Category: کشمیر

مقبوضہ کشمیر میں بھارتی فوج نے 13 سال کے ایک بچے کو گرفتار کر کے چھوٹا ڈان قرار دیتے ہوئے پروپیگنڈا شروع کر دیا ہے،

باغی ٹی وی کی رپورٹ کے مطابق ہندوستانی میڈیا نے دعویٰ کیا ہے کہ شوپیاں کے پولیس سپرنٹنڈنٹ سندیپ چوہدری نے ایک تیرہ سالہ بچہ گرفتار کیا ہے جو دس سال کی عمر سے ہی نوجوانوں کے ساتھ مل کر مبینہ طور پر بھارتی فوج پر پتھراؤ کے واقعات میں ملوث تھا، بھارتی میڈیا نے دعویٰ کیا ہے کہ کشمیر میں لوگ اس بچے کو چھوٹا ڈان کے نام سے جانتے ہیں اور یہ اتنی دلیری کا مظاہرہ کرتا تھا کہ بھارتی فوج اور ان کی گاڑیوں پر پتھراؤ کرتے وقت ہندوستانی فوج سے خوفزدہ ہو کر بھاگتا بھی نہیں تھا،

بھارتی میڈیا نے کہا ہے کہ گرفتار کئے گئے بچے کو جوینائل ہوم بھیج دیا گیا ہے، یہ بھی کہا گیا ہے کہ اس بچے کو اس وقت گرفتار کیا گیا جب وہ مبینہ طور پر ڈنڈا ہاتھ میں پکڑے لوگوں کو چیک کر رہا تھا، بھارتی میڈیا نے ہرزہ سرائی کرتے ہوئے کہا ہے کہ یہ بچہ معصوم ہے لیکن یہ احتجاج کرنے والے نوجوانوں کے ہتھے چڑھ گیا اور پھر اس نے بھارتی فوج پر پتھر بازی شروع کر دی تھی، واضح رہے کہ بھارتی فورسز نے پتھراؤ کے الزام لگا کر سینکڑوں‌ چھوٹی عمر کے بچوں‌ کو بھی گرفتار کر کے تھانوں‌میں بند کر رکھا ہے اور ان کی رہائی کیلئے بچوں کے والدین سے بھاری رشوت وصول کی جاتی ہے،

مقبوضہ کشمیر میں بھارتی فوج کی طرف سے پیلٹ گن کے برسائے گئے چھرے لگنے سے زخمی ہونے والا ایک شہری شہید ہو گیا ہے،

باغی ٹی وی کی رپورٹ کے مطابق مودی سرکار کی جانب سے مقبوضہ کشمیر کی خصوصی حیثیت ختم کئے جانے کے بعد سری نگر کے صورہ علاقہ میں‌ احتجاجی مظاہرہ کے دوران ایک کشمیری بری طرح زخمی ہو گیا تھا، اسے علاج معالجہ کی سہولیات صحیح معنوں میں مہیا نہیں‌ ہو سکیں جس پر وہ آج شہید ہو گئے ہیں، کشمیری نوجوان کی پیلٹ گن سے شہادت کے بعد بھارتی فورسز نے سکیورٹی انتظامات اور زیادہ سخت کر دیے ہیں،

پیلٹ گن سے زخمی ہو کر شہید ہونے والے کشمیری کا نام اسرار احمد خان بتایا گیا ہے، وہ صورہ علاقہ میں چھ اگست کو زخمی ہوئے تھے، پیلٹ گن کے چھرے لگنے سے اس کے چہرے اور سینوں پر گہرے زخم آئے تھے اور اسے شیر کشمیر انسٹی ٹیوٹ آف میڈیکل سائنسز میں داخل کروایا گیا تھا،

واضح رہے کہ بھارتی فورسز کے مظاہروں کے دوران تشدد سے سینکڑوں‌ افراد زخمی ہیں‌ جنہیں‌ ہسپتالوں میں بھی علاج کی سہولیات میسر نہیں ہیں،

سابق وفاقی وزیر داخلہ رحمان ملک نے کہا ہے کہ دنیا کو اس وقت درپیش مسائل میں سے سب سے بڑا مسئلہ دہشتگردی کا ہے ،

باغی ٹی وی کی رپورٹ کے مطابق پیپلز پارٹی کے رہنما، سابق وفاقی وزیر داخلہ سینیٹر رحمان ملک نے انٹرپارلیمنٹری یونین کانفرنس سےمقبوضہ کشمیرمیں بھارتی دہشتگردی کواجاگرکیا ،دہشتگردی کے خاتمے کیلیے اقدامات پرکانفرنس بیلاروس میں اقوام متحدہ کے زیراہتمام ہورہی ہے

سعودی عرب اور عرب امارات کے وزیر خارجہ آج آئیں گے پاکستان،اہم ملاقاتیں طے

کانفرنس سے خطاب کرتے ہوئے رحمان ملک کا کہنا تھا کہ بدقسمتی سے عالمی قیادت دہشتگردی کے بڑھتے ہوئے خطرات سے غافل ہے،دہشتگردی کے خاتمے کیلیے عالمی قائدین اپنا اپنا اہم کردارادا کرنے سے قاصر ہیں ،کشمیرکی خصوصی حیثیت ختم کرکےبھارت نےسیکیورٹی کونسل کی قراردادوں کی خلاف ورزی کی،آر ایس ایس کو مقبوضہ کشمیر میں بھارت کی ریاستی پشت پناہی حاصل ہے. کرفیو سے حاملہ خواتین،بچے اوربیمارافراد علاج کی سہولت نہ ہونےکی وجہ سے بھی مر رہے ہیں.

سعودی عرب اور اماراتی وزراء خارجہ کیساتھ ملاقات میں کشمیر سنگل پوائنٹ ایجنڈا ہے، قریشی

ہمارےجوان ایسے ہیں جن سے میں پسینہ مانگوں تووہ خون دیتے ہیں، آرمی چیف

آئیں چلیں شہید کے گھر…کشمیر بنے گا پاکستان، یوم دفاع پر آئی ایس پی آر کا اہم اعلان

رحمان ملک نے مزید کہا کہ کرفیو کیوجہ سے مقبوضہ کشمیر دنیا کا سب بڑا جیل و ٹارچ سیل بن چکا ہے،اقوام متحدہ کے انسانی حقوق کمیشن کی رپورٹ کے مطابق 1989 سے 2018 تک 94,644 کشمیری قتل کئے گئے،بھارتی افواج نے 11,042 عورتوں کی گینگ ریپ اور ہزاروں جوانوں کو بینائی سے محروم کیا گیا، دھشتگردی کے مکمل حاتمے کے لئے سب ممالک کو بیٹھ کر کامن اسٹریٹجی بنانی ہوگی۔

وفاقی وزیر امور کشمیر و گلگت بلتستان علی امین گنڈا پور نے کہا ہے کہ پاکستانی قوم، فوج اور سیاسی قیادت ہر قیمت پر کشمیریوں کی معاونت کے لئے پر عزم ہے۔

باغی ٹی وی کی رپورٹ کے مطابق میڈیاسے گفتگو کرتے ہوئے علی امین گنڈا پور کا کہن اتھا کہ زیراعظم عمران خان نے خود کو کشمیری عوام کا سفیر قراردیاہے۔ متعدد ممالک نے کشمیر پر پاکستان کے مؤقف کی حمایت کی ہے۔

خدارا مدد کریں، کشمیری مر رہے ہیں، یاسین ملک کی بیٹی کی پکار

علی امین گنڈا پور کا مزید کہنا تھا کہ بھارتی حکومت خوفزدہ ہے اور اس حقیقت سے واقف ہے کہ جب کرفیو اٹھایا جائے گا تو پوری مقبوضہ وادی” گو انڈیا گو” اور ”کشیمر بنے گا پاکستان ” کے نعروں سے گونج اٹھے گی۔ مودی مقبوضہ کشمیر میں نازی ازم کی پالیسی پر عمل پیرا ہے۔

علی امین گنڈا پور کا مزید کہنا تھا کہ بھارت کشمیر کی ڈیمو گرافی بدلنا چاہتا ہے لیکن اسے ناکامی ہو گی ۔مودی سرکار بوکھلاہٹ کا شکار ہے۔ کشمیری جدوجہد آزادی میں قربانیاں پیش کر رہے ہیں ۔پاکستان کشمیری کی تحریک آزادی کی سفارتی و اخلاقی حمایت جاری رکھے گا

علی امین گنڈا پور کا مزید کہنا تھا کہ کشمیر کا مسئلہ اقوام متحدہ میں ہے اور سات دہائیوں سے حل طلب ہے۔ عالمی برادری کو بھی کشمیریوں پر ہونے والے مظالم کا نوٹس لینا چاہئے

دس ہزار کیا بھارت دس لاکھ فوج کشمیر بھیج دے تو۔۔۔۔علی امین گنڈا پور کا مودی سرکار کو چیلنج

واضح رہے کہ مقبوضہ کشمیر میں بھارتی حکومت کی جانب سے نافذ کیے ہوئے کرفیو کو آج مسلسل 31واں دن ہے۔انسانی بحران شدید تر ہو چکا ہے ۔ مقبوضہ مقبوضہ کا رابطہ بیرونی دنیا سے تقریباً ایک ماہ سے مسلسل کٹا ہوا ہے۔مقبوضہ وادی میں 5اگست سے انٹرنیٹ اور موبائل سروس بند ہے۔ مقامی اخبارات اپنے آن لائن ایڈیشن اپڈیٹ نہیں کرپا رہے جبکہ بیشتر اخبارات کرفیو کی وجہ سے پرنٹ نہیں ہوسکے۔

بھارتی فوج کی ریاستی دہشت گردی کے خلاف نہ صرف مقبوضہ کشمیر بلکہ بیرونی دنیا میں بھی احتجاج کیا جا رہا ہے۔ ہزاروں کشمیری محاصرے کی کیفیت میں ہیں۔ مقبوضہ کشمیر ایک فوجی چھاﺅنی کامنظر پیش کر رہا ہے۔بھارتی فوج نے دس ہزار سے زائد کشمیر یوں کو گرفتار یا نظر بند کیا ہے۔جیلوں اور پولیس اسٹیشنوں میں قیدیوں کی گنجائش ختم ہو چکی ہے۔ بھارتی حکام کشمیری قیدیوں بھارت کی دیگر جیلوں میں منتقل کر رہے ہیں۔

دریں اثنا مقبوضہ وادی میں ادویات کی شدید قلت ہو چکی ہے ۔کشمیری دہلی سے ادویات خریدکر لا رہے ہیں۔مقبوضہ کشمیر میں اشیائے خوردونوش کی بھی قلت ہو گئی ہے جبکہ بچوں کے لیے خوراک کی بھی کمی ہو گئی ہے۔

بھارتی حکام مقبوضہ کشمیر میں بھارت مخالف جلسوں کو مانیٹر کرنے کے لیے ڈرون کیمرے استعمال کر رہے ہیں۔

جموں و کشمیر کے پلوامہ میں 14 فروری 2019 کو سی آر پی ایف قافلے پر حملہ انٹیلی جنس ایجنسیوں کی ناکامی ہے۔ سی آر پی ایف کی اندرونی رپورٹ کے مطابق یہ حملہ انٹیلی جنس ایجنسیوں کی ناکامی تھی، غور طلب ہے کہ اس حملے میں سی آر پی ایف کے 40 سے زیادہ جوان مارے گئے تھے۔
کشمیر میں پلوامہ طرز کا حملہ ہو سکتا ہے، وزیراعظم عمران خان
بھارتی میڈیا کے مطابق سی آر پی ایف کی اندرونی رپورٹ کے مطابق آئی ای ڈی حملے کو لے کر عام وارننگ جاری کی گئی تھی، لیکن فدائین حملے کاکوئی خاص خطرہ نہیں بتایا گیا تھا، رپورٹ میں صاف طور پر کہا گیا ہے کہ وادی میں کسی بھی انٹیلی جنس ایجنسی کی طرف سے اس طرح کے ان پٹ کا اشتراک نہیں کیا گیا تھا۔

واضح رہے کہ سی آر پی ایف کی یہ رپورٹ وزارت داخلہ کے بیان کے بالکل برعکس ہے، پلوامہ حملے کے بعد جب انٹیلی جنس ایجنسیوں کی ناکامی کی بات سامنے آئی تھی تو وزارت داخلہ نے ان الزامات کو مسترد کرتے ہوئے کہا تھا کہ پلوامہ دہشت گردانہ حملہ انٹیلی جنس ایجنسیوں کی ناکامی نہیں تھی۔

یاد رہے کہ 14 فروری 2019 کو پلوامہ میں سی آر پی ایف کے قافلے پر خود کش حملہ ہوا تھاجس میں 40 سے زیادہ جوان مارے گئے تھے، اس حملے کی ذمہ داری جیش محمد نے لی تھی۔

برطانوی سکریٹری خارجہ ، ڈومینک راب نے پارلیمنٹ کے ایوان زیریں، ہاوس آف کامنس میں خطاب کرتے ہوئے کہا ، "انسانی حقوق کی پامالیوں کے الزامات پر گہری تشویش ہے۔ ان کی مکمل تحقیقات ، فوری اور شفاف طور پر ہونی چاہئے۔

ڈومینک راب نے گرمیوں کی طویل رخصت کے بعد پہلے پارلیمانی اجلاس میں ایوان پارلیمنٹ کے ممبران کو بتایا کہ انہوں نے 7 اگست کو بھارتی وزیر خارجہ ایس جیشنکر سے گفتگو کے دوران یہ خدشات اٹھائے ہیں اور برطانیہ کشمیر کی صورتحال احتیاط سے نگرانی کرے گا ۔

راب نے ایک سوال کے جواب میں کہا، ”میں نے، حراست ، ممکنہ بدسلوکی اور مواصلات کو روکنے ، یہ معاملات بھارتی وزیر خارجہ کے ساتھ اٹھائے۔ بھارتی حکومت نے واضح کیا ہے کہ وہ صرف وقتی ہیں جن میں سختی ضروری ہے۔ “

برطانوی سکریٹری خارجہ نے اس بات پر زور دیا کہ انسانی حقوق کے خدشات نے کشمیر کو بین الاقوامی مسئلہ بنا دیا ہے۔ انہوں نے کنزرویٹو پارٹی کے رکن پارلیمنٹ کے ایک سوال کے جواب میں کہا ، "انسانی حقوق کا مسئلہ صرف ہندوستان یا پاکستان کے لئے باہمی مسئلہ یا گھریلو مسئلہ نہیں ہے ، یہ ایک بین الاقوامی مسئلہ ہے جس کی ہم توقع کرتے ہیں کہ بین الاقوامی سطح پر تسلیم شدہ انسانی حقوق کی تعمیل اور ان کا احترام کیا جائے گا ۔“

راب نے مقبوضہ کشمیر میں ناکہ بندی ختم کرنے کے ساتھ ساتھ آزاد مبصرین کو بھی اس علاقے میں تعینات کرنے کا مطالبہ کیا ۔

راب نے مزید کہا ،”ہم کشمیر میں تناو میں کمی، بین الاقوامی سطح پر تسلیم شدہ انسانی حقوق کا احترام اور اعتماد کی بحالی کے لئے ہر طرف سے اقدامات دیکھنا چاہتے ہیں۔“

جموں وکشمیر لبریشن فرنٹ کے چیئرمین محمد یاسین ملک نئی دہلی کے تہاڑ جیل میں شدید علیل ہیں اور ان کی طبیعت کافی ناساز ہوگئی ہے۔
کشمیری رہنما یاسین ملک کی حالت انتہائی تشویشناک، اہل خانہ کی پریس کانفرنس
کشمیر میڈیا سروس کے مطابق یہ بات نئی دہلی نمائندہ کے ایم ایس کو ایک شخص نے بتائی جس نے حال ہی میں تہاڑ جیل میں اپنے رشتہ دار سے ملاقات کی۔

واضح رہے کہ حریت رہنما یاسین ملک کو22فروری کو گرفتار کیا گیا تھا جبکہ 7 مارچ کو انہیں پبلک سیفٹی ایکٹ کے تحت جموں کوٹ بلوال جیل منتقل کر لیا گیا تھا۔ بعد ازاں انہیں تہاڑ جیل منتقل کیا گیا جہاں سے این آئی اے کی تحویل میں دے دیا گیا۔
قبل ازیں ان کی طبیعت کی ناسازی کے حوالے سے یاسین ملک کی ہمشیرہ اور والدہ نے سرینگر میں پریس کانفرنس کی تھی اس کے بعد یاسین ملک کی اہلیہ مشعال ملک نے اسلام آباد میں پریس کانفرنس کرتے ہوئے کہا تھا کہ یاسین ملک کی حالت انتہائی تشویشناک ہے.

باغی ٹی وی کے ذرائع کے مطابق یاسین ملک کی زندگی تہاڑ جیل میں خطرے میں ہے ، جیل کے ڈاکٹر یاسین ملک کا علاج نہیں کر رہے ، یاسین ملک کی طبیعت بگڑتی جا رہی ہے، یاسین ملک کی حالت انتہائی تشویشناک ہونے کے باوجود انہیں ہسپتال منتقل نہیں کیا جا رہا۔