Category: بین الاقوامی

دُنیا کے کونے کونے سے فریضہ حج کی ادائی کے لیے حجاز مقدس آنے والے اللہ کے مہمانوں کا سعودی عرب میں پرتپاک استقبال کیا جاتا ہے۔ بلا امتیاز تمام ممالک کے فرزندان توحید کی خدمت اور خاطر داری میں‌ کوئی کسر باقی نہیں چھوڑی جاتی۔

تفصیلات کےمطابق ہر سال کی طرح امسال بھی پاکستان سے بڑی تعداد میں عازمیں حج سعودیہ پہنچ رہے ہیں۔ العربیہ ڈاٹ نیٹ کے مطابق پاکستانی عازمین حج سعودی عرب کو اپنا دوسرا وطن سمجھتے ہیں۔

اسی طرح سعودی عرب میں بھی پاکستانی عازمین‌ حج کی بھرپور خدمت کی جاتی ہے۔ پاکستان سے آئے عازمین حج کا استقبال پھولوں، زمزم اور کھجور کی مختلف اقسام کے تحائف سے کیا جاتا ہے۔ مکہ مکرمہ میں جنوبی ایشیائی ممالک کے عازمین حج کے استقبال کے لیے 78 مختلف تنظیموں کے دفاتر قائم ہیں۔

خادم الحرمین الشریفین شاہ سلمان عبدالعزیز اور ولی عہد شہزادہ محمد بن سلمان کی طرف سے تیونس کے صدر الباجی قاید السبسی کے انتقال پر عبوری صدر محمد الناصر کےنام اپنے پیغامات میں گہرے دکھ اور افسوس کا اظہار کیا ہے۔

تفصیلات کے مطابق سعودی فرمانروا شاہ سلمان اور ان کےولی عہد شہزادہ محمد بن سلمان کی طرف سے تیونسی صدر الباجی قاید السبسی کی وفات پرعبوری صدر، تیونسی قوم اور حکومت کے نام اپنے الگ الگ پیغامات میں گہرے دکھ اور افسوس کا اظہار کیا ہے۔

شہزادہ محمد بن سلمان کی طرف سے جاری تعزیتی پیغام میں کہا گیا ہے کہ مشکل کی اس گھڑی میں سعودی قیادت اور عوام تیونس کےساتھ ہے۔ برقی پیغام میں‌ کہا گیا ہے کہ تیونسی صدر الباجی قاید السبسی کا اچانک انتقال پورے عالم اسلام کے لیے افسوس اور صدمے کا باعث ہے۔

خیال رہے کہ تیونس کے صدر الباجی قاید السبسی گذشتہ روز خرابی صحت کے باعث انتقال کرگئے تھے۔ انہیں چند روز قبل بھی صحت خراب ہونے پر اسپتال منتقل کیا گیا تھا۔ اسپتال سے واپس آنے کے بعد بھی وہ حکومتی ذمہ داریاں انجام دے رہے تھے۔

مغربی ذرائع ابلاغ نے جمعرات کے روز مختلف ذرائع کے حوالے سے دعویٰ کیا ہے کہ ایران نے حال ہی میں ایک ایسے بیلسٹک میزائل کا تجربہ کیا ہے جو ایک ہزار کلو میٹر فاصلے تک مار کرنےکی صلاحیت رکھتا ہے۔

تفصیلات کے مطابق امریکی وزارت دفاع ‘پینٹاگان’ نے ذرائع کے حوالے سے بتایا کہ ایران نے درمیانے فاصلے تک ہدف کو نشانہ بنانے والے بیلسٹک میزائل کا تجربہ کیا ہے جو ایک ہزار کلو میٹر فاصلے تک مار کرنے کی صلاحیت رکھتا ہے۔

ذرائع کا کہنا ہے کہ میزائل تجربہ امریکی مال بردار جہازوں اور یا فوجی اڈوں کے لیے خطرہ نہیں بنا۔ قبل ازیں ایران نے بدھ کے روز درمیانے فاصلے تک مار کرنے والے بیلسٹک میزائل کا تجربہ کرنےکا دعویٰ کیا تھا۔ ایران کا کہنا تھا کہ اس تجربے کا مقصد ایران کی دفاعی صلاحیت کو بہتر بنانا یے۔

ادھرایک دوسری پیش رفت میں امریکی وزیرخارجہ مائیک پومپیو نے کہا ہے کہ تہران اور واشنگٹن میں کشیدگی ختم کرنے کےلیے اگر انہیں مُذاکرات کے لیے تہران جانا پڑا تو جائیں گے۔

دوسری جانب ایرانی سپریم لیڈر آیت اللہ علی خامنہ ای کے مشیر برائے عسکری امور نے بدھ کو کہا تھا کہ ایران کو اس وقت جس طرح کے حالات کا سامنا ہے ان میں امریکا کے ساتھ بات چیت نہیں کی جائے گی۔ انہوں نے امریکا کے ساتھ مذاکرات کی بحالی کے لیے اقتصادی پابندیاں ہٹانے کی شرط عاید کی۔

یہ بھی پڑھیں:بیلسٹک میزائل پروگرام پر کوئی مذاکرات نہیں ہوں گے،ایران

یوکرائن نے’ آبنائے کرچ ‘میں روس کے ٹینکر کو قبضے میں لے لیا

تفصیلات کےمطابق یوکرائن نے’ آبنائے کرچ ‘میں جنگی جہازوں کی گزرگاہ میں رکاوٹ ڈالنے پر روس کے ٹینکر کو تحویل میں لے لیا ہے۔یوکرائن سکیورٹی سروسز کی طرف سے جاری کردہ بیان کے مطابق یوکرائن فورسز نے روس کے "نیما” ٹینکر کو تحویل میں لے لیا ہے۔

بیان میں کہا گیا ہے کہ ٹینکر نے، یوکرائن کے جنگی جہازوں کے خلیج کرچ سے گزرنے کے راستے میں رکاوٹ ڈالی ہے۔

نئی دہلی: نوجوان لڑکی نے ڈیڑھ کلو زیورات نگل لیئے،بھارتی ریاست مغربی بنگال کے ڈاکٹرز نے نوجوان لڑکی کے پیٹ سے ڈیڑھ کلوگرام زیوارت نکال لیے۔تفصیلات کے مطابق بھارتی ریاست مغربی بنگال کی نوجوان لڑکی کا ذہنی توازن ٹھیک نہیں ہے، والدین کا کہنا ہے کہ اُن کی بیٹی کو جو بھی زیور نظر آتا ہے وہ اسے کھا جاتی ہے۔

دوسری طرف بنگال کے ضلع بیربھومی کے سرکاری میڈیکل کالج کے سرجن سدھارتھ وشواس کا کہنا تھا کہ انہوں نے دیگر ڈاکٹر کے ساتھ مل کر آپریشن کیا اور 26 سالہ خاتون کے پیٹ سے 5 ، 10 اور 10 روپے کے 90 سے زائد سکے نکالے۔زیادہ تر سکے تانبے یا پیتل کی دھات کے بنے ہوئے تھے، مجموعی طور پر سارے سامان کا وزن ڈیڑھ کلو تھا۔

مریضہ کی والدہ کا کہنا تھا کہ ’’ہمارے گھر سے زیورات اچانک غائب ہونا شروع ہوگئے تھے جبکہ ہم نے اس بات کا نوٹس لیا اور بیٹی سے جب بھی گمشدہ چیزوں کے بارے میں پوچھا تو وہ رونے لگتی تھی‘‘۔ بیٹی ذہنی معذور ہے اس لیے ہم اُس پر خصوصی نظر رکھتے تھے، معلوم نہیں اُس نے کس طرح زیورات نگلے، دو ماہ قبل جب اُس کی طبیعت ناساز ہوئی تو ہم ڈاکٹر کے پاس لے کر گئے انہوں نے دوائی دی مگر کوئی افاقہ نہیں ہوا۔

West Bengal: Ornaments and coins were removed from the stomach of a mentally challenged woman at a government hospital in Birbhum district yesterday. pic.twitter.com/xxwxrN0xNn

— ANI (@ANI) July 25, 2019

لڑکی کی والدہ کا کہنا تھا کہ پندرہ روز پہلے لڑکی اپنے بھائی کے ساتھ دکان پر گئی تو اُس نے خاموشی سے کئی سکے نگل لیے، جس کی وجہ سے الٹیاں شروع ہوئیں اور جب میڈیکل کالج لائے تو الٹرا ساؤنڈ کی رپورٹ میں آیا کہ بیٹی کے پیٹ میں سکے اور زیورات ہیں۔

ڈاکٹر کے مطابق اگر بروقت تشخیص نہ ہوتی تو لڑکی کی موت واقع ہوسکتی تھی، البتہ اب بھی اس کو صحت مند ہونے میں دو سے چار ماہ کا وقت لگے گا۔

نیویارک :فلسطینیوں کے گھروں کی مسماری پر اقوام متحدہ کو بھی یہ کہنا پڑگیا کہ اسرائیل تمام حدیں پار کررہا ہے، اقوام متحدہ نے فلسطین کے مقبوضہ بیت المقدس میں فلسطینیوں‌کے گھروں کی مسماری کے ظالمانہ عمل کی شدید مذمت کرتےہوئے گھروں‌کی مسماری کا عمل فوری روکنے کا مطالبہ کیا ہے۔

ادھر اقوام متحدہ کی سیکرٹری جنرل برائے سیاسی امور روز ماری دی کارلو نے کونسل کو فلسطین،اسرائیل تنازع پر بریفنگ دی اور کہا کہ فلسطینیوں اوراسرائیل درمیان جمود کا کار بات چیت کے خطرناک نتائج سامنے آئیں گے۔
ادھر سلامتی کونسل میں جرمنی کے مندوب نے کہا کہ فلسطینیوں اور اسرائیل کےدرمیان تنازع سیاسی نوعیت کا ہے اوراسے سیاسی طریقے سے حل کیا جانا چاہیے۔ ان کا کہنا تھا کہ جرمنی دو ریاستی حل کے فارمولے کی حمایت کرتا ہے۔

ماری دی کارلو نے کہا کہ سلامتی کونسل کی قرارداد 2334 جس پر امریکا نے بھی اتفاق کیا تھا عالمی برادر اوراسرائیل کو اس میں پیش کردہ نکات کا پابند بناتی ہے۔

جرمن سفیر نے فلسطین میں یہودی آباد کاری اور مقبوضہ فلسطینی علاقوں میں یہودی بستیوں کی تعمیر کو دو ریاستی حل کے نظریے کےخلاف قرار دیا۔ ان کا کہنا تھا کہ اسرائیل کا غرب اردن کے علاقوں کو ضم کرنے کا اشارہ اور سنہ 1967ء کی سرحدوں میں کسی قسم کی تبدیلی کے خطرناک نتائج سامنے آئیں‌گے۔

انہوں نے غرب اردن اور بیت المقدس میں فلسطینیوں کے گھروں کی مسماری کو اوسلو معاہدے کی کھلی خلاف ورزی اور فلسطینیوں کو زبردستی بے دخل کرنے کی کوششوں کے مترادف قرار دیا۔

روز ماری نے بھی فلسطین میں یہودی آباد کاری، مسجد اقصی کے اطراف میں‌کھدائیوں اور فلسطینیوں‌کے گھروں کی مسماری پرعالمی برادری کی خاموشی کو مجرمانہ غفلت قرار دیا۔

سلامتی کونسل کے ہنگامی اجلاس میں چین کے مندوب نے بھی خطاب کیا اور انہوں‌نے بیت المقدس میں فلسطینیوں کے گھروں کی مسماری کی مذمت کی اور مسئلہ فلسطین کے منصفانہ اور دیر پا حل کی ضرورت پر زور دیا۔