بھارت سرکار نے مقبوضہ کشمیر کے علاقے سرینگر میں ائیر پورٹ پر حملے کا الرٹ جاری کر دیا
باغی ٹی وی کی رپورٹ کے مطابق بھارتی سیکورٹی ایجنسیوں نے ایک الرٹ جاری کیا ہے جس میں کہا گیا ہے کہ اب عسکریت پسند کسی اہم ٹارگٹ کو نشانہ بنا سکتے ہیں اور وہ سرینگر ائیر پورٹ ہو سکتا ہے، اداروں کی رپورٹ کے مطابق عسکریت پسند اس حوالہ سے مکمل تیاری کر چکے ہیں بھارت کی مرکزی وزارت داخلہ نے مقبوضہ کشمیر میں حکام کو اس ضمن میں خبردار رہنے کا حکم دیا ہے. الرٹ جاری ہونے کے بعد سرینگر ائیر پورٹ کی سیکورٹی سخت کر دی گئی ہے. خفیہ کمیروں کے ذریعے نگرانی کی جا رہی ہے. الرٹ میں کہا گیا ہے کہ عسکریت پسند ائیر پورٹ کی گاڑیاں بھی اغوا کر کے حملہ میں استعمال کر سکتے ہیں.
