Category: بہاولپور

اوچ شریف (باغی ٹی وی،نامہ نگارحبیب خان) حاصلپور کا رہائشی محمد مزمل حسین دریائے ستلج میں کنول بوٹی جمع کرتے ہوئے ڈوب کر جاں بحق ہو گیا ۔

اطلاع کے مطابق مزمل حسین اپنے دو دوستوں کے ساتھ دریائے ستلج میں کنول بوٹی جمع کرنے گئے تھے کہ اچانک پانی میں ڈوب گئے۔ ساتھیوں اور مقامی لوگوں نے فوری طور پر مزمل کو پانی سے نکالا اور ریسکیو سٹاف کو اطلاع دی۔ ریسکیو ٹیم نے مزمل کو سی پی آر دی لیکن وہ جانبر نہ ہو سکے۔

اس المناک واقعے نے علاقے میں سوگ کی فضا قائم کر دی ہے۔ مقامی لوگوں نے اس حادثے پر افسوس کا اظہار کرتے ہوئے احتیاطی تدابیر کی اہمیت پر زور دیا ہے۔

اوچ شریف(باغی ٹی وی نامہ نگارحبیب خان) تھانہ اوچ شریف کی حدود میں انصاف کی تلاش میں خاتون کو مایوسی کا سامنا ہ کرنا پڑرہاہے۔ متاثرہ خاتون صفیہ کو مبینہ تشدد کا نشانہ بنایا گیا تھا، لیکن پولیس نے اسے نہ تو انصاف دیا بلکہ اب صفیہ اور اس کے گواہوں کے خلاف ایک اور مقدمہ درج کرکے مزید زخموں پر نمک چھڑک دیا ہے۔متاثرہ نے پولیس کے رویہ سے دلبرداشتہ ہوکر انصاف نہ ملنے کی صورت میں خود سوزی کی دھمکی دیدی،

تفصیل کے مطابق اوچ گیلانی کی رہائشی صفیہ نے میڈیا کے ذریعے وزیر اعلیٰ پنجاب اور ڈی پی او بہاول پور سے مدد کی اپیل کی، یہ کہتے ہوئے کہ اگر اسے انصاف نہ ملا تو وہ خود سوزی کرنے پر مجبور ہوگی۔ اس نے واضح کیا کہ پولیس کے غیر منصفانہ اقدامات نے اس کی زندگی کو مزید خطرے میں ڈال دیا ہے۔ مقامی شہریوں اور صفیہ کے اہل و عیال نے بھی صفیہ کی حمایت میں آواز اٹھائی ہے، شہریوں کا کہنا ہے کہ اوچ شریف پولیس نے مدعیہ مقدمہ اور گواہان پر مبینہ رشوت کے عوض یا سیاسی پریشر میں آکر ظلم کیا ہے، ایسے واقعات نے نہ صرف ان کی حفاظت کو خطرے میں ڈال دیا ہے، بلکہ اس سے پولیس پر عوام کا اعتماد بھی متزلزل ہوا ہے۔

مقامی لوگوں کا کہنا ہے کہ پولیس نے مبینہ طور پر رشوت یا سیاسی دباؤ میں آکر مدعیہ اور گواہوں پر ظلم کیا ہے۔ اس واقعے نے عوام کا پولیس پر اعتماد کمزور کردیا ہے۔ سماجی رہنماؤں نے اس واقعے کو متاثرہ خواتین کے تحفظ کی اہمیت کو اجاگر کرنے والا قرار دیا ہے اور حکومت سے مطالبہ کیا ہے کہ وہ اس معاملے کی مکمل اور شفاف تحقیقات کرے۔

اوچ شریف (باغی ٹی وی،نامہ نگارحبیب خان) احمد پور شرقیہ کے نواحی علاقے مہراب والا میں ایک دل دہلا دینے والے حادثے میں دو سالہ محمد سبحان ولد محمد ارشد کی موت واقع ہو گئی۔

تفصیلات کے مطابق بچہ گھر میں کھیل رہا تھا کہ وہ پانی والی موٹر کے قریب چلا گیا اور اسے کرنٹ لگ گیا۔ اس حادثے کی اطلاع ملتے ہی ریسکیو 1122 کی ٹیم موقع پر پہنچی لیکن بچے کو بچانا ممکن نہ ہو سکا۔ بچہ کرنٹ لگنے کے فوراً بعد ہی دم توڑ چکا تھا۔

اس افسوسناک حادثے کے باعث علاقے میں گہرے دکھ اور غم کی لہر دوڑا دی ہے،والدہ کوغشی کے دورے پڑنے لگے،گھر میں سوگ کاماحول چھاگیا.

اوچ شریف(باغی ٹی وی نامہ نگار حبیب خان) احمد پور شرقیہ کے نواحی علاقے خان پور مرچاں والا میں عید میلاد النبی ﷺ کے جلوس سے واپسی کے دوران ایک دل دہلا دینے والا حادثہ پیش آیا۔ ٹریکٹر ٹرالی کے حادثے میں چار بچے شدید زخمی ہو گئے، جن میں سے ایک بچہ موقع پر ہی جاں بحق ہو گیا۔

ریسکیو ذرائع کے مطابق حادثہ اس وقت پیش آیا جب ایک ٹریلر نے ٹریکٹر ٹرالی کو پیچھے سے ٹکر مار دی، جس سے ٹریکٹر ٹرالی کا توازن بگڑ گیا اور بچے ٹرالی سے گر کر شدید زخمی ہو گئے۔ حادثے میں ایک بچہ موقع پر جاں بحق ہوا، جبکہ باقی تین بچوں میں سے ایک کی حالت نازک ہے اور اسے ہیڈ انجری کی وجہ سے تحصیل ہیڈ کوارٹر احمد پور شرقیہ منتقل کیا جا رہا ہے۔

ریسکیو سٹاف نے فوری طور پر زخمی بچوں کو ابتدائی طبی امداد فراہم کی اور انہیں قریبی اسپتال منتقل کیا۔ اسپتال میں ڈاکٹروں کی ٹیم نے زخمی بچوں کی حالت کا جائزہ لیا اور ان کی بہتر دیکھ بھال کے لئے اقدامات کیے جا رہے ہیں۔

مقامی پولیس نے حادثے کی مکمل تحقیقات شروع کر دی ہیں تاکہ حادثے کی وجوہات کا پتا چلایا جا سکے اور مستقبل میں ایسے واقعات سے بچنے کے لئے حفاظتی تدابیر کو یقینی بنایا جا سکے۔ پولیس کے مطابق، ٹریلر ڈرائیور کی شناخت کر لی گئی ہے اور اسے قانونی کارروائی کے لئے طلب کیا گیا ہے۔

اوچ شریف، باغی ٹی وی (نامہ نگار حبیب خان)حاصل پورمیں دودھ کی دکان سے خریدا دودھ تین بچوں کے لیے زہر بن گیا،ہسپتال منتقل، تینوں بچوں کی دودھ پینے کے بعد شدید الٹیاں آنا شروع ہوگئیں جس سے ان کی حالت غیر ہوگئی

تفصیلات کے مطابق حاصل پور کے نواحی علاقے میں آج شام تین بچوں کی شدید الٹیوں کی شکایت نے علاقے میں تشویش پیدا کر دی۔ لواحقین کے مطابق، بچوں نے گھر کے قریب دودھ کی دکان سے کچا دودھ خریدا تھا، جس کے بعد ان کی حالت بگڑ گئی۔

بچوں کی حالت بگڑتے ہی فوری طور پر ریسکیو سٹاف نے انہیں ابتدائی طبی امداد فراہم کی اور انہیں تحصیل ہیڈ کوارٹر ہسپتال حاصلپور منتقل کیا۔ اسپتال میں تینوں بچوں کی حالت اب مستحکم ہے اور وہ ہوش میں ہیں۔

متاثرہ بچوں میں شامل ہیں علی اکبر، ولد محمد فخر، عمر 3 سال اڈہ کٹرینہ، حاصلپور،علی حسین، ولد محمد فخر، عمر 10 ماہ،شائستہ بی بی، دختر حفیظ، عمر 7 ماہ

دودھ میں کیا تھا جس نے تین بچوں کو بیمار کیا؟ حاصل پورمیں دودھ کی دکان سے خریدا گیا کچا دودھ تین بچوں کے لیے زہر بنا۔پنجاب فوڈ اتھارٹی کی خاموشی اور تحقیقات میں تاخیر نے عوام میں تشویش پیدا کر دی ہے۔

ماہرین کا کہنا ہے کہ کچے دودھ میں ہاضمے سے متعلق بیماریاں پیدا کرنے والے جراثیم پائے جاتے ہیں،عوام کچے دودھ کے استعمال سے پرہیز کریں اور صرف معیاری دودھ استعمال کریں تاکہ مستقبل میں ایسے واقعات سے بچا جا سکے۔

اوچ شریف (باغی ٹی وی نامہ نگار حبیب خان) اوچ شریف اور اس کے ملحقہ علاقوں میں پبلک سکولوں کے پک اینڈ ڈراپ رکشوں کی اوور لوڈنگ ایک سنگین مسئلہ بن چکا ہے۔ مقامی سکولوں میں تعلیم حاصل کرنے والے طلباء کو روزانہ شدید اوور لوڈڈ رکشوں میں سفر کرنا پڑتا ہے، جس سے ان کی زندگیوں کو شدید خطرات لاحق ہیں۔

رپورٹس کے مطابق، رکشہ ڈرائیور بچوں کو اضافی سیٹوں پر بٹھانے کے ساتھ ساتھ اکثر انہیں رکشوں کی چھتوں اور پائیدانوں پر بھی کھڑا کر دیتے ہیں، جس سے رکشوں میں اوور لوڈنگ کی حالت مزید ابتر ہو جاتی ہے۔ اس بدترین صورتِ حال کے باعث متعدد حادثات ہو چکے ہیں، لیکن مقامی پولیس اور ٹریفک پولیس کی جانب سے کوئی مؤثر اقدام نہیں اٹھایا گیا۔

مقامی انتظامیہ اور چائلڈ پروٹیکشن بیورو کی عدم توجہی کی وجہ سے یہ مسئلہ حل نہیں ہو پا رہا۔ شہریوں اور والدین نے اس صورتحال پر شدید تشویش کا اظہار کرتے ہوئے حکام سے فوری اور مؤثر کارروائی کا مطالبہ کیا ہے۔ ان کا کہنا ہے کہ اگر اس مسئلے کی طرف توجہ نہ دی گئی تو کسی بڑے حادثے کا امکان بڑھ جائے گا جو طلباء کی جانوں کو خطرے میں ڈال سکتا ہے۔

شہریوں نے مطالبہ کیا ہے کہ ٹریفک پولیس اور مقامی انتظامیہ فوری طور پر اوور لوڈنگ کی روک تھام کے لیے اقدامات کریں اور ملوث رکشہ ڈرائیوروں کے خلاف کارروائی عمل میں لائیں۔ ان کے مطابق، اگر جلد کوئی سنجیدہ کارروائی نہ کی گئی تو اس کے نتیجے میں سنگین حادثات اور نقصانات ہو سکتے ہیں۔

اوچ شریف(باغی ٹی وی ،نامہ نگارحبیب خان )ٹوکہ مشین میں خاتون کا ہاتھ کٹ گیا

تفصیلات کے مطابق اوچ شریف کے نواحی علاقے رتہر نہرانوالی میں ایک افسوسناک حادثہ پیش آیا، جس میں محمد رفیق کی بیوی کا ہاتھ بجلی کی ٹوکہ مشین کی زد میں آ کر کٹ گیا۔

محمد رفیق کی اہلیہ گھر کے مویشیوں کے لیے گھاس کاٹ رہی تھیں کہ اچانک ان کا ہاتھ مشین میں آ گیا، جس سے وہ شدید زخمی ہو گئیں۔ فوراً بعد انہیں مقامی ہسپتال منتقل کیا گیا، جہاں اس کا علاج جاری ہے۔

رشتے داروں اور ہمسائیوں نے اس واقعے پر گہرے دکھ کا اظہار کیا ہے اور زخمی خاتون کی جلد صحتیابی کی دعا کی ہے۔