Category: بین الاقوامی

تل ابیب: اسرائیلی میڈیا کا دعویٰ ہے کہ اسرائیل نے امریکی صدر جو بائیڈن انتظامیہ کے دباؤ پر ایران کی جوہری اور تیل تنصیبات کونشانہ نہیں بنایا ۔

باغی ٹی وی : اسرائیل نے 26 اکتوبر کو علی الصبح تہران، شیراز اور کرج پر فضائی حملہ کیا جس میں ایران کے چار فوجی ملک کا دفاع کرتے ہوئے شہید ہوئے اسرائیل نے پاسداران انقلاب کےکم از کم 3 میزائل اڈوں کو نشانہ بنایا اسرائیل نےتہران کےقریب امام خمینی انٹرنیشنل ائیرپورٹ کے ایس300 ڈیفنس کونشانہ بنایا، اسرائیلی ڈرونز نے تہران کےمضافات میں پارچن ملٹری بیس کوبھی نشانہ بنایا، تہران میں ڈرون فیکٹر ی کو بھی نشانہ بنایا گیا۔

اسرائیلی میڈیا کا دعویٰ ہے کہ اسرائیل نے امریکی صدر جو بائیڈن انتظامیہ کے دباؤ پر ایران کی جوہری اور تیل تنصیبات کونشانہ نہیں بنایا ادھر امریکا نے اسرائیل کے ایران پر حملے کے بعد واضح کیا ہے کہ ایران کےجوابی حملےکی صورت میں وہ اسرائیل کے دفاع میں مددکے لیےتیار ہے۔

ایران کا کہنا ہے کہ اسرائیلی حملے میں 100 جنگی طیاروں کےحصہ لینے کا دعویٰ جھوٹا ہے، اسرائیل نے اپنے کمزور حملے کو بڑھا چڑھا کر پیش کیا، اسرائیلی طیارے ایرانی فضائی حدود میں داخل ہی نہیں ہوسکے،اس کے علاوہ ایرانی مشن نے امریکا کو ایران پرحملوں کا برابر ذمہ دار قرار دے دیا ایرانی مشن برائے اقوام متحدہ کا دعویٰ ہےکہ اسرائیلی جنگی جہازوں نےعراق میں واقع امریکی فوجی بیس سےپرواز بھریں۔

اسرائیلی حملوں کے بعد ایرانی فوج کی جانب سے جاری بیان میں بتایا گیا تھا کہ اسرائیل کے حملوں کے بعد اپنی سرزمین کا دفاع کرنے والے دو فوجی اہلکار جاں بحق جب کہ دو زخمی ہوگئے، تاہم ہفتے کی شب وہ دو زخمی اہلکار بھی زخموں کی تاب نہ لاتے ہوئے انتقال کرگئے، اسرائیل نےتہران،الم اورخوزستان میں ملٹری بیسزکونشانہ بنایا جس کے نتیجے میں کچھ مقامات پرمعمولی نقصانات ہوئے ہیں-

بلغاریہ کی نابینا خاتون باباوانگا کی مزید خطرناک پیشگوئیاں سامنے آگئیں۔

باغی ٹی وی :”بلقان کی نوسٹراڈیمس“ کے نام سے مشہور بابا وانگا کی موت 28 سال پہلے ہوئی تھی. اپنی موت سے قبل ہی انہوں نے یوکرین میں چرنوبل ڈیزاسٹر، شہزادی ڈیانا کی موت، نیویارک میں 9/11 کے حملوں اور یہاں تک کہ اپنی موت کے بارے میں پیش گوئیاں کی تھیں جو کہ بالکل درست ثابت ہوئی تھیں-

بابا وانگا کی جانب سے کی گئیں پیش گوئیوں کے مطابق آئندہ سال 2025 میں یورپ کیلئے خطرات کا سبب بنے گا یورپ میں تباہ کن جنگ ہو گی اور آبادی میں نمایاں کمی واقع ہوگی، زوال اور تباہی کے عمل کا آغاز 2025 سے شروع ہوجائے گا۔

انہوں نے یورپ میں دہشت گردانہ سرگرمیوں میں اضافے کے بارے میں خبردار کیا اور ایک ”بڑے ملک“ کے حیاتیاتی ہتھیاروں کی جانچ یا حملوں میں ملوث ہونے کا امکان طاہر کیا۔

سوڈان کی پیراملٹری فورس کا گاؤں پر حملہ، 124 افراد ہلاک اور 100 زخمی

اس کے علاوہ انہوں نے بتایا تھا کہ ”ایلینز“ سے رابطہ ہو سکتا ہے اس حوالے سے تاحال کوئی تصدیق تو نہیں ہوسکی ہے لیکن دنیا کے مختلف ممالک کے کئی مقامات پر یو ایف او طیارے اڑتے دیکھے جانے کے دعوے کئے گئے ہیں جو اس دنیا کے نہیں لگتے انہوں نے یہ بھی کہا تھا کہ سال 2130 تک انسانوں کا ایلینز سے رابطہ قائم ہو جائے گا۔

اس کے علاوہ ان کی اہم پیش گوئی گلوبل وارمنگ کے حوالے سے تھی، انہوں نے کہا تھا کہ موسم خوفناک ہوتا جائے گا بدترین گرمی لوگوں کو بری طرح پریشان کرے گی اور اس سے ان کی صحت متاثر ہوگی۔

بابا وانگا کے مطابق گلوبل وارمنگ کی وجہ سے 2170 میں ایک بڑی خشک سالی آئے گی اور اس طرح تباہی کی طرف بڑھنے والی زمین 3797 میں تباہ ہو جائے گی، لیکن تب تک کئی انسان دوسرے سیاروں تک پہنچ چکے ہوں گے۔

اس کے علاوہ اعلیٰ درجے کے ہیکرز کی جانب سے اہم انفراسٹرکچر جیسے پاور گرڈز اور واٹر ٹریٹمنٹ پلانٹس کو نشانہ بنائے جانے کی توقع ہے، جس سے قومی سلامتی کو شدید خطرہ لاحق ہوسکتا ہے ولادیمیر پیوٹن کے قتل کی کوشش بھی ان پیشگوئیوں میں شامل ہے۔

امریکا خطے میں اپنے مفادات کیلئے دہشت گرد تنظیموں کا استعمال کرتا ہے ،ترک صدر

اس کے علاوہ انہوں نے کوانٹم کمپیوٹنگ میں ایک اہم پیش رفت کی توقع ظاہر کی ہے جو تکنیکی منظرنامے کو نئی شکل دے سکتی ہے-

بابا وانگا کی طرح، 16ویں صدی کے فرانسیسی نجومی نوسٹراڈیمس نے اپنی کتاب لیس پروفیسیس میں 2024 میں قدرتی آفات کی پیش گوئی کی تھی،ان میں سے ایک پیشگوئی اس وقت پوری ہوئی جب نئے سال کے دن 7.6 شدت کے تباہ کن زلزلے نے جاپانی علاقوں اشیکاوا اور نوٹو میں تباہی مچادی، جس سے متعدد افراد ہلاک اور ہزاروں خاندان بے گھر ہوگئے تھے-

اسرائیل کاا یران میں مختلف فوجی اہداف پر فضائی حملوں کا آپریشن مکمل

ترکیہ کے صدر رجب طیب اردوان نے کہا ہے کہ امریکا اسرائیل کی سلامتی کے لیے دہشت گرد تنظیموں کو استعمال کرتا ہے۔

باغی ٹی وی: ترک خبرایجنسی انادولو کے مطابق روس میں برکس سربراہی اجلاس میں شرکت کے بعد ترکیہ روانگی کے موقع پر صحافیوں سے گفتگو کرتے ہوئے طیب اردوان نے کہا کہ اب یہ تسلیم شدہ حقیقت ہے کہ امریکا خطے میں اپنے مفادات اور اسرائیل کی سیکیورٹی کے لیے دہشت گرد تنظیموں کا استعمال کرتا ہے۔

انہوں نے کہا کہ ترکیے نے اقوام متحدہ کے تحت اسرائیل پر اسلحے کے حوالے سے جامع پابندی عائد کرنے کے لیے ایک اقدام شروع کردیا ہے کیونکہ اسرائیل کی جانب سے غزہ اور لبنان میں روزانہ بے گناہ شہریوں کو شہید کرنے کے لیے حملے کیے جا رہے ہیں ، انقرہ کے اس مؤقف کی کئی ممالک حمایت کر رہے ہیں کہ اسرائیل پر اسلحے سے متعلق پابندی ہونی چاہیے، ہمیں امید اقدام کی انسانیت کے لیے اتحاد کے طور پر اور پائیدار امن کے لیے کامیابی کی امید ہے۔

اسرائیل کا لبنان میں زمینی حملے کے خاتمے کا عندیہ

انقرہ میں ہونے والے دہشت گردی کے حملے سے متعلق سوال پر اردوان نے کہا کہ دہشت گرد کٹھ پتلیاں ہیں، ہمارا ہدف ترکیے کو دہشت گردی سے پاک کرنا ہے اور ہم اس پر سمجھوتہ نہیں کریں گے۔

دوسری جانب اسرائیل فوج کے غزہ میں وحشیانہ حملے جاری ہیں،غزہ میں قائم فلسطینی وزارت صحت نے اعلان کیا ہے کہ 26 اکتوبر 2024 تک اسرائیلی فوج نے مجموعی طور پر 42924 فلسطینیوں کو قتل کیا ہے،البتہ لاپتہ افراد یا ملبے کے نیچے آکر جاں بحق ہونے والوں کی تعداد اس کے علاوہ ہے۔

ہفتے کے روز جاری کیے گئے تازہ اعداد و شمار میں بتایا گیا ہے کہ پچھلے 48 گھنٹوں کے دوران اسرائیلی فوج نے مزید 77 فلسطینیوں کو قتل کیا ہے۔ جبکہ اب تک زخمی ہو چکے فلسطینیوں کی تعداد 100833 ہے،یہ تعداد 7 اکتوبر 2023 سے 26 اکتوبر 2024 تک کی ہے تاہم اس دوران ہونے والی تباہی اس کے علاوہ ہے۔

اسرائیل کاا یران میں مختلف فوجی اہداف پر فضائی حملوں کا آپریشن مکمل

خرطوم:سوڈان کی پیراملٹری فورس ریپڈ سپورٹ فورسز نے گاؤں پر حملہ کرکے 124 افراد کو ہلاک اور 100 شہریوں کو زخمی کردیا-

باغی ٹی وی: غیر ملکی میڈیا کی رپورٹ کے مطابق سوڈان کے جمہوریت پسند کارکنوں کا کہنا ہے کہ گزشتہ اتوار کو آر ایس ایف کے اعلیٰ افسر ابوغلا کیکال کی جانب سے فوج کے سامنے ہتھیار ڈالنے کے بعد آر ایس ایف اسی ریاست میں انتقامی کارروائی کر رہی ہے جہاں سے وہ افسر تعلق رکھتے ہیں، ریاست میں ان حملوں میں سیکڑوں ہلاکتیں ہوئی ہیں، اس کے علاوہ شہریوں کو گرفتار کیا گیا اور ہزاروں افراد گھر چھوڑ کر پناہ کی تلاش میں ہیں۔

اسرائیل کاا یران میں مختلف فوجی اہداف پر فضائی حملوں کا آپریشن مکمل

جمہوریت پسند گروپ مزاحمتی کمیٹی کے وید مدانی نے کہا کہ ریاست الغیزیرا کے شمالی گاؤں السیریحہ میں حالیہ دنوں میں بدترین واقعا ت پیش آئے ہیں اور آر ایس ایف کے اس حملے میں 124 افراد ہلاک اور 100 زخمی ہوگئے ہیں،آر ایس ایف ریاست الغیزیرا کے مشرق، مغرب اور وسطی علاقوں میں کارروائیاں کر رہی ہیں اور ایک گاؤں کے بعد دوسرے گاؤں میں قتل عام کر رہی ہے۔

دوسری جانب آر ایس ایف نے بیان میں سوڈان کی فوج پر الزام دیا کہ وہ الغیزیرا میں شہریوں کو مسلح کر رہی ہے اور کیکال کی کمان میں فورسز استعمال کر رہی ہے، جس کی وجہ سے یہ حملے کیے گئے ہیں۔

اسرائیل کا لبنان میں زمینی حملے کے خاتمے کا عندیہ

تل ابیب:تباہ کن ناکامی اور نقصان کے بعد اسرائیل نے لبنان میں زمینی حملے کے خاتمے کا عندیہ دیا ہے۔

باغی ٹی وی: اسرائیلی براڈکاسٹنگ اتھارٹی نے بتایا کہ لبنان میں زمینی آپریشن آخری مراحل میں ہے اور توقع ہے کہ ایک ہفتے کے اندر مکمل ہو جائے گی اسرائیلی سکیورٹی اسٹیبلشمنٹ کے اندر سینئر حکام کا حوالہ دیتے ہوئے کہا کہ جنوبی لبنان میں زمینی کارروائی اپنے آخری مراحل کے قریب ہے، اور ہم ایک یا دو ہفتوں کے اندر زمینی حملہ مکمل کرنے کی توقع رکھتے ہی-

رپورٹ میں کہا گیا کہ ’فوج نے جنوبی لبنان میں فرنٹ لائن پر نمایاں کامیابیاں حاصل کی ہیں اور حزب اللہ کے کئی بنیادی ڈھانچے کو تباہ کر دیا ہے۔‘

صیہونی فوج کے ترجمان ڈینیل ہگاری نے 30 ستمبر کو علاقے میں حزب اللہ کے بنیادی ڈھانچے کو نشانہ بنانے کے لیے ”محدود اور شدید“ کارروائیوں کے آغاز کا اعلان کیا تھا اور کہا تھا کہ پانچ ڈویژنوں کے دسیوں ہزار فوجیوں نے تین محوروں سے لبنانی سرزمین میں گھسنے کی کوشش کی۔

اسرائیلی حملے میں ایران کے دو فوجیوں کی موت کی تصدیق

ان کوششوں کے باوجود، لبنانی حکام نے رپورٹ کیا ہے کہ اسرائیلی فوج جنوبی لبنان کے کسی بھی علاقے کا کنٹرول حاصل کرنے میں ناکام رہی ہے،وزیر اعظم نجیب مکاتی نے نوٹ کیا کہ اسرائیلی فوج سرحدی دیہاتوں پر ہٹ اینڈ رن حملے کر رہی ہےحزب اللہ کے رکن پارلیمنٹ حسن فضل اللہ نے کہا کہ ’دشمن نے کسی گاؤں پر مکمل کنٹرول نہیں کیا ہے، اور فرنٹ لائنز پر کافی مزاحمتی جنگجو موجود ہیں۔

لبنانی وزارت صحت عامہ کے مطابق، 7 اکتوبر حملوں کے بعد سے لبنانی جماعت حزب اللہ نے غزہ کی پٹی کے لیے ”سپورٹ فرنٹ“ کھولا ہے، تب سے 2,550 سے زیادہ افراد شہید اور 12,000 سے زیادہ زخمی ہو چکے ہیں، جن میں خواتین اور بچے بھی شامل ہیں، دوسری طرف، حزب اللہ نے راکٹوں اور ڈرونز سے اسرائیلی حملوں کا جواب دیا، جس سے مادی اور انسانی جانی نقصان ہوا، حزب اللہ نے اسرائیل کے 70 سے زیادہ فوجی ہلاک کرنے اور درجنوں ٹینکوں کو تباہ کرنے کا اعلان کیا۔

اسرائیل کاا یران میں مختلف فوجی اہداف پر فضائی حملوں کا آپریشن مکمل

دوسری جانب جنوبی لبنان کے علاقے تفاحتا میں تازہ ترین اسرائیلی فضائی حملے میں ایک ہی خاندان کے 5 افراد شہید ہوگئے، صیدا کے علاقے تفاحتا میں اسرائیلی فضائی حملے کے نتیجے میں ابو ریا خاندان کے 5 افراد شہید ہوئے۔ شہداء میں حسن ابو ریا، رقیہ ابو ریا، محمد ابو ریا، غنا ابو ریا، اور نور ابو ریا شامل ہیں۔

لبنان کی وزارت صحت کے مطابق، جمعہ کے روز اسرائیلی حملوں میں لبنان میں 19 افراد جاں بحق ہوئے، جس کے ساتھ ہی گزشتہ سال سے جاری اسرائیل اور حزب اللّٰہ کے تنازع میں شہادتوں کی تعداد 2,653 ہوگئی ہے۔

گزشتہ روز جنوبی لبنان میں اسرائیلی فوج نے ایک کمپاؤنڈ کو نشانہ بنایا، جہاں صحافی قیام پذیر تھے، جس میں 3 صحافیوں کی جانیں گئیں۔

تل ابیب: اسرائیلی فوج نے ایران میں مختلف فوجی اہداف پر فضائی حملوں کے آپریشن کی تکمیل کا اعلان کر دیا۔

باغی ٹی وی : اسرائیلی فوج کے بیان کے مطابق گھنٹوں جاری رہنے والے آپریشن کے بعد اسرائیلی جنگی طیارے بحفاظت اپنی ائیر بیسز پر واپس پہنچ گئے ہیں،ایران میں تقریبا 20 اہداف کو نشانہ بنایا گیا جن میں میزائل تیار کرنے والی تنصیبات اور زمین سے فضا تک مار کرنے والے میزائلوں اور دیگر فضائی سسٹمز شامل تھے۔

دوسری جانب ایرانی فضائی دفاع نے اعلان کیا کہ اسرائیل کی جانب سے جنوب مغرب اور مغربی سرحدوں پر فوجی ٹھکانوں پر حملے کی کوشش ناکام بنا دی، ایران کی تسنیم نیوز ایجنسی کے مطابق ایک ایرانی ذرائع نے بتایا کہ ایران ‘متناسب’ جواب دینے کا حق محفوظ رکھتا ہے۔

سعودی عرب،پاکستان کے بعد عمان،قطر کی ایران پر اسرائیلی حملے کی مذمت

جبکہ اسرائیلی ذرائع کے مطابق تہران کے مغرب اور جنوب مغرب میں ان حملوں میں 100 سے زائد طیاروں اور ڈرونز نے حصہ لیا، جس میں بیلسٹک میزائل سائٹس اور فضائی دفاعی بیٹریوں سمیت تقریباً 20 اہداف کو نشانہ بنایا گیا، ایران پر حملے میں F-35 طیاروں نے بھی حصہ لیا۔

ادھر ایرانی افواج نے اسرائیلی حملوں میں اپنے فوجیوں کے جاں بحق ہونے کی تصدیق کردی ایرانی میڈیا کے مطابق فوج نے تصدیق کی ہےکہ ہفتے کی علی الصبح اسرائیل نے عسکری سائٹس کو نشانہ بنایا جس کے نتیجے میں دو ایرانی فوجی جاں بحق ہوئے ہیں۔

اسرائیلی حملوں کے چند گھنٹے بعد ایرانی فوج کی جانب سے مختصر بیان جاری کیا گیا جس میں کہا گیا ہے کہ اسرائیل کے حملوں کے بعد اپنی سرزمین کا دفاع کرنے والے 4 فوجی اہلکار جاں بحق ہوگئے۔

اسرائیلی حملے میں ایران کے دو فوجیوں کی موت کی تصدیق

پریتی سنگھ (پیدائش 26 اکتوبر 1971) ہندستان کی ایک معروف مصنفہ ہیں۔ پریتی چندی گڑھ میں مقیم ہیں۔ وہ پندرہ برسوں سے اپنے دو سب سے زیادہ فروخت ہونے والے ناول لکھنے سے پہلے ایک پیشہ ور مصنف کی حیثیت سے کام کر رہی ہیں۔ ان کا پہلا ناول – تقدیر کے ساتھ کھلواڑ مہاویر پبلشرز ، بھارت نے سن 2012 میں شائع کیا تھا ، اس کے بعد کراس روڈ جسے بھارت کے مصنفین پریس نے 2014 میں شائع کیا تھا۔ ان کی دوسری اور تازہ ترین کتاب کراس روڈز نے بھارتی کتاب آف ریکارڈ میں پہلے بھارتی افسانے کی حیثیت سے اپنی جگہ بنائی ہے جس میں حقیقی زندگی کے لوگوں کو کردار کی حیثیت حاصل ہے۔

17 دسمبر 2015 کو ، انوپما فاؤنڈیشن لکھنؤ کی طرف سے انھیں خود ساختہ خواتین کے لیے سوئمسیدھا ایوارڈ سے نوازا گیا جو اپنے شعبوں میں کامیاب رہی ہیں۔ ان کا تیسرا ناول ”واچڈ“ کو اوم جی پبلشنگ ہاؤس نے اکتوبر 2016 میں شائع کیا ۔
ایوارڈ اور پہچان
۔۔۔۔۔۔
دولت مشترکہ بکر ایوارڈ 2012 کے لیے نامزد اور 2012 کے بہترین ڈیبٹ کرائم فکشن ناول سے بھی نوازا گیا انیش بنوٹ کے ذریعہ جاری کردہ چندی گڑھ کی معروف شخصیات کی کافی ٹیبل بک میں شامل، ان کے ناول کراس روڈز نے بھارتی کتاب آف ریکارڈ میں پہلے بھارتی افسانہ کے طور پر اپنی جگہ بنائی ہے جس میں حقیقی زندگی کے لوگوں کو کرداروں کی حیثیت حاصل ہےانھیں سوائمسیدھا ایوارڈ کے لیے نامزد کیا گیا تھا۔ تخپما فاؤنڈیشن کی طرف سے لکھنؤ ، 17 دسمبر 2015.

انھیں پون جین اور دہلی میں دی اگمن فیملی کے ناول کراس روڈ کے لیے سنتی لٹریری ایوارڈز 2016 کے لیے بہترین مصنف کا ایوارڈ دیا گیا ہے سنگھ کو پریس کلب چندی گڑھ میں 17 ستمبر 2017 کو 5 ویں ایشیڈ لٹریچر فیسٹیول میں تحریری طور پر بھارت ادبی ایکسیلنس ایوارڈ 2017دیا گیا پریتی سنگھ کو 30 ستمبر 2018 کو ایف ایم آر ٹی ، نئی دہلی کے زیر اہتمام خواتین لیڈرشپ کانفرنس میں شبانہ اعظمی اور کالکی سبرامنیم جیسے دیگر معززین میں ممتاز مقررین کے ساتھ مدعو کیا گیا تھا۔

سعودی عرب کے بعد قطر اور عمان نے بھی ایران پر ہونے والے اسرائیلی حملے کی شدید الفاظ میں مذمت کی ہے۔

غیر ملکی خبر ایجنسی کے مطابق، قطر نے ایران پر اسرائیلی حملے کے بعد مذمتی بیان جاری کرتے ہوئے علاقائی عدم استحکام سے بچنے کے لیے تحمل اور بات چیت پر زور دیا ہے، قطری وزارتِ خارجہ نے کہا کہ ریاستِ قطر ایران پر اسرائیلی حملے کی سخت مذمت کرتی ہے، کیونکہ یہ حملے ایران کی سلامتی اور عالمی قوانین کی کھلی خلاف ورزی ہیں۔ قطر نے اس کشیدگی کے نتیجے میں پیدا ہونے والے سنگین اثرات پر تشویش کا اظہار کیا اور اپیل کی کہ سلامتی اور استحکام کو غیر مستحکم کرنے والے اقدامات سے گریز کیا جائے۔ قطری وزارتِ خارجہ نے عالمی برادری سے درخواست کی ہے کہ اس کشیدگی، خاص طور پر غزہ اور لبنان میں جاری اسرائیلی جارحیت کو ختم کرنے میں مؤثر کردار ادا کریں۔

دریں اثناء، عمان کی وزارتِ خارجہ نے بھی ایران پر ہونے والے اسرائیلی حملے کی مذمت کی اور کہا کہ یہ حملہ ایران کی سلامتی اور عالمی قوانین کی خلاف ورزی ہے۔

واضح رہے کہ آج صبح اسرائیلی فوجی ترجمان نے بیان دیا کہ اسرائیلی فوج نے ایرانی حملوں کے جواب میں کارروائی مکمل کر لی۔ اس جوابی کارروائی میں ایران میں طے شدہ فوجی اہداف کو نشانہ بنایا گیا ہے۔ دوسری جانب ایرانی وزارتِ خارجہ نے کہا ہے کہ وہ بیرونی جارحیت کے خلاف اپنے دفاع کا حق رکھتے ہیں۔ اسرائیل نے ایران کو جوابی دھمکی دیتے ہوئے کہا ہے کہ اگر مزید جوابی کارروائی کی گئی تو کشیدگی کا ایک نیا باب کھل جائے گا، جو کہ ناقابلِ پیشگوئی ہوگا۔

ایران پر ہونے والے اسرائیلی حملوں نے ایک نئی کشیدگی کو جنم دیا ہے۔ قطر اور عمان کا مذمت کا بیان اس بات کی نشانی ہے کہ عرب ممالک اس معاملے پر اپنے مؤقف کو مضبوطی سے پیش کر رہے ہیں۔ یہ بھی واضح ہے کہ عالمی برادری کی جانب سے فوری مداخلت کی ضرورت ہے تاکہ اس تناؤ کو کم کیا جا سکے۔ایران کی جانب سے دفاع کا حق مانگنا اور اسرائیل کی دھمکیاں اس بات کا ثبوت ہیں کہ یہ معاملہ مزید پیچیدہ ہوتا جا رہا ہے۔ یہ صورت حال صرف علاقائی نہیں بلکہ عالمی سطح پر بھی تشویش کا باعث بن سکتی ہے۔ اس لیے ضروری ہے کہ تمام فریقین بات چیت کے ذریعے مسئلے کا حل تلاش کریں، بصورت دیگر صورتحال مزید خطرناک ہو سکتی ہے۔

اسرائیلی حملے میں ایران کے دو فوجیوں کی موت کی تصدیق

ایران پر اسرائیلی حملہ،وزیراعظم شہباز شریف کی مذمت

سعودی عرب نے ایران پر اسرائیل کے حملے کی مذمت کی ہے

اسرائیلی حملے کے بعد ایران میں پروازیں بحال

جارحیت کا جواب دینے کا حق رکھتے ہیں،ایران

اسرائیل کا ایران پر فضائی حملہ،تہران،شیراز ،کرج میں دھماکے