Category: بین الاقوامی

سری لنکا میں انتخابی کمیشن نے عام انتخابات کے جو نتائج ظاہر کیے، اس کے مطابق مارکسی نظریات کی طرف مائل صدر انورا کمارا دسانائیکے کی پارٹی نے ناقابل تسخیر برتری حاصل کر لی ہے۔

دسانائیکے کی قیادت والا اتحاد، نیشنل پیپلز پاور (این پی پی) پارلیمانی انتخابات میں اکثریت حاصل کرنے کی جانب گامزن ہے۔ستمبر میں صدارتی انتخاب میں کامیابی کے بعد سے صدر اپنی پالیسیوں کے نفاذ کے لیے مینڈیٹ کی تلاش میں تھے، جس کا مقصد ایک ایسے ملک میں غریبوں کی پریشانیوں کو دور کرنا ہے، جو حالیہ برسوں میں غربت کا شکار رہا ہے۔عام انتخابات سے قبل تک صدر دسانائیکے کے اتحاد کے پاس پارلیمنٹ کی کل 225 نشستوں میں سے صرف تین نشستیں تھیں۔اسی وجہ سے صدر نے پارلیمان کو تحلیل کر دیا تھا اور نئے مینڈیٹ کی تلاش میں الیکشن کرائے گئے۔سری لنکا کے الیکشن کمیشن کی ویب سائٹ پر جو تازہ ترین نتائج شائع کیے گئے اس کے مطابق، جمعرات کے انتخابات میں این پی پی نے تقریباً 62 فیصد یا 5.4 ملین ووٹ حاصل کرتے ہوئے 52 نشستیں حاصل کر لی ہیں۔انہیں دیگر جماعتوں پر اب بھی بڑی سبقت حاصل ہے اور اس طرح پارلیمنٹ میں ان کا اتحاد اکثریت حاصل کرنے کی جانب تیزی سے گامزن ہے۔صدر دسانائیکے نے اپنا ووٹ ڈالنے کے بعد کہا تھا کہ ان انتخابات کو، "ہم سری لنکا کے لیے ایک اہم موڑ کے طور پر دیکھتے ہیں۔ہمیں ایک مضبوط پارلیمنٹ کی تشکیل کے لیے مینڈیٹ کی توقع ہے اور ہمیں یقین ہے کہ عوام ہمیں یہ مینڈیٹ دیں گے۔”ان کا مزید کہنا تھا، "سری لنکا کے سیاسی کلچر میں تبدیلی آئی ہے جو ستمبر میں شروع ہوئی تھی اور اسے جاری رہنا چاہیے۔”حزب اختلاف کے رہنما ساجیت پریماداسا کی سماگی جنا بالایوگیہ پارٹی نے 13 سیٹیں جیتی ہیں اور اسے تقریباً 19 فیصد ووٹ ملے ہیں۔

چینی صدر نے لاطینی امریکا میں چین کی مالی اعانت سے چلنے والی بندرگاہ ’چانکے‘ کا پیرو میں افتتاح کردیا۔

غیر ملکی خبر رساں ایجنسی کے مطابق بندرگاہ کا افتتاح براعظم پر ایشیائی سپر پاور کے بڑھتے ہوئے اثر و رسوخ کا ایک اور منہ بولتا ثبوت ہے کیونکہ چین اب ڈونلڈ ٹرمپ کی زیر سربراہی نئی امریکی انتظامیہ سے مقابلہ کرنے کی تیاری کر رہا ہے۔بندرگاہ کا افتتاح باضابطہ طور پر ایک تقریب میں کیا گیا جس کی عملی طور پر نگرانی لیما سے شی جن پنگ اور پیرو کے ہم منصب ڈینا بولارٹے نے کی۔یہ دونوں رہنما جمعہ اور ہفتہ کو ایشیا پیسیفک اکنامک کوآپریشن سربراہی اجلاس میں شرکت کریں گے۔3.5 ارب ڈالر کا کمپلیکس لیما سے تقریباً 50 میل (80 کلومیٹر) شمال میں چینی تجارت کے لیے ایک مرکز کے طور پر کام کرے گا کیونکہ ٹرمپ کے دوسری بار صدر منتخب ہونے کے بعد اب چین کو ملک میں ٹیرف میں اضافے کا خطرہ لاحق ہے۔یہ افتتاح ایک ایسے موقع پر کیا گیا ہے جب ایک امریکی عہدیدار نے لاطینی امریکا کے ممالک کو خبردار کیا ہے کہ انہیں چینی سرمایہ کاری پر چوکنا رہنا چاہیے۔چانکے بندرگاہ چلی، کولمبیا، ایکواڈور اور دیگر جنوبی امریکی ممالک کو بھی سروسز فراہم کرے گی جہاں یہ تجارت کے فروغ اور چین کے سایسی اثرورسوخ کو بڑھانے کے لیے چین کی جانب سے بنائے گئے بیلٹ اینڈ روڈ انیشی ایٹو کے تحت بنائے گئے ریلوے، ہائی ویز اور دیگر بنیادی ڈھانچے کے منصوبوں کے وسیع ذخیرے میں تازہ ترین اضافہ ہے۔ڈینا بولارٹے نے تقریب سے خطاب کرتے ہوئے کہا کہ چین ہماری معیشت کی ترقی میں ایک اہم کردار ادا کرتا ہے۔چینی صدر شی جن پنگ نے کہا کہ یہ بندرگاہ جنوبی امریکا اور چین کے درمیان رابطے کو فروغ دینے میں مددگار ثابت ہو گی۔ ہم نئے دور میں ایشیا اور لاطینی امریکا کے درمیان زمین سے سمندر کی نئی راہداری کا مشاہدہ کر رہے ہیں۔واضح رہے کہ پیرو گزشتہ دہائی کے دوران لاطینی امریکہ کی سب سے تیزی سے ترقی کرنے والی معیشتوں میں سے ایک اور خطے میں چین کا چوتھا سب سے بڑا تجارتی شراکت دار ہے جس میں 2023 میں تقریباً 36 ارب ڈالر کی تجارت ہوئی۔

ڈہرکی: ریڑھی بانوں کیخلاف کارروائی، مزدور رہنماؤں کا احتجاج

غیرملکی کمپنی کی کراچی پورٹس پر ڈھائی کروڑ ڈالرز کی سرمایہ کاری

کراچی پولیس کی کارروائی ، 2 منشیات فروش خواتین گرفتار

امریکا کے نومنتخب صدر ڈونلڈ ٹرمپ کے مشیر ایلون مسک نے اقوام متحدہ میں ایران کے مستقل مندوب امیر سعید ایراوانی سے ملاقات کی ہے۔

امریکی میڈیا نے ایرانی حکام کے حوالے سے اس ملاقات کی تصدیق کی ہے۔ رپورٹ کے مطابق، دونوں شخصیات نے امریکا اور ایران کے درمیان بڑھتی ہوئی کشیدگی کو کم کرنے کے بارے میں بات کی۔ملاقات ایک گھنٹے تک جاری رہی اور یہ نیویارک میں ایک خفیہ مقام پر ہوئی، جہاں اقوام متحدہ میں بائیڈن انتظامیہ کے نمائندوں کو بھی اس ملاقات کی اطلاع نہیں دی گئی تھی۔ ایرانی حکام نے بتایا کہ ایلون مسک نے ملاقات کی درخواست کی تھی، جبکہ ملاقات کی جگہ کا انتخاب ایران کے سفیر نے کیا تھا۔

ایک ایرانی اہلکار کے مطابق، ایرانی سفیر ایراوانی نے ایلون مسک سے کہا کہ وہ امریکی وزارت خزانہ پر دباؤ ڈالیں تاکہ ایران پر عائد پابندیاں اٹھائی جائیں اور مسک کو دعوت دی کہ وہ اپنے کچھ کاروبار تہران منتقل کریں۔اگرچہ اقوام متحدہ میں ایرانی مشن نے اس ملاقات کی تردید کی ہے، ایلون مسک کی ٹیم کی جانب سے اس بارے میں ابھی تک کوئی تبصرہ سامنے نہیں آیا۔

یاد رہے کہ ڈونلڈ ٹرمپ نے اپنی انتخابی مہم کے دوران یہ کہا تھا کہ وہ جنگوں کو ختم کرنا چاہتے ہیں، لیکن ان کے کمیونیکیشن ڈائریکٹر اسٹیون شیئنگ نے کہا کہ وہ ایسی نجی ملاقاتوں پر تبصرہ نہیں کریں گے جن کے بارے میں کوئی تصدیق نہیں ہوئی۔ٹرمپ کی ترجمان کیرولائن لیو نے کہا کہ امریکی عوام نے ٹرمپ کو صدر اس لیے منتخب کیا ہے کیونکہ وہ اپنے ملک کو طاقت کے ذریعے امن کی طرف واپس لے کر جائیں گے، اور عہدہ سنبھالنے کے بعد وہ اسی سمت میں اقدامات کریں گے۔

ٹرمپ نے اپنے پہلے دور صدارت میں ایران کے ساتھ جوہری معاہدہ ختم کردیا تھا اور ایران پر مزید پابندیاں عائد کی تھیں۔ اس کے علاوہ، ٹرمپ نے ایران کے جنرل قاسم سلیمانی کو عراق میں قتل کرنے کا حکم دیا تھا، جس کے بعد ایران نے امریکا کے ساتھ مذاکرات ختم کردیے تھے اور سلیمانی کے قتل کا انتقام لینے کی دھمکی دی تھی۔

ملاقات کی خبروں سے قبل، ایران کے وزیر خارجہ عباس عراقچی نے اقوام متحدہ کے ایٹمی واچ ڈاگ ادارے کے سربراہ سے ملاقات کی تھی اور کہا تھا کہ ایران اختلافات کو مذاکرات اور تعاون کے ذریعے حل کرنے کے لیے تیار ہے۔ عراقچی نے یہ بھی کہا کہ ایران کبھی بھی پرامن جوہری پروگرام پر بات چیت کی میز سے پیچھے نہیں ہٹا۔

واضح رہے کہ چند روز قبل، نومنتخب امریکی صدر ڈونلڈ ٹرمپ نے اعلان کیا تھا کہ ان کی نئی کابینہ میں ایلون مسک اور وویک راماسوامی گورنمنٹ ایفیشینسی کے شعبے کا ذمہ سنبھالیں گے۔

بشریٰ کا رونا اچھی حکمت عملی،گنڈا پور”نمونہ” پی آئی اے نہیں خرید رہے،عظمیٰ بخاری

پی آئی اے کی بجائے اپنے فلیٹس بیچیں، شیخ رشید

اسلام آباد ایئر پورٹ نواز شریف کے قریبی دوست کو دیا جا رہا، مبشر لقمان

پی آئی اے نجکاری،صرف 10 ارب کی بولی، کیوں؟سعد نذیر کا کھرا سچ میں جواب

پی آئی اے نجکاری،خیبر پختونخوا حکومت کی بولی کا حصہ بننے کی خواہش

تہران : ایران نے حجاب سے متعلق قانون کی خلاف ورزی کی مرتکب خواتین کے علاج کے لیے خصوصی کلینک قائم کرنے کا اعلان کیا ہے۔

باغی ٹی وی : "دی گارجئین” کے مطابق حجاب ریموول ٹریٹمنٹ کلینک کے قیام کا اعلان کرتے ہوئے محکمہ اوامر و نواہی کے ویمین اینڈ فیملی ڈپارٹمنٹ کی سربراہ مہری طالبی دارستانی نے کہا کہ اس کلینک میں حجاب کی پابندی نہ کرنے والی خواتین کی نفسیاتی تربیت کی جائے گی۔

دوسری جانب انسانی حقوق کے کارکنوں نے اس اقدام کی شدید مذمت کی ہے اور غم و غصے کا اظہار کیا ہے،حجاب کے حوالے سے بڑھتی ہوئی گرفتاریاں بھی تشویش ناک ہیں۔

برطانیہ میں مقیم ایرانی نژاد صحافی سیما ثابت نے، جن پر گزشتہ برس قاتلانہ حملہ کیا گیا تھا، کہا کہ یہ تصور ہی بہت خوفناک ہے کہ جو خواتین حجاب نہیں لینا چاہتیں ان کا نفسیاتی علاج کرایا جائے گا یہ سب کچھ بہت شرم ناک ہے کہ جو لوگ کسی نظریے کو نہ مانیں اُنہیں معاشرے سے الگ تھلگ کردیا جائے۔

ایران میں حقوقِ انسانی کے وکیل حسین رئیسی نے کہا ہے کہ حجاب کی پابندی نہ کرنے والی خواتین کے لیے نفسیاتی علاج نہ تو اسلامی شریعت سے مطابقت رکھتا ہے نہ ایرانی قوانین ہی سے ہم آہنگ ہے یہ حکم ایک ایسے محکمے کی طرف سے آیا ہے جو سپریم لیڈر علی خامنہ ای کے ماتحت ہے انسانی حقوق کے کارکنوں نے حجاب کی پابندی نہ کرنے پر گرفتاریوں کو بھی انتہائی خطرناک قرار دیا ہے، سینٹر فار ہیومن رائٹس اِن ایران نے بھی اس سلسلے میں چند خواتین کا حوالہ دیا ہے۔

اس کے بعد سے یہ خبر "عورت، زندگی، آزادی” احتجاجی گروپوں اور طالبات کے درمیان پھیل گئی ہے، جس سے خوف و ہراس پھیل گیا ہے۔

ایران سے تعلق رکھنے والی ایک نوجوان خاتون نے اپنا نام ظاہر نہ کرنے کی شرط پر کہا کہ یہ کلینک نہیں ہوگا، جیل ہوگا ہم اپنی ضروریات پوری کرنے اور بجلی کی بندش کے لیے جدوجہد کر رہے ہیں، لیکن کپڑے کا ایک ٹکڑا اس ریاست کے لیے پریشان ہےاگر ہم سب کے سڑکوں پر واپس آنے کا وقت ، تو اب ہے یا وہ ہم سب کو بند کر دیں گے۔‘‘