پاکستان میں جب بھی الیکشن ہوتے ہیں توکہا جاتا ہے کہ ووٹ خریدے جاتے ہیں، ہارنے والی پارٹی جیتنے والی پردھاندلی کا الزام لگاتی ہے، شوروغل کیا جاتا ہے، کہا جاتا ہے کہ الیکشن کی چاند رات کو ووٹ خریدے جاتے ہیں، کچھ سستے خریدارملتے ہیں، کچھ کا دام بہت زیادہ ہوتا ہے، امیدواردل کھول کراپنا مال لوٹاتا ہے. کیونکہ اسے امید ہوتی ہے کہ اقتدار میں آنے کے بعد اس کئی گنامل جائیں گے، امیدوار ایسے ہوتے ہیں جو اعلیٰ تعلیم یافتہ نہیں ہوتے، بلکہ گلی محلہ میں بدمعاشی کرتے کرتے ہمارے مستقبل کا فیصلہ کرنے کی ذمہ داری لے لیتے ہیں، عوام کو ان کے سامنے سر نگو کرنا پڑتا ہے، ان کے سامنے بولنا بہت بڑا جرم ہوتا ہے، جو یہ ہمت کرتا ہے، اس کو سراہا جاتا ہے، مگر اصل میں اس کی زندگی کے دن گنے جا چکے ہوتے ہیں.
آزاد کشمیرکا الیکشن جیتنے کیلئے ہرجماعت ایڑی چوٹی کا زورلگا رہی ہے، ایک دوسرے پرمختلف الزامات لگا کرمہم چلائی جا رہی ہے، پاکستان کی حکمراں جماعت اپنا اقتدارمیں آنے کو اپنی محنت کہتی ہے، ساتھ الیکشن کی اصتلاحات کا ڈھنڈورا پیٹ رہی ہے، صاف شفاف الیکشن کو یقینی بنانے کی کوشش کر رہی ہے، اسی طرح‌ حآلیہ ہونے والے آزاد کشمیر کے الیکشن کو صاف شفاف کروانے کی خواہش رکھتی ہے، مگر انکی اپنی پارٹی کے ذمہ داریہ نہیں چاہتے کہ یہ الیکشن صاف شفاف ہوسکیں، کچھ دن پہلے حکمران جماعت کے وزیر ایک جلسے سے خطاب کرتے ہوئے کہتے ہیں کہ ایک ووٹ ایک کروڑ کا ہوگا، اب اسی وزیرنے اپنے بیان کو عملی جامہ پہنا دیا ہے، میرپور کی تحصیل ڈڈیال میں ایک جلسے کے دوران وزیر امورکشمیر علی امین گنڈاپورسرعام نوٹوں کی بارش کررہے ہیں، انہوں نے خود ہی اپنی پارٹی کے صاف شفاف الیکشن والے بیانیے کو جوتے کی نوک پررکھ دیا ہے، شاید وزیراعظم نے کہا تھا کہ ہرصورت آزاد کشمیرکا الیکشن جیتنا ہے اسی لیے کیا ہو، ابھی تک تو الیکشن کمیشن بھی خاموش، دوسری سیاسی پارٹیاں بھی خاموش ہیں، شاید وہ بھی ووٹ خریدتی ہیں.

آزاد کشمیر انتخابات، کس پارٹی کو ملا انتخابی نشان "جنگی ٹینک”
آزاد کشمیرعام انتخابات ،الیکشن کمیشن نے سیاسی جماعتوں کو انتخابی نشان الاٹ کر دیئے

پی ٹی آئی بلا، مسلم لیگ ن شیر، پیپلز پارٹی تیر کے نشان پر الیکشن لڑیں گے مسلم کانفرنس گھوڑا، پاک کشمیر پارٹی جنگی ٹینک، اللہ توکل پارٹی قینچی کے نشان پر الیکشن لڑیں گی تحریک لبیک پاکستان کو کرین، جموں وکشمیر نیشنل لبریشن موومنٹ کوہرن کانشان الاٹ کیا گیا

جموں و کشمیر عوامی تحریک کو بلب، جمیعت علمااسلام جموں وکشمیر کو کتاب کا نشان الاٹ کیا گیا جماعت فلاح انسانیت کو شاہین، مشن کشمیر ٹاسک فورس کو چنار کا پتا نشان الاٹ کیا گیا .الیکشن کمیشن آزادکشمیر نے جموں وکشمیر لبریشن لیگ کو لالٹین کا انتخابی نشان الاٹ کیا

بھارتی ائیر فورس نے مقبوضہ کشمیر کے سرینگر ائیر بیس کے سینئر ترین ائر آفیسر کمانڈر کا تبادلہ کر دیا

اپنا ہیلی کاپٹر گرانے والے بھارتی آفیسر کے ساتھ بھارت نے کیا سلوک کیا؟

پاکستان کو دھمکیاں دینے والے بھارت کا ہیلی کاپٹر کیسے تباہ ہوا؟ جان کر ہوں حیران

بریکنگ.بھارتی فضائیہ کا جنگی طیارہ تباہ، کیپٹن ہلاک

بھارتی فضائیہ کا جنگی طیارہ تباہ،پائلٹ ہلاک، رواں برس کتنے طیارے تباہ ہو چکے؟

وہی ہوا جس کا تھا انتظار،مودی کی مکاری،ڈرون کا الزام پاکستان پر عائد

واضح رہے کہ آزاد کشمیر میں الیکشن 25 جولائی کو ہوں گے، آزاد کشمیر الیکشن کے لئے سیاسی جماعتوں نے انتخابی مہم شروع کر رکھی ہے، پی پی کے چیئرمین بلاول زرداری کشمیر کا ایک دورہ کر کے آ چکے ہیں جبکہ وہ دوبارہ بھی جائیں گے، ن لیگی رہنما مریم نوازبھی انتخابی مہم کے لئے آزاد کشمیر جائیں گی،تحریک انصاف کے رہنما مراد سعید بھی آزاد کشمیر پہنچ چکے ہیں.

وزیر اعظم آزاد کشمیر راجہ فاروق حیدر نے وزیراعظم پاکستان عمران خان پر تنقید کرتے ہوئے کہا کہ آپ کیسے کشمیر کے سفیر ہیں، پیلٹ گنوں سے معصوم کشمیریوں کو مارا جاتا ہے، خواتین کی آبروریزی کی جاتی ہے، سب بڑی حماقت یہ ہوگی کہ کشمیر کی ثالثی امریکہ سے کروائی جائے، کشمیر کی تقسیم پر کام کیا جارہا ہے، مودی نے مقبوضہ کشمیر کو اپنی ریاست کا درجہ دے دیا ہے، یہاں عمران خان نے آزاد کشمیر کو اپنی ریاست کا درجہ دے دیا ہے، گلگت کو صوبہ بنانے کی غلطی کی گئی ہے، 1956/57 کی قراردادوں کی مخالفت کی گئی ہے، اب عمران خان آزاد کشمیر کو بھی صوبہ بنانا چاہتے ہیں، موجودہ حکومت کے نظام سے کشمیر کے مسئلے کو کوئی ختم نہیں کرسکتا ہے، یہ آزادی کا بیس کیمپ ہے، بانی پاکستان قائد اعظم کی موجودگی میں بنا تھا، 24 اکتوبر 1947 کو اعلانیہ آزاد کشمیر آیا تھا، میں آپ کو خبردار کرنا چاہتا ہوں کہ کنٹرول لائن اور سیز لائن پر پنجابی، سندھی، بلوچی پٹھانوں اور آزاد کشمیر کے لوگوں کا خون بہا ہے، گلگت بلتستان میں بھی آزاد کشمیر کے لوگوں کا خون بہا ہے، ہم ایک ہیں، عمران خان نے 2015 میں آزاد کشمیر کے جریدے کو انٹرویو میں کہا کہ اس کا ایک ہی حل ہے تین حصوں میں کرلیا جائے، گلگت آپ رکھ لو، مقبوضہ کشمیر بھارت رکھ لے، آزاد کشمیر پاکستان رکھ لے، آنے والی نسلوں کی وفاداریوں کا خیال رکھتا ہوں، 2021 کا الیکشن نلکہ، ٹونٹی کا الیکشن نہیں ہے، میاں نواز شریف، شاہد خان عباسی اور مفتاح اسماعیل کا شکریہ ادا کیا، یہ مسئلہ میری بقا کا ہے، میری امنگوں کا مسئلہ ہے، یہاں پر دی گئی قربانیوں کا مسئلہ ہے، اس کو فراموش نہیں کیا جاسکتا ہے، ماضی کو نہیں بھلایا جا سکتا ہے، عمران خان ایجنڈا کشمیر کے لوگ قبول نہیں کریں گے، ہم میاں نواز شریف کے بیانیے ساتھ کھڑا ہے، عمران خان پر الزام لگایا کہ مودی کے ساتھ مل کر 5 اگست کا اقدام کیا گیا ہے، دباؤ ڈالا جا رہا ہے، پنجاب کے قاتلوں کو رہا کر کے بھمبھر بھیجا جا رہا ہے، گلگت بلتستان والی صورتحال آزاد کشمیر میں نہیں ہونے دیں گے.

باغی ٹی وی کے رپورٹر کے مطابق انتخابات سے قبل مسلم لیگ ن کی تین وکٹیں گر گیں ہیں، جن میں رکن اسمبلی علی رضا، سردار میر اکبر، چوہدری شہزاد شامل ہیں. مسلم لیگ ن چھوڑ کر تحریک انصاف میں شمولیت کا اعلان کردیا ہے، یہ اس وقت ہوا جب مسلم لیگ ن کی اعلی قیادت کی طرف سے مریم نواز شریف کو آزاد کشمیر کے الیکشن کی کمپین کیلے منتخب کیا گیا، اس سے آزاد کشمیر کے الیکشن میں مسلم لیگ کی پوزیشن کمزور ہوی ہے.

آزاد جموع کشمیرکے الیکشن میں پہلے نمبر پر پی ٹی آئ کے امیدوارہیں، جن کی تعداد 41 ہے، دوسرے نمبر پر مسلم لیگ ن کے امیدوار ہیں، جن کی تعداد 36 ہے.
تحریک لبیک نے آزاد کشمیر کے الیکشن کے 45 میں سے 32 حلقوں پر اپنے امیدوار کھڑے کیے ہیں، جو کہ تیسرے نمبر ہے، LA-1 سے فیصل مشتاق، LA-2 سے چوہدری محمد خلیق الزمان، LA-3 سے عمیر اصغر، LA-4 سے چوہدری محمد عبدالعزيز ایڈووکیٹ، LA-5 محمد خورشید احمد نقشبندی، LA-6 سے غلام قادری طفیل، LA-7 سے محمد زبیر قادری، LA-9 سے محمد شبیر نعیم، LA-10 سے ڈاکٹر محمد تسنیم عظیم، LA-11 سے محمد حبیب حیدر، LA-12 سے ارشد محمود سلطانی، LA-13 سے عبدالغفور تابانی، LA-14 سے مفتی محمد نعمان عباسی، LA-15 سے سردار محمود حیات، LA-16 سے محمد صدام عزیز چوہدری، LA-17 سے تنویر الحسن صدیقی، LA-18 سے احمد راشد ساغر، LA-20 سے علامہ محمد شفایت حسین، LA-23 سے سردار پرویز اختر، LA-24 سے ذوالفقار علی عطاری، LA-25 سے ڈاکٹر محمد ایوب آزاد، LA-26 سے میاں خبیب نقشبندی، LA-28 سے سید شبیر حسین کاظمی، LA-29 سے ملک فیض احمد اعوان ایڈووکیٹ، LA-30 سے شوکت حسین مجددی، LA-31 سے حافظ محمد اشرف علی، LA-33 سے مجاہد مصطفیٰ، LA-34 سے فضل الرحمن، LA-36 رانا محمد عدنان جمیل، LA-37 سے میاں ارسلان رشید، LA-39 سے راشد محمود، LA-44 سے نصرالله درانی کے نام شامل ہیں.
مرکزی ناظم اعلیٰ تحریک لبیک آزاد کشمیر مفتی عبدالرؤف نظامی صاحب نے کشمیر کو الیکشن کے حوالے سے پیغام دیتے ہوئے کہا کہ وہ حضور کے دین کو تخت پر لانے کیلئے اپنا کردار ادا کریں، اہلیان دین علامہ خادم رضوی کا پیغام گھر گھر تک پہنچائیں، ووٹ کی پرچی سے حضور کے دین کو تخت پر لانے کیلئے استعمال کریں.
آزاد کشمیر کے الیکشن میں تحریک لبیک پرجوش انداز میں الیکشن کمپین چلا رہے ہیں، ریلیاں نکالی جا رہی ہیں، گھر گھر جا کر تحریک لبیک کا منشور بتایا جا رہا ہے، کارنر میٹنگز کا انعقاد کیا جا رہا ہے، لوگوں کی کثیر تعداد تحریک لبیک کا ساتھ دینے کو تیار ہے، اس دفعہ تحریک لبیک میں نوجوان امیدوار کو خاصی اہمیت دی جا رہی ہے، کارکنان اپنے حلقے کے امیدوار کی کامیابی کیلئے دن رات محنت کررہے ہیں، تحریک لبیک کے امیدوار مارکیٹوں، ہوٹلوں میں جا جا کر لوگوں سے کرین پر مہر لگانے کی اپیل کررہے ہیں.
چوہدری عبدالعزيز جو کہ تحریک لبیک کی ٹکٹ پر LA-4 کے امیدوار ہیں، انہوں نے کہا ہے کہ جب میں ذاتی حیثیت میں مسلم ن میں تھا تو پچھلے 10 سے حلقہ میں ہوں تو مجھے اندازہ ہوچکا تھا کہ بہت بڑا نفرت کا لاوا پک چکا ہے، مجھ سے پہلے دو بڑے امیدواران نے عوام کے حقوق کے ساتھ کھلواڑ کیا ہے، ان کی سربراہی میں نون لیگ کے کارکنان نے تحریک لبیک میں شمولیت کا اعلان کیا ہے.

کشمیری قیادت جیلوں میں، مودی کا ڈرامہ نہیں چلے گا، مشعال ملک کا اے پی سی پر ردعمل
باغی ٹی وی کی رپورٹ کے مطابق بھارتی وزیراعظم مودی کی زیر صدارت ہونے والی کشمیر پر اے پی سی میں کشمیریوں نے اپنے مطالبات رکھ دیئے

مودی کی رہائشگاہ پر اے پی سی تین گھنٹے تک جاری رہی، اے پی سی میں جموں کشمیر بارے گفتگو کی گئی،اجلاس کے بعد اپنی پارٹی کے رہنما الطاف بخاری کا کہنا تھا کہ مودی کے ساتھ جموں کشمیر میں حد بندی کی بات ہوئی، مودی جموں کشمیر کو مکمل ریاست کا درجہ بحال کرنے کے لئے پرعزم ہیں لیکن یہ کب ہو گا اسکا پتہ نہیں،میٹنگ میں مودی نے کہا کہ جموں کشمیر میں اسمبلی حلقوں کی حلقہ بندی کے بعد الیکشن کروائے جائیں گے

اے پی سی ختم ہونے کے بعد کانگریس کے رہنما غلام نبی آزاد کا کہنا تھا کہ ساری باتیں مودی کو بتائی گئیں ہم نے جموں کشمیر کو مکمل ریاست کا درجہ واپس دینے کا مطالبہ بھی کیا، اور پانچ مطالبات مودی کے سامنے رکھے جن میں ریاستی درجہ کی از سر نو بحالی، تقسیم کی مخالفت، کشمیری پنڈتوں کی بازآبادکاری ، سیاسی لیڈروں کی حراست، زمین اور روزگار گارنٹی کا مطالبہ کیا گیا

PM @narendramodi is Chairing an All-Party meeting with various political leaders from Jammu and Kashmir. pic.twitter.com/nIUaV6qwF0

— PMO India (@PMOIndia) June 24, 2021

اے پی سی میں شریک بھارت کی حکمران جماعت بی جے کے رہنما پی لیڈر نرملا سنگھ کا کہنا تھا کہ تمام جماعتیں مودی کے ساتھ میٹنگ کے دوران اس بات پر متفق ہوئیں کہ جموں کشمیر میں امن قائم ہونا چاہیے اور جمہوری طریقے سے ایک حکومت بننی چاہیے۔

مودی کی صدارت میں کشمیر پر ہونے والی اے پی سی میں 8 سیاسی جماعتوں کے 14 رہنماؤن نے شرکت کی اور ان میں جموں و کشمیر کے چار سابق وزرائے اعلیٰ بھی شامل ہیں۔ جموں و کشمیر کے لیفٹیننٹ گورنر منوج سنہا بھی کل جماعتی میٹنگ میں شریک ہوئے اور جموں و کشمیر کے موجودہ صورت حال پر تبادلہ خیال کیا۔

مودی کی اے پی سی پر حریت رہنما یاسین ملک کی اہلیہ مشعال ملک کا کہنا تھا کہ نریندر مودی ہر روز نیا ڈرامہ پرفارم کرتے ہیں آج ان کو اچانک کشمیر کی یاد آ گئی مودی نے آرٹیکل 370 اور 35اے کو ختم کر کے کشمیریوں کا بنیادی حق چھین لیا ہے جبکہ نریندر مودی نے اپنے کٹھ پتلی لوگوں کی آل پارٹیز کانفرنس کی کیا دنیا اندھی ہو گئی ہے جو بھارتی بربریت نہیں دیکھ رہی ہے، کشمیریوں کے اصل رہنما جیل میں بند ہیں ، حریت رہنماؤں کو جیل میں ٹارچر کیا جارہا ہے اور دوسری طرف ہندوستان صرف کشمیریوں پر بندوقیں تان کر اے پی سی بلا رہا ہے۔

دوسری جانب امیر جماعت اسلامی سینیٹر سراج الحق کا کہنا ہے کہ مقبوضہ کشمیر کی حقیقی قیادت اور عوام نے دہلی میں سکرین کیا گیا تازہ مودی ڈرامہ بھی مسترد کردیا،بھارت کی جانب سے کشمیریوں کو زیر اور تقسیم کرنے کے فاشسٹ ہتھکنڈے ناکام ہو گئے،