Category: بین الاقوامی

بھارتی شہر ممبئی گذشتہ کئی دنوں سے ہونے والی بارشوں کی وجہ سے سیلاب کی صورت حال ہے۔ بارشوں سے کاروبار زندگی متاثر ہے۔ 50سے 60کلومیٹر فی گھنٹہ کی رفتار سے ہوا چل رہی ہے۔
بھارت : بارش سے 488افراد ہلاک ہوچکے ہیں
باغی ٹی وی کی رپورٹ کے مطابق سڑکوں پر کھڑے پانی کی وجہ سے بھاری ٹریفک جام ہے۔ گردونواح کی زندگی بھی متاثر ہے۔ پانی کی وجہ سے کئی روڈ بند ہو چکے ہیں۔

اوسطاً ہر پرواز 30منٹ لیٹ ہے۔ اب تک 9جہازوں کے روٹ تبدیل کر دیئے گئے ہیں۔
شہر کے مختلف مقامات پر گرج چمک کے ساتھ بارش ہوئی۔ آنے والے تین دنوں موسلا دھار بارش کا امکان ظاہر کیا گیا ہے۔

ترک صدر رجب طیب اردگان کا کہنا ہے کہ وہ ترکی، ملیشیا، پاکستان سہ فریقی تعاون سلسلے کو آگے بڑھانے کے عمل کی حمایت کرتے رہیں گے۔
طیب اردگان سب سے زیادہ مقبول عالمی رہنما ۔ ٹرمپ اور پوتین بہت پیچھے.بی بی سی رپورٹ
ان خیالات کا اظہار انہوں نے ملائیشیا کے وزیراعظم مہاتیر محمد کے ساتھ مشترکہ پریس کانفرنس کے دوران کیا۔مہاتیر محمد ترکی کے دورے پر ہیں۔

ترک صدر کا کہنا تھا کہ ہم مسئلہ فلسطین سمیت روہنگیا بحران اور اسلام دشمنی کی طرح کے معاملات کے خلاف مشترکہ موقف کا مظاہرہ کر رہے ہیں۔ ملائیشیا کے ساتھ ان معاملات میں باہمی تعاون کو مزید پختہ بنایا جائیگا۔

” محترم مہاتیر کی تجویز پر وزراءخارجہ کی سطح پر شروع ہونے والے ترکی، ملائیشیا اورپاکستان سہ فریقی تعاون کو مزید آگے بڑھانے کے لیے ہمارا تعاون جاری رہے گا۔“ انہوں نے مزید کہا۔

صدر اردگان نے مشترکہ پریس کانفرس سے قبل مہمان صدر کو نشانِ جمہوریت بھی عطا کیا۔

بھارت کے وزیر دفاع راجناتھ سنگھ نے کہا کہ پاکستان بھارت کے ساتھ مکمل یا محدود جنگ کا متحمل نہیں ہوسکتا ہے اسی لئے اس نے درپردہ جنگ کا سہارا لے رکھا ہے۔

بھارتی لوک سبھا میں کرگل جنگ کی بیسویں برسی کے سلسلے میں بولتے ہوئے راجناتھ سنگھ نے مذکورہ جنگ میں ہلاک ہوئے فوجیوں کو خراج عقیدت پیش کیا۔

وزیر دفاع نے کہا”ہمارا ہمسایہ ملک(پاکستان) بھارت کے ساتھ نہ مکمل جنگ لڑسکتا ہے اور نہ محدود جنگ۔ا±س نے درپردہ جنگ چھیڑ رکھی ہے”۔اس موقع پر وزیر اعظم نریندرمودی اور وزیر داخلہ امت شاہ بھی موجود تھے۔
یاد رہے کہ رواں سال کے آغاز میں بالاکوٹ میں بھارت نے سرجیکل سٹرائیک کا دعوی کرتے ہوئے 300لوگوں کو مارنے کا دعوی کیا تھا۔ لیکن بھارت اس دعوے کو ثابت نہ کر سکا۔ اس کے جواب میں پاکستان نے بھارت کے دو طیارے مار گرائے تھے۔بھارت نے گذشتہ برس بھی سرجیکل سٹرائیک کا دعوی کیا تھا۔ پوری دنیا نے بھارت کے اس دعوے کو تسلیم نہیں کیا ۔

مشرقی تائیوان کے ییلن کاونٹی میں زلزلے کے ہلکے جھٹکے محسوس کئے گئے۔زلزلے کی شدت ریکٹرسکیل پر 4.0 تھی۔
یونان میں شدید زلزلہ ، عمارتوں کو نقصان ، لوگ خوف سے گھروں سے باہر نکل آئے
زلزلے کا مرکز 24.77 ڈگری شمالی عرض البلد اور 121.8شمالی طول البلد اور زمین کی سطح سے 60 کلومیٹر کی گہرائی میں واقع رہا۔

لیبیا کے ساحل کے نزدیک دو کشتیوں کے حادثے کا شکار ہوجانے کے سبب کم از کم 150 افراد کے ہلاک ہونے کا خدشہ ہے۔ ان کشتیوں میں 300افراد سوار تھے۔

مذکورہ کشتیاں طرابلس سے 100کلومیٹر دور خومس شہر کے قریب ڈوب گئیں۔تقریباً 137افراد کو بچا لیا گیا ہے۔

بھارتی ریاست کرناٹک بی جے پی کے صدر بی ایس یدی یورپا نے چوتھی مرتبہ کرناٹک کے وزیر اعلیٰ کے طور پر حلف اٹھا لیا ہے۔

حلف برداری کی تقریب راج بھون میں منعقدہوئی ۔گورنر وجو بھائی والا نے حلف لیا۔ گورنر نے انہیں ایک ہفتہ کے اندر اکثریت ثابت کرنے کو کہا ہے۔

قبل ازیں، کرناٹک بی جے پی کے لیڈر اور سابق وزیر اعلیٰ یدی یورپا نے کرناٹک کے گورنر سے ملاقات کی۔یدی یورپا نے انہیں 105 ارکان اسمبلی کی حمایت والا خط دیا۔

یوگنڈا میں روڈ پر ہوئے حادثہ میں 7افراد ہلاک جبکہ 7شدید زخمی ہو گئے۔ حادثہ ضلع نگورا میں ہوا۔

باغی ٹی وی کی رپورٹ کے مطابق حادثہ تیز رفتاری کی وجہ سے پیش آیا ۔ مسافر مبیل قصبے سے سروتی قصبے کی طرف جا رہے تھے۔

ایک مسافر اوڈونگو کے مطابق ، ٹیکسی ڈرائیور تیز رفتاری سے گاڑی چلا رہا تھا۔ جب ٹیکسی کا ایک ٹائر پھٹا تو وہ اس پر قابو نہ پا سکا ۔ شدید زخمی مسافروں کو ہسپتال منتقل کر دیا گیا ہے