Category: بین الاقوامی

اس وقت ایتھوپیا کا 4فیصد سے بھی کم حصہ جنگلات پر مشتمل ہے جو کہ انیسویں صدی کے آخر میں 30فیصد تھا۔

ایتھوپین حکام کے مطابق ایتھوپیا کے شہریوں نے ایک ہی دن میں ساڑھے تین کروڑ سے زیادہ درخت لگا دیے ہیں۔

جدت و تکنالوجی کے وزیر، ڈاکٹر گیہون میکوریہ نے کہا کہ پیر کی شام تک 353 ملین درخت لگائے جا چکے ہیں ،جبکہ ابتدائی طور پر ہدف 200ملین درختوں کا تھا۔

ایتھوپیا کے وزیراعظم ابی احمد نے ٹویٹر پر پیغام میں کہا کہ آج ہماری کوششوں کی وجہ سے ایتھوپیا عالمی ریکارڈ توڑنے جا رہا ہے۔

یاد رہے کہ ایتھوپیا میں مئی اور اکتوبر کے درمیان 4 ارب درخت لگانے کا ہدف مقرر کیا گیا ہے۔

زرعی عہدیداروں کے مطابق ملک بھر میں اب تک 2.6 بلین سے زائد درخت لگائے جا چکے ہیں۔ اس مہم میں مختلف بین الاقوامی تنظیمیں اور کاروباری برادری بھی شامل ہوگئی ہیں۔

امریکہ میں واشنگٹن ہوائی اڈے پر تفتیش کے دوران ایک شخص کے تھیلے سے میزائل لانچر برآمد کیا گیا ہے۔

ایئرپورٹ حکام کے مطابق باقاعدہ تفتیش کے دوران ایک شخص کے تھیلے میں میزائل لانچر پایا گیا۔ تھیلے کے مالک کے مطابق وہ فوجی ہے اور کویت سے اپنے گھر جا رہا تھا اور میزائل لانچر کو یادگار کے لئے رکھنا چاہتا تھا۔میزائل لانچر کو فائر بریگیڈ کے حوالے کر دیا گیا۔

بعد ازاں اس شخص کو اپنا سفر جاری رکھنے کی اجازت دے دی گئی۔

واشنگٹن: امریکی صدر ڈونلڈ ٹرمپ نے امریکی وزیرخارجہ مائیک پومپیو کو اگلے امریکی انتخابات سے قبل افغانستان سے امریکی افواج کی تعداد میں نمایاں کمی کے احکامات دے دئیے۔
امریکی وزیر خارجہ مائیک پومپیو اور افغان صدر اشرف غنی کا فون پر رابطہ
اطلاعات کے مطابق مائیک پومپیو نے اکنامک کلب آف واشنگٹن میں ایک سوال کے جواب میں بتایا کہ”مجھے یہ احکامات صدر سے خود ملے ہیں، وہ کبھی نہ ختم ہونے والی جنگ کا خاتمہ چاہتے ہیں اور فوجی انخلا کر رہے ہیں“۔

مائیک پومپیو کے مطابق واشنگٹن چاہتا ہے کہ افغانی اپنے ملکی معاملات کو خود دیکھیں۔
مائیک پومپیوکا کہنا تھا کہ ” ہم تمام افغانوں سے بات کر رہے ہیں، جن میں حکومت، اپوزیشن اور طالبان شامل ہیں۔“
یاد رہے کہ امریکہ نے آج سے انیس سال قبل 9/11کو ٹریڈ سنٹر حملہ کے بعد افغانستان پر چڑھائی کی تھی۔

صوبہ قندھار میں افغان فوجی نے فائرنگ کرکے 2 امریکی فوجیوں کو موت کے گھاٹ اتار دیا۔
افغانستان:امریکہ نے اپنے دو اور فوجیوں کے ہلاک ہونے کی تصدیق کردی.تعداد 2300 سے تجاوز کرگئی

عالمی خبررساں ایجنسی کے مطابق یہ واقعہ قندھار کے ضلع شاہ ولی کوٹ میں تناجوہ فوجی کیمپ کے اندر پیش آیا جہاں ایک افغان فوجی نے امریکی فوجیوں پر فائر کھول دیا جس کے نتیجے میں 2 امریکی فوجی ہلاک اور 3 زخمی ہوگئے۔
جوابی کارروائی میں حملہ آور افغان فوجی بھی ہلاک ہوگیا۔

چلی کے اوہگنس علاقے کی شاہراہ میں ڈبل ڈیکر بس کے الٹ جانے سے کم از کم چھ افراد کی موت ہو گئی اور 40 سے زائد زخمی ہو گئے۔
میلسی : دو بسیں آپس میں ٹکرا گئی

ذرائع نے بتایا کہ اوہگنس علاقے میں ڈبل ڈیکر بس پلٹ گئی۔ حادثے میں 40 سے زائد افراد کے زخمی ہو گئے اور جنہیں مختلف اسپتالوں میں داخل کیا گیا ہے۔

اسرائیلی حکام نے مقبوضہ بیت المقدس میں عیسویہ سے 3 سالہ بچے محمد ربی کو طلب کر لیا کہ وہ مبینہ طور پر اسرائیلی فوجی گاڑیوں پر پتھر پھینک رہے تھے جب وہ محلے میں چھاپے مار رہے تھے۔
قابض اسرائیلی پولیس کا فلسطینی نوجوان پر بہیمانہ تشدد
عیسویہ فالو اپ کمیٹی کے ممبر محمد ابو حماس نے بتایا کہ اسرائیلی پولیس نے بچے کو سمن طلب کیا اور اس کے اہل خانہ کو منگل کے روز اسے تھانے لانے کا حکم دیا۔

ابوحماس نے کہا، عیسویہ محلے کے بچوں کا بھی بڑوں کی طرح پیچھا کیا جارہا ہے۔

یاد رہے کہ اسرائیلی حکام نے فلسطینی مسلمانوں کے خلاف مہم شروع کردی ہے ، جس میں درجنوں فلسطینیوں کو زخمی اور گرفتار کیا گیا ہے۔ جن میں سے کچھ بچے بھی ہیں۔