کینیڈا میں دو سابق بورڈنگ اسکولوں سے مقامی قدیم نسل کے سینکڑوں بچوں کی باقیات برآمد ہونے پر مشتعل مظاہرین نے ملکہ وکٹوریہ اور ملکہ الزبتھ دوم کے مجسموں کو گرا دیا۔

باغی ٹی وی : غیر ملکی خبررساں ادارے ڈیلی میل کے مطابق یکم جولائی کو کینیڈا کا قومی دن منایا جاتا ہے تاہم رواں سال ملک کے دو سابق بورڈنگ اسکولوں سے مقامی قدیم نسل کے سینکڑوں بچوں کی باقیات برآمد ہونے کے باعث رنگا رنگ تقریبات کا انتظام نہیں کیا گیا۔

یہ ہلاکتیں دہائیوں قبل بورڈنگ اسکول میں مقامی قدیم نسل کے بچوں کو نئی تہذیب سے روشناس کرانے کے دوران تشدد سے ہوئیں جس پر ملک کے طول و ارض میں مظاہرے جاری ہیں جس میں مایوس کن نوآبادیاتی تاریخ پر غم و غصے کا اظہار کیا گیا اور نسل کشی پر فخر نہیں کے نعرے لگائے گئے۔

مظاہرے کے دوران مشتعل افراد نے برطانیہ کی سابق ملکہ وکٹوریہ اور موجودہ کوئن ایلزبتھ کے مجسمے کو توڑ کر زمین پر گرادیا، کئی بادشاہوں کے مجسمے بھی گرائے گئے اور ان پر لال رنگ سے نشان لگادیا اور شدید نعرے بازی کی گئی ملکہ وکٹوریہ کے مجسمہ کے سر کو بعد میں ہٹا کر دریائے آسینیبوین میں پھینک دیا گیا۔

18 ویں صدی سے 1970 کے درمیان ، کینیڈک اسکولوں میں بھیجے جانے کے بعد ڈیڑھ لاکھ دیسی کینیڈین بچوں کو عیسائیت قبول کرنے پر مجبور کیا گیا اور انہیں اپنی مادری زبان بولنے کی اجازت نہیں تھی۔

بہت سوں کو مارا پیٹا گیا اور زبانی طور پر بدسلوکی کی گئی ، اور کہا جاتا ہے کہ ان کی موت 6000 تک ہوچکی ہے ، لیکن کینیڈا کی حکومت کی اس پالیسی کا برطانوی شاہی خاندان کے ساتھ بہت کم تعلق ہے ، جو رسمی سربراہان مملکت ہیں۔

کل کینیڈا میں ہونے والے مظاہروں سے ان کا امریکہ میں پھیل جانے کا امکان بڑھ گیا ہے اور نظرانداز ، بدسلوکی اور موت کے دعوؤں کے بعد وہاں اجتماعی قبروں میں بھی اسی طرح کی تحقیقات کی جارہی ہیں۔

دوسری جانب برطانوی وزیر اعظم بورس جانسن نے ملکاؤن اور بادشاہوں کے مجسموں کو گرانے اور بے حرمتی پر افسوس کرتے ہوئے کہا کہ ہمیں لوگوں کے جذبات کا احساس ہے تاہم مجسموں کی بے حرمتی بھی قابل مذمت ہے۔

قبل ازیں یوم کینیڈا پر وزیر اعظم جسٹن ٹروڈو کا کہنا تھا کہ اسکولوں میں بچوں کی باقیات کی دریافت سے ہمیں اپنی تاریخ کی ناکامیوں پر غور کرنے کا موقع ملا ہے۔ بدقسمتی سے کینیڈا میں اب بھی کچھ لوگ مقامی افراد اور بہت سے دوسری اقلیتوں کے ساتھ ناانصافی پر مبنی رویہ رکھتے ہیں۔

واضح رہے کہ گزشتہ ماہ کینیڈا کے علاقوں برٹش کولمبیا اور ساسکیچوان کے سابق بورڈنگ اسکولوں جو حکومت کے تعاون سے کیتھولک چرچ کے زیر انتظام تھے سے ایک ہزار کے قریب غیر نشان زدہ قبریں ملی تھیں۔

کینیڈا میں سابق سکول سے مزید 182 بچوں کی اجتماعی قبریں دریافت

کینیڈا کے ایک سکول کے احاطہ سے 215 بچوں کی باقیات برآمد

رواں برس مارچ میں ڈیوک اینڈ ڈچزآف سسیکس نےمعروف امریکی میزبان اوپرا ونفری کے ساتھ ایک انٹرویو کے دوران برطانوی شاہی خاندان پر نسل پرست ہونے کا الزام عائد کیا تھا۔

باغی ٹی وی : غیر ملکی میڈیا رپورٹس میں بکنگھم پیلس کی جانب سے شہزادہ ہیری اور میگھن مارکل کی جانب سے لگائے گئے نسل پرستی کے الزامات کا اعتراف کرنے کا دعویٰ کیا جارہا ہے ۔

میڈیا رپورٹس کے مطابق، اب چند مہینوں بعد شاہی محل نے اعتراف کیا کہ شاہی محل کےتمام تر عملےکو برابری کا مقام دینےکے لیےمزید کام کرنا ہوگا۔

میگھن اور ہیری کے انٹر ویو کے بعد ، محل نے 2020-2021 کے اپنے سالانہ مالی ریکارڈ کو جاری کیا تو نسلی اقلیتی ملازمین کا تناسب اگلے سال تک 10 فیصد تک بڑھانے کے ہدف کے ساتھ 8.5 فیصد رہا ۔

محل کے ایک ذرائع نے بتایا کہ یہ تعداد عوامی کردی گئی ہے تاکہ کسی سے کچھ چھپا نہ رہے اور محل کے دروازوں کے پیچھے ہونے والی پیشرفت کے لیے شاہی خاندان جوابدہ ہو۔

ذرائع نے یہ بھی کہا کہ ہم اپنی کوششوں کے باوجود وہاں نہیں ہیں جہاں ہم ہونا چاہتے ہیں یہ نہیں ہے کہ اس عرصے کے دوران برابری اور شمولیت کے اقدامات میں پیشرفت نہیں کی جارہی ہے ، بس بات اتنی ہے کہ وہ نتائج برآمد نہیں ہوئے جو ہم چاہتےہیں ۔

واضح رہے کہ رواں برس مارچ میں برطانوی شہزادہ ہیری اور اُن کی اہلیہ میگھن مارکل کا اوپرا ونفرے کو دیئے گئے تہلکہ خیز انٹرویو میں شاہی خاندان کے کئی راز افشا کیے تھے

میگھن مارکل نسل پرستی پر مبنی کارڈ استعمال کرکے لوگوں کی ہمدردیاں حاصل کرنا چاہتی ہیں سیمی گریوال

میگھن مارکل نے شاہی خاندان کے متعلق کیا بڑا انکشاف

برطانوی وزیراعظم کا میگھن مارکل کےانٹرویو پرکوئی بھی تبصرہ کرنے سےگریز

پرنس ہیری اور میگھن کے تہلکہ خیزانٹرویو نے دنیا بھر میں ہلچل مچا دی

شہزادی ہیری کی اہلیہ میگھن مارکل کے شاہی خاندان پر الزامات ،ملکہ برطانیہ الزبتھ کا ردعمل سامنے آگیا

برطانوی شاہی خاندان سے ایک برس قبل علیحدگی کے بعد ان دونوں کا پہلا مشترکہ انٹرویو تھا انٹر ویو میں شہزادہ ہیری کی اہلیہ میگھن مارکل نے انکشاف کیا تھا کہ شاہی خاندان میں رہتے ہوئے بھی نسلی تعصب کا نشانہ بنایا گیا جس پر خودکشی کرنے کے بارے میں بھی سوچا تھا-

دوسری جانب اس وقت برطانوی شہزادہ ہیری اور اہلیہ میگھن کے نسل پرستی کے دعوؤں پر رد عمل کے لیے شاہی محل کو دباؤ کا سامنا تھا یہاں تک کہ برطانوی وزیراعظم نے بھی اس انٹرویو کے حوالے سے کوئی بھی تبصری کرنے سے انکار کر تے ہوئے کہا تھا کہ شاہی خاندان کے معاملات پرکوئی تبصرہ نہیں کروں گا، ملکہ کا یکجہتی کا کردار قابل تحسین ہے۔

پرنس ہیری اور میگھن مارکل کے انٹرویو پر سوشل میڈیا پر میمز کا طوفان