Category: بین الاقوامی

بھارتی ریاست بہار میں ہلاکتوں کی تعداد بانوے ہو گئی ہے

تفصیلات کےمطابق بھارتی ریاست بہار کے محکمہِ صحت عامہ کے اہلکار نے بتایا کہ بہار میں آنے والی گرمی کی شدید لہر کے باعث ریاست بہار میں میں ہلاکتوں کی تعداد بانوے ہو گئی ہے ، مرنے والوں میں سے بیشتر افراد کی عمر پچاس سال سے زائد تھی۔

شدید گرمی کے پیش نظر بہار کی مقامی حکومت نے شہریوں کو ہدایات جاری کرتے ہوئے کہا کہ وہ دن کے اوقات میں بلا ضرورت باہر نہ نکلیں۔اسکولوں نے بھی گرمی کی شدت کے پیشِ نظر بائیس جون تک چھٹیوں کا اعلان کر دیا ہے۔

بھارتی ذرائع ابلاغ کے مطابق بہار میں رواں سال گرمیوں کا درجہ حرارت گزشتہ سالوں کی نسبت زیادہ رہا ہے ۔بیشتر علاقوں میں بلند ترین درجہ حرارت معمول سے پانچ ڈگری سینٹی گریڈ زیادہ ہے ۔

اسرائیلی فوجی مقبوضہ علاقوں سے 9 فلسطینیوں کو لے گئے

تفصیلات کے مطابق .اسرائیلی فوج کے مطابق، دریائے اردن کے مغربی کنارے کے مختلف علاقوں سے رات گئے کی جانے والی کاروائی کے دوران ان فلسطینیوں کو گرفتار کرنے کے بعد حراستی مرکز لے جایا گیا
20.06.2019 ~ 20.06.2019
اسرائیلی فوجی مقبوضہ علاقوں سے 9 فلسطینیوں کو لے گئے
اسرائیلی فوجیوں نے مقبوضہ مغربی کنارے سے 9 فلسطینوں کو گرفتار کرلیا ۔

اسرائیلی فوج کے مطابق، دریائے اردن کے مغربی کنارے کے مختلف علاقوں سے رات گئے کی جانے والی کاروائی کے دوران ان فلسطینیوں کو گرفتار کرنے کے بعد حراستی مرکز لے جایا گیا ۔

واضح رہے کہ اسرائیلی فوج مختلف بہانوں سے مقبوضۃ علاقوں میں کاروائی کے دوران فلسطینیوں کو پکڑ کر لے جاتی ہے

سمورائے جزیرہ ٹاٹم فری زون علاقہ قرار دے دیا گیا یوں یہ علاقہ وقت کی قید سے آزاد ہو گیا.

تفصیلات کے مطابق .ناروے کے اس جزیرے میں گرمیوں میں 69 دنوں تک سورج غروب نہیں ہوتا۔ یہاں کے مقامی لوگوں کا کہنا ہے کہ اس جزیرے کو ٹائم فری زون قرار دے دینے سے یہ دنیا کا پہلا ٹائم فری زون بن جائے گا۔

نومبر سے جنوری تک اس جزیرے پر سورج غروب نہیں ہوتا، مئی 18 سے لے کر جولائی 26 تک یہاں گرمیوں میں لوگ وقت کا تعین کرنا چھوڑ دیتے ہیں۔

رات کو 3 بجے سوئمنگ کرنا، کھیل کود اور دھوپ سینکنا کوئی غیر معمولی بات نہیں ہے، یہاں اکثریت یہی کر رہی ہوتی ہے جس کا جب دل چاہتا ہے وہ سوجاتا ہےاور پھر اپنے حساب سے جاگ بھی جاتا ہے۔

اس جزیرے کے لوگ نسلوں سے اس طرح زندگی گزارنے کے عادی ہو چکے ہیں لیکن اب یہاں کے مقامی سرکاری طور پر اس جزیرے کو ٹائم فری زون قرار دلوانا چاہتے ہیں۔

300 کے قریب سمورائے کے باسیوں نے اپنی دستخط شدہ درخواست سرکاری نمائندوں دے دی ہے۔

امریکی فوج نے اس دعوے کی تردید کرتے ہوئے کہا کہ "ایرانی فضائی حدود میں کوئی امریکی طیارہ داخل نہیں ہوا”۔

تفصیلات کے مطابق امریکی فوج نے اس دعوے کی تردید کرتے ہوئے کہا کہ "ایرانی فضائی حدود میں کوئی امریکی طیارہ داخل نہیں ہوا”۔
اس سے قبل NBC نیوز کے مطابق امریکی مرکزی کمان کے ترجمان نے بھی علاقے میں کسی ڈرون کی پرواز کی نفی کی تھی۔

یہ واقعہ ایسے وقت سامنے آیا ہے جب گذشتہ برس مئی میں امریکی صدر ڈونلڈ ٹرمپ کی جانب سے جوہری معاہدے سے نکل جانے کے اعلان کے بعد سے واشنگٹن اور تہران کے درمیان کشیدگی بڑھتی جا رہی ہے۔
واضح رہے کہ اس سے پہلے پاسداران انقلاب نے دعوی کیا تھا کہ انہوں نے آبنائے ہرمز میں امریکی ڈرون مار گرایا ہے.جبکہ روسی میڈیا بھی طیارہ گرنے کی تردید کر رہا ہے.

یمن کے مغربی شہر الحدیدہ کے ایک علاقے میں حوثی ملیشیا کے اسلحہ گودام میں دھماکے ہوئے ۔

تفصیلات کے مطابق، یمن کے مغربی شہر الحدیدہ کے ایک علاقے میں حوثی ملیشیا کے اسلحہ گودام میں دھماکے ہوئےواضح رہے کہ حوثی ملیشیا نے دانستہ طور پر اسلحے کو عوامی بازار کے بیچ ذخیرہ کیا۔ اس کے سبب شہریوں کی زندگیوں کو شدید خطرہ لاحق ہے۔

مذکورہ واقعہ اس بات کی ایک اور دلیل ہے کہ حوثی ملیشیا کی جانب سے یومیہ بنیاد پر الحدیدہ میں نئی صف بندی کے معاہدے کی خلاف ورزیاں جاری ہیں۔

یاد رہے کہ بدھ کو علی الصبح حوثی ملیشیا نے الحدیدہ شہر کے مشرق میں عسکری ٹھکانوں پر درمیانے اور بھاری ہتھیاروں کے ساتھ حملہ کیا۔ اس کے نتیجے میں گھمسان کی لڑائی ہوئی۔ مشترکہ یمنی فورسز نے بتایا کہ حوثیوں کے مذکورہ حملے کو ناکام بنا دیا گیا۔ یہ دسمبر 2018 کے بعد سے الحدیدہ صوبے میں اب تک کا شدید ترین حملہ تھا

ہماریے دباؤ کی وجہ سے ایران کی سمندر پار دہشت گردی کے لیے فنڈنگ متاثر ہوئی جس کےنتیجے میں لبنانی ملیشیا حزب اللہ اور فلسطین کی حماس کو ایران سے فنڈز ملنا کم ہوگئے ہیں۔ امریکہ

تفصیلات کے مطابق؛ خصوصی ایلچی برائن ہک نےامریکی سینٹ کمیٹی کو ایران پرعاید کردہ اقتصادی پابندیوں کے اثرات پر بریفنگ دیتے ہوئے کہا کہ اسلحہ اور فوجی طاقت کے استعمال کےبغیر معاشی ناکہ بندی کے ذریعے ایران کو مذاکرات کی میز پرلانے اور ایک نیا جوہری معاہدہ کرنے کی راہ ہموار ہورہی ہے۔

انہوں‌ نے کہا کہ اگرچہ امریکی پابندیوں‌ کے باوجود ایران دہشت گرد ملیشیائوں کی مالی معاونت، بیلسٹک میزائلوں کی تیاری اور خطے میں مداخلت جاری رکھے ہوئے ہے مگر ایران کی صلاحیت پر منفی اثرات مرتب ہوئے ہیں۔

برائن ہُک نے کہا کہ ایران کی مداخلت سے یمنی عوام کی مشکلات میں اضافہ ہوا۔ ایران نے اسد رجیم کی مدد کے لیے تمام حربے استعمال کیے۔ خطے کو عدم استحکام سے دوچار کرنے کے لیے ایران نے حزب اللہ کی معالی اور فوجی مدد کی۔

عمان (مسقط_نمائندہ باغی ٹی وی) پاکستان نیوی کا بحری جہاز PNS اصلت عمان کے شہر صلالہ کی بندرگاہ پر پہنچ چکا ہے۔ تفصیلات کے مطابق پاک بحریہ رائل عمان نیوی کے ساتھ مشترکہ مشق میں حصہ لے گی۔ جس کا مقصد علاقائی سمندری حدود کی سیکورٹی کو بہتر بنانے کے لیے مل کر کام کرنے کا اعادہ کرنا ہے۔ بحری جہاز کے کمانڈر آفیسر کیپٹن شفیق الرحمن نے صلالہ نیوی یونٹ کے کمانڈنگ آفیسر اور 11 انفنٹری بریگیڈ کے کمانڈر سے ملاقات کی اور باہمی دلچسپی کے امور پر تبادلہ خیال کیا۔ انہوں نے چیف آف نیول اسٹاف ایڈمرل ظفر محمود عباسی کی طرف سے اپنے ہم منصب رائل عمان نیوی کے چیف ایڈمرل عبداللہ الراسی کو مشق کے انعقاد پر مبارکباد بھی پیش کی۔ اس موقع پر پاکستان ایمبیسی عمان کے ڈپٹی ہیڈ مشن سلیمان اطہر اور ڈیفنس اتاشی کیپٹن رضوان علی بھی شریک ہوئے۔

ایران سے جنگ نہیں چاہتے مگر ہر صورت حال کے لیے تیار ہیں.امریکہ مشرق وسطی میں ایک ہزار فوجیوں‌ کی تعیناتی میزائل،فائٹر ڈرون طیارے اور جاسوس ڈرون طیارے تعینات کرے گا

تفصیلات کے مطابق ‘پینٹا گان’ کے ترجمان نے ایک بیان میں‌ کہا کہ ان کا ملک ایران کے ساتھ جنگ نہیں چاہتا مگر ہرطرح کے حالات سے نمٹنے کے لیے تیار ہے۔

خیال رہے کہ کل بدھ کے روز امریکی وزیرخارجہ مائیک پومپیو نے ایک بیان میں کہا تھا کہ مشرق وسطیٰ‌میں مزید 1000 فوجیوں‌کی تعیناتی کا مقصد’دفاعی’ ہے۔ امریکی صدر ڈونلڈ ٹرمپ بھی ایران کے ساتھ جنگ نہیں چھیڑنا چاہتے مگر امریکی انتظامیہ ایران کی خطے میں اپنی معاندانہ اور جارحارنہ سرگرمیوں کی روک تھام کے لیے تہران پر دبائو جاری رکھے گا۔
امریکی وزارت دفاع نے کہا ہےکہ امریکہ ایران کے ساتھ جنگ تو نہیں چاہتا لیکن ہر طرح کی صورت حال سے نمٹنے لیے تیار ہے.