آل پارٹیز حریت کانفرنس کے چیئرمین سید علی گیلانی کی طبیعت ناساز ہو گئ ہے جس کے باعث انہیں ہسپتال منتقل کر دیا گیا ہے
باغی ٹی وی کی رپورٹ کے مطابق بزرگ حریت رہنما سید علی گیلانی کو منگل کو میڈیکل انسٹی ٹیوٹ صورہ میں منتقل کیا گیا ہے۔ سید علی گیلانی کو بھارت سرکار نے ایک لمبے عرصے سے اپنے گھر میں نظر بند کر رکھا ہے جو حیدر پورہ میں واقع ہے۔ سید علی گیلانی کے اہلخانہ کے مطابق انہیں پہلے صدر ہسپتال میں لے جایا گیا جہاں طبی معائنے کے بعد انہیں میڈیکل انسٹی ٹیوٹ صورہ میں داخل کروایا گیا ہے۔
مقبوضہ کشمیر کے علاقے پلوامہ میں بھارتی فوج کی جانب سے کشمیری نوجوانوں کو ہراساں کرنے کا سلسلہ جاری ہے، بھارت سرکار نے21 کشمیری نوجوانوں کو گرفتار کر لیا ہے۔
باغی ٹی وی کی رپورٹ کے مطابق بھارتی فوج نے پلوامہ میں سرچ آپریشن کے دوران 21 نوجوانوں کو گرفتار کر لیا ہے ۔بھارتی سیکورٹی اداروں نے مورن نامی گاوں میں سرچ آپریشن کے دوران چادر و چاردیواری کے تقدس کو بھی پامال کیا، اس دوران فورسز نے 21 بے گناہ کشمیریوں کو گرفتار کر لیا۔
واضح رہے کہ پلوامہ میں سی آر پی ایف کانوائے پر حملہ کے بعد بھارتی سیکورٹی فورسز کشمیری نوجوانوں کو مسلسل حراساں کر رہی ہیں۔