Category: بین الاقوامی

ڈونلڈ ٹرمپ کی جانب سے برتھ رائٹ ایگزیکٹو آرڈر جاری ہونے بعد خواتین نے وقت سے پہلے ہی ماں بننے کے لئے اسپتالوں کا رخ کرلیا۔

یادرہے برتھ رائٹ امریکا میں پیدائش کی بنیاد پر نومولود کی فوری شہریت کا ہے تاہم صدر ٹرمپ کے ایگزیکٹو آرڈر کے اجرا کے بعد اب 20 فروری کے بعد امریکا میں پیدا ہونے والے کسی بھی بچے کو امریکی شہریت نہیں ملے گی ۔ صدرڈونلڈ ٹرمپ کے اس قدم نے خصوصا تارکین وطن میں حاملہ خواتین کو تشویش میں مبتلا کردیا ہے ۔ اور حاملہ خواتین جوق درجوق اسپتالوں اور کلینکس کا رخ کررہی ہیں ان کا اصرار ہے کہ ان کی قبل از وقت زچگی کرادی جائے حتی کہ ساتویں مہینے کے حمل والی خواتین میں ڈاکٹرز سے اصرار کررہی ہیں کہ سیزرین کے ذریعے بچے کی پیدائش ممکن بنائی جائے ۔

20 فروری کے بعد ایسے والدین کے بچوں کو اپنے آپ شہریت نہیں ملے گی جو امریکہ کے شہری نہیں ہیں یا گرین کارڈ ہولڈر نہیں ہیں۔ ایک سروے کے مطابق کئی امریکی نوجوان بھی اس فیصلے کے خلاف ہیں۔میڈیا سے بات چیت میں نیو جرسی کے ڈاکٹر ڈی راما نے بتایا ہے کہ ان کے پاس وقت سے پہلے زچگی کرانے کی درخواستوں میں اضافہ ہورہا ہے۔ کئی خواتین اپنے حمل کے 8ویں یا 9ویں مہینے میں ہیں۔ یہ سبھی 20 فروری سے پہلے سی-سیکشن کرانا چاہتی ہیں۔

ڈاکٹرز کی جانب سے اس وارننگ کے باوجود کہ پری ٹرم ڈیلیوری سے بچے اور ماں کی جانیں خطرے میں پڑ سکتی ہیں جوڑوں کا اصرارہے کہ انہیں 20 فروری سے پہلے بچہ کی پیدائش چاہئیے۔ ڈاکٹرز کے مطابق پری ٹرم ڈیلیوری کی پیچیدگیوں میں اَنڈیولپڈ پھیپھڑے، کم وزن، نیورولاجیکل مسائل سمیت کئی مرض شامل ہیں۔ یادرہے کئی تارکین وطن اور سیاح والدین خصوصی طور پر بچہ کی امریکا میں پیدائش کے لئے برسوں کی پلاننگ کرتے ہیں کیونکہ اس طرح انہیں اور ان کے ہونے والے بچے کو امریکا کی شہریت مل سکتی ہے۔

جرمنی میں بچوں کو قتل اور زخمی کرنے والا افغان شہری نکلا

سنگین جرائم میں مطلوب سینکڑوں مفرورملزمان مختلف ممالک سے گرفتار

نیشنل اسٹیڈیم کے 2 اسٹینڈز سابق کپتانوں کے نام سے منسوب

بابر اعظم پر مبینہ زیادتی کا مقدمہ،خاتون عدالت میں طلب

جرمنی میں چاقو بردار شخص نے ڈے کیئر سینٹر سے آئے ہوئے بچوں پر چاقو سے حملہ کردیا جس کے نتیجے میں 2 افراد ہلاک اور 2 زخمی ہوگئے۔

عالمی خبر رساں ادارے کے مطابق جرمنی کے شہر اسکافنبرگ کے ایک پارک میں چاقو بردار شخص نے بچوں پر حملہ کردیا۔حملے میں 2 سالہ بچہ ہلاک ہوگیا جب کہ بچوں کو بچانے کی کوشش میں ایک 41 سالہ شخص بھی ہلاک اور دو زخمی ہوگئے۔حملہ آور نے پولیس کو دیکھ کر پارک سے چھلانگ لگائی اور ریل کی پٹریوں پر بھاگنے لگا جس کے باعث اسکافنبرگ میں ٹرین سروس مختصر طور پر معطل کر دی گئی۔بعد ازاں پولیس نے تعاقب کے بعد حملہ آور کو حراست میں لے لیا جو سالہ افغان باشندہ ہے اور تارکین وطن کی حیثیت سے پناہ گزین کیمپ میں رہ رہا تھا۔پولیس نے ایک اور مشتبہ شخص کو بھی گرفتار کیا ہے جسے بطور گواہ پیش کیا جائے گا تاہم فوری طور پر ایسے کوئی اشارے نہیں ملے کہ وہ حملہ آور کا ساتھی تھا۔

مقامی میڈیا نے دعویٰ کیا کہ حملہ آور افغان پناہ گزین کا نفسیاتی علاج بھی کرایا گیا تھا۔ایک ماہ قبل ایک سعودی ڈاکٹر نے کرسمس مارکیٹ میں راہگیروں کو جان بوجھ کر کچل دیا تھا جس میں 6 افراد ہلاک اور 200 زخمی ہوگئے تھے۔اسی طرح جون میں اسلام مخالف ریلی میں افغان شخص نے گستاخ رسول پر چاقو سے حملہ کردیا تھا جس میں ایک پولیس اہلکار مارا گیا تھا۔اگست میں مغربی شہر سولنگن میں ایک اسٹریٹ فیسٹیول میں چاقو حملے میں 3 افراد ہلاک اور 8 زخمی ہوگئے تھے۔اس حملے کی ذمہ داری داعش نے قبول کی تھی اور پولیس نے ایک شامی پناہ گزین کو گرفتار کیا تھا۔ان حملوں کے بعد سے یہ بحث پھر سے زندہ ہوگئی کہ جرمنی میں پناہ لینے والے تارکین وطن کو اُن کے ملک واپس بھیجا جائے۔

دوسری جناب جرمنی کے چانسلر نے واقعے کی مذمت کرتے ہوئے حکام سے مطالبہ کیا کہ فوری طور پر وضاحت کریں کہ ملزم ابھی تک جرمنی میں کیوں اور کیسے رہ رہا تھا۔

سنگین جرائم میں مطلوب سینکڑوں مفرورملزمان مختلف ممالک سے گرفتار

نیشنل اسٹیڈیم کے 2 اسٹینڈز سابق کپتانوں کے نام سے منسوب

بابر اعظم پر مبینہ زیادتی کا مقدمہ،خاتون عدالت میں طلب

باغی ٹی وی کی 13 ویں سالگرہ، لاہور میں کیک کاٹنے کی تقریب

ایف آئی اے این سی بی انٹرپول نے سنگین جرائم میں مطلوب 116 ملزمان کو مختلف ممالک سے گرفتار کیا۔

ایف آئی اے حکام کے مطابق ایف آئی اے این سی بی انٹرپول پاکستان نے 2024 کے دوران سنگین جرائم میں مطلوب 116 ملزمان کو مختلف ممالک سے گرفتار کیا۔ گرفتار ملزمان قتل، اقدام قتل، ڈکیتی، اغوا, انسانی اسمگلنگ اور کرپشن کے مقدمات میں مطلوب تھے۔ملزمان کی گرفتاری کے لئے ایف آئی اے این سی بی انٹرپول نے مجموعی طور پر 162 ریڈ نوٹسسز جاری کئے تھے جن میں 23 ملزمان ایف آئی اے، پنجاب پولیس کو 111، نیب کو 2, ایف آئی اے کو مطلوب 2 اور خیبر پختونخواہ پولیس کو مطلوب ایک ملزم کو گرفتار کیا گیا۔ یو اے ای سے 53, سعودی عرب سے 32 ملزمان کو گرفتار کیا گیا جبکہ عمان سے 6, اسپین سے 4 اور اٹلی سے 4 ملزمان کو گرفتار کیا گیا۔

ایف آئی اے کے مطابق آذربائیجان، کویت، بحرین، ملائیشیا اور کرغستان سے 2, 2 ملزمان کو گرفتار کیا گیا جبکہ سوئٹزرلینڈ، جرمنی، یونان، فرانس، یو کے اور قطر سے ایک ایک ملزم کو گرفتار کیا گیا۔ گرفتار ملزمان کو ایئرپورٹس پر ایف آئی اے امیگریشن نے متعلقہ پولیس حکام کے حوالے کیا۔گزشتہ سال کے دوران این سی بی انٹرپول پاکستان نے سنگین جرائم میں مطلوب ملزمان کی گرفتاری کے لئے 162 ریڈ نوٹسسز 7، ییلو اور 2 بلیو نوٹسسز جاری کئے۔پنجاب پولیس کو مطلوب 131 ملزمان کی گرفتاری کے لئے ریڈ نوٹسسز جاری کئے گئے۔ ایف آئی اے کو مطلوب انسانی سمگلروں سمیت 23 ملزمان کی گرفتاری کے لئے ریڈ نوٹسسز جاری کئے گئے۔نیب کو مطلوب 3، کے پی پولیس کو مطلوب 3 ملزمان کی گرفتاری کے لئے ریڈ نوٹسسز جاری کئے گئیجبکہ اسلام آباد اور سندھ پولیس کو مطلوب 2 ملزمان کی گرفتاری کے لئے ریڈ نوٹسسز جاری کئے گئے۔

ڈی جی ایف آئی اے احمد اسحاق جہانگیر کا کہنا تھا کہ این سی بی انٹرپول پاکستان جدید ٹیکنالوجی سے آراستہ 24 گھنٹے پوری دنیا کے ساتھ رابطے میں ہے۔ سنگین جرائم میں مطلوب اشتہاری ملزمان کے لئے دنیا میں کوئی بھی جگہ محفوظ نہیں۔ڈی جی ایف آئی اے کا مزید کہنا تھا کہ سال 2024 میں انٹرپول کے فائنڈ سسٹم کے آئی بی ایم ایس سسٹم سے انضمام سے نئی تاریخ رقم ہوئی۔انٹرپول فائنڈ سسٹم سے مثبت نتائج موصول ہو رہے۔ ملزمان کی معلومات کے حوالے سے بھی انٹرپول کی کاوشیں قابل ستائش ہیں۔ احمد اسحاق جہانگیر نے ایف آئی اے حکام کو ہدایات کیں کہ انسانی سمگلروں اور دیگر جرائم میں مطلوب ملزمان کی گرفتاری کے لئے کاروائیاں مزید تیز کی جائیں۔ ملزمان کی گرفتاری کے لئے بین الاقوامی اداروں کے ساتھ مضبوط روابط قائم کئے جائیں اور سنگین جرائم میں مطلوب ملزمان کی گرفتاری کے لئے تمام تر وسائل کو بروئے کار لایا جائے۔

بابر اعظم پر مبینہ زیادتی کا مقدمہ،خاتون عدالت میں طلب

باغی ٹی وی کی 13 ویں سالگرہ، لاہور میں کیک کاٹنے کی تقریب

پاکستان سے غیر قانونی طور پر بھارت جانے والی سیما حیدر نے حال ہی میں اعلان کیا ہے کہ وہ بھارت کے سب سے بڑے مذہبی اجتماع ‘مہا کمبھ میلے’ میں 51 لیٹر گائے کا دودھ عطیہ کریں گی۔

سیما حیدر، جو دو سال قبل اپنے 4 بچوں کے ساتھ پاکستان سے بھارت غیر قانونی طور پرگئی تھیں، اس وقت اتر پردیش کے شہر گریٹر نوئیڈا میں اپنے بھارتی شوہر سچن مینا کے ساتھ رہ رہی ہیں۔سیما حیدر اور ان کے شوہر سچن مینا کی ملاقات ایک آن لائن گیم "پب جی” کے ذریعے ہوئی تھی، جس کے بعد دونوں نے نیپال میں جا کر شادی کر لی تھی۔ اس کے بعد سیما حیدر نے بھارت میں اپنے نئے زندگی کا آغاز کیا۔ اس دوران سیما حیدر نے اپنے مذہب کی تبدیلی کا بھی اعلان کیا اور کہا کہ انہوں نے سچن مینا سے شادی کے بعد ہندو مذہب اختیار کیا۔

بھارتی میڈیا رپورٹس کے مطابق سیما حیدر اور ان کے شوہر سچن مینا نے اعلان کیا ہے کہ وہ بھارتی شہر پریاگ راج میں جاری کمبھ میلے میں 51 لیٹر گائے کا دودھ عطیہ کرنے کا فیصلہ کر چکے ہیں۔ سیما حیدر نے کہا کہ وہ مہا کمبھ میں شرکت کرنا چاہتی تھیں، تاہم حمل کی وجہ سے وہ وہاں نہیں جا سکتیں۔سچن مینا نے اس بارے میں بات کرتے ہوئے کہا کہ دونوں کا ارادہ تھا کہ وہ گنگا، جمنا اور سرسوتی ندیوں کے سنگم پر 51 لیٹر گائے کا دودھ پیش کریں، مگر چونکہ سیما حیدر حاملہ ہیں، اس لیے انہیں اس سفر پر جانے سے گریز کرنا پڑا۔

پیکا ترمیمی بل 2025 قائمہ کمیٹی برائے داخلہ سے منظور

غزہ: عمارتوں کے ملبے سے مزید 200 لاشیں اور بنا پھٹے بموں کی بڑی تعداد برآمد

غزہ میں اسرائیلی بمباری کے نتیجے میں تباہ شدہ عمارتوں کے ملبے سے مزید 200 لاشیں برآمد ہوئی ہیں-

باغی ٹی وی : ”الجزیرہ“ کے مطابق، حماس اور اسرائیل کے درمیان جنگ بندی کے بعد سے غزہ کے محکمہ شہری دفاع اور طبی عملے کی جانب سے ملبے سے لاشیں نکالنے کا کام جاری ہے، جبکہ بنا پھٹے بموں کی بڑی تعداد برآمد ہوئی ہے-

غزہ کی شہری دفاع کے سربراہ محمد باصل نے بتایا کہ اسرائیل کی جانب سے بھاری مشینری کی تباہی اور انسانی وسائل کی کمی کے باعث ریسکیو آپریشن میں شدید مشکلات کا سامنا ہے تقریباً 10 ہزار فلسطینی شہداء کی لاشیں ابھی تک ملبے تلے دبی ہیں، جنہیں نکال کر دفنانا ممکن نہیں ہو سکا –

لیبیا کشتی حادثے میں ملوث انسانی اسمگلر گرفتار

اقوام متحدہ کے مطابق، 42 ملین ٹن ملبے میں موجود بارودی مواد کو صاف کرنے کے لیے 50 کروڑ ڈالر کی خطیر رقم درکار ہوگی، جنگ کے نتیجے میں غزہ میں 5 کروڑ ٹن ملبہ جمع ہو چکا ہے جسے صاف کرنے میں 21 سال لگ سکتے ہیں، جب کہ اس پر 1.2 ارب ڈالر لاگت آئے گی،اقوام متحدہ نے خبردار کیا ہے کہ علاقے میں غیر پھٹے بارودی مواد کی صفائی کے لیے کم از کم 10 سال درکار ہوں گے۔

دریں اثنا، جنگ بندی کے بعد انسانی امداد کی فراہمی جاری ہے۔ اقوام متحدہ کے دفتر برائے رابطہ انسانی امور (OCHA) کے مطابق، جنگ بندی کے چوتھے روز 808 امدادی ٹرک غزہ میں داخل ہوئے، جو امریکہ، مصر، اور قطر کے تعاون سے ممکن ہوا۔

چیمپئنز ٹرافی : صائم ایوب کی جگہ خوشدل شاہ اسکواڈ میں شامل

غزہ کی بحالی کے لیے بین الاقوامی تعاون اور فوری اقدامات کی ضرورت ہے تاکہ متاثرین کی مدد کی جا سکے اور علاقہ دوبارہ آباد کیا جا سکے۔

بھارتی ریاست مہاراشٹرا کے شہر ممبئی کے وزیر نتیش رانے نے حالیہ دنوں میں بالی ووڈ اداکار سیف علی خان پر ہونے والے چاقو کے حملے پر شک کا اظہار کیا ہے اور سوال اٹھایا ہے کہ کیا یہ واقعہ حقیقت ہے یا اداکار صرف اس واقعہ کو ’’اداکاری‘‘ بنا کر پیش کر رہے ہیں۔

16 جنوری کو، رپورٹس کے مطابق، سیف علی خان پر ایک مبینہ بنگلہ دیشی شہری محمد شریف الاسلام شہزاد نے حملہ کیا، جب وہ چوری کی نیت سے اداکار کے گھر میں داخل ہوا تھا۔ اس حملے میں سیف کو شدید زخمی ہونے کے بعد ہسپتال منتقل کیا گیا تھا، تاہم پانچ دن بعد سیف کو لیلاوتی ہسپتال سے ڈسچارج کر دیا گیا۔

پونے میں ایک تقریب کے دوران وزیر نتیش رانے نے کہا، ’’جب میں نے سیف کو اسپتال سے ڈسچارج ہونے کے بعد دیکھا، تو مجھے شک ہوا کہ کیا وہ واقعی زخمی تھے یا یہ سب صرف ایک اداکاری تھی۔‘‘ انہوں نے مزید کہا کہ بعض سیاسی رہنما اور بالی ووڈ کے ستارے صرف ان اداکاروں کے بارے میں فکر مند ہیں، جب ’’کوئی خان مشکل میں ہو‘‘۔رانے نے حزب اختلاف کے رہنماؤں، خاص طور پر این سی پی کے جتیندر اوہاد اور سپریہ سولے پر تنقید کرتے ہوئے کہا، ’’یہ لوگ سیف علی خان، شاہ رخ خان کے بیٹے اور نواب ملک کے بارے میں فکرمند ہیں، لیکن کیا آپ نے کبھی انہیں کسی ہندو فنکار کے بارے میں فکر مند ہوتے دیکھا ہے؟‘‘

رپورٹس کے مطابق، حملہ آور محمد شریف الاسلام سیف علی خان کے گھر میں چوری کی نیت سے داخل ہوا تھا۔ ایک ملازم نے سیف کے چھوٹے بیٹے جیہ کے کمرے میں داخل ہونے والے شخص کو دیکھ کر خطرے کی گھنٹی بجائی۔ اس دوران، سیف علی خان نے حملہ آور کا سامنا کیا اور دونوں کے درمیان لڑائی شروع ہو گئی، جس دوران حملہ آور نے سیف پر چاقو کے وار کیے۔ ایک گہرا زخم سیف کی ریڑھ کی ہڈی کے قریب تھا، جس کے بعد فوری طور پر سرجری کے ذریعے ان کی زندگی بچائی گئی۔

نتیش رانے نے اس واقعے کو بنگلہ دیشی شہریوں کی غیر قانونی موجودگی سے جوڑا، اور کہا کہ ’’پہلے یہ افراد بندرگاہوں پر تھے، لیکن اب یہ گھروں تک پہنچ گئے ہیں۔‘‘ رانے کا دعویٰ تھا کہ یہ حملہ سیف علی خان کو نقصان پہنچانے یا انہیں اغوا کرنے کی کوشش ہو سکتا ہے۔

اس حملے اور نتیش رانے کے بیانات پر سوشل میڈیا پر شدید بحث جاری ہے۔ کچھ افراد نے رانے کے بیانات کو حساس مسئلے پر سیاست کرنے کی کوشش قرار دیا، جبکہ دیگر نے اس بات پر زور دیا کہ حملہ آور کی غیر قانونی حیثیت کو مدنظر رکھتے ہوئے سخت کارروائی کی جائے۔اس وقت، سیف علی خان صحت یابی کے مراحل سے گزر رہے ہیں، اور یہ واقعہ سیکیورٹی خدشات اور سیاسی تنازعات کا باعث بن چکا ہے۔ پولیس اس معاملے کی تحقیقات کر رہی ہے، جبکہ سیاسی بیانات نے اس واقعے کو مزید پیچیدہ بنا دیا ہے۔

سیف علی خان کی جان بچانے والے رکشہ ڈرائیور سے ملاقات، بڑی پیشکش

سیف علی خان کی خاندانی جائیداد پر حکومت کے قبضے کا امکان

سیف علی خان ہسپتال سے گھر منتقل،تصویر بھی سامنے آ گئی

سیف علی خان کو اسپتال پہنچانے والے رکشہ ڈرائیور کو انعام

سیف علی خان پر حملے کا ملزم قومی سطح پر ریسلنگ کا چیمپئن نکلا

سیف علی خان حملہ،ملزم کی نمائندگی کیلئے عدالت میں وکلا لڑ پڑے

سیف علی خان حملہ کیس،پولیس ملزم سے خون آلود کپڑے برآمد نہ کروا سکی

سیف علی خان پر حملہ،ملزم نے اعتراف جرم کر لیا