Category: بین الاقوامی

محققین نے ذیابیطس اور وزن میں کمی کی دو مشہور ادویات اور آنکھوں کے ایک نایاب مسئلے کے درمیان ایک تشویشناک تعلق پایا ہے-

باغی ٹی وی: میڈیا رپورٹس کے مطابق ایک نئی تحقیق سے معلوم ہوا ہے کہ جو لوگ ذیابیطس اور وزن کم کرنے کی کچھ دوائیں لیتے ہیں، جیسے اوزیمپک اور ویگووی (Ozempic and Wegovy) لینے سے لوگوں میں NAION نامی آنکھوں کی نایاب حالت ہونے کا امکان بڑھ جاتا ہے، جو بینائی کی کمی کا سبب بن سکتا ہے۔

نائیون آنکھوں کی ایک نایاب حالت ہے جہاں آپٹک اعصاب، جس میں دس لاکھ سے زائد چھوٹے ریشے موجود ہوتے ہیں، خون کا بہاؤ کافی نہیں ہوتا ہے، جس کی وجہ سے اچانک بینائی ختم ہوجاتی ہے یہ صرف چند لوگوں کو متاثر کرتا ہے جس کا بدقسمتی سے ابھی تک کوئی مؤثر علاج نہیں مل سکا۔

تحقیق سے پتا چلا ہے کہ ذیابیطس کے لیے سیمگلوٹائڈ لینے والے افراد میں NAION ہونے کا امکان 4 گنا زیادہ ہوتا ہے جو لوگ اسے وزن کم کرنے کے لیے استعمال کرتے ہیں ان کے لیے خطرہ 7 گنا زیادہ بڑھ جاتا ہے۔

آنکھوں کے ماہر ڈاکٹر ریزو کے مطابق میں یہ نہیں کہہ رہا کہ مریض اپنی دوائی لینا چھوڑ دیں یہ صرف ایک انتباہ ہے کہ وہ زیادہ محتاط رہیں، ڈاکٹروں اور مریضوں کو اس دوا کو استعمال کرنے کا فیصلہ کرنے سے قبل اس کے خطرات اور استعمال سے متعلق بات کرنی چاہئے۔

تحقیق میں بتایا گیا کہ موٹاپے کے علاج کے لیے سیماگلوٹائڈ لینے سے آنکھوں کی نایاب حالت کا خطرہ 7 گنا بڑھ جاتا ہے، اور اسے ٹائپ 2 ذیابیطس کے علاج کے لیے استعمال کرنے سے خطرہ 4 گنا بڑھ جاتا ہے ٹائپ 2 ذیابیطس کے 710 مریضوں میں سے سیماگلوٹائڈ لینے والوں میں NAION ہونے کا امکان تقریباً 9 فیصد تھا، جب کہ دوسری دوائیں لینے والوں میں 2 فیصد سے بھی کم خطرے کا امکان تھا۔

قاہرہ: جنوب مغربی ترکیہ میں ایک ایمبولینس ہیلی کاپٹر کو پیش آنے والے حادثے میں 4 افراد ہلاک ہوگئے۔

باغی ٹی وی:ترک خبر ایجنسی انادولو کے مطابق وزارت صحت کی جانب سے جاری بیان میں کہا گیا کہ اس ہیلی کاپٹر نے مقامی وقت کے مطابق صبح 10 بجے کے قریب 2 پائلٹوں، ایک ڈاکٹر اور ایک طبی ورکر کو لے کر موغلا ٹریننگ اینڈ ریسرچ ہاسپٹل سے ٹیک آف کیا تھا ٹیک آف کے فوری بعد یہ ہیلی کاپٹر اسپتال کی اوپری منزل سے ٹکرا گیا اور قریب موجود احاطے میں گر کر تباہ ہوگیا،حادثے سے اس میں سوار تمام افراد ہلاک ہوگئے۔

مقامی حکام کے مطابق یہ ہیلی کاپٹر گزشتہ روز خراب موسم کے باعث پرواز نہیں کرسکا تھا،22 دسمبر کی صبح اس نے انطالیہ جانے کی کوشش کی مگر شدید دھند کے باعث حادثے کا شکار ہوگیا، حادثے سے عمارت کے اندر یا زمین پر موجود کسی فرد کو نقصان نہیں پہنچا، حاد ثے کے فوری بعد امدادی ٹیمیں وہاں پہنچ گئی تھیں، وزارت صحت کی جانب سے جاری بیان میں حادثے میں 4 افراد کی ہلاکت کی تصدیق کی گئی ،حکام کی جانب سے حادثے کی وجہ جاننے کے لیے تحقیقات شروع کر دی گئی ہے۔

قاہرہ: دنیا کے امیر ترین یوٹیوبر جیمز سٹیفن ڈونلڈسن جنہیں ”مسٹر بیسٹ“ کے نام سے جانا جاتا ہے، کے حالیہ اعلان نے مصر کی عوام کو آگ بگولہ کر دیا-

باغی ٹی وی: یوٹیوبر جیمز سٹیفن ڈونلڈسن نے اپنے دوستوں کے گروپ کے لیے رازوں سے پردہ اٹھانے کے لیے گیزا کے اہرام “خوفو، خفرع، منقرع “ کو 100 گھنٹے کے لیے کرائے پر لیا تھا۔ اس بیان کے بعد مصری وزارت نوادرات کو معاملے کی وضاحت کے لیے بیان جاری کرنا پڑا ہے۔

مشہور نوجوان نے یوٹیوب پر ایک ویڈیو میں وضاحت کی کہ وہ اور ان کی ٹیم 100 گھنٹے تک اہراموں کی فلم بندی کریں گے اور جگہیں تلاش کریں گے وہ اور اس کے دوست اہراموں کے اندر سوئیں گے اور ان کے ساتھ ایک ٹور گائیڈ بھی ہو گا جو انہیں تاریخی معلوما ت فراہم کرے گا، وہ اُن کمروں تک رسائی حاصل کرنے کے قابل بھی ہوں گے جنہیں کبھی عوام نے نہیں دیکھا ہوگا۔

مسٹر بیسٹ کی ویڈیو پر مصری آگ بگولہ ہو گئے جس کے بعد سوشل میڈیا پر بڑے پیمانے پر ہنگامہ برپا ہوگیا مصریوں کی ایک بڑی تعداد نے اہراموں کو کرائے پر لینے کی خیال کی شدید الفاظ میں مذمت کی۔

وہیں مصر کے ماہرِ آثار قدیمہ زاہی حواس نے اہراموں کو کرائے پر لینے کی خبروں کی تردید کردی انہوں نے کہا مصری قوانین میں ”اہراموں کو کرائے پر دینا“ نام کی کوئی چیز نہیں ہے۔ انہوں نے کہا بلاگر کے بیانات کو زبان کی پھسلن یا مبالغہ آرائی سمجھنا چاہیے۔

ماہرِ آثار قدیمہ نے وضاحت کی ہے کہ ”مسٹر بیسٹ“ نے ضروری اجازت نامے حاصل کرنے کے بعد 4 دن تک اہرام کے علاقے میں ویڈیو شوٹ کی، مشہور بلاگر نے قدیم مصری تہذیب اور جادو میں دلچسپی رکھنے والوں کے سامنے اپنے نئے مواد کی تشہیر کے میدان میں اہرام کے حوالے سے اپنے بیان میں دھوکہ دیا ہے۔

ماہر آثار قدیمہ زاہی نے اس بات کی تردید کی کہ ’’مسٹر بیسٹ‘‘ اہرام کے اندر سوئے تھے یا سوئیں گے انہوں نے کہا اہرام کے ساتھ والے صحرا میں ان کے سونے کے لیے ایک خیمہ تیار کیا گیا تھامعروف ماہر آثار قدیمہ نے اس بات کی بھی تصدیق کی کہ نوجوان یوٹیوبر، جسے دنیا بھر میں کروڑوں لوگ فالو کرتے ہیں، اس دورے کی سیاحتی اہمیت پر زور دیتے ہوئے مصر میں سیاحت کے لیے زبر دست پروپیگنڈہ کریں گے۔

مصر کی وزارت سیاحت و نوادرات نے جمعرات کو جاری کردہ ایک بیان میں کہا جس میں تصدیق کی گئی کہ امریکی بلاگر کی جانب سے ”اہرام کے علاقے کو کرائے پر لینے“ کا موضوع مکمل طور پر بے بنیاد ہے، علاقے کو کرائے پر دینا غیر منطقی اور ناقابل تصور ہے۔

واشنگٹن: نو منتخب امریکی صدر ٹرمپ نے پانامہ کینال پر قبضہ کرنے کی دھمکی دے دی جو کہ بین الاقوامی تجارت کے لیے ایک اہم راستہ سمجھا جاتا ہے۔

باغی ٹی وی : ڈونلڈ ٹرمپ نے صدر بننے سے قبل پانامہ پر تنقید کی تھی کہ وہ پانامہ کینال کو استعمال کرنے کے لیے امریکی بحری جہازوں سے بہت زیادہ فیس وصول کرتا ہے،ٹرمپ نے دعویٰ کیا کہ پاناما کی فیس غیر منصفانہ طور پر بہت زیادہ ہے۔

سابق امریکی صدر نے پانامہ کینال کے بارے میں ٹروتھ سوشل کے پلیٹ فارم پر پر دو طویل پوسٹس شئیر کیں انہوں نے اس بارے میں بات کی کہ امریکا نے نہر کو کس طرح بنایا اور فروخت کیا، اور اس کا آج امریکا کے تعلقات اور مالیات پر کیا اثر پڑتا ہے ان کے خیال میں یہ امریکا کے لیے قومی سلامتی اور پیسہ دونوں کے لیے ایک بڑا سودا ہے،اگر پانامہ ہمارے اصولوں پر عمل نہیں کرتا ہے، تو ہم پانامہ کینال کو واپس لے لیں گے-

رپورٹ کے مطابق ڈونلڈ ٹرمپ امریکا اور پاناما کے درمیان 1977 میں ہونے والے معاہدے کی بات کر رہے تھے جس میں امریکا نے پاناما کینال کا کنٹرول پاناما کے حوالے کر دیا تھا یہ منتقلی دراصل 1999 میں صدر جمی کارٹر کے معاہدے کے حصے کے طور پر ہوئی تھی۔

ڈونلڈ ٹرمپ نے پاناما کینال کو دینے پر سابق امریکی صدر جمی کارٹر کو تنقید کا نشانہ بناتے ہوئے اسے تقریباً بغیر پیسے کے کیا گیا ایک احمقانہ فیصلہ قرار دیا، تاہم، ٹرمپ نے جس چیز کا ذکر نہیں کیا وہ یہ تھا کہ نہر کی منتقلی دراصل 1977 میں دستخط کیے گئے Torrijos-Carter Treaties کا نتیجہ تھی، جس کا مقصد امریکہ اور پاناما کے درمیان تعلقات کو بہتر بنانا تھا۔

ٹرمپ نے اپنی پوسٹ میں اس حوالے سے ناراضگی طاہر کرتے ہوئے کہا کہ پاناما کی جانب سے امریکی بحریہ اور کاروباری اداروں کے ساتھ غیر منصفانہ سلوک کیا جا رہا ہے، ان کے خیال میں پاناما کینال کو استعمال کرنے کے لیے چارجز بہت زیادہ ہیں، خاص طور پر اس بات پر غور کرتے ہوئے کہ ماضی میں امریکا نے پاناما کی کتنی مدد کی ہے۔

یہ واضح نہیں ہے کہ پاناما کینال پر ڈونلڈ ٹرمپ نے اچانک تنقید کیں شروع کی، تاہم یہاں یہ بات قابل غور ہے کہ نہر پر چین کے بڑھتے ہوئے اثر و رسوخ کے بارے میں خدشات پائے جاتے ہیں، جو بحر اوقیانوس اور بحرالکاہل کے سمندروں کو جوڑنے والی ایک اہم آبی گزر گاہ ہے ان خدشات کے باوجود پاناما نہر پر اپنا کنٹرول برقرار رکھتا ہے، اور چین کی شمولیت بنیادی طور پر نہر کی بندرگاہوں کے مخصوص حصوں کے انتظام اور بنیادی ڈھانچے کے منصوبوں میں سرمایہ کاری کے ذریعے ہے۔

کیپ ٹاؤن: جنوبی افریقا میں 5.3 شدت کا زلزلہ ریکارڈ کیا گیا ہے۔

باغی ٹی وی: یورپی بحیرہ احمر سیسمولوجیکل سینٹر نے تصدیق کی ہے کہ زلزلے کے جھٹکے جنوبی افریقا اور نمیبیا میں محسوس کیے گئے ہیں جنوبی افریقا میں زلزلہ 10 کلو میٹر گہرائی میں آیا ہے زلزلہ ملک کے دارالحکومت کیپ ٹاؤن کے شمالی علاقہ جات میں محسوس کیا گیا، البتہ زلزلے سے کسی قسم کے نقصان کی اطلاعات فی الحال موصول نہیں ہوئیں۔

امریکی جیولوجیکل سروے نے اطلاع دی ہے کہ 5.3 کی شدت کا یہ زلزلہ مقامی وقت کے مطابق صبح 2:51 بجے شمالی کیپ صوبے کے ایک چھوٹے سے قصبے Brandvlei سے 101 کلومیٹر مغرب میں آیا، زلزلے کا مرکز 30.45 ڈگری جنوبی عرض بلد اور 19.44 ڈگری مشرقی طول بلد تھا، جس کی گہرائی 10 کلومیٹر تھی-

واضح رہے کہ پاکستان کرکٹ ٹیم دورہ جنوبی افریقا پر ہے جبکہ دونوں ٹیموں کے درمیان آج تیسرا اور آخری ون ڈے جوہانسبرگ میں کھیلا جائے گا، میچ پاکستانی وقت کے مطابق شام 5 بجے شروع ہو گا۔

پاکستان کرکٹ ٹیم کےکھلاڑی دورہ جنوبی افریقا کے دوران کرکٹ کے ساتھ سیر سپاٹے بھی کر رہے ہیں کھلاڑی میچز کےساتھ ساتھ آؤٹ فیلڈ بھی خود کو خوب تازہ دم کر رہے ہیں قومی کھلاڑی کیپ ٹاؤن کے تفریحی مقامات کی خوبصورتی سے لطف اندوز ہوتے رہے۔ بابر اعظم، حارث رؤف ، محمد حسنین اور شاہین آفریدی سمیت کھلاڑیوں نے آؤٹنگ کی۔

بابراعظم، شاہین آفریدی اور حارث رؤف نے ایک ساتھ تصاویر بنوائیں بابر اعظم نے سیرو تفریح کی تصاویر سوشل میڈیا پر جاری کیں،
محمد حسنین نے ساحل پر چہل قدمی کی ویڈیو اپنے سوشل میڈیا اکاؤنٹ پر لگائی اور کیپشن میں لکھا کہ خوشی لہروں کی طرح آتی ہے-

جموں کشمیر میں جائیداد کے ایک مقدمے میں چار دہائی بعد جائیداد کا مقدمہ نمٹا دیا گیا-

باغی ٹی وی: اس کیس میں سب سے زیادہ دلچسپ بات یہ تھی کہ ہندو جج نے مقدمے کی سماعت کے دوران مسلمانوں کی مقدس کتاب قرآن مجید کی ایک آیت کا حوالہ دیا جموں کشمیر ہائی کورٹ کے جج جسٹس وِنود چٹرجی کول نے گذشتہ ہفتے سنائے گئے فیصلے میں ذیلی عدالتوں پر تنقید کرتے ہوئے کہا کہ یہ عدالتیں مسلم پرسنل لا سے کیسے لاعلم ہوسکتے ہیں۔

جسٹس کول نےقرآن کی سورة النساٴ کی گیارہویں آیت کا حوالہ دے کر کہا کہ اسلام نے تقسیم وراثت کے واضح اصول بتائے ہیں لڑکوں کو لڑکیوں سے دوگنا ملتا ہے کیونکہ ان پر بیوی، بچوں، ماں باپ وغیرہ کی کفالت کا ذمہ ہے لیکن اسلام میں لڑکیوں کو والد کی وراثت سے حصہ دینے کو ترجیح دی گئی ہے۔

سرینگر کے نواح میں رہنے والی مُختی نامی خاتون کو سنہ 1980 میں اُن کے بھائیوں کی جانب سے والد کی وراثت سے بے دخل کر کے زینہ کوُٹ نامی علاقے میں 69 کنال زمین پر قبضہ کرلیا تھاجس کے بعد مختی نے عدالت جانے کا فیصلہ کیا لیکن اس دوران اُن کے بھائیوں نے محکمہ مال کے افسروں کے ساتھ ساز باز کر کے زمین کو اپنے نام کروایا،مختی کئی سال تک اپنے بچوں کیساتھ عدالت کے چکر لگاتی رہیں۔

سنہ 1996 میں ہائی کورٹ کی ڈویژن بینچ نے ان کے حق میں فیصلہ بھی سنایا تھا لیکن اُسے دوسری عدالت میں چیلنج کیا گیا اور پھر مختی کا انتقال ہوگیا،بعد ازاں اُن کے بڑے بیٹے محمد سلطان بٹ نے یہ ذمہ داری سنبھالی وہ بھی دہائیوں سے عدالت کے چکر کاٹتے رہے یہاں تاہم رواں برس ان کی وفات ہو گئی، جس کے بعد چھوٹے بیٹے محمد یوسف بٹ نے اس مقدمے کی پیروی کرنا شروع کی۔

ان کے وکیل ولی محمد شاہ نے بتایا کہ دیر سے ہی سہی، مختی کے بچوں کو بالآخر انصاف ملامحمد یوسف کہتے ہیں کہ 17 دسمبر کو جب جسٹس کول کی عدالت میں کیس پر سماعت شروع ہوئی تو ان کے وہم و گمان میں بھی نہیں تھا کہ فیصلہ ان کے حق میں آئے گامیں دعا کررہا تھا کہ کم از کم میری زندگی کے دوران ہی یہ معاملہ حل ہو جائے اور اللہ نے سُن لی،’ماں زندہ ہوتیں تو وہ بہت خوش ہو جاتیں۔‘

ان کے وکیل ولی محمد شاہ کے مطابق مختی کے بھائی تازہ عدالتی حکمنامے کے خلاف اپیل کی کوشش کریں گے لیکن یہ فیصلہ اس قدر واضح ہے کہ مختی کے بچوں کو ان کا حق دیے بغیر ان کے پاس کوئی چارہ نہیں، عدالتی فیصلے میں مختی کے بھائی سے کہا گیا ہے ان برسوں کے دوران اگر مختی کے حصے (23 کنال) میں سے کچھ فروخت کیا گیا ہے تو انھیں موجودہ قیمتوں کے حساب سے ادائیگی کریں یا کسی دوسری جگہ اُتنا ہی رقبہ مختی کے بچوں کو دیا جائے۔

شام میں ملٹری آپریشنز کے محکمے کی جنرل کمان نے آج ہفتہ کو اعلان کیا ہے کہ اس نے اسعد حسن الشیبانی کو عبوری حکومت میں خارجہ امور کا عہدہ سونپا گیا ہے۔

باغی ٹی وی : خبر رساں ادارے ’روئٹرز‘ کے مطابق جنرل کمانڈ نے شام کی نئی حکومت میں مسٹراسعد حسن الشیبانی کو وزارت خارجہ کا قلمدان سونپنے کا اعلان کیا ہے”۔

واضح رہے کہ الشیبانی کا تعلق بنی شیبان سے ہے وہ 1987ء میں الحسکہ گورنری میں پیدا ہوا ہوئے وہ اپنے خاندان کے ساتھ دمشق میں منتقل ہوئے جہاں انہوں نے 2009 میں دمشق یونیورسٹی سے آرٹس اینڈ ہیومینٹیز اور انگریزی زبان ادب میں گریجوایشن کی۔

انہوں نے 2011ء میں شامی انقلاب کے آغاز سے ہی اس میں شمولیت اختیار کی شامی سالویشن گورنمنٹ کے قیام میں حصہ لیا اور سیاسی امور کے محکمے کی بنیاد رکھی انہوں انسانی ہمدردی کے میدان میں کام کیا اقوام متحدہ اور اس کی ایجنسیوں کے ساتھ تعلقات قائم کیے اور شمال مغربی شام میں انسانی ہمدردی کے کاموں میں سہولت فراہم کی۔