Category: کشمیر

بھارت سرکار نے حریت رہنما سید علی گیلانی کے پوتوں کو تحقیقات کے لئے طلب کر لیا.

باغی ٹی وی کی رپورٹ کے مطابق بھارت کے مرکزی تحقیقاتی ادارے این آئی اے نے حریت کانفرنس کے چیئرمین ، بزرگ حریت رہنما سید علی گیلانی کے پوتے کو 9 جولائی کو طلب کر لیا ہے، این آئی اے نے الطاف احمد شاہ کے بیٹے انیس الاسلام کو نئی دہلی آفس میں طلب کیا ہے.

بھارتی تحقیقاتی ایجنسی سے جاری ہونے والے نوٹس کے مطابق زیر تحقیقات ایف آ ئی آر نمبر 10/2017DLI زیر سیکشن 120B,121,121A,IPC سیکش ایکٹ ,16,17,18,20,38,39,40 ایکٹ زیر تحقیق ہے جس کے رو سے انس الاسلام کو خصوصی تحقیقاتی ادارے این آ ئی اے وزارت داخلہ نے سی جی او کمپلیکس نئی دہلی میں تحقیقات کی غرض سے طلب کیا ہے

واضح رہے کہ اس سے قبل این آئی اے تمام حریت رہنماوں اور کشمیری تاجروں کو طلب کر چکی ہے، بھارت سرکار کشمیری تاجروں ،حریت رہنمائوں کو مختلف بہانوں سے ہراساں کر رہی ہے.

مقبوضہ کشمیر کے علاقہ اننت ناگ سے دو نوجوانوں کی لاشیں ملی ہیں جس کے بعد علاقہ بھر میں خوف و ہراس پھیل گیا

باغی ٹی وی کی رپورٹ کے مطابق مقبوضہ کشمیر کے علاقے اننت ناگ میں بدھ کی‌صبح دو لاشیں ملیں ،اننت ناگ کے نواحی علاقہ شیر باغ کے قریب قبرستان سے لاشیں ملنے کی اطلاع پر علاقہ بھر میں خوف و ہراس پھیل گیا،

پولیس کا کہنا ہے کہ دونوں کی موت کا سبب نشے کی زیادتی کی وجہ سے ہوئی تا ہم تحقیقات کی جائے گی کہ دو نوجوانوں کی موت کیوں ہوئی؟

وفات پانے والوں میں سے ایک کی پہچان ہوئی ہے جو ضلع کشتوار کا رہنے والا ہے جبکہ دوسرے کی ابھی تک پہنچان نہیں ہو سکی.

مرنے والوں میں سے ایک کے بارے میں بتایا جارہا ہے کہ وہ ضلع کشتوار کا رہنے والا تھا

مقبوضہ کشمیر کے سانبہ ضلع میں‌ بھارتی فوجی گاڑی کے ایک مسافر وین کے ساتھ ٹکرانے سے 3 افراد ہلاک چار زخمی ہو گئے ہیں.

باغی ٹی وی کی رپورٹ‌ کے مطابق بھارتی فوجی گاڑی نے سانبہ کے گھگوال ضلع میں سندھ بری کے مقام پر وین کو ٹکر ماری. وین میں‌ سوار تین افراد ہلاک ہو گئے چار زخمی ہوئے ہیں. مرنے والوں کی شناخت سنیتا رانی، گوپی کرشن اور ہرش بردن بتائے جاتے ہیں.

حادثے میں زخمی ہونے والے چار افرد کی شناخت رینو شرما، اہلیہ آشا رام ،شامی ولد دیش اور آشا رام کے بطور ہوئی ہے. اس حادثہ میں‌ ایک سالہ بچہ، تاکش ولد اشونی کمار بھی زخمی ہوا ہے.

مقبوضہ کشمیر کے علاقے سوپور سے چار کشمری لڑکے لاپتہ ہو گئے جن کی گمشدگی کا مقدمہ درج کر لیا گیا ہے،

بھارتی فوج نے زخمی کشمیری کو کیا گرفتار

حریت رہنما یاسین ملک کی اہلیہ مشعال ملک کی پاکستانی حکومت و قوم سے اپیل

شبیر شاہ، مسرت عالم، آسیہ اندرابی عدالت کے حکم پر جیل منتقل

باغی ٹی وی کی رپورٹ کے مطابق مقبوضہ کشمیر کے علاقے سوپور سے چار لڑکے لاپتہ ہو گئے جن میں دو چچا زاد بھائی ہیں. لاپتہ ہونے والے لڑکوں کے اہلخانہ کا کہنا ہے کہ چاروں لڑکے دو آبگاہ سوپور سے اتوارکے دن سے لاپتہ ہیں اور انکے بارے میں کوئی معلومات نہیں کہ وہ کہاں ہیں.

بھارت سرکار نے کشمیر میں سرگرم عسکریت پسندوں کے اہلخانہ کو ہراساں کرنا شروع کر دیا

بلٹ پروف جیکٹ پہنے بھارتی فوجیوں کو کشمیریوں نے کیسے مارا؟ مودی سرکار حیران

لاپتہ ہونے والوں میں فرقان طارق پارمو اور اسکا چچا زاد بھائی ایان امین پارمو،اطہر احد اور فہیم فاروق شامل ہیں، ایان امین بارہویں جماعت کا طالب علم ہے . ایک لڑکے کی ماں تبسم بیگم کا کہنا ہے کہ اس کے بیٹے نے گھر سے جاتے ہوئے کہا تھا کہ وہ ابھی آ رہا ہے لیکن وہ واپس نہیں آیا اور اس کا موبائل بھی بند ہے .

بھارت کی پاکستان کے خلاف ہرزہ سرائی، کہا سرحد پار سے عسکریت پسند آ رہے ہیں

کشمیر میں رواں برس بھارتی فوجیوں کی ہلاکت میں اضافے سے مودی سرکار پریشان

پاکستان نے بھارت کو کشمیر میں حملے کی منصوبہ بندی کی دی اطلاع…اورپھر ہو گیا حملہ

پلوامہ حملے میں استعمال ہونیوالی گاڑی کے مالک کو کیا بھارتی فوج نے شہید

واضح رہے کہ مقبوضہ کشمیر میں نوجوانوں کا لاپتہ ہونا معمول ہے اور ہندوستانی فورسز اہلکاروں نوجوانوں کو گھروں سے اٹھا کر ٹارچر سیلوں میں ڈال دیتے ہیں جس پر اغواءکردہ نوجوانوں کی خبر بھی نہیں ہوتی کہ انہیں کہاں رکھا گیا ہے۔

مقبوضہ کشمیر کے بڈگام ضلع میں شہید نوجوان کو جسد خاکی حاصل کرنے کیلئے کشمیریوں نے بھارتی فوج پر دھاوا بول دیا اور زبردست پتھراؤ کیا.

باغی ٹی وی کی رپورٹ کے مطابق بڈگام کے چاہ ڈورہ علاقہ میں کشمیری نوجوان کی شہادت کے بعد کشمیریوں کی بڑی تعداد سڑکوں‌ پر نکل آئی اور بھارتی فورسز کی طرف سے نام نہاد سرچ آپریشن ختم کرنے اور شہید کا جسد خاکی ان کے حوالے کرنے کیلئے شدید پتھراؤ‌کیا. اس دوران بھارتی فورسز نے نہتے مظاہرین پر اندھا دھند پیلٹ گن کے چھرے برسائے، آنسو گیس کی شیلنگ کی اور لاٹھی چارج کیا تاہم بعد میں بھارتی فوج نے مجبور ہو کر شہید کشمیری نوجوان کا جسد خاکی اس کے لواحقین اور مقامی کشمیریوں‌ کے حوالے کر دیا.

رپورٹ کے مطابق شہید نوجوان کا نام ہلال احمد بٹ بتایا جاتا ہے. اس کے متعلق کہا گیا ہے کہ وہ تین سال قبل کشمیری جہادی تنظیم حزب المجاہدین سے وابستہ ہوا تھا. شہید کی نماز جنازہ میں‌ ہزاروں‌ کشمیریوں نے شرکت کی. ہلال احمد کی عمر 33 برس تھی، وہ شادی شدہ اور اس کا ایک بیٹا بھی ہے. واضح رہے کہ بھارتی فورسز نے گزشتہ ماہ جون میں 28 کشمیریوں‌ کو شہید کیا ہے.

مقبوضہ کشمیر میں بڈگام کے چاہ ڈورہ علاقہ میں‌ بھارتی فوج نے ایک کشمیری نوجوان کو شہید کر دیا ہے.

باغی ٹی وی کی رپورٹ‌ کے مطابق وسطی ضلع بڈگام میں‌ شہید ہونے والے نوجوان سے متعلق کہا گیا ہے کہ وہ کشمیری جہادی تنظیم حزب المجاہدین سے وابستہ تھا. بھارتی فورسز کی دہشت گردی کے بعد علاقہ میں پرتشدد جھڑپیں‌ ہوئی ہیں. اس دوران بھارتی فورسز نے نہتے کشمیریوں‌ پر بدترین لاٹھی چارج کیا اور آنسو گیس کی شیلنگ کی جس سے متعدد کشمیری زخمی ہو گئے.

رپورٹ کے مطابق قابض انتظامیہ نے بڈگام میں‌ موبائل اور انٹرنیٹ سروس بند کر دی ہے. واضح رہے کہ نریندر مودی اور بی جے پی کے دوبارہ برسراقتدار آنے کے بعد کشمیر میں‌ قتل و غارت گری بڑھ گئی ہے. جون میں‌ 28 کشمیریوں‌ کو شہید کیا گیا ہے.

بھارتی فوج نے مقبوضہ کشمیر میں ماہ جون میں 28 کشمیریوں کو شہید کر دیا

باغی ٹی وی کی رپورٹ کے مطابق بھارتی فوج کے مقبوضہ کشمیر میں مظالم جاری ہے، قابض بھارتی فوج نے ماہ جون میں سرچ آپریشن کے دوران 28 کشمیریوں کو شہید کیا.

بھارتی فوج کی فائرنگ سے 130 کشمیری زخمی بھی ہوئے، بھارتی فوج نے احتجاج کرنے والے کشمیریوں پر پیلٹ برسائے جس سے بھی کشمیری نوجوان زخمی ہوئے، بھارتی فوج نے ماہ جون میں 97 کشمیریوں کو گرفتار کیا جبکہ بھارتی فوج نے سرچ آپریشن کے دوران 18 گھروں کو بھی تباہ کیا.

کشمیری شہداء کے نماز جنازہ کے موقع پر بھی بھارتی فوج نے کشمیریوں پر پیلٹ کا استعمال کیا، حریت رہنماوں کو اس دوران نظر بند و گرفتار رکھا گیا

مقبوضہ کشمیر کے علاقہ کشتوار میں افسوسناک حادثہ پیش آیا ہے، مسافر بس گہری کھائی میں گرنے سے 32 مسافر جاں بحق ہو گئے ہیں

باغی ٹی وی کی رپورٹ کے مطابق مقبوضہ کشمیر کے علاقے کشتوار میں پیر کی صبح ایک منی بس تیز رفتاری کے باعث بے قابو ہو کر گہری کھائی میں جا گری ،جس کے نتیجے میں بس میں سوار 32 مسافر جاں بحق ہو گئے.

حادثہ کی اطلاع ملنے پر ریسکیو حکام موقع پر پہنچے اور لاشوں کو مقامی ہسپتال منتقل کیا، بس میں کچھ افراد زخمی تھے جو ہسپتال پہنچ کر جاں بحق ہو گئے، اس وجہ سے اموات میں اضافہ ہوا ہے، یہ افسوسناک واقعہ کشتوار کے علاقہ کیشون میں پیش آیا ہے.

بس میں سوار مسافروں کے لواحقین کو اطلاع ملنے پر ان کے گھروں میں کہرام مچ گیا، لواحقین نے اپنے پیاروں کی لاشیں لینے کے لئے ہسپتالوں کا رخ کر لیا.