ورلڈ کپ میں‌ نیوزی لینڈ کے ہاتھوں‌ ہندوستانی ٹیم کو سیمی فائنل میں ذلت آمیز شکست پر جہاں بھارت میں سوگ کی کیفیت ہے وہاں‌ کشمیری عوام کی طرف سے زبردست خوشی کا اظہار کیا گیا اور جشن منایا جاتا رہا.

باغی ٹی وی کی رپورٹ‌ کے مطابق بھارت کے میچ ہارتے ہی ہزاروں‌ کشمیری سڑکوں‌ پر نکل آئے اور زبردست نعرے بازی کی گئی. اس دوران مقبوضہ کشمیر کا گرمائی دارالحکومت سری نگر، شوپیاں، پلوامہ، اسلام آباد(اننت ناگ)، بارہمولہ، ترال اور دیگر علاقے پاکستان زندہ باد اور کشمیر بنے گا پاکستان کے نعروں‌ سے گونج اٹھے، کشمیریوں‌ کی جانب سے انڈیا کے خلاف بھی شدید نعرے بازی کی گئی.

کشمیریوں‌ کے جشن منانے کی ویڈیوز سوشل میڈیا پر تیزی سے وائرل ہوئی ہیں جس پر پاکستانیوں‌ کی طرف سے بھی ان کی جرآت پر زبردست خراج تحسین پیش کیا گیا. ویڈیوز میں‌ صاف دیکھا جاسکتا ہے کہ کشمیری کس طرح‌ سڑکوں‌ پر نکل کر پاکستان کے حق میں نعرے لگا رہے ہیں اور آتش بازی کی جارہی ہے. مقبوضہ کشمیر میں‌ لوگ اس قدر بڑی تعداد میں گھروں‌ سے نکلے کہ بھارتی فوجی بھی بے بسی کی تصویر بنے کشمیریوں‌ کو جشن مناتے دیکھتے رہے. کشمیری نوجوان بھارتی فوجیوں‌ کے سامنے پاکستان کے حق میں‌نعرے لگاتے اور بھنگڑے ڈالتے رہے. کشمیری نوجوانوں‌ کی جانب سے چوکوں‌ و چوراہوں‌ میں آتش بازی بھی کی گئی.

مقبوضہ کشمیر میں تعینات بھارتی فوجی بھارتی ٹیم کی شکست پر کیمپوں‌ میں دبک گئے. مقامی کشمیریوں‌ کا کہنا ہے کہ ہندوستانی فوجی بھی اپنی ٹیم کی بدترین شکست پر غم میں ڈوبے نظر آئے اور حیلے بہانوں‌ سے کشمیریوں‌ کو تنگ کرتے رہے.

بھارت سرکار نے مقبوضہ کشمیر میں‌ حریت پسند قیادت اور تاجروں کے خلاف گھیرا تنگ کرنے کیلئے مقبوضہ کشمیر میں‌ تحقیقاتی ایجنسیوں‌ کے دفاتر کھولنے کی اجازت دے دی ہے.

باغی ٹی وی کی رپورٹ کے مطابق یہ دفاتر جموں اور وادی کشمیر میں الگ الگ کھولے جائیں‌ گے. اگرچہ بھارتی حکومت کی طرف سے کہا گیا ہے کہ ان دفاتر کے کھولنے کا مقصد مبینہ طور پر حوالہ فنڈنگ روکنے کیلئے ہے تاہم اس کا اصل مقصد کشمیریوں‌کی جدوجہد آزادی پر قابو پانا اور کشمیریوں کی مدد کرنے والے تاجروں کے گرد شکنجہ کسنا ہے. رپورٹ کے مطابق جموں‌ اور وادی کشمیر میں‌‌‌‌‌‌‌انفورسمنٹ ڈائریکٹوریٹ اور ڈائریکٹوریٹ آف ریونیو انٹیلی جنس کو مضبوط کرنے کی بات کرتے ہوئے ان کے دفاتر کھولنے کا اعلان کیا گیا ہے.

رپورٹ کے مطابق بھارتی حکومتی ذرائع کا کہنا ہے کہ انفورسمنٹ ڈائریکٹوریٹ اور ڈائریکٹیوریٹ آف انٹیلی جنس کے ہیڈ آفس چندی گڑھ اور نئی دہلی میں قائم ہیں اور حوالہ فنڈنگ اور مبینہ طور پر عسکریت پسندی کیلئے رقومات جمع کرنے والوں کے خلاف کارروائی کرنے سے پہلے ان دفاتر سے آفیسران کو رجوع کرنا پڑتا تھا تاہم اب بھارت کی مرکزی حکومت نے فیصلہ کیا ہے کہ سری نگر اور جموں میں دونوں تحقیقاتی ایجنسیوں کے دفاتر قائم کئے جائیں‌ گے۔ اس امر پر بھی غور کیا جارہا ہے کہ ان دفاتر میں کن افسروں‌ کو تعینات کیا جائے گا.

بھارت سرکار کی طرف سے یہ بھی کہا گیا ہے کہ دونوں تحقیقاتی ایجنسیوں کے دفاتر سری نگر اور جموں میں قائم کرنے سے کشمیری قائدین ، عسکریت پسندوں کی مدد کرنے والے اور ان کے لئے نرم گوشہ رکھنے والے کشمیری تاجروں پر خصوصی نظر گزر رکھنے میں آسانی ہوگی ۔ یہ بھی کہا گیا ہے کہ خاص طور پر وا دی کشمیر میں سنگبازی کو ختم کرنے کیلئے اہم اقدامات اٹھائے جائیں‌ گ ۔

واضح‌ رہے کہ بھارتی حکومت کشمیر میں این آئی اے کو جنگی ہتھیار کے طور پر استعمال کر رہی ہے اور پہلے ہی بڑی تعداد میں‌ کشمیری لیڈروں اور تاجروں کو گرفتار کر کے بھارتی جیلوں‌ میں قید کیا جاچکا ہے.

سرینگر:بھارتی فوج کو سخت مشکلات ،ایک طرف حریت پسند وں کی طرف سے بھارتی فوجیوں پر حملے تو دوسری طرف بھارتی فوجی اپنی ہی بچھائی بارودی سرنگوں کی بھینٹ چڑھنے لگے .تازہ واقعہ میں شمالی کشمیر کے ضلع کپوارہ میں کنٹرول لائن کے نزدیک سوموار کو ایک بارودی دھماکے کی وجہ سے ایک فوجی اہلکار زخمی ہوگیا۔یہ واقعہ کنٹرول لائن پر کیرن سیکٹرکے نزدیک جمگنڈ نامی علاقے میں پیش آیا جہاں ایک بارودی دھماکے کی زد میں آکر فوجی اہلکار زخمی ہوگیا۔

بھارت وزارت دفاع کے مطابق حکام کے مطابق مذکورہ فوجی اہلکار کو درگہ مولہ میں قائم فوجی اسپتال منتقل کیا گیا ہے زخمی اہلکار کی شناخت بھوپن چتری کے طور ہوئی ہے۔یاد رہے کہ عین اس وقت جب بارودی سرنگ دھماکے سے ایک فوجی شدید زخمی ہوا ہے اسی وقت ایک اور بھارتی فوجی نے اپنے افسران اعلیٰ کے رویے سے دل برداشتہ ہو کر خودکشی کرلی ہے.