Category: بین الاقوامی

دمشق:شام کے نئے رہنما احمد الشرع نے کہا ہے کہ مسلح گروپوں کو نئی فوج میں ضم کیا جائے گا-

باغی ٹی وی: شام میں جنرل کمان نے اعلان کیا کہ احمد الشرع نے فوجی گروپوں سے ملاقات کی اور عسکری ادارے کی شکل کے بارے میں بات چیت کی ہے، ان دھڑوں کو وزارت دفاع کے زیر انتظام نئی فوج کے ایک ادارے میں ضم کر دیا جائے گا۔

قبل ازیں احمد الشرع نے کہا تھا کہ تمام دھڑوں کو تحلیل کر دیا جائے گا اور شامی ریاست کے سوا کسی کے ہاتھ میں ہتھیار نہیں ہوگا اور شام میں اب جبری بھرتی نہیں ہو گی، انہوں نے اس بات کی بھی تصدیق کی تھی کہ شام میں تنخواہوں میں 400 فیصد اضافہ کرنے کے لیے کام کا مطالعہ کیا جا رہا ہے۔

"العربیہ” کے مطابق احمد الشرع نے زور دیا تھا کہ شام افغانستان میں تبدیل نہیں ہو سکتا، انہوں نے کہا ملک جنگ سے تھک چکا ہے اور شام سے اس کے پڑوسیوں یا مغرب کے لیے کوئی خطرہ نہیں ہے انہوں نے دمشق پر سے تمام امریکی اور یورپی پابندیاں اٹھانے کا بھی مطالبہ کیا تھا تاکہ شام دوبارہ اٹھ سکے۔

انہوں نے اقوام متحدہ، امریکہ، یورپی یونین اور برطانیہ کی درجہ بندی کے مطابق ’’ھیئہ تحریر الشام‘‘ کو دہشت گرد تنظیموں کی فہرست سے نکالنے کا بھی مطالبہ کیا سابق صدر بشار الاسد کی حکومت کا تختہ الٹنے کے بعد سے احمد الشرع نے ایک سے زیادہ مرتبہ اس بات پر زور دیا ہے کہ شام کے کسی بھی جز کو خارج کرنے کی کوئی گنجائش نہیں ہے۔ انہوں نے تمام شہریوں کے اتحاد پر زور دیا۔

واضح رہے کہ 27 نومبر کو شام میں مسلح گروپوں نے اپنی کارروائیاں شروع کی تھیں اور پھر 8دسمبر کو بشار الاسد کی حکومت کو الٹ دیا تھا۔

امریکا نے غلطی سے بحیرہ احمر میں اپنا ہی لڑاکا طیارہ مار گرایا۔

باغی ٹی وی : غیر ملکی خبر رساں ادارے کے مطابق امریکی سینٹرل کمانڈ نے کہا ہے کہ غلطی سے گرائے گئے امریکی طیارے کے دونوں پائلٹ بچ گئے ہیں تاہم ایک کو معمول زخم آئے ہیں، ایف اے 18 ہارنیٹ طیارہ بحیرہ احمر میں امریکی جہاز کے قریب سے گزر رہا تھا ، میزائل کروز گیٹس برگ نے غلطی سے میزائل مار کر طیارے کو نشانہ بنایا، امریکی حکام نے اس ”فرینڈلی فائرنگ“ کی تحقیقات کا آغاز کر دیا۔

واضح رہے کہ بحیرہ احمر گزشتہ ایک برس سے ملٹری حب بنا ہوا ہے اور امریکی فورسز یمن کے حوثی باغیوں کی جانب سے بحری جہازوں پر حملوں کو روکنے کے لیے حوثیوں کے ٹھکانوں کو نشانہ بنا رہے ہیں، جس نے خطے میں جہاز رانی کے خلاف متعدد حملے کیے ہیں۔

برازیل میں خوفناک ٹریفک حادثے کے نتیجے میں کم از کم 32 افراد ہلاک ہوگئے۔

غیر ملکی خبر رساں ادارے ’اے ایف پی‘ کے مطابق ریاست کے ملٹری فائر ڈپارٹمنٹ نے بتایا کہ حادثے میں 32 سے 35 کے درمیان افراد کی موت ہوئی ہے۔مزید کہنا تھا کہ متاثرین کی حالت کے سبب فوری طور پر اموات کی حتمی تعداد بتانا ممکن نہیں ہے۔ فائر حکام نے بتایا کہ جنوب مشرقی برازیل میں بس اور ٹرک کے درمیان تصادم کے نتیجے میں دونوں گاڑیوں میں آگ لگ گئی اور کم از کم 32 افراد ہلاک ہو گئے۔خبر رساں ادارے ’رائٹرز‘ نے رپورٹ کیا کہ ابتدائی طور پر فائر فائٹرز نے بتایا کہ 45 مسافروں کو لے جانے والی بس کا ٹائر پھٹ گیا، جس کی وجہ سے ڈرائیور کنٹرول کھو بیٹھا اور فیڈرل ہائی وے پر آنے والے ٹرک سے تصادم ہو گیا۔تاہم، فائر حکام کے مطابق عینی شاہدین نے یہ بھی بتایا کہ ٹرک لے جانے والا گرینائٹ بلاک سڑک پر گرا اور بس سے ٹکرایا گیا۔انہوں نے مزید کہا کہ صرف فرانزک سے ہی صحیح پتا چل سکے گا کہ حادثے کی وجہ کیا تھی، بس برازیل کے شہر ساؤ پالو سے ریاست باہیا کی طرف جارہی تھی۔فائر فائٹرز نے بتایا کہ تباہ شدہ بس سے 13 مسافروں کو بچا لیا ہے جبکہ ٹرک کے نیچے دب جانے والی کار میں سوار تین افراد اس حادثے میں بال بال بچ گئے۔

خوارج کی چیک پوسٹ پر حملے کی کوشش ناکام، 16 جوان شہید

فرانس میں گستاخانہ خاکے ، ملزمان کو16 سال قید کی سزا

نادرا میں جدت، چہرہ شناخت کی ٹیکنالوجی متعارف

سپریم کورٹ آئینی بینچ کی مدت میں6 ماہ کی توسیع

فرانس کی ایک عدالت نے اسکول میں حضور اکرم ﷺ کے شان میں گستاخی کے الزام میں قتل کیے گئے استاد کی گستاخی پر ’مہم‘ چلانے کے الزام میں 8 افراد کو ایک سے 16 سال تک قید کی سزا سنا دی۔

غیر ملکی خبر رساں ادارے ’رائٹرز‘ کے مطابق مقامی میڈیا نے رپورٹ کیا کہ عدالت نے جن افراد کو سزائیں دی ہیں، ان میں ایک طالب علم کے والد بھی شامل ہیں، جن پر الزام تھا کہ انہوں نے جھوٹی پوسٹ کے ذریعے مڈل اسکول کے استاد کو نشانہ بنانے والی سوشل میڈیا پوسٹوں کی ایک لہر کو جنم دیا۔اکتوبر 2020 میں طلبہ کو گستاخانہ دکھانے کے واقعے کے چند روز بعد ایک شخص نے 47 سالہ استاد سیموئل پیٹی کا سر قلم کردیا تھا، جسے پولیس نے جائے وقوع پر ہی گولی مار کر قتل کردیا تھا۔براڈکاسٹر ’فرانس انفو‘ کے مطابق عدالت نے براہیم چنینا کو مجرمانہ دہشت گرد تنظیم کے ساتھ تعلق کے جرم میں 13 سال قید کی سزا سنائی۔براہیم چنینا پر الزام تھا کہ اس نے ایسی ویڈیوز شائع کیں، جن میں مذکورہ استاد پر ان کی بیٹی کو کلاس کے بارے میں شکایت کرنے پر نظم و ضبط کے تحت سزا دینے کا جھوٹا الزام لگایا تھا۔رپورٹ کے مطابق ایک اسلامی تنظیم کے بانی عبد الحکیم سیفروئی کو 15 سال قید کی سزا دی گئی، براہیم چنینا اور عبد الحکیم دونوں کو استاد سیموئل پیٹی کے خلاف نفرت بھڑکانے کا قصوروار پایا گیا۔ عبد الحکیم سیفریوئی کے وکیل نے بتایا کہ اس فیصلے کے خلاف اپیل کریں گے۔براڈکاسٹر فرانس انفو نے رپورٹ کیا کہ سیموئل پیٹی کو ہلاک کرنے والے عبداللہ انزوروف کے 2 ساتھیوں نعیم بوداؤد اور عظیم ایپسرخانوف کو دہشت گردی کرکے قتل میں ملوث ہونے پر 16 سال قید کی سزا سنا دی گئی، تاہم دونوں نے اس الزام کو مسترد کردیا۔گزشتہ برس ایک عدالت نے براہیم چنینا کی بیٹی اور 5 دیگر نوجوانوں کو ایک سوچی سمجھی سازش میں حصہ لینے اور گھات لگا کر حملہ کرنے میں مدد کرنے کا قصوروار پایا تھا۔رپورٹ کے مطابق براہیم چنینا کی بیٹی کو جھوٹے الزامات اور تہمت آمیز تبصرے کرنے کی سزا سنائی گئی کہ وہ اس وقت کلاس میں موجود نہیں تھی، جب مقتول استاد نے کلاس میں گستاخانہ خاکے دکھائے تھے۔ 13 سالہ لڑکی نے یہ الزامات اس وقت لگائے تھے، جب اس کے والدین نے سوال کیا کہ اسے 2 دن کے لیے اسکول سے کیوں معطل کیا گیا تھا۔واضح رہے کہ اکتوبر 2020 کے وسط میں فرانس کے ایک اسکول میں استاد نے آزادی اظہار رائے کے سبق کے دوران متنازع فرانسیسی میگزین چارلی ہیبڈو کے 2006 میں شائع کردہ گستاخانہ خاکے دکھائے تھے۔

مذاکرات ہی مسائل کا حل ہیں، چیئرمین پی ٹی آئی

مذاکرات ہی مسائل کا حل ہیں، چیئرمین پی ٹی آئی

بھارتی آرمی چیف کی موت، ہیلی کاپٹر کریش کی رپورٹ 3 سال بعد سامنے آ گئی

نئی دہلی: بھارتی آرمی چیف کی موت، ہیلی کاپٹر کریش کی رپورٹ سامنے آ گئی-

باغی ٹی وی : بھارتی میڈیا کے مطابق بھارتی وزیراعظم نریندر مودی کے قریبی چیف آف اسٹاف جنرل پبن کی ہیلی کاپٹرکریش میں موت سے متعلق رپور ٹ 3 سال بعد منظر عام پر آئی ہے جس میں چیف آف ڈیفنس اسٹاف جنرل بپن راوت کی ہیلی کاپٹر کریش میں موت کی وجہ کو انسانی غلطی کو قرار دے دیا گیا-

بھارتی میڈیا کے مطابق بھارت کے ایوان زیریں لوک سبھا میں پارلیمانی کمیٹی برائے دفاع کی پیش کردہ رپورٹ میں کہا گیا ہے کہ دسمبر 2021 کو ہیلی کاپٹر حاد ثہ انسانی غلطی کی وجہ سے ہوا تحقیقاتی ٹیم نے حادثے کی ممکنہ وجہ جاننے کے لیے تمام گواہوں سے بات چیت کی، فلائٹ ڈیٹا، ریکارڈر اور کاک پٹ وائس ریکارڈ کے مکمل تجزیہ کے بعد رپورٹ مرتب کی گئی، 22-2021 میں مجوعی طور پر 9 حادثات پیش آئے تھے، 8 دسمبر کو بھارتی جنرل کے ہیلی کاپٹر کا حادثہ انسانی کوتاہی کی وجہ سے ہوا۔

واضح رہے کہ بھارتی فضائیہ کا ایم آئی 17 جنرل پبن راوت، ان کی اہلیہ اور بھارتی افواج کے 12 اہلکاروں کو لے کر تامل نائیڈو میں موجود سولر ایئر فورس بیس سے روانہ ہوا تھا بھارتی فضائیہ کا ہیلی کاپٹر ویلنگٹن میں ڈیفنس اسٹاف سروسز کالجز جا رہا تھا۔ اور لینڈنگ سے چند منٹ قبل پہاڑیوں سے ٹکرا کر تباہ ہو گیا۔

دمشق:امریکہ کے ایک سینئر سفارتکار نے اعلان کیا ہے کہ شام کے نئے رہنما احمد الشرع کی گرفتاری پر 10 ملین ڈالر کا انعام ختم کر دیا گیا ہے۔

باغی ٹی وی:الجزیرہ کے مطابق یہ اعلان ایک ایسی بغاوت کے بعد کیا گیا ہے جس نے صدر بشار الاسد کو اقتدار سے ہٹا دیا محکمہ خارجہ کی معاون وزیر برائے مشرق قریب باربرا لیف اور دیگر امریکی حکام نے شامی دارالحکومت دمشق کا دورہ کیا اور نئی شامی حکومت کے ساتھ بات چیت کی، جس کے بعد امریکہ کی طرف سے مقرر کیا گیا انعام ہٹانے کا اعلان کیا گیا۔

الجزیرہ کے مطابق یہ امریکی سفارتکاروں کا شام کا پہلا دورہ تھا، جو اس وقت کیا گیا جب بشار الاسد کو رواں ماہ کے شروع میں ھیئۃ تحریر الشام (ایچ ٹی ایس) گروپ کی قیادت میں ہونے والے تیز حملے کے نتیجے میں اقتدار سے ہٹایا گیا تھا، امریکہ نے 2018 میں ایچ ٹی ایس کو ایک "دہشت گرد” تنظیم قرار دیا تھا، الشرع جو ابو محمد الجولانی کے نام سے بھی مشہور ہیں، اس گروپ کے رہنما ہیں ، وہ پہلے القاعدہ سے وابستہ تھے۔

باربرا لیف نے بتایا کہ الشرع کے ساتھ ہونے والی بات چیت میں مثبت پیغامات ملنے کے بعد انعام ختم کرنے کا فیصلہ کیا گیا، جن میں یہ وعدہ بھی شامل تھا کہ "دہشت گرد” گروہ خطرہ پیدا نہیں کر سکیں گے انہوں نے کہا، "میں نے انہیں بتایا کہ ہم وہ انعام واپس لے رہے ہیں جو کئی سالوں سے نافذ العمل تھا۔”

رپورٹ کے مطابق دمشق کے دورے میں لیف کے ساتھ سابق خصوصی ایلچی ڈینیئل روبنسٹین اور یرغمالیوں کے معاملات کے امریکی ایلچی راجر کارسٹنز بھی شامل تھے امریکی حکومت اور دیگر مغربی ممالک ایچ ٹی ایس کی "دہشت گرد” تنظیم کے طور پر درجہ بندی ختم کرنے پر غور کر رہے ہیں، یہ شام کے نئے سیاسی ماحول کے پیش نظر ایک اہم اقدام ہو سکتا ہے۔