Category: کشمیر

اوسلو:وفاقی وزیر انفارمیشن ٹیکنالوجی فواد چوہدری نے ناروے میں عید الاضحیٰ کی نماز ادا کرنے کے بعد عوام الناس سے خطاب کیا ، اپنے خطاب میں‌ فواد چوہدری نے کہا کہ پوری امت مسلمہ کو چاہیے کہ وہ کشمیری مسلمانوں کے لیے دعائیں کریں اللہ ان کو ظالم ، قابض اوردہشت گرد بھارت سے جلد نجات دے

فواد چوہدری نے کہا کہ کشمیر پوری امت کا مسئلہ ہے ، کسی فرد یا گروہ کا مسئلہ نہیں ، اگر آج ہم کشمیریوں کے لیے نہ اٹھے تو ہم مجرم ہوں گے . فواد چوہدری نے کہا کہ مسلمان دہشت گرد ہیں . یہ دہشت گردی ہندوو یہود کررہے ہیں. دنیا میں ایک طرف مسلمان عید کی خوشیاں منارہے ہیں اور عیدالاضحیٰ کے موقع پر اپنے جانوروں کی قربانی دے رہے ہیں اور کشمیری اپنی نسلوں کی قربانی دے رہے .
https://twitter.com/FawadPTIUpdates/status/1160598426859593728
فواد چوہدری نے دنیا بھر سےآئے ہوئے پاکستانیوں اور دیگر مسلمانوں سے درخواست کی کہ وہ کشمیریوں کے لیے آواز اٹھائیں اور ان کو بھارت کی غلامی سے نجات دلانے کے لیے اپنا کردار ادا کریں.

نیو یارک:جو بھی کشمیر کے حالات سے واقف ہے وہ جانتا ہے کہ ہر کوئی کشمیر کو جنت نظیر کہتا ہے . لیکن امریکی اخبار نے زندہ جہنم کہہ کر ، نئی بحث چھیڑ دی گئی ہے. اطلاع کے مطابق مقبوضہ کشمیر میں جاری ظلم پر عالمی میڈیا بھی خاموش نہ رہ سکا، امریکی اخبار نیو یارک ٹائمز نے اپنی رپورٹ میں دنیا سے کٹی مقبوضہ وادی کو غصے اور خوف کا زندہ جہنم قرار دے دیا۔

نیو یارک ٹائمز لکھتا ہے کہ سری نگر کے چپے چپے پر بھارتی فوجی تعینات ہیں ، لوگ گھروں تک محدود ہوکر رہ گئے ہیں اور باہر نکلنے سے خوفزدہ ہیں، لوگوں کے پاس راشن ختم ہو چکا ہے اور وہ بھوکا رہنے پر مجبور ہیں۔ وادی بھر میں تمام دکانیں بند ہیں، اے ٹی ایم مشینیں خالی ہو چکی ہیں۔ مواصلاتی نظام کے تمام ذرائع کٹ چکے ہیں، جس کی وجہ سے لاکھوں لوگوں کا بیرونی دنیا سے رابطہ منقطع ہو ہے۔

بھارت کی طرف سے کشمیر کو باقاعدہ ہتھیانے کے بعد نیویارک اخبار سے بات کرتے ہوئے کشمیریوں نے بتایا کہ انہیں اشیا ئے ضروریہ کی خریداری کیلئے بھی باہر نکلنے نہیں دیا جا رہا ،بچوں کیلئے دودھ بھی میسر نہیں ہے۔

اخبارلکھتا ہے کہ جمعہ کی دوپہر کو ہزاروں لوگ پرامن طریقے سے احتجاج کرتے ہوئے سری نگر کی گلیوں میں نکل آئے۔ آزادی کے نعرے لگاتے اور کشمیری جھنڈا لہراتے مظاہرین پر بھارتی فوج نے گولیاں برسانی شروع کر دیں جس جسے کئی لوگ زخمی ہو گے۔

سری نگر: کشمیری سکالر اور سول سروسز کے سنیئرآفیسر ، کشمیری رہنما شاہ فیصل نے ایک ایسی ٹویٹ کردی ہے کہ جس نے سب کو ہلا کررکھ دیا ہے. شاہ فیصل اپنے ٹویٹ پیغام میں دنیا والوں کو مخاطب ہوتے ہوئے کہتے ہیں کہ ہماری بھی کوئی عید ہے ، شاہ فیصل مزید کہتے ہیں کہ کشمیریوں کا سب کچھ لٹ گیا .

شاہ فیصل اپنے ٹویٹ پیغام میں کہتے ہیں کہ بھارتی قابض افواج نے ہمارے گھر بار لوٹ لیا ہمیں اپنا غلام بنایا ، شاہ فیصل کہتے ہیں کہ ان حالات میں ہماری خوشیاں کس کام کی ہیں. جب تک ہمیں 1947 سے ہمارا لوٹا ہوا مال ومتاع واپس نہیں کردیا جاتا، ہمیں آزاد نہیں کردیا جاتا، کشمیریوں کو ان کا حق خود ارادیت نہیں مل جاتا ، اس وقت تک ہماری کوئی عید نہیں ہے،

https://twitter.com/shahfaesal/status/1160569983602008064

سابق سینیر سول سروس آفیسر شاہ فیصل کہتے ہیں کہ ہماری تذلیل کی جارہی ہے، جب تک ہماری لٹی ہوئی عزتوں کو واپس نہیں کردیا جاتا ہمیں کوئی عید نہیں ہے. ہماری عید تب ہوگی جب تمام کشمیری آزاد ہوں گے اور ان کو ان کا گھر بار لوٹا دیا جائے گا.

سری نگر: بھارتی قابض افواج نے کشمیری مسلمانوں کے لیے مساجد کے دروازے بھی بند کردیئے ،عید الاضحیٰ کی ادائیگی بھی بھارتی فوجیوں کی مرضی سے مشروط قرار دے دی گئی . اطلاعات کے مطابق بھارتی حکومت نے مقبوضہ جموں وکشمیر میں عیدالاضحی پر بھی کرفیو برقرار رکھنے کا فیصلہ کیا ہے۔

سری نگر سے ذرائع کے مطابق قابض حکام کی جانب سے فیصلہ کیا گیا ہے کہ عید کی نماز کے لیے کسی بڑے اجتماع کی اجازت نہیں دے سکتے کیونکہ جمعہ والے دن کم لوگوں کا اجتماع ہونے کے باوجود ہنگامے پھوڑ پڑے تھے۔ادھر خبریں ہیں کہ مقبوضہ وادی میں کٹھ پتلی انتظامیہ نے ہنگامی حالات کے پیش نظر اشیائے خورونوش کا ذخیرہ کر لیا ہے۔

یاد رہے کہ گزشتہ روز جمعہ کی نماز کے بعد وادی بھر میں قابض بھارتی فوج کیخلاف ہنگامے پھوٹ پڑے تھے۔ مقبوضہ کشمیر کی خصوصی حیثیت کو تبدیل کرنے کے خلاف پرتشدد مظاہرے ہوئے۔ادھر مقبوضہ وادی میں کرفیو اور لاک ڈاؤن کا ساتواں روز ہے جس کے سبب گھروں میں کھانے پینے کی اشیا ختم ہونے لگی ہیں۔ کشمیری عوام میں بھارتی اقدامات پر غم وغصہ بڑھتا جا رہا ہے۔

اسلام آباد: مقبوضہ کشمیر کوہتھیانے کے بعد پاکستان اور بھارت کے درمیان صورت حال کشیدہ ، وفاقی وزیر برائے امورِ کشمیر و گلگت بلتستان علی امین گنڈا پور نے لائن آف کنٹرول (ایل او سی) پر جاکر لڑنے کا اعلان کردیا۔

ایک نجی ٹی وی میں گفتگو کرتے ہوئے علی امین گنڈا پور کا کہنا تھا کہ کشمیریوں کی قربانیوں کو سلام پیش کرتا ہوں، کشمیر کیلئے خون کا پہلا قطرہ میرا گرے گا۔وفاقی وزیر برائے امور کشمیر نے کہا کہ پورا ملک کشمیری بھائیوں کیلئے لڑنے کو تیار ہے اور اگر ایسی صورتحال ہوئی تو لائن آف کنٹرول پر جاکر لڑوں گا۔

اسلام آباد: بھارت اس وقت سخت مشکل سے دوچار ہے . دنیا کی دوبڑی طاقتوں کی طرف سے بھارت کے خلاف محاذ بن گیا . بھارتی صحافی نے دعویٰ کیا ہے کہ چین اور روس نے پاکستان کے ساتھ معنی خیز مذاکرات کے لیے بھارت پر دباؤ ڈالنا شروع کر دیا۔

Pressure from China & Russia on Modi gov to start meaningful (not CBMs but resolution) talks with Pak will soon become unbearable as Indian mil does not have capability to do much beyond CI ops. We have made our military unfit for present war, let alone next which stares in face https://t.co/g1lCTfCrU8

— Pravin Sawhney (@PravinSawhney) August 10, 2019

اطلاعات کے مطابق بھارت کے سابق فوجی، مصنف اور بھارتی صحافی پراوین ساہنے نے سماجی رابطہ کی ویب سائٹ ٹوئٹر پر انکشاف کیا ہے کہ روس اور چین بھارت کے ساتھ اعتماد سازی نہیں بلکہ مسئلہ کشمیر کا حل چاہتے ہیں۔

بھارتی صحافی نے دعویٰ کیا کہ مودی حکومت کے لیے کشمیر کے معاملے پر جلد مذاکرات کا آغاز کرنا ناگزیر ہو جائے گا اور ویسے بھی بھارتی فوج انسداد عسکریت پسندی آپریشنز کے علاوہ لڑنے کی صلاحیت نہیں رکھتی۔

پراوین ساہنے نے بھارتی فوج کی حقیقت سے پردہ اٹھاتے ہوئے کہا کہ ہم نے اپنی فوج کو دور جدید کی جنگ کے لیے ناکارہ بنا دیا ہے اور آج ایک دور جدید کی جنگ ہمارے چہرے کو گھور رہی ہے۔

اسلام آباد : ایرانی مسلح افواج کے سربراہ جنرل محمد باقری نے کشمیر کی تازہ صورتحال پر گہری تشویش کا اظہار کہا ہےکہ بھارت کو کشمیریوں کا حق ان کو واپس کرنا پڑے گا، ایرانی آرمی چیف نے افواج پاکستان کے سربراہ جنرل قمر جاوید باجوہ سے ٹیلی فونک گفتگو کرتے ہوئے کہا کہ ایران کشمیریوں کے موقف کی حمایت کرتا ہے .

جنرل قمر جاوید باجوہ سے گفتگو کرتےہوئے ایرانی آرمی چیف نے کشمیر کے واقعات اور حادثات کے حوالے سے صبر و تحمل سے کام لینے کی ضرورت پر تاکید کرتے ہوئے امید ظاہر کی کہ فریقین اس معاملے میں عوام کی منشا کے برخلاف کشمیر کی سرنوشت کے بارے میں کسی بھی عجلت پسندانہ فیصلے سے گریز کریں گے۔ ایرانی جنرل نے کہا کہ جنگ کسی کے مفاد میں نہیں

ایران کی مسلح افواج کے سربراہ نے پاکستان ایران سرحد کی تازہ ترین صورتحال اور دو طرفہ فوجی تعاون کے بارے میں بھی اپنے پاکستانی ہم منصب کے ساتھ تبادلہ خیال کیا۔پاکستانی فوج کی سربراہ نے ایران کی جانب سے کشمیر کی صورتحال اور مشترکہ سرحدی سیکورٹی پر توجہ دینے کی قدر دانی کی۔