مقبوضہ کشمیر میں برہان وانی کی شہادت کے بعد جذباتی نعروں سے جلسوں کے دوران کشمیری عوام کے دلوں کو گرمانے والے سرجان برکاتی کی رہائی کیلئے ان کے اہل خانہ، قریبی رشتہ داروں اور مقامی کشمیریوں نے شدید احتجاج کیا ہے،

باغی ٹی وی کی رپورٹ کے مطابق سرجان برکاتی کے اہل خانہ نے سوموار کو جنوبی ضلع شوپیاں میں احتجاجی مظاہرہ کرتے ہوئے اُس کی رہائی کا مطالبہ دہرایا ہے، سرجان برکاتی کو2016 میں گرفتار کیا گیا اور فی الوقت وہ جموں کے ایک جیل میں قید کے دن کاٹ رہے ہیں،

احتجاجی مظاہرین نے ہاتھوں‌ میں‌ پلے کارڈز بھی اٹھا رکھے تھے جن پر بھارتی حکومت کے خلاف تحریریں درج تھیں، مظاہرین نے شوپیاں کی جامع مسجد کے باہر احتجاجی دھرنا دیا اور مطالبہ کیا کہ سرجان برکاتی کو فوری رہا کیا جائے،

پیپلز ڈیمو کریٹک پارٹی (پی ڈی پی) سے وابستہ کارکنان کی کثیر نے کشتوار میں سوموار کو اپنے ایک مقامی رہنما پر کیس درج کرنے کیخلاف احتجاجی مظاہرہ کیا کیا ہے. احتجاجی مظاہرین نے دھمکی دی کہ اگر فردوس ٹاک کیخلاف درج کیس واپس نہ لیا گیا تو وہ احتجاجی طورپر گرفتاریاں دینے کا سلسلہ شروع کریں گے،

باغی ٹی وی کی رپورٹ‌کے مطابق پی ڈی پی کارکنان کی کثیر تعداد نے پولیس سٹیشن کشتواڑ کے باہر جمع ہوکر مظاہرہ کیا اور انتظامیہ پر الزام عاید کیا کہ وہ ایک خاص سیاسی پارٹی کے دباؤ میں آکر کام کررہی ہے، مظاہرین نے فردوس ٹاک کیخلاف دائر کیس واپس لینے کا مطالبہ کیا اور کہا کہ اگر ایسا نہیں کیا گیا تو وہ اجتماعی گرفتاریاں پیش کریں گے،

واضح رہے کہ رواں ماہ 20 تاریخ کو بھارتی پولیس نے فردوس ٹاک کیخلاف”اشتعال انگیز”تقریر کرنے کی پاداش میں مقدمہ درج کیا تھا، انہوں نے یہ تقریر کشتوار میں ”دیہی دفاعی کمیٹیوں” کو مضبوط بنانے کیخلاف احتجاج کرتے ہوئے کی تھی جن پر انسانی حقوق کی پامالیوں کے سنگین الزامات ہیں،

مقبوضہ کشمیر میں بھارتی فوج کی طرف سے اسلام آباد (اننت ناگ) میں بڑے پیمانے پر نام نہاد سرچ آپریشن جاری ہے اور اس دوران کشمیریوں کے گھروں‌ میں گھس کر توڑ پھوڑ بھی کی گئی ہے،

صدر آزاد کشمیر نے داعش کو مقبوضہ کشمیر میں استعمال کرنے کی بھارتی سازش کا پول کھول دیا

باغی ٹی وی کی رپورٹ کے مطابق بھارتی فورسز نے دعویٰ کیا ہے کہ اس علاقہ میں مبینہ طور پر کشمیری مجاہدین موجود ہیں تاہم بھارتی فورسز کی جانب سے کئی گھنٹے تک جاری نام نہاد سرچ آپریشن کے دوران کوئی کشمیری مجاہد نہیں ملا ہے،

نام نہاد سرچ آپریشن کے دوران بھارتی فوج کی طرح سی آر پی ایف اور ایس او جی اہلکاروں نے بھی حصہ لیا. آخری اطلاعات آنے تک علاقہ میں آپریشن جاری تھا جبکہ کشمیریوں کی بڑی تعداد نے بھارتی فورسز کی درندگی کیخلاف سخت احتجاج کیا ہے.

مقبوضہ کشمیر میں‌ پیپلز ڈیمو کریٹک پارٹی (پی ڈی پی) کی صدر اور سابق وزیر اعلیٰ محبوبہ مفتی نے ہفتہ کے دن اپنی پارٹی کی پولٹیکل افیئرز کمیٹی تحلیل کر دی ہے،

کشمیر میں پاکستانی پرچم لہرانے والی آسیہ اندرابی کی رہائشگاہ کو سربمہر کر دیا گیا

باغی ٹی وی کی رپورٹ کے مطابق پی ڈی پی کے ترجمان کی طرف جاری کردہ بیان میں کہا گیا ہے کہ پولیٹیکل افیئرز کمیٹ کا از سر نو قیام بہت جلد میں عمل میں لایا جائے گا۔ پی ڈی پی کی جانب سے ابھی اس کارروائی کی کوئی وجہ نہیں بتائی گئی۔

واضح رہے کہ پی ڈی پی کو حالیہ بھارتی لوک سبھا الیکشن میں شکست ہوئی ہے اور فاروق عبداللہ کی پارٹی نے تین نشستیں حاصل کر لی ہیں. شکست کے بعد سے پی ڈی پی میں سخت بے چینی پائی جاتی ہے.

مودی سرکار باز نہ آئی،وزیراعظم عمران خان کی امریکا روانگی کے بعد بھارت نے اوچھے ہتھکنڈے شروع کر دئیے،

امریکا میں وزیراعظم کا خطاب سننے کیلئے کتنے ہزارلوگوں نے رجسٹریشن کروائی؟ اہم خبر

باغی ٹی وی کی رپورٹ کے مطابق وزیراعظم عمران خان آج امریکا کے دورے پر روانہ ہوئے ہیں، وزیراعظم کی روانگی کے بعد مودی سرکار نے کنٹرول لائن پر بلا اشتعال فائرنگ شروع کر دی، بھارتی فوج کی جانب سے بلا اشتعال فائرنگ کے نتیجے میں ایک خاتون زخمی ہو گئی.

وزیراعظم عسکری قیادت کے ہمراہ امریکہ روانہ

بھارتی فوج کی جانب سے ہفتہ کی صبح وزیراعظم عمران خان کی امریکا روانگی کے بعد بٹل سیکٹر کے علاقوں منڈہول ، دھرمسال اور اس کے علاوہ گوئی سیکٹر پر بلا اشتعال فائرنگ کی گئی ،بھارتی فوج کی فائرنگ سے ایک خاتون زخمی ہوئی ہے جسے ہسپتال منتقل کر دیا گیا ہے، بھارتی فوج کی بلا اشتعال فائرنگ کی وجہ سے لائن آف کنٹرول کے نواحی علاقوں میں بسنے والے گھروں میں محصور ہوگئے ہیں، بھارتی فوج کی فائرنگ کے جواب میں پاک فوج کی جانب سے بھر پور جوابی کارروائی کی گئی ہے .

عمران خان کے دورہ امریکا کو سبوتاژ کرنیکا بھارتی منصوبہ،حسین حقانی بھی متحرک

وزیراعظم کے دورہ امریکا سے قبل بلاول زرداری اچانک امریکا روانہ

وزیراعظم کے دورہ امریکا پر کتنے ہزار ڈالر خرچ ہوں گے؟ مراد سعید نے بتا دیا

وزیراعظم سے ممکنہ این آر او کیلیے بلاول امریکا پہنچ گئے

وزیراعظم امریکا کس طیارے پر جائیں گے؟ ایسا فیصلہ کہ پاکستانی حیران ہو جائیں

واضح رہے کہ وزیراعظم عمران خان سعودی عرب، ایران ،ترکی و دیگر ممالک کے دوروں کے بعد اب امریکہ جانے کا فیصلہ کیا. چند دن قبل وزیراعظم عمران خان سے پاکستان تحریک انصاف امریکہ کے سینئر رہنما سجاد برکی اور عاطف خان نے وزیراعظم چیمبر پارلیمنٹ ہاوس میں ملاقات کی تھی جس میں‌ وزیراعظم عمران خان کے آئندہ دورہ امریکہ سے متعلق تبادلہ خیال ہوا تھا .

مقبوضہ کشمیر کے اننت ناگ ضلع کے علاقہ بیج بہارا میں جمعہ کی نماز کے بعد حملہ آوروں نے پی ڈی پی رہنما سجاد مفتی کے سیکورٹی افسر کو گولی مار کر قتل کر دیا گیا۔
رپورٹس کے مطابق فاروق احمد میر نماز جمعہ کے بعد گھر آرہے تھے کہ مشتبہ حملہ آوروں نے فائرنگ کر دی۔ ان کو فوری طور پر ضلعی ہسپتال بیج بہارہ منتقل کیا گیا جہاں وہ چل بسے۔
ہسپتال کے میڈیکل سپرنٹنڈنٹ ڈاکٹر شوکت نے کہا کہ فاروق کو سینے میں گولی ماری گئی اور وہ راستے میں دم توڑ گئے تھے۔

پولیس آفیسر نے واقعہ کی تصدیق کرتے ہوئے کہا کہ حملہ آور مقتول پولیس اہلکار کی بندوق لے کر فرار ہو گئے۔
واقعہ کے فورا بعد پورے علاقے کو گھیرے میں لے لیا گیا ہے۔

بھارتی تحقیقاتی ادارے این آئی اے نے سری نگر کے انگریزی روزنامہ کشمیر ریڈر کے ایڈیٹر حاجی محمد حیات بٹ سے این آئی اے کے نئی دہلی میں ہیڈکوارٹر میں پوچھ گچھ کی ہے۔
این آئی اے کے آفیشلز کے مطابق محمد حیات بٹ نے 2012میں کشمیر ریڈر کا آغاز کیا، حیات ایک ایڈورٹائزنگ ایجنسی ”ہیلپ لائن ایڈورٹائزنگ ایجنسی“ بھی چلاتے ہیں۔

این آئی اے کے سینئر اہلکاروں نے دعوی کیا کہ محمد حیات بٹ کے کشمیرکے آزادی پسند گروپس سے قریبی تعلقات ہیں اور انہوں نے ”جہادی جرنلسٹ“ کو اپنے اخبار میں ملازمت دی۔ یہ جرنلسٹ اب کشمیر پریس کلب کے ایگزیکٹو ممبر ہیں
ذرائع کے مطابق، این آئی اے ”کشمیر ایڈیٹرز“ نامی گروپ کے متعلق بھی تحقیقات کر رہی ہے۔

راجوری میں بھارتی فوجی گاڑی کی ٹکر سے شہید ہونے والی خاتون اور کمسن بھانجی کے خلاف شدید احتجاج کیا۔ 35سالہ کنیز بیگم اور اس کی سات سالہ بھانجی کو لام نوشہرہ روڈ پر بھارتی فوجی گاڑی نے ٹکر ماری۔ 7سالہ روبیہ موقع پر ہی جان بحق ہو گئی جبکہ کنیز بیگم زخموں کی تاب نہ لاتے ہوئے ہسپتال میں چل بسیں۔ واقعہ میں ایک چارسالہ لڑکا یاسین دین بھی زخمی ہو گیا۔یاسین کو ہسپتال منتقل کر دیا گیا جہاں اس کی حالت خطرے میں بتائی جا رہی ہے۔

بھارتی دفاعی ادارے، ان کے ونگز مقبوضہ کشمیر کی 56000ایکڑ سے زائد اراضی پر قابض ہیں۔
انڈین پارلیمنٹ نے ہندوستانی ایجنسی کو مزید اختیارات دے دیے، کشمیر میں بھارتی دہشت گردی بڑھنے کا خدشہ
باغی ٹی وی کی رپورٹ کے مطابق بھارتی لوک سبھا میں وزیر فاع نے ایک سوال کے جواب میں بتایا کہ جموں میں 18935ایکڑ، سری نگر میں 3757ایکڑ، بڈگام میں 2326ایکڑ، اننت ناگ میں 2152ایکڑ، ادھمپور میں 3963ایکٹر اور کارگل میں 3529ایکڑ زمین پر بھارتی دفاعی ادارے قابض ہیں
یاد رہے کہ مقبوضہ کشمیر ایک فوجی چھاؤنی میں تبدیل ہو چکا ہے اور اس وقت کم وبیش آٹھ لاکھ بھارتی فوجی تعینات ہیں۔