برطانوی شاہی جوڑا ڈیوک اور ڈچسس آف کیمبرج پرنس ولیم اور کیٹ مڈلٹن نے5 مئی بدھ کے روز یوٹیوب پر اپنا چینل بنالیا –

باغی ٹی وی : غیرملکی میڈیا کے مطابق پرنس ولیم اور کیٹ مڈلٹن کے اکاؤنٹ پر 24 گھنٹے کے دوران 28ہزار فالوورز ہوگئے اور پہلی ہی ویڈیو کو ایک گھنٹے کے اندر 16ہزار سے زائد بار دیکھا گیا۔

رپورٹس کے مطابق پرنس ولیم اور کیٹ مڈلٹن کے اکاؤنٹ پر سبسکرائبرز کی تعداد مسلسل بڑھ رہی ہے جو کہ اس وقت ایک لاکھ 94ہزار سے زائد ہوچکی ہے۔

جبکہ ویڈیو کو اب تک دیکھنے والوں کی تعداد 9 لاکھ 29 ہزار سے زائد ہو چکی ہے-

ملکہ برطانیہ الزبتھ ثانی کے چھوٹے بیٹے ڈیوک آف یارک پرنس اینڈریو کی سابق اہلیہ کا کہنا ہے کہ میگھن مارکل کو اپنی ساس لیڈی ڈیانا سے ملنے کا موقع تو لیڈی ڈیانا اپنی بہو سے مل کر خوش ہوتیں-

باغی ٹی وی :سارہ فرگوسن شہزادی ڈیانا کی سابق دیورانی ہیں کا کہنا ہے کہ میگھن مارکل کو اپنی ساس لیڈی ڈیانا سے ملنے کا موقع تو نہ مل سکا لیکن اگر وہ لیڈی ڈیانا سے ملتیں تو ڈیانا ان سے ملکر خوش ہوتیں۔

سارہ فرگوسن کا ’گوڈ مارننگ برٹین‘ کا ایک 3 برس پرانا انٹریو وائرل ہو رہا ہے جس میں گفتگو کرتے ہوئے ڈچز آف یارک نے آنجہانی ڈیانا کو یاد کرتے ہوئے اس سوال پر کہ وہ اپنے چھوٹے بیٹے پرنس ہیری کی سابق امریکی اداکارہ میگھن مارکل سے شادی پر انکا ردِعمل کیا ہوتا سارہ فرگوسن کا کہنا تھا کہ مجھے یقین نہیں آتا کہ ان لڑکوں کی شادی سے بہت پہلے ڈیانا چلی گئیں۔

انہوں نے کہا کہ لیکن اس کے باوجود ان دونوں نے بہت اچھے طور پر اپنے کام کیے، اسکا کریڈٹ ان کی ماں کو جاتا ہے۔

ان کا کہنا تھا کہ یہ ڈیانا کی شفقت اور محبت کا ہی نتیجہ ہے اور میں ایمانداری سے سمجھتی ہوں کہ اگر وہ ہوتیں تو اپنی حیرت انگیز بہوئوں میگھن اور کیتھرائن پر فخر کرتیں اور دونوں بیٹوں کو گلے لگا کر کہتیں کہ تم نے بہترین بیویوں کا چناؤ کیا۔

74ویں برٹش اکیڈمی فلم ایوارڈز ’بافٹا ایوارڈز‘ کی کورونا وبا کے باعث آن لائن تقریب منعقد کی گئی-

باغی ٹی وی : غیر ملکی میڈیا رپورٹس کے مطابق 74ویں برٹش اکیڈمی فلم ایوارڈز ’بافٹا ایوارڈز‘ کی کورونا وبا کے باعث آن لائن تقریب منعقد کی گئی جبکہ بڑی کیٹیگریز کے اعلان آج ہوں گے۔

میڈیا رپوٹس کے مطابق ’بافٹا ایوارڈز‘ کی آن لائن تقریب کی پہلی رات فلم ما رینی، بلیک بوٹم نے 2 اعزازات اپنے نام کئے فلم دی ٹرائل آف شکاگو 7 اور فلم نومبا لینڈ بہترین فلم کی دوڑ میں شامل ہیں۔

برٹش اکیڈمی فلم ایوارڈز میں بہترین اداکارہ کا اعزاز ’ نومیڈ لینڈ ‘ کی مرکزی اداکارہ ’فرینسس میکڈورمینڈ‘ نےاپنےنام کیا ۔

بافٹا ایوارڈزمیں بہترین اداکار کا ایوارڈ فلم’ ‘ان دی فادر‘میں ضعیف باپ کا کردارادا کرنےوالے آسکر ایوارڈ یافتہ ’اینتھونی ہوپکنز نےاپنے نام کیا۔

دوسری جانب پاکستانی نژاد برطانوی اداکار رض احمد، ہالی وڈ کے مشہور اداکار چیڈوک بوزمین، اور ڈینیل کلیا بہترین اداکاروں جبکہ انگلش اداکارہ ونیسا کربی اداکاراؤں کی فہرست میں شامل ہیں-

شوکےموقع پرملکہ برطانیہ کے شوہرشہزادہ فلپ کو بھی خراج عقیدت پیش کیا گیا ۔

تقریب کےدوران مختلف گلوکاروں نےاپنی آواز کا جادوبھی جگایا جبکہ شو کےدوران سماجی فاصلےکےساتھ محدود تعداد میں شوبزستاروں نےبھی شرکت کی۔

برطانوی شہزادہ ہیری اور ان کی اہلیہ میگھن مارکل کی جانب سے بنائی جانے والی پہلی دستاویزی فلم کی تفصیلات سامنے آگئیں۔

باغی ٹی وی : مارچ 2020 میں شاہی حیثیت چھوڑ نے والے برطانوی شہزادہ ہیری اور میگھن مارکل نے گزشتہ برس ستمبر میں اسٹریمنگ ویب سائٹ نیٹ فلیکس کے ساتھ دستاویزی فلمیں اور شوز بنانے کا معاہدہ کیا تھا شاہی جوڑے نے مذکورہ معاہدہ اپنے اخراجات چلانے اور کمائی کرنے کے لیے کیا تھا۔

معاہدے کے مطابق دونوں میاں بیوی اپنے بیٹے ’آرچی‘ کے نام سے بنائے گئے پروڈکشن ہاؤس کے بینر تلے نیٹ فلیکس کے لیے فلمیں اور شوز بنائیں گے۔

تاہم اب مذکورہ معاہدے کے تحت شہزادہ ہیری اور میگھن مارکل کی جانب سے پہلی دستاویزی فلم بنائے جانے کی تفصیلات سامنے آگئیں۔

خبر رساں ادارے اے پی کے مطابق آرچی پروڈکشن ہاؤس کی جانب سے جاری بیان میں تصدیق کی گئی ہے کہ ہیری اور میگھن مارکل پہلی دستاویزی فلم ’اسپورٹس‘ پر بنائیں گے۔

رپورٹ کے مطابق شاہی جوڑا نیٹ فلیکس کے لیے پہلی ڈاکیومینٹری ’ہارٹ آف انوکٹس‘ کے نام سے بنائے گا، جسے شہزادہ ہیری کی ہی فلاحی تنظیم ’انوکٹس گیمز‘ کی معاونت سے بنایا جائے گا۔

نیٹ فلیکس کے لیے پہلی ڈاکیومینٹری ’ہارٹ آف انوکٹس‘شہزادہ ہیری کی ہی فلاحی تنظیم ’انوکٹس گیمز‘ کی معاونت سے بنائی جائے گی-

دلچسپ بات یہ ہے کہ مذکورہ دستاویزی فلم میں شہزادہ ہیری بھی دکھائی دیں گے، تاہم یہ واضح نہیں ہے کہ میگھن مارکل بھی اس میں دکھائی دیں گی یا نہیں۔

’ہارٹ آف انوکٹس‘ کی کہانی دنیا بھر کے ایسے اسپورٹس مین کے گرد کی جدوجہد پر مبنی ہوگی، جو ’انوکٹس گیمز‘ میں شریک ہوئے ہوں گے۔

رپورٹ کے مطابق شہزادہ ہیری اور میگھن مارکل پہلی دستاویزی فلم بنائیں گے جس میں دنیا بھر کے ایسے حوصلہ مند افراد کو دکھایا جائے گا جنہوں نے نامکمل جسم اور ذہن کے باوجود کھیلوں میں حصہ لے کر اپنی زندگی کو تبدیل کیا۔

ابھی یہ واضح نہیں ہے کہ مذکورہ دستاویزی فلم کو کب تک ریلیز کیا جائے گا تاہم امکان ہے کہ اسے ’انوکٹس گیمز 2022‘ کے سالانہ ایونٹ سے قبل ریلیز کیا جائے گا۔

واضح رہے کہ انوکٹس گیمز فاونڈیشن‘ ہر سال مختلف طرح کے کھیلوں کے ایونٹ منعقد کرتی ہے، اس تنظیم میں صرف ایسے لوگ ہی کھیل سکتے ہیں، جو تشدد، جنگ یا دیگر وجوہات کی وجہ سے زخمی یامتاثر ہوئے ہوتے ہیں۔

’انوکٹس گیمز‘ کا مقصد زندگی کے برے لمحات، تشدد، جنگ، خوف اور استحصال کے شکار افراد کو کھیلوں کے ذریعے خوشگوار زندگی گزارنے کا مقصد فراہم کرنا ہے۔

خیال رہے کہ شہزادہ ہیری اور میگھن نے رواں برس 9 مارچ کو باضابطہ طور پر شاہی حیثیت سے علیحدگی اختیار کرکے ابتدائی طور پر کینیڈا اور بعد ازاں امریکا کیلی فورنیا میں رہائش اختیار کی تھی اور وہ آزادانہ طور پر اںٹرٹینمنٹ، فیشن، کھیل اور صحت کے شعبوں میں کام کرکے الگ پہچان بنانے سمیت خود مختار ہونا چاہتے ہیں۔

حال ہی میں امریکی ٹی وی کو دیئے گئے انٹرویو میں برطانوی شاہی خاندان پر شہزادہ ہیری کی اہلیہ میگھن مارکل کے الزامات پر ملکہ برطانیہ الزبتھ کا ردعمل سامنے آگیا۔

باغی ٹی وی :حال ہی میں برطانوی شہزادہ ہیری اور اُن کی اہلیہ میگھن مارکل کا اوپرا ونفرے کو دیا تہلکہ خیز انٹرویو نشر کیا گیا جس میں شاہی خاندان کے کئی راز افشا کیے گئے اور شاہی خاندان کے ساتھ گزرنے والی اپنی زندگی کے حالات و واقعات کے بارے میں بتایاگیا۔

برطانوی شاہی خاندان سے ایک برس قبل علیحدگی کے بعد ان دونوں کا پہلا مشترکہ انٹرویو تھا انٹر ویو میں شہزادہ ہیری کی اہلیہ میگھن مارکل نے انکشاف کیا ہے کہ شاہی خاندان میں رہتے ہوئے بھی نسلی تعصب کا نشانہ بنایا گیا جس پر خودکشی کرنے کے بارے میں بھی سوچا تھا-

برطانوی شہزادہ ہیری اور اہلیہ میگھن کے اس انٹرویو نے دنیا بھر میں ہلچل مچا دی ہے سنسنی خیز انٹرویو ٹی وی چینلز اورعالمی میڈیا کی توجہ کا مرکز بن گیا،کئی ٹی وی چینلز اور اخبارات نے شہ سرخیوں میں جگہ دی جبکہ میگھن کے والد تھامس مارکل نے شاہی خاندان پر نسل پرستی کے الزامات کو مسترد کردیا تھا۔

برطانوی شہزادہ ہیری اور اہلیہ میگھن کے نسل پرستی کے دعوؤں پر رد عمل کے لیے شاہی محل کو دباؤ کا سامنا تھا یہاں تک کہ برطانوی وزیراعظم نے بھی اس انٹرویو کے حوالے سے کوئی بھی تبصرہ کرنے سے انکار کر تے ہوئے کہا تھا کہ شاہی خاندان کے معاملات پرکوئی تبصرہ نہیں کروں گا، ملکہ کا یکجہتی کا کردار قابل تحسین ہے۔

تاہم اب برطانوی شاہی خاندان پر شہزادہ ہیری کی اہلیہ کے الزامات پر ملکہ برطانیہ الزبتھ نے ردعمل دیا ہے-

غیر ملکی خبر رساں ادارے کے مطابق ملکہ برطانیہ نے کہا ہے کہ انہیں اپنے پوتے شہزادہ ہیری اور ان کی اہلیہ کو پیش آنے والے مشکل حالات پر افسوس ہے اور وہ ان کے بیٹے پر نسل پرستانہ تبصروں سے متعلق نجی طور پر بات کرنے کا وعدہ کرتی ہیں۔

بکنگھم پیلس کی جانب سے جاری کردہ بیان میں کہا گیا ہے کہ بالخصوص نسل پرستی کے حوالے سے اٹھائے گئے سوالات پر تشویش ہے۔ اگرچہ بیان کیے گئے واقعات کی تفصیلات مختلف ہوسکتی ہیں تاہم انہیں سنجیدگی سے دیکھا جارہا اور شاہی خاندان نجی طور پر ان پر بات کرے گا۔

شاہی محل سے جاری ہونے والے بیان میں ملکہ برطانیہ نے کہا ہے کہ شہزادہ ہیری، میگھن اور ان کا بیٹا آرچی ہمیشہ خاندان کا ہردلعزیز حصہ رہیں گے۔

میگھن مارکل نسل پرستی پر مبنی کارڈ استعمال کرکے لوگوں کی ہمدردیاں حاصل کرنا چاہتی ہیں سیمی گریوال

میگھن مارکل نے شاہی خاندان کے متعلق کیا بڑا انکشاف

برطانوی وزیراعظم کا میگھن مارکل کےانٹرویو پرکوئی بھی تبصرہ کرنے سےگریز

پرنس ہیری اور میگھن کے تہلکہ خیزانٹرویو نے دنیا بھر میں ہلچل مچا دی