Category: برطانیہ

لندن: پاکستان تحریک انصاف (پی ٹی آئی) نے برطانوی وزیراعظم کی سرکاری رہائش گاہ کے سامنے ایک احتجاجی مظاہرہ کیا۔

باغی ٹی وی : احتجاج پاکستان کے سیاسی حالات کے پس منظر میں منعقد کیا گیا،احتجاج میں شریک افراد کا کہنا تھا کہ پاکستان میں سیاسی استحکام کے لئے پی ٹی آئی کا چھینا گیا مینڈیٹ واپس کیا جانا چاہیے موجودہ حکومت کی پالیسیوں نے ملک میں عدم استحکام پیدا کیا ہے، اور اس کے اثرات عوام پر مرتب ہو رہے ہیں۔

پی ٹی آئی کے مظاہرے سے خطاب کرتے ہوئے رہنما زلفی بخاری نے زور دیا کہ پارٹی کے بانی عمران خان کو جیل سے فوری طور پر رہا کیا جائے ”انتظار پنجوتھا“ کے ساتھ جو کچھ ہوا، وہ نہ صرف افسوسناک بلکہ قابل مذمت ہے، اور اس کا اثر پاکستان کی سیاسی صورتحال پر پڑ رہا ہے۔

علاوہ ازیں احتجاج میں ، شہباز گل،شہزاد اکبر اور دیگر نے خطاب کیا لیکن شہریار آفریدی کے اسٹیج پر آتے ہی شہباز گل اسٹیج سے اترگئے،اس موقع پر میڈیا سے گفتگو میں شہریار آفریدی کا کہنا تھاکہ میں خان کا سپاہی ہوں، مجھے کہا گیا تھا میں آیا اور احتجاج میں رہا، مجھے نہیں سمجھ آئی مجھے جلسے میں بلا کر تقریر نہیں کرنے دی گئی۔

پاکستان کو شکست،سری لنکا نے ہانگ کانگ سپر سکسز کا ٹائٹل جیت لیا

واضح رہے کہ یہ احتجاج حالیہ دنوں میں پیش آنے والے واقعات کے تناظر میں بھی اہمیت رکھتا ہے چند دن قبل، سابق چیف جسٹس آف پاکستان قاضی فائز عیسیٰ کو مڈل ٹیمپل کا بینچر بنانے کی تقریب کے دوران بھی پی ٹی آئی کارکنوں نے احتجاج کیا اس موقع پر پی ٹی آئی ملیکہ بخاری، اظہر مشوانی، اور دیگر نے بھی مظاہرین سے خطاب کیا،تقریب سے باہر نکلتے ہوئے، پی ٹی آئی کے کارکنان نے جسٹس قاضی فائز عیسیٰ کی گاڑی پر حملہ کیا اور اس پر مکے برسانے کی کوشش کی۔

قصور میں سموگ کا راج،کنٹرول نا کیا گیا تو سموگ بڑھنے کا خدشہ

پی ٹی آئی کے بانی عمران خان کے کاغذات جمع کروانے کے بعد پہلی بار آکسفورڈ یونیورسٹی چانسلر کے انتخاب میں مشکل میں پڑ گئی ہے۔

باغی ٹی وی : برطانوی اخبار دی ٹائمز کے مطابق آکسفورڈ یونیورسٹی کو اندازہ ہی نہیں تھا کہ چانسلر کے انتخاب کا سادہ عمل اس قدر پیچیدہ ہو جائے گا، یونیورسٹی نے قانونی رائے طلب کرلی ہے کہ بانی پی ٹی آئی چانسلر بننے کے معیار پر اترتے ہیں یا نہیں،اور پاکستان میں الیکشن کے حوالے سے خاصی تشویش پائی جاتی ہے عمران خان کے حامیوں کا ماننا ہے کہ جیت اس کے جیل سے رہا ہونے کے امکانات کو نمایاں طور پر بڑھا دے گی،لندن میں ایک سینئر بیرسٹر سے رابطہ کیا گیا اور عمران خان کی امیدواری کی اہلیت کے بارے میں رائے طلب کی گئی ہے۔

ایس سی او کانفرنس:ٹریفک پلان جاری

رپورٹ کے مطابق صدیوں سےآکسفورڈ یونیورسٹی میں چانسلر شپ برطانوی اسٹیبلشمنٹ کے ممتاز شخصیات کے پاس رہی ہے۔ تاہم، لارڈ پیٹن آف بارنس کی جانب سے اپنی ریٹائرمنٹ کے اعلان کے بعد دنیا کی سب سے مشہور یونیورسٹی کا چانسلر بننے کے لیے سخت مقابلہ شروع ہو گیا ہے۔

پہلی بارآکسفورڈ اپنے چانسلر شپ کا انتخاب آن لائن مقبولیت کے ووٹ کے ذریعے کرائے گا، جس میں سابق طلبہ کو اپنے پسندیدہ امیدواروں کو ترجیح کے لحاظ سے درجہ بندی کرنے کی دعوت دی جائے گی، اگلا چانسلر بننے کے خواہشمند نمایاں ناموں میں لارڈ ولیم ہیگ، لیڈی ایلش انجیولینی، لارڈ پیٹر مینڈیلسن، عمران خان، ڈاکٹر مارگریٹ کیسلی ہیفورڈ اور ڈومینک گریو شامل ہیں۔

شہر جہاں ہر دوسری عورت جڑواں بچے پیدا کرتی ہے

آکسفورڈ یونیورسٹی رواں ہفتے چانسلر کا انتخاب لڑنے کیلئے اہل امیدواروں کا اعلان کرے گی، انتخابی مراحل مکمل ہونے پر نئے چانسلر کا اعلان رواں برس کے آخر میں کیا جائے گا۔

لندن:پاکستانی ٹک ٹاکر حریم شاہ نے دعویٰ کیا ہے کہ انہوں نے برطانوی سیاست میں قدم رکھ دیا ہے-

باغی ٹی وی : نجی خبررساں ادارے سے گفتگو کرتے ہوئے حریم شاہ کا کہنا تھا کہ میں نے باضابطہ انداز میں برطانیہ کی سیاست میں قدم رکھ دیا ہے اور حال ہی میں ہوئے الیکشن میں لبرل ڈیموکریٹس کیلئے مہم بھی چلائی ہے،میں نے برطانیہ میں لبرل ڈیموکریٹس کیلئے کام کا آغاز کیا ہے، اس کیلئے میں لبرل ڈیموکریٹس کی مشکور ہوں جنہوں نے مجھے اس قابل سمجھا اور اپنی پارٹی کا حصہ بنایا، میری کوشش ہوگی کہ میں لبرل ڈیموکریٹس کی توقعات پر پورا اتروں اور اس ملک میں رہتے ہوئے اپنا بہتر کردار ادا کر سکوں۔

حریم شاہ کا کہنا تھا کہ درحقیقت میں پاکستانی ہوں اور پاکستانی ہونے کی حیثیت کے ساتھ برطانوی پارلیمنٹ میں بیٹھ کر ان کی سیاسی جماعت کیلئے کچھ کرنا میرے لیے ایک بڑی کامیابی ہے، اس پارٹی میں میرے کچھ دیگر دوست بھی کام کر رہے ہیں اس کے علاوہ اس پارٹی کیلئے بہت سے پاکستانی بھی کام کر رہے ہیں۔

خبررساں ادارے سے بات کرتے ہوئے معروف ٹک ٹاکر کا کہنا تھا کہ میں برطانیہ میں ایل ایل بی میں اپنی پڑھائی جاری رکھے ہوئے ہوں،میں پاکستان سے ماسٹرز کرچکی ہوں اور حافظ قرآن بھی ہوں، اب میں برطانیہ سے ایل ایل بی کر رہی ہوں اور اس کیلئے میری تمام فیسز برطانوی حکومت ادا کرتی ہے، اس کے ساتھ رہائش، جم کے اخراجات حتیٰ کہ کالج کیلئے ٹرانسپورٹ کا خرچہ بھی برطانوی حکومت ادا کرتی ہے۔

قبل ازیں ایک اور انٹر ویو میں بات کرتے ہوئے حریم شاہ کا کہنا تھا کہ ڈاکٹر نہیں بن سکی جب آپ پی ایچ ڈی کرلیتے ہیں تو آپ کے نام سے ڈاکٹر لگ جاتا ہے اور کوشش کروں گی پی ایچ ڈی کروں، آکسفورڈ یونیورسٹی جانے کا بڑا شوق ہے عمران خان نہیں چاہتے وہ چانسلر بنیں، آکسفورڈ یونیورسٹی نے خود ان کو چانسلر کیلئے منتخب کیا ہے، عمران خان کی شہرت ہی اتنی ہی ہے، عمران خان آکسفورڈ سے بڑا نام ہے، آکسفورڈ سے بڑے بڑے رہنماؤں نے پڑھا ہے، آکسفورڈ سے بینظیر بھٹو اور عمران خان نے پڑھا ہے، یہ دونوں پاکستان کے بہادر لیڈر ہیں۔

نارویج: دنیا کی سب سے بوڑھی بلی سمجھی جانے والی بلی 33 سال کی عمر میں چل بسی۔

باغی ٹی وی:رپورٹ کے مطابق روزی نامی بلی کی 73 سالہ مالکہ لیلا برسیٹ نے حال ہی میں روزی کو الوداع کیا جو کہ دنیا کی سب سے معمر بلی ہے، بلی کی موت 33 سال کی عمر میں ناروچ برطانیہ میں اپنے مالکہ کے گھر میں ہوئی۔

روزی 1991 میں پیدا ہوئی تھی اور اس نے دنیا کی سب سے پرانی بلی کا غیر سرکاری اعزاز حاصل کیا تھا کیونکہ اس کی بیٹی فلوسی 28 سال کی ہے،روزی رواں سال جون کو 33 سال کی ہوئی تھی –

روس کسی بھی وقت جوہری تجربات دوبارہ شروع کرنے کے لیے تیار

جون میں روزی 33 سال کی ہوئی تھ۔ لیلا، جس نے روزی کو اس وقت گود لیا تھا جب وہ ایک بلی کا بچہ تھی، نے کہا کہ مجھے اس کی بہت یاد آتی ہے، وہ ٹھیک نہیں تھی اور ایک دن وہ گھر کے دالان میں چلی گئی، لیٹ گئی اور چل بسی،اگرچہ بہت ساری اچھی یادیں تھیں اور مجھے خوشی ہے کہ ہم نے ایک ساتھ وقت گزارا۔

گنیز بک آف ورلڈ ریکارڈ کے مطابق اس وقت ریکارڈ پر موجود سب سے پرانی بلی کی عمر 28 سال ہے،فلوسی کی پیدائش 29 دسمبر 1995 کو ہوئی تھی، جیسا کہ 10 نومبر 2022 کو اورپنگٹن، گریٹر لندن میں تصدیق شدہ ہے۔

سی ٹی ڈی کی کارروائی،لاہور میں دہشتگردی کا بڑا منصوبہ ناکام بنا دیا

لندن: اہلیہ کو تحفے میں ملے کپڑے ڈکلیئر نہ کرنے پر برطانوی وزیراعظم سر کئیر اسٹارمر مشکل میں پڑ گئے-

باغی ٹی وی : برطانوی میڈیا کے مطابق اہلیہ کو تحفے میں ملنے والے لباس کی تفصیل ڈکلیئر نہ کرنے پر برطانوی وزیراعظم سر کئیر اسٹارمر کیخلاف تحقیقات کا آغاز کر دیا گیا وحید علی جن کا تعلق برطانیہ میں مقبول شخصیات میں کیا جاتا ہے، وہ لیبر پارٹی کو عطیات فراہمی کے حوالے سے جانے جاتے ہیں۔

وحید علی برطانوی فیشن کمپنی اے ایس او ایس کے چیئرمین بھی رہ چکے ہیں انہوں نے وزیراعظم کئیر اسٹارمر کی اہلیہ کے کپڑوں کی ادائیگی کی اور کپڑوں میں جو تبدیلیاں کرائی تھیں اس کے خراجات بھی اٹھائےتاہم جولائی میں منتخب ہونے والے برطانوی وزیراعظم کئیر اسٹارمر نے اہلیہ کو ملنے والے ان تحائف کی تفصیلات شئیر نہیں کیں جس کے باعث ان کے لیے مشکلات کھڑی ہوگئیں، تفصیلات ظاہر نہ کرنے پر ان کے خلاف تحقیقات کی جا رہی ہیں۔

لندن: افغانستان کی طالبان پر مشتمل عبوری حکومت نے لندن میں اپنا سفارتخانہ بند کردیا ہے۔

باغی ٹی وی : برطانیہ میں افغانستان کے سفیر زلمے رسول نے سماجی روابط کی ویب سائٹ ’ایکس‘ پر کہا کہ سفارت خانہ 27 ستمبر کو ”میزبان ملک کی سرکاری درخواست پر“ بند ہو جائے گا،ہم تمام ساتھیوں، شہریوں اور متعلقہ اداروں کا شکریہ ادا کرتے ہیں اور ان کی تعریف کرتے ہیں جنہوں نے اس عرصے کے دوران لندن میں افغان سفارت خانے کے ساتھ مخلصانہ تعاون کیا،طالبان کی طرف سے اپنے عملے کی برطرفی کے بعد سفارت خانہ بند کیا جا رہا ہے۔“

واضح رہے کہ مذکورہ اقدام جولائی میں طالبان کے اس اعلان کے بعد سامنے آیا جس میں انہوں نے سابقہ حکومت کے قائم کردہ سفارت خانوں کو تسلیم کرنے سے انکار کردیا تھا۔

وفاقی حکومت نے پنشن رولز میں ترامیم کر دیں

خیال رہے کہ اگست 2021 میں کابل کے سقوط کے بعد یورپ میں بہت سے افغان سفارت خانے کام کرتے رہے لیکن واشنگٹن ڈی سی میں پوسٹنگ سمیت دیگر کو بند کرنے پر مجبور کر دیا گیاطالبان کو برطانیہ نے افغانستان کی قانونی حکومت کے طور پر تسلیم نہیں کیا اور اپنا سفارت خانہ کابل سے قطر منتقل کر دیا۔

وزیر اعلیٰ پنجاب کا عید میلاد النبیؐ پر فول پروف سیکیورٹی کا حکم