Category: کشمیر

سری نگر: عید کے مبارک موقع پر بھی بھارتی فوج نے اپنے مظالم کا سلسلہ کشمیریوں پردرازرکھا، اطلاعات کے مطابق مقبوضہ کشمیر میں آزادی کی جدوجہد کوکچلنےکیلئے بھارتی بربریت کی بھیانک داستانیں سامنے آنے لگی ہیں۔ مقبوضہ کشمیر میں لاپتا افراد کے والدین کی تنظیم اور جموں و کشمیر سول سوسائٹی الائنس نے 560 صفحات پر مشتمل رپورٹ جاری کی ہے جس نے بھارتی بربریت کو عیاں کردیا ہے۔

لاپتا افراد کے والدین کی تنظیم اور جموں و کشمیر سول سوسائٹی الائنس کے مطابق بھارت کشمیریوں پر جنسی تشدد، جسم کو گرم سلاخوں سے داغنا، چھت سے لٹکانا، مرچ والے پانی میں سر ڈبونا اور واٹربورڈنگ جیسے جان لیوا ہتھکنڈے استعمال کررہا ہے۔ رپورٹ میں بتایا گیا ہے کہ بھارت کشمیر میں آزادی کی جدوجہد کو کچلنے کے لیے ٹارچر کو بطور ہتھیار استعمال کررہا ہے، ترال کے رہائشی مظفر احمد مرزا اور منظور احمد نیکو ان متاثرہ قیدیوں میں شامل ہیں۔

تنظیم کی رپورٹ کے مطابق تشدد کا شکار مظفر مرزا کے پھپھڑے متاثر ہوئے اور وہ چند دنوں بعد چل بسے، بھارتی فوج نے کشمیری منظور احمد کو جنسی زیادتی کا نشانہ بنایا اور حساس اعضاء بھی جلائے۔ دوسری جانب مقبوضہ کشمیر میں بھارتی مظالم دنیا کے سامنے لانے اور تنقید مودی سرکار کو برداشت نہ ہوسکی اور کئی ٹوئٹر اکاؤنٹس بند کرنے کیلئے سماجی رابطے کی سائٹ سے رابطہ کرلیا۔بھارتی مظالم کے خلاف سوشل میڈیا پر بھارتی چینلوں کو نہ دیکھنے کیلئے ہیش ٹیگ بھی زیرگردش ہے۔

اسلام آباد: یہ ہوتی ہے دشمنی ، بھارت کشمیر کی آواز بلند کرنے والوں کے خلاف ٹویٹر انتظامیہ کے پاس شکایت لے کرپہنچ گی ا، اطلاعات کے مطابق بھارت مقبوضہ کشمیرمیں ریاستی مظالم پرآوازاٹھانے والے ٹویٹر اکاؤنٹس بند کرنے کے درپےہے اور مودی سرکار نے ٹویٹر پر بھارتی مظالم کے خلاف آواز اٹھانے پر اے آروائی نیوز کے سینئر اینکر ارشد شریف سمیت آٹھ اکاؤنٹس بند کرنے کی درخواست کردی۔

بھارتی میڈیا کے مطابق بھارتی وزارتِ داخلہ کی جانب سے ٹویٹر انتظامیہ سے درخواست کی گئی تھی کہ پاکستان سے تعلق رکھنے والے آٹھ ٹویٹر اکاؤنٹ بند کردیے جائیں۔ یاد رہے کہ سینئر اینکر پرسن ارشد شریف سمیت یہ آٹھ افراد مسلسل بھارتی مظالم کو آشکار کررہے ہیں۔

یہ بھی معلوم ہوا ہے کہ بھارت کی جانب سے درخواست کیے گئے اکاؤنٹس میں اے آروائی نیوز کے اینکر پرسن ارشد شریف کے علاوہ مدیحہ شکیل، اور حریت رہنما سید علی شاہ گیلانی سمیت دیگر افراد شامل ہیں۔بھارت کی جانب سے جاری کردہ بیان میں یہ بھی کہا گیا ہے کہ ان اکاؤنٹس کو بند کرنے کی درخواست وزارتِ آئی ٹی کے تحت کی گئی ہے۔

بھارتی خباثت پرتبصرہ کرتے ہوئے اینکر پرسن ارشد شریف کا کہنا ہے کہ بھارت کے اس عمل سے اس کی بوکھلاہٹ آشکار ہورہی ہے ، بھارت کو پریشانی ہے کہ انہوں نے کشمیر میں کرفیو نافذ کررکھا ہے اور میڈیا کو رپورٹنگ کی اجازت نہیں پھر کس طرح پاکستان کا میڈیا ان کے ظلم وجبر کو سامنے لارہا ہے۔انہوں نے یہ بھی کہا کہ ایسی حرکتوں سے بھارت مزید بے نقاب ہوتا چلا جائے گا اور ایک دن بالاخر عالمی برادری بھارت کا مکروہ چہرہ دیکھ لے گی۔

اسلام آباد: ہم بھارت کے خلاف جنگ کے لیے تیار ہیں. بھارت کے خلاف اعلان جنگ پاکستان پپیلز پارٹی کے چئیرمین بلاول بھٹو نے پریس کانفرنس میں کیا ، بلاول بھٹو نے کہا ہے کہ کشمیریوں کےلیےآخری دم تک جدوجہد کریں گے،جنگ بھی لڑناپڑی توتیارہیں۔

پریس کانفرنس کے دوران بلاول بھٹو نے مزید یہ کہا کہ حکومتی نمائندےکی آزادکشمیرمیں آنےسےاتحادکی فضاقائم ہوئی۔ان کا کہناتھا کہ ہم دنیا پر واضح کرنا چاہتے ہیں کشمیر کے معاملے میں پوری قوم کا مؤقف ایک ہے۔بلاول بھٹو نے اس موقع پر کہا کہ ہر پاکستانی کشمیریوں کے لیے جان کی قربانی دینے کے لیے تیار ہے. کشمیری ہمارے بھائی ہیں اور ہم اپنے کشمیری بھائیوں کو کبھی بھی بھارت کے رحم و کرم پر نہیں‌چھوڑیں گے

بلاول بھٹو نے پریس کانفرنس میں کہا کہ ہمیں کشمیریوں کی حمایت کےلئےعملی اقدامات کرنےہوں گے،سفارتی جنگ لڑنا ہوگی ۔انتہاپسندمودی کشمیریوں پرمظالم ڈھارہاہے،ہمیں خودکوکشمیریوں کےجذبات کےساتھ جوڑناہوگا۔ان کا کہناتھاکہ کوئی پاکستانی کشمیر کا سودا برداشت نہیں کر سکتا۔ وزیر خارجہ کے کل کے بیان سے دکھ ہوا۔ کشمیریوں کو ان کا حق ملنا چاہیے ، حکومت کشمیر کاز کو س سنجیدہ لے ۔

اسلام آباد :پاکستان بھارتی رویے پر سخت نالاں ، مقبوضہ کشمیر میں پاکستان نے بھارت کی جانب سے کشمیری مسلمانوں کو مذہبی آزادی سے محروم کرنے کی مذمت کی ہے۔ بھارتی جارحیت اور کشمیر دشمن پالیسیوں کو مسترد کرتے ہوئے دفتر خارجہ کے ترجمان ڈاکٹر فیصل نے ایک بیان میں کہا کہ بھارت نے عیدالاضحیٰ کے اہم تہوار پر لاکھوں کشمیریوں کو ان کی مذہبی آزادی سے محروم کر دیا ہے۔انہوں نے کہا کہ پابندیاں اور کشمیری مسلمانوں کی اس بنیادی مذہبی آزادی سے محرومی انسانی حقوق کے بین الاقوامی قوانین کی سنگین خلاف ورزی ہے۔

ترجمان دفتر خارجہ ڈاکٹر فیصل نے کہا کہ مقبوضہ وادی بڑے پیمانے پر فوجی جیل میں تبدیل ہوچکی ہے اور کشمیریوں کو سری نگر کی تاریخی جامع مسجد میں نماز عید کی ادائیگی کی بھی اجازت نہیں دی گئی۔ان کا کہنا تھا کہ ایک ہفتے سے زائد عرصے سے ٹیلی فون، موبائل اور انٹرنیٹ سروسز سمیت مواصلاتی رابطوں کی بندش نے کشمیریوں کو اس تہوار پر اپنے خاندانوں اور عزیز و اقارب سے رابطے سے بھی محروم کر دیا ہے۔

ڈاکٹر فیصل نے کہا کہ پاکستان نے عالمی برادری سے اپیل کی ہے کہ مذہب کے خلاف جرائم، بین الاقوامی قانون کی خلاف ورزیوں اور انسانیت کی بے حرمتی پر بھارت کا احتساب کیا جائے۔انہوں نے مزید کہا کہ بھارت میں مسلمانوں کے ساتھ جان بوجھ کرزیادتیاں کی جاتی ہیں. ڈاکٹر فیصل نے کہا کہ بھارتی مظالم کی جتنی بھی مذمت کی جائے وہ کم ہے

سری نگر:بھارتی فوجیوں کی جارحیت اور کرفیوکا آج 9 واں دن ، اطلاعات کے مطابق مقبوضہ کشمیر میں احتجاج کو روکنے کیلئے مسلسل نویں روز بھی کرفیو برقرار ہے۔مواصلاتی نظام کی معطلی اور مسلسل کرفیو کے باعث لوگوں کو بچوں کیلئے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے

مقبوضہ وادی سے اطلاعات کے مطابق گزشتہ روز عید الاضحیٰ کے موقع پر بھی مقبوضہ وادی میں کرفیو نافذ رہا جس کے باعث کشمیری مسلمانوں کی اکثریت عید کی نماز اور سنت ابراھیمیؑ ادا کرنے سے محروم رہی۔یاد رہے کہ بھارتی حکومت کے اقدام کے خلاف کئی روز سے کشمیریوں کا احتجاج جاری ہے۔گزشتہ دنوں بھی کشمیریوں کی بڑی تعداد بھارتی حکومت کے فیصلے کے خلاف سڑکوں پر نکل آئے تھی اور شدید احتجاج کیا تھا۔

بھارت کے زیر قبضہ وادی کشمری میں احتجاج میں خواتین کی بھی بڑی تعداد شریک تھی جنہوں نے ہاتھوں میں پاکستانی پرچم اٹھا رکھے تھے۔ غاصب بھارتی فوج نے مظاہرین پر گولیوں، پیلٹ گنز اور آنسوگیس کا بے دریغ استعمال کیا جس کے نتیجے میں اب تک 6 افراد شہید اور متعدد زخمی ہوئے ہیں۔

کشمیرکی آزادی کے لیے اب پہلے سے بڑھ کر جدوجہد کرنا ہوگی،بھارت کی طرف سے کشمیرکو ہتھیانے کے بعد اب کٹھ پتلی بن کر غلامی نہیں کرسکتے ، اگر بھارت نے ہمیں مجبور کرہی دیا ہے توپھر علیحدگی پسند کہیں یا کچھ اور کشمیر کی آزادی کے لیے سب کچھ کرنا ہو گا ، ان خیالات کا اظہار وادی کشمیر کے پہلے اعلیٰ سول سروسز کے آفیسر کشمیری سکالر شاہ فیصل نے اپنے ٹویٹ پیغام میں کیا ہے.
https://twitter.com/shahfaesal/status/1161161208596066304
شاہ فیصل کہتے ہیں کہ بھارت نے ہمیں مجبور کردیا ہے کہ اپنی منزل تک پہنچنےکےلیے مسلسل جدوجہد کی جائے .کشمیر کی اصل حالت لوٹانے کے لیے پرامن تحریک وقت کی ضرورت بن کررہ گئی ہے. بھارت نے آرٹیکل 370 کو ختم کرکے کشمیریوں کو آزادی کی جدوجہد پر مجبور کر دیا ہے. اب یہ تمام کشمیریون پر فرض ہو چکا ہے کہ وہ اپنا حق آزادی لینے کے لیے میدان میں آئیں

اسلام آباد:پاکستانیوں کی عید کشمیریوں کے نام ، پاکستانیوں نے اپنے کشمیری بھائیوں کو عید کے مبارک موقع پر پیغام دیتے ہوئے کہا ہے کہ ہماری خوشیاں کس کام کی اس حال میں کہ جب کشمیری بھارتی مظالم سہ رہے ہیں‌ اور بھارتی افواج کی طرف سے زیادتیوں کا شکار ہیں. کشمیریوں سے اظہار یکجہتی , ملک بھر میں آج عید الاضحٰی سادگی سے منائی جارہی ہے۔تفصیلات کے مطابق ملک بھر میں عیدالاضحیٰ کی نماز ادا کر دی گئی ہے ۔ پوری قوم نے کشمیری بھائیوں کے ساتھ اظہار یک جہتی کرتے ہوئے عید سادگی سے منائی ۔

ملک بھر کی طرح ملک کے اہم شہریوں کراچی ،اسلام آباد، لاہور ،پشاور اور کوئٹہ میں نماز عید کی ادائیگی کے بعد جانوروں کی قربانی کا سلسلہ شروع ہو گیا ہے ۔لاہور میں شہری عید کی نماز کی ادائیگی کے لیے بادشاہی مسجد ، اسلام آبادمیں فیصل مسجد میں جوق در جو ق پہنچے ۔لاہور میں بادشاہی مسجد اور دیگر مقامات پر بڑی تعداد میں شہریوں نے عیدالاضحیٰ‌ کی نماز ادا کی اور ایک دوسرے کو مبارک باد دیتے ہوئے اپنی خوشیوں میں شریک کیا