی متعدد ٹویٹس میں لکھا کہ سعودی عرب کے مفادات اور اس کی سلامتی کو نقصان پہنچانے والوں کو معاف نہیں‌ کیا جائے گا بلکہ ان کے ساتھ سختی اور حوصلے کے ساتھ نمٹا جائے گا۔ انہوں نے کہا کہ حوثی ملیشیا کے جرائم ناقابل معافی نہیں۔ انہیں سعودی عرب پر حملوں کا حساب دینا ہوگا۔

امریکا نے ایران پرعاید کردہ اقتصادی پابندیوں کا دائرہ بڑھاتے ہوئےمزید ایک کمپنی اور دو کاروباری شخصیات کو بلیک لسٹ کردیا ہے۔

تفصیلات کے مطابق امریکی وزارت خزانہ کی ویب سائیٹ پر پوسٹ ایک بیان میں کہا گیا ہےکہ واشنگٹن نے ایران سے منسلک دو شخصیات اور ایک ادارے پر نئی پابندیاں عاید کی ہیں۔
نئی پابندیوں کا سامنا کرنے والی کمپنی’جنوبی قدرتی وسائل’SWRC’ کا ہیڈ کواٹر عراق کےدارالحکومت بغداد میں ہے۔ یہ کمپنی ایرانی پاسداران انقلاب کی حمایت یافتہ ملیشیائوں کو کروڑں ڈالر مالیت کا اسلحہ اسمگل کرنے میں معاونت فراہم کرتی رہی ہے۔
‘SWRC’ اور اس کے دور عراقی شراکت داروں پر امریکی پابندیوں کوغیر موثر بنانے کے لیے پاسداران انقلاب کو عراق کے مالیاتی نظام تک رسائی دینے میں سہولت کاری کا بھی الزام ہے۔
اس منصوبے میں ایران کی سمندر پار کارروائیوں میں سرگرم القدس ملیشیا کے سربراہ قاسم سلیمانی کےمشیر ابومہدی المہندس بھی شامل ہیں۔ موصوف اسلحہ کی اسمگلنگ کے نیٹ ورک چلانے کے ساتھ مغربی سفارت خانوں میں دھماکے کرنے اور علاقائی شخصیات کی ٹارگٹ کلنگ میں ملوث پائے گئےہیں۔
امریکا نے ‘SWRC’ اور اس کے شراکت داروں کو عالمی دہشت گفردوں کی فہرست میں شامل کیا ہے جو عالمی سطح پر دہشت گردی کی کارروائیوں میں معاونت کے مرتکب پائے گئے ہیں۔

ایرانی ذرائع ابلاغ کے مطابق خلیج عرب میں ایران اور قطر کے ‘جنوبی پارس’ مشترکہ گیس فیلڈ کی تنصیبات میں زور دار دھماکوں‌ کے بعد آگ بھڑک اٹھی تاہم اس واقعے میں‌ کسی قسم کے جانی نقصان کی اطلاع نہیں ملی۔

باغی ٹی وی رپورٹ کے مطابق ایرانی ذرائع ابلاغ میں آنے والی خبروں میں بتایا گیا ہے کہ بُدھ کے روز خلیج عرب میں عسلویہ کے مقام پر واقع ‘جنوبی پارس’ گیس فیلڈ کے پلیٹ فارم نمبر9 میں دھماکوں‌ کے بعد آگ بھڑک اٹھی۔
آتشزدگی کے نتیجے میں کسی قسم کے جانی نقصان کی اطلاع نہیں ملی اور نہ ہی دھماکوں کی نوعیت معلوم ہو سکی ہے۔ آتشزدگی کے بعد فائر بریگیڈ کا عملہ اور ریسکیو ٹیمیں موقع پر پہنچ گئیں۔
ایرانی گیس فیلڈ کے ایک عہدیدار بہرام دشتی نژاد نے بتایا کہ گیس فیلڈ میں آگ مقامی وقت کے مطابق شام تین بجے لگی، ریسکیو ٹیموں‌ نے فوری کارروائی کرکے وہاں سے 14 ملازمین کو محفوظ مقام پر منتقل کردیا۔ گیس فیلڈ کے پلیٹ فارم 9 پر آگ لگنے کے بعد تیزی کے ساتھ اس نے چھ ، سات اور آٹھ نمبر پلیٹ فارمز کو بھی اپنی لپیٹ میں لے لیا۔ آخری اطلاعات کے مطابق فائر بریگیڈ نے گیس فیلڈ میں لگنے والی آگ پر 90 فی صد قابو پا لیا تھا۔

وزیر اعظم عمران خان کی جانب سے 2008 سے لیکر 2018 تک لئے گئے بیرونی قرضوں سے متعلق انکوائری کمیشن بنانے کا اعلان کئے جانے پر ریحام خان نے ٹویٹر پر چھبتے ہوئے سوال کئے ہیں اور اس فیصلے پر سخت تنقید کی ہے.

وزیر اعظم عمران خان کی سابقہ اہلیہ ریحام خان نے سوشل میڈیا سائٹ ٹویٹر پر ٹویٹ کرتے ہوئے لکھا ہے کہ سابقہ حکومتوں نے جو دس سال میں قرضے لیے ہیں اس پرتو انکوائری کمیشن بنانے کا اعلان کیا گیا ہے مگر جو 10 ماہ میں 3 ہزار ارب روپے سے زیادہ قرضے لیے گئے ان کے لیے انکوائری کمیشن کون بنائے گا؟؟۔ اسی طرح ریحام خان نے اپنی دوسری ٹویٹ‌ میں‌ لکھا ہے کہ "جس پی ٹی وی پر حملہ کیا گیا تھا اس نے بھی کل وزیراعظم سے خوب بدلہ چکایا ہے‘‘.

کل پچھلی حکومتوں نے جو دس سال میں قرضے لیے ہیں اس پر انکوائری کمیشن بنانے کا تو اعلان کیا گیا ہے۔۔مگر جو 10 ماہ میں 3 ہزار ارب روپے سے زیادہ قرضے لیے گئے ان کے لیے انکوائری کمیشن کون بنائے گا؟؟

— Reham Khan (@RehamKhan1) June 12, 2019

رپورٹ کے مطابق ریحام خان کی طرف سے اپنے تیسرے ٹویٹ میں لکھا گیا کہ ’’اینکرز کو پہلے میوٹ کیا جاتا ہے، کل تو ملکی تاریخ میں پہلی بار سرکاری ٹی وی پر وزیراعظم کے الفاظ کو بھی میوٹ ہوتے دیکھا ہے، ویسے تو وزیراعظم قول و فعل میں تضاد کے بادشاہ تھے۔مگر کل تو حد ہی ہو گئی ، کل سرکاری ٹی وی میں بھی زبان اور الفاظ ساتھ دے نہیں رہے تھے۔

جس پی ٹی وی پر حملہ کیا گیا تھا اس نے بھی کل وزیراعظم سے خوب بدلہ چکایا۔۔۔

— Reham Khan (@RehamKhan1) June 12, 2019

وزیر اعظم عمران خان کی سابقہ اہلیہ ریحام خان کی طرف سے کی گئی ان ٹویٹس پر مسلم لیگ ن کے کارکنان کی طرف سے سوشل میڈیا پر زبردست خوشی کا اظہار کیا جارہا ہے. یاد رہے کہ وزیر اعظم نواز شریف نے گزشتہ روز اپنے خطاب میں‌ انکوائری کمیشن بنانے کا اعلان کیا اور کہا تھا کہ وہ کسی طور چوروں‌کو نہیں چھوڑیں گے جبکہ آج وزیر اعظم کی زیر صدارت اعلیٰ سطحی اجلاس میں انکوائری کمیشن بنانے سے متعلق امور پر غوروفکر کیا گیا ہے. مسلم لیگ ن نے کمیشن بنائے جانے کی باتوں کو اپوزیشن جماعتوں‌ کو بلیک میل کرنے کے مترادف قرار دیا ہے.

اینکرز کو پہلے mute کیا جاتا ہے ۔کل تو ملکی تاریخ میں پہلی بار سرکاری ٹی وی پر وزیراعظم کے الفاظ کو بھی mute ہوتے دیکھا ہے۔۔۔

— Reham Khan (@RehamKhan1) June 12, 2019

مقبوضہ کشمیر میں اسلام آباد (اننت ناگ) میں‌ کشمیری مجاہدین کے ایک زوردار حملہ میں‌ 2 بھارتی فوجی ہلاک پانچ زخمی ہو گئے ہیں.

باغی ٹی وی کی رپورٹ کے مطابق مرنے والوں‌ کا تعلق ہندوستانی سنٹرل ریزرو پولیس فورس سے ہے. مقامی کشمیریوں کے مطابق یہ حملہ اتنا زوردار تھا کہ بھارتی اہلکاروں‌ کو سنبھلنے کا موقع ہی نہیں‌ ملا. کشمیری مجاہدین کی جانب سے شدید فائرنگ کی گئی.

بھارتی فوج نے پورے علاقہ کو گھیرے میں لے کر بڑے پیمانے پر سرچ آپریشن شروع کر دیا گیا ہے. یاد رہے کہ بھارتی فوج نے بدترین ریاستی دہشت گردی جاری رکھتے ہوئے پچھلے چوبیس گھنٹوں میں تین کشمیریوں‌کو شہید کیا ہے.

بھارتی وزیر اعظم نریندر مودی کا طیارہ اب پاکستانی فضائی حدود سے نہیں‌ گزرے گا. ہندوستانی وزیر اعظم 13اور 14جون کوشنگھائی تعاون تنظیم کے رکن ملکوں کے سربراہان کی ہونے والی کانفرنس میں حصہ لینے کے لئے آج رات بشکیک روانہ ہوں گے.

باغی ٹی وی کی رپورٹ کے مطابق مودی روس کے صدر ولادی میر پوتن اور چین کے صدر شی جنپنگ کے ساتھ دو طرفہ میٹنگ بھی ہوگی۔ بھارت کی طرف سے نریندر مودی کے طیارہ کی پاکستانی فضائی حدود سے گزرنے کیلئے اجازت طلب کی گئی تھی تاہم اب کہا گیا ہے کہ چوٹی کانفرنس میں حصہ لینے کے لئے کرغیز جمہوریہ کے دارالحکومت بشکیک جانے کےلئے وزیراعظم نریندرمودی کا طیارہ پاکستان کے فضائی علاقےسے ہوکر نہیں گزرے گا۔ ہندوستانی وزارت خارجہ کے ترجمان رویش کمار نے مودی کے طیارے کے راستے کے بارے میں کہا ہے کہ حکومت نے بشکیک جانے کے لئے نریندر مودی کے طیارے کےلئے دو راستوں کے متبادل کو تلاش کیا تھا۔

بھارت کی طرف سے فیصلہ کیا گیا ہے کہ ہندوستانی وزیراعظم کا طیارہ اومان ،ایران اور وسطی ایشیائی ملکوں کے فضائی علاقوں سے گزرتا ہوا بشکیک پہنچے گا۔ چوٹی کانفرنس دو دن جاری رہے گی. اس موقع پر پاکستانی وزیر اعظم عمران خان بھی وہیں موجود ہوں‌ گے.

ناراض گرل فرینڈ کو منانے کے لئے طیارہ اغواء کرنے کی دھمکی دینے والے کو عمر قید کی سزا سنا دی گئی

باغی ٹی وی کی رپورٹ کے مطابق بھارت میں گرل فرینڈ کو منانے کے لئے طیارہ اغوا کرنے والے شخص کو سزا سنا دی گئی ہے. بھارتی ریاست گجرات کے علاقے احمد آباد کی خصوصی عدالت نے بھارتی قومی تحقیقاتی ایجنسی این آئی اے کی جانب سے تحقیقات کے بعد سزا سنائی ہے. ملزم جو سلا پر الزام تھا کہ اس نے دو سال قبل اکتوبر 2017 میں جیٹ ائیر ویز کے طیارے کو اغوا کرنے کے لئے خط لکھا اور افرا تفری مچائی، ملزم ممبئی کا سونے کا تاجر ہے. ملزم نے 30 اکتوبر 2017 میں ممبئی سے دہلی جانے والے طیارے کے ٹوائلٹ میں دو زبانوں انگریزی اور اردو میں ایک خط رکھ دیا تھا جس میں لکھا گیا تھا کہ طیارے کو کشمیر لے جایا جائے ملزم نے مزید پیغام دیا تھا کہ طیارے میں بم بھی موجود ہے اگر طیارہ کہیں اور اتارا گیا تو طیارہ تباہ ہو جائے گا. ملزم نے عدالت میں اعتراف کیا کہ اس نے ائیر کمپنی میں ملازم اپنی گرل فرینڈ کو منانے کے لئے طیارے کو اغوا کرنے کا خط لکھا. طیارے کو احمد آباد میں اتار کر بزنس کلاس میں سفر کرنے والے ملزم سلا کو گرفتار کر لیا گیا، خصوصی عدالت کے جج ایم کے دورے نے سلا کو اینٹی ہائی جیکنگ ایکٹ 2016 کے تحت عمر قید کی سزا کے ساتھ ساتھ پانچ کروڑ کا جرمانہ بھی ادا کرنے کا حکم دیا ہے

سعودی عرب نے 3 پاکستانیوں سمیت 53 افراد کو گرفتار کر لیا ہے جو سعودی عرب میں ریاست مخالف سرگرمیوں میں ملوث تھے

سعودی ائیر پورٹ پر میزائل حملہ ، خواتین، بچوں سمیت کتنے زخمی ہوئے، بڑی خبر

باغی ٹی وی کی رپورٹ کے مطابق سعودی عرب کے سیکورٹی اداروں نے رمضان المبارک میں خصوصی سرچ آپریشن کیا اور 53 ایسے افراد کو گرفتار کیا جو سعودی عرب ریاست مخالف سرگرمیوں میں ملوث تھے، گرفتار افراد سعودی حکومت کے خلاف عوام کو مشتعل اور بد ظن کرنے کی سرگرمیوں میں ملوث تھے، سعودی سیکورٹی اداروں نے جن افراد کو گرفتار کیا ہے ان میں 34 سعودی، 3 پاکستانی، 10 یمنی، اردن، انڈیا، فلپائن کے ایک ایک اور سری لنکا کے دو افراد شامل ہیں. سعودی عرب کی حکومت کی جانب سے جاری اعلامیہ کے مطابق اب تک سعودی عرب کی مختلف جیلوں میں ریاست مخلاف سرگرمیوں کے الزام میں 5201 افراد گرفتار ہیں. جن میں 73 پاکستانی بھی شامل ہیں.