اجزاء:
جو آدھا چھٹانک
مصری حسب ذائقہ
لیمن جوس حسب ذائقہ
ترکیب:
جو کو چن کر اچھی طرح دھو لیں پھر پانچ چھٹانک پانی ڈال کر دیگچی چولہے پر چڑھا دیں اور بہت ہلکی آنچ پر پکنے دیں آگ تیز ہونی چاہئے آدھا گھنٹے پکانے کے بعد نیچے اتار دیں اور ٹھنڈا ہونے دیں اس کے بعد ململ کے کپڑے میں چھان لیں اور اس میں حسب پسند لیموں کا رس اور مصری ملا کر استعمال میں لائیں یہ صحت کے لئے بہت ہی مفید ہے
اجزاء:
تربوز ایک عدد بڑا
لیموں کا رس ایک پیالی
نمک حسب ذائقہ
چینی چار پیالی تھوڑے سے پانی میں شیرہ بنا لیں
سوفٹ ڈرنک 4 بوتلیں بغیر رنگ کے
سیب 4 عدد شھلکا اتار کر باریک باریک ٹکڑے کاٹ کر فوراً تھوڑی سی چینی اور لیموں ڈال دیں
برف 1 کپ چورا کر لیں
ترکیب:
تربوز کا چھلکا اتار کر درمیان میں سے بیج نکال لیں اور گودا بنا لیں جب پیش کرنا ہو تو ایک بڑے باؤل میں کولڈ ڈرنک ڈال کر ساتھ ہی تربوز کا گودا لیموں کا رس شیرہ اور نمک ڈال کر اچھی طرح مکس کر لیں برف چورا کر کے ملا دیں خوبصورت چھوٹے گلاسوں میں ڈال کر تھوڑے سے پودینے کے پتے ڈال دیں اور سیب کے ٹکڑے ڈال دیں مزیدار پنچ تیار ہے
اجزاء:
تربوز اتنے ٹکڑے لیں جن میں سے 800 ملی لیٹر جوس نکل آئے
لیمن جوس 4 کھانے کے چمچ
نمک حسب ذائقہ
ادرک ایک انچ کے دو ٹکڑے
کالی مرچ پاؤڈر حسب ذائقہ
مغز دو کھانے کے چمچ
ترکیب:
تربوز چھیل کر اس کے بیج ڈال دیں اور تربوز کے ٹکڑے کاٹ لیں تربوز کے ٹکڑوں لیمن جوس اور ادرک کے ٹکڑوں کو بلینڈر میں ڈال کر بلینڈ کر لیں اور پھر چھان لیں اور اس میں نمک اور کالی مرچ ڈال کر مکس کر کے گلاسوں میں ڈال کر مغز سے گارنش کر کے سرو کریں
اجزاء:
اسٹرابیری آئس کریم 2 سکوپ
روح افزا 60 ملی لیٹر
دودھ 200 ملی لیٹر
گلاب کا پھول ایک عدد
ترکیب:
گلاس میں تین تہیں بنا لیں اس کے لئے پہلے آئس کریم ڈالیں پھر روح افزا اور سب سے اوپر دودھ ڈال کر گلاب کی پتیوں سے گارنش کر کے سرو کریں اوپر دپئے گئے اجزاء دو گلاسوں یعنی دو افراد کے لئے ہے
اجزاء:
پائن ایپل ایک کپ
کیلے ایک عدد
اورنج جوس آدھا کپ
برف ایک کپ
دہی 4 کھانے کا کے چمچ
ترکیب:
بلینڈر میں پائن ایپل کیلے اورنج جوس برف اور دہی ڈال کر اچھی طرح بلینڈ کر لیں جب اچھی طرح بلینڈ ہو جائے تو گلاسوں میں ڈال کر سرو کریں یہ بہت ہی مزیدار اور خوش ذائقہ سموتھی ہے
اجزاء:
گاجر کا جوس آدھی پیالی
اورنج جوس ڈیڑھ پیالی
لیمن جوس پاؤ پیالی
پائن ایپل جوس ڈیڑھ پیالی
آئسکریم سوڈا آدھی بوتل
پودینے کے پتے آدھی پیالی
برف کیوبز ایک پیالی
ترکیب:
تمام جوس اور آئسکریم سوڈا کسی بڑے برتن میں ڈال کر مکس کر لیں اور اس میں برف شامل کر کے ٹھنڈا کر لیں پھر گلاسوں میں ڈال کر اوپر سے چند پتے پودینے کے دال کر پیش کریں یا تمام شربت مکس کر کے فریج میں رکھ دیں جب سرو کرنے ہوں تب اس میں برف ڈال کر اور پودینے کے پتے ڈال کر مزیدار فروٹ پنچ پیش کریں
اجزاء:
لیموں 12 عدد
چینی 2 پیالی
کالی مرچ پاؤڈر آدھا چمچ
پانی 2 لیٹر
نمک حسب ذائقہ
برف حصب ضرورت
پودینے کے پتے چند عدد
ترکیب:
لیموں کاٹ کر دو ٹکڑے کر کے بیج نکال لیں پھر بلینڈر میں چینی لیموں اور پانی ڈال کر اچھی طرح پھینٹ لیں لیکن اس دوران لیموں کے چھلکے نہ اتر پائیں جب اوپرجھاگ بن جائے تو اس میں نمک اور کالی مرچ ملا دیں اور اچھی طرح مکس کر لیں گلاس میں ڈال کر برف ڈال دیں اور ساتھ ہی پودنیے کے چند پتے ڈال دیں
اجزاء:
گاجریں 1 کلو
چینی 1 کلو
شقاقل مصری ایک چھٹانک
ثعلب مصری ایک تولہ
ترکیب:
گاجروں کو دھو کر اچھی طرح چھیل لیں اور کیل نکال کر پھینک دیں پھر گاجروں کو باریک پیس کر ان کا عرق نکال لیں شقاقل مصری اور ثعلب مصری کو بھی پیس کر اس عرق میں ملا دیں اور دیگچی میں ڈال کر چولہے پر پکنے کے لئے رکھ دیں اور جو میل آئے اسے ساتھ ہی ساتھ نکالتے رہیں جب دو تین ابال آ جائیں تو چینی ڈال دیں اور پکائیں جب ایک تار کا شوربت تیار ہو جاےئ تو چولہے سے اتار لیں ٹھنڈا ہونے پر بوتل میں محفوظ کر لیں بہت ہی خوش ذائقہ اور صحت بخش شربت ہے
گوجرانوالہ: (باغی سپیشل ) مقبوضہ کشمیر پر انڈین جابرانہ قبضے کی خلاف خواتین کی ریلی۔
گوجرانوالہ میں کشمیر وومین فورم کے زیر اہتمام یکجہتی کشمیر خواتین ریلی کا انعقاد کیا گیا۔ ریلی شیخوپورہ بس سٹاپ سے شروع ہوئی جو کہ شیرانوالہ تک گئی شیرانوالہ باغ پہنچ کر جلسہ کا اہتمام کیا گیا ۔ جہاں پر کشمیر وومین فورم کے خواتین نے خطابات کیے ۔ یکجہتی کشمیر ریلی میں شہر بھر اور گوجرانوالہ کے دیہاتی علاقوں سے ہزاروں کی تعداد میں خواتین شرکت کی ۔ خواتین قافلوں کی شکل میں چاند گاڑیوں ، کاروں ، بسوں پر ریلی میں شریک ہوئی ۔ ریلی میں مختلف طبقہ کی خواتین ، بچوں کالجوں اور یونیورسٹیوں کی طالبات نے شرکت کی۔ ریلی کی شرکاء خواتین نے ہاتھوں میں پلے کارڈ اور کشمیر اور پاکستان کے جھنڈے تھام رکھے اور ساتھ کشمیر بنے گا پاکستان ، ہم کیا چاہتے آزادی ، کشمیر سے ہمارا رشتہ کیا لاالہ الااللہ کے نعرے لگاتی تھیں ۔ ریلی سے خطاب کرتے ہوئے خواتین مقررین نے کہا کہ ہم اپنے مظلوم کشمیری بہنوں کے ساتھ ہیں اور آخری دم تک ان کا ساتھ دیتیں رہیں گی ۔ ہم انڈیا کے ظالمانہ اور جابرانہ قبضے سے کشمیر کی آزادی چاہتے ہیں ، کشمیریوں کی آزادی تک ہم ان کے ساتھ ہیں ۔
املی ایک سدا بہار درخت ہے اس پر نئے پتے اپریل مئی کے مہینے میں نکلتے ہیں یہ درخت کبھی پتوں سے خالی نہیں ہوتا اس کے بیجوں سے تیل نکلتا ہے اس کا مزاج خشک درجہ اول اور سرد درجہ دوم ہے اس میں وٹامن اے بی اور سی شامل ہوتے ہیں اس کا ذائقہ ترش ہوتا ہے
یہ معدہ اور دل کو قوت دیتی ہے وبائی امراض کے زہر کو دور کرتی ہے املی کت پتوں سے زخم دھونے سے زخم جلدی ٹھیک ہو جاتے ہیں بھوک کی کمی اور قوت ہاضمہ کو بڑھانے کے لئے املی کی چٹنی کا استعمال نہایت مفید ہے املی کا گودا بحری جہاز پر ساتھ رکھنا نہایت مفید ہے کیونکہ قے روکنے کے لئے انتہائی مفید ہے حکماء کے مطابق املی کا گودا پتے جڑیں چھلکا اور رس دوائیوں کے لئے بہترین ہے پکی ہوئی املی ہاضم ہوتی ہے مثانے کی بیماریوں کو دور کرتی ہے اور پھنسیوں کے لئے بہترین ہے خشک املی پیاس کی شدت کو روکتی ہے یہ جگر ہاضمے اور انتڑیوں کے لئے نہایت مفید ہے املی کا جوشاندہ دودھ اور پانی میں ملا کر پینے سے بخار اور قبض کی شکایت دور ہو جاتی ہے پیشاب کی جلن دور ہو جاتی ہے خون کا فشار دور کرتی ہے اسی جوشاندے سے یرقان کا علاج بھی ممکن ہے اس کا ایک حد تک استعمال صحت کے لئے نقصان دہ نہیں