Category: بین الاقوامی

جرمن چانسلر قومی ترانے کے دوران کانپنے کیوں لگیں جسے اس وقت کیمرا نے ریکارڈ کیا

تفصیلات کے مطابق .استقبالیہ تقریب میں دونوں ممالک کے ترانے بجانے کے دوران یوکرینی صدر کے ساتھ کھڑی جرمن چانسلر انجیلامرکل بُری طرح کانپتی اور ہونٹ بھینچ کر اپنے آپ پر قابو پاتی نظر آئیں۔

ترانے ختم ہونے تک خود کو سنبھال کر انجیلامرکل یوکرینی صدر کے ساتھ چلی گئیں۔ صحافیوں کے استفسار پر انجیلامرکل نے اپنے ٹھیک ہونے اور کانپنے کی وجہ پانی کم پینا بتائی۔

ایک خبر رساں ادارے کا کہنا ہے کہ گرمی کی شدت کی وجہ سے جرمن چانسلر کی طبیعت ناساز ہوئی۔ 64 سالہ چانسلر کو پانی کی کمی کے باعث ایسی صورت حال کا سامنا رہا۔

واضح رہے کہ جرمن چانسلر نے اگلے سال 2021 میں چوتھی بار منتخب ہونے کے بعد عہدے سے

عراق، بغداد کے جوار میں ایک فوجی کیمپ پر میزائل حملہ

باغی ٹی وی رپورٹ کے مطابق بغداد سے 85 کلو میٹر شامل میں واقع اور امریکی فوجیوں کے قیام کردہ مذکورہ کیمپ میں ایک فوجی ہوائی اڈہ اور بیس موجود ہیں.عراق، بغداد کے جوار میں ایک فوجی کیمپ پر میزائل حملہ
عراقی دارالحکومت بغداد میں واقع الا تاجی فوجی کیمپ پر کاتیوشا میزائل حملہ کیا گیا۔

عراقی وزارت ِ عظمی سے منسلک سیکورٹی میڈیا نیٹ ورک کی جانب سے جاری کردہ تحریری اعلان کے مطابق الا تاجی فوجی کیمپ پر تین کاتیوشا میزائل داغے گئے۔

اعلامیہ میں اس حملے کے حوالے سے کوئی دوسری تفصیلات فراہم نہیں کی گئیں۔

واضح رہے کہ بغداد سے 85 کلو میٹر شامل میں واقع اور امریکی فوجیوں کے قیام کردہ مذکورہ کیمپ میں ایک فوجی ہوائی اڈہ اور بیس موجود ہے۔

یاد رہے کہ بغداد کے مرکزی علاقے میں واقع امریکی سفارتخانے کے جوار میں ایک مکان پر بروز جمعہ کاتیوشا میزائل گرنے کی خبریں بھی سامنے آئی تھیں۔

ترک حکومت نے جلا وطن لیڈر فتح اللہ گولن کی جماعت سے تعلق کے شبے میں 128 فوجیوں کی گرفتاری کاحکم دیا دے دیا

باغی ٹی وی رپورٹ کے مطابق ترک حکام نے امریکا میں خود ساختہ جلا وطن لیڈر فتح اللہ گولن کی جماعت سے تعلق کے شبے میں 128 فوجیوں کی گرفتاری کاحکم دیا ہے۔ ترک حکام کا کہنا ہے کہ ان فوجیوں پر سنہ 2016ء کی ناکام فوجی بغاوت میں ملوث ہونے کا شبہ ظاہرکیا جا رہا ہے۔

خبر رساں ایجنسی’رائیٹرز’کے مطابق ترک پولیس گولن تحریک سےتعلق کے شبے میں 128 فوجیوں‌کی گرفتاری کے لے چھاپے مار رہی ہے۔ان میں سے نصف فوجی مغربی ساحلی علاقے ازمیر اور باقی ملک کے دیگر 30 علاقوں سے تعلق رکھتے ہیں۔

ذرائع کاکہنا ہےکہ پولیس کومطلوب فوجیوں‌میں امریکا میں مذہبی رہ نما فتح اللہ گولن کی تحریک کے ساتھ وابستگی کا شبہ ہے۔ ترک حکومت کا دعویٰ ہے کہ سنہ 2016ءٰ کی ناکام فوجی بغاوت کی منصوبہ بندی فتح اللہ گولن نے کی تھی تاہم وہ بار بار اس الزام کی سختی سے تردید کرچکے ہیں۔

ترکی میں فوجی بغاوت کی ناکام کوشش کے بعد اس میں‌ملوث ہونے کے شبے میں 77000 افراد کو گرفتار کرکے ان کے خلاف مقدمات چلائے جا رہے ہیں جب کہ ڈیڑھ لاکھ سرکاری ملازمین جن میں فوج اورپولیس کے اہلکار بھی شامل ہیں کو ملازمت سےفارغ کردیا گیا ہے۔

اقوام متحدہ کی روس اور ترکی سے شام کے شہر ادلب کی صورت حال بہتر کرنے کی استدعا

باغی ٹی وی رپورٹ کے مطابق اقوام متحدہ کی روس اور ترکی سے شام کے شہر ادلب کی صورت حال بہتر کرنے کی استدعا کی ہے اس سلسلے میں قوام متحدہ کے سیکریٹری جنرل انتونیو گوٹیریس نے روس اور ترکی سے اپیل کی ہے کہ وہ شام کے شمال مغربی علاقے ادلب میں صورت حال کو بلا تاخیر مستحکم کریں۔

اقوام متحدہ کے سیکٹری جنرل کے نے تشویش کا اظہار کرتےہوئے کہا کہ’’مجھے ادلب میں لڑائی میں شدت پر گہری تشویش لاحق ہے اور شام میں کرداروں کی تعداد میں اضافے کے بعد صورت حال خاص طور پر خطرناک ہوگئی ہے‘‘۔

انھوں نے پہلی مرتبہ دوٹوک الفاظ میں کہا ہے کہ ’’دہشت گردی کے خلاف جنگ میں بھی عالمی انسانی حقوق اور انسانی قوانین کی مکمل پاسداری کی ضرورت ہے‘‘۔

مصری معزول صدر محمد مرسی کی وفات کے بعد ترکی کی قیادت کی طرف سے تعزیت کے پیغامات جاری

باغی ٹی وی رپورٹ کے مطاق مصر کے معزول صدر محمد مرسی کی قید و بند کے دوران عدالت میں وفات کے بعد قومی لیڈروں کی طرف سے تعزیت کے پیغامات جاری ہورہے ہیں.اس سلسلے میں ترک اسپیکرِ اسمبلی مصطفیٰ شن توپ نے سماجی رابطو ں کی ویب سائٹ کے ذریعے اپنے اعلان میں کہا ہے کہ "مرسی قانونی صف میں شامل ہونے کی بہادری کا مظاہرہ کرنے والے ایک عظیم لیڈر تھے۔ ان کو قید کیا گیا تھا لیکن آپ ان کوجیل میں بند کرنے والوں سے زیادہ آزاد تھے۔”

ایوان ِ صدر کے محکمہ اطلاعات کے چیئرمین فخرالدین آلتون نے بھی سماجی میڈیا کے ذریعے اپنے پیغام میں کہا ہے کہ”پوری دنیا کی نظروں کے سامنے خونی بغاوت کے ذریعے تختہ الٹائے جانے والے معزول صدر محمد مرسی عدالت کے کٹہرے میں اپنے خالق ِ حقیقی سےجا ملے۔ ”

آک پارٹی کے ترجمان عمر چیلک نے بھی اس حوالے سے کہا ہے کہ مصر کے پہلے منتخب صدر مرسی غیر اخلاقی و غیر قانونی فوجی بغاوت کے بعد فوجی جتھے کے زیرِ اثر عدالتوں میں مقدمات بھگت رہے تھے ، میں مرسی کی مغفرت کا دعا گو ہوں۔

انہوں نے مرسی کے جنازے کو ان کے اہل خانہ کے حوالے کیے بغیر دفن کیے جانے پر ردعمل کا مظاہرہ کرتے ہوئے کہا کہ خونی ہاتھوں کے ساتھ انسانی اقدار کی دھجیاں اڑانے والے ایک نعش سے بھی خوفزدہ ہیں۔

ایران کے صدر حسن روحانی نے کہا ہے کہ ان کا ملک کسی ریاست کے خلاف جنگ چھیڑنے کا ارادہ نہیں‌ رکھتا۔

باغی ٹی وی کی رپورٹ کے مطابق منگل کے دن سرکاری ٹی وی پر نشر کئے جانے والے اپنے خطاب میں انہوں نے کہاکہ جمعرات کے روز خلیجِ عُمان میں دو تیل بردار جہازوں پر حملے کے بعد سے ایران اور امریکہ کے درمیان تصادم کے حوالے سے اندیشے بڑھ گئے ہیں اور یہ کہ مذکورہ حملوں کے حوالہ سے واشنگٹن نے اس کا ذمہ دار ایران کو ٹھہرایا ہے۔

ادھر یورپی یونین میں خارجہ پالیسی کی رابطہ کار فیڈریکا موگرینی نے کہا ہے کہ ایران کے ساتھ کشیدگی میں اضافے پر یورپی یونین کی تشویش کا اظہار کیا۔ ہم اس وقت حالات کو پرسکون بنانے کے لیے کام کر رہے ہیں۔ موگرینی کا مزید کہنا تھا کہ ابھی تک ایران نے ہماری توقعات کے مطابق جوہری معاہدے کی پاسداری کی ہے۔ انہوں نے کہا کہ اس سلسلے میں ایٹمی توانائی کی عالمی ایجنسی کی آئندہ رپورٹ کا انتظار ہے۔

واضح رہے کہ خلیج عمان میں تیل بردار جہازوں پر حملوں‌کے بعد امریکہ اور برطانیہ نے ان حملوں‌ کا ذمہ دار واضح طور پر ایران کو ٹھہرایا ہے. ان حملوں‌ کے بعد ایران اور امریکہ میں کشیدگی بھی بڑھی ہے اوردونوں‌ طرف سے جارحانہ بیان بازی دیکھنے میں‌ آئی ہے.

امریکہ نے مشرق وسطیٰ میں‌ مزید 1000 فوجی تعینات کرنے کا اعلان کیا ہے۔ پینٹاگون کی طرف سے جاری کردہ بیان کے مطابق امریکی نائب وزیر دفاع پیٹرک شاناہن سے یہ بات منسوب کی گئی ہے کہ سینٹرل کمان کی درخواست پرعمل درآمد کرتے ہوئے مزید ایک ہزار فوجیوں کو مشرق وسطیٰ میں تعینات کرنے کا فیصلہ کیا گیا ہے تاکہ خطے میں فضائی، بری اور بحری خطرات سے نمٹنے میں مدد لی جا سکے۔

باغی ٹی وی کی رپورٹ‌ کےمطابق خلیج عمان میں‌ آبنائے ہرمز کے قریب تیل بردار جہازوں‌ پر کئے جانے والے حملوں‌ میں‌ امریکہ اور برطانیہ کی جانب سے ایران کو ملوث‌ قرار دیا گیا ہے جبکہ سعودی عرب نے بین الاقوامی برادری سے خطہ کی آبی حدود کو محفوظ بنانے کا مطالبہ کیا ہے.

رپورٹ کے مطابق امریکی جنرل پیٹرک کا کہنا ہے کہ ان کا ملک جنگ نہیں چاہتا۔ ان کا پہلا مقصد خطے میں امریکی مفادات اور وہاں پر کام کرنے والے امریکی شہریوں کی جان ومال کا تحفظ ہے۔ ہم خطے میں اپنے مفادات اور شہریوں کے تحفظ کے پیش نظر انٹیلی جنس اداروں کی مصدقہ معلومات کی روشنی میں سیکورٹی پلان تیار کرتے ہیں۔

واضح رہے کہ اس سے قبل مختلف امریکی عہدیداروں نے بین الاقوامی ذرائع ابلاغ سے گفتگو کرتے ہوئے کہا تھا کہ امریکہ مشرق وسطیٰ میں‌ مزید فوج بھیجنے کی تیاری کر رہا ہے.

سعودی عرب کی کابینہ نے خلیج عمان میں تیل بردار جہازوں‌ پر حملوں کے بعد بین الاقوامی برادری سے مطالبہ کیا ہے کہ وہ خطہ میں آبی گزر گاہوں‌ کو محفوظ بنانے کیلئے اقدامات اٹھائے.

باغی ٹی وی کی رپورٹ کے مطابق سعودی عرب کی کابینہ نے توانائی کی مارکیٹ اور عالمی معیشت کو لاحق خطرات کے پیش نظر خطے میں آبی گذرگاہوں کے تحفظ کو یقینی بنانے کے لیے فیصلہ کن اقدام پر زور دیا ہے.

خلیج عمان میں چند دن قبل دو تیل بردار جہازوں‌ کو میزائل حملوں‌ کو نشانہ بنایا گیا تھا. یہ حملے خلیج عمان میں آبنائے ہرمز کے نزدیک بین الاقوامی پانیوں میں‌ کئے گئے تھے جس پر ایک جہاز کے کچھ حصے میں‌ آگ بھڑک اٹھی تھی.

خلیج عمان میں تیل بردار جہازوں‌ پر ہونےو الے حملوں کا ذمہ دار امریکہ اور برطانیہ نے ایران کو ٹھہرایا تھا جبکہ ایران نے اس الزام کی تردید کی تھی. واضح‌ رہے کہ گذشتہ ماہ بھی اسی علاقے میں چار تیل بردار بحری جہازوں پر حملہ کیا گیا تھا جن میں سے دو سعودی عرب کے تھے۔ ادھر سعودی عرب کے ولی عہد شہزادہ محمد بن سلمان نے واضح طور پر کہا ہے کہ وہ سعودی عرب کو لاحق خطرات سے نمٹنے کیلئے کسی بھی اقدام سے گریز نہیں‌ کریں‌ گے.