Category: ڈیرہ غازی خان

ڈیرہ غازی خان باغی ٹی وی( نیوز رپورٹر شاہد خان )ڈیرہ غازی خان ڈویژن میں عام انتخابات کےلئے ٹرانسپورٹیشن،سیکیورٹی اور متعلقہ معاملات کو حتمی شکل دے دی گئی ہے۔

کمشنر ڈاکٹر ناصر محمود بشیر نے خصوصی اجلاس کی صدارت کرتے ہوئے حساس اور انتہائی حساس پولنگ سٹیشنز پر خصوصی انتظامات کے احکامات جاری کردئیے ہیں۔آر پی او کیپٹن ریٹائرڈ سجاد حسن خان ،ڈپٹی کمشنر مہر شاہد زمان لک ،ڈی پی او احمد محی الدین ،ڈسٹرکٹ الیکشن کمشنر امتیاز احمد اور دیگر افسران موجودتھے،

ضلع ڈیرہ غازی خان میں 1067 پولنگ سٹیشن تجویز کئے گئے ہیں 840 مشترکہ،112 خواتین اور 115 مردانہ پولنگ سٹیشن میں سے101 کو انتہائی حساس قرار دیا گیا ہے۔کمشنر ڈی جی خان ڈویژن ڈاکٹر ناصر محمود بشیر نے کہا کہ ضلع ڈیرہ غازی خان سے متعلق اجلاس کی صدارت کرتے ہوئے کہا کہ عام انتخابات کے شفاف اور پر امن انعقاد کےلئے بطور ٹیم کام کرنا ہوگا۔

پاک آرمی،رینجرز کے علاؤہ پولیس،بی ایم پی،بلوچ لیوی کی کوئیک رسپانس فورس کی خدمات لی جائیں گی۔کمشنر ڈاکٹر ناصر محمود بشیر نے کہا کہ مرکزی ضلعی کنٹرول روم میں حساس پولنگ سٹیشن کی سرگرمیوں کو آن لائن مانیٹر کیا جائیگا۔انہوں نے کہا کہ انتہائی حساس پولنگ سٹیشنز پر خفیہ کیمرے نصب ہوں گے۔الیکشن میٹریل پہنچنا شروع ہوگیا ہے۔

آر پی او کیپٹن ریٹائرڈ سجاد حسن خان نے کہا کہ عام انتخابات سے قبل سیکیورٹی معاملات کو حتمی شکل دیکر فلیگ مارچ کیا جائے۔

ڈیرہ غازیخان،باغی ٹی وی (نامہ نگارشہزادخان)ڈپٹی کمشنر ڈیرہ غازیخان مہر شاہد زمان لک نے ای رجسٹریشن برانچ کی زیرتعمیر سائیٹ کا دورہ کیااور کنسٹرکشن ورک کا معائنہ کیا۔ڈپٹی ڈائریکٹر ڈویلپمنٹ امیرمسلم،ایکسیئن یاسر علی،سب رجسٹرار محبوب ہنجرا ودیگر افسران ہمراہ تھے۔

ڈپٹی کمشنر نے رجسٹری برانچ میں آئے سائلین سے مسائل دریافت کئے۔مہر شاہد زمان لک نے گفتگو کرتے ہوئے کہا حکومت پنجاب کا ڈیرہ غازی خان میں ای رجسٹریشن برانچ کا قیام انقلابی اقدام ہے،ای رجسٹریشن برانچ کی تعمیر میں کوالٹی پر خصوصی توجہ دی جائے،میں کنسٹرکشن ورک کا موقع پر جائزہ لیتا رہوں گا،

ڈپٹی کمشنر نے کہاعمارت کو سٹیٹ آف دی آرٹ بنایا جائے گا،تعمیراتی معیار پر کسی قسم کا سمجھوتہ نہیں کیا جائے گا،ای رجسٹریشن برانچ میں کمپیوٹرز،الیکٹرانک ڈیوائسز ودیگر مشینری سائلین کیلئے معاون ثابت ہوگی،جائیدادوں کی ای رجسٹریشن سے کرپشن کا خاتمہ بھی ہوگا۔

ڈپٹی کمشنر نے رجسٹری برانچ میں آئے سائلین کے مسائل سنے اور انکے حل کیلئے موقع پر احکامات بھی دیئے۔

:ڈیرہ غازی خان، باغی ٹی وی (نیوز رپورٹرشاہد خان ) جنرل الیکشن2024 کی تیاریوں بارے اجلاس ڈسٹرکٹ ریٹرننگ آفیسر/ ڈپٹی کمشنر مہر شاہد زمان لک کی زیرصدارت منعقد ہوا۔اجلاس میں ضلع کے تمام مانیٹرنگ افسران نے شرکت کی۔جنرل الیکشن کیلئے تمام تر اقدامات کو فائنل کرنے کیلئے انتظامیہ الرٹ،عام انتخابات میں الیکشن کمیشن آف پاکستان کی ہدایات پر عمل درآمد یقینی بنانے کا فیصلہ،ضلع میں انتخابی جلسوں کیلئے جگہیں مختص کی جائیں گی۔

ڈسٹرکٹ ریٹرننگ آفیسر و ڈپٹی کمشنر مہر شاہد زمان لک نے کہا کہ حکومتی احکامات کی روشنی میں شفاف،پرامن الیکشن ہماری اولین ترجیح ہے،
مانیٹرنگ افسران الیکشن کوڈ آف کنڈکٹ پر عملدرآمد کو ممکن بنائینگے،ڈپٹی کمشنر نے کہا کہ الیکشن کمیشن آف پاکستان کی ہدایات کا بغور مطالعہ کیا اور باہمی تعاون کو فروغ دیا جائے،جنرل الیکشن سے قبل تمام معاملات کا جائزہ لیا جائے،انتخابات کی ایفکٹیو مانیٹرنگ پر کوئی کمپرومائز نہیں کیا جائیگا،

قانون وضوابط کے تحت الیکشن کے تمام تر معاملات حل کئے جائیں،شفاف انتخابات کیلئے منظم حکمت عملی پر عمل کیا جائے گا،مہر شاہد زمان لک نے کہا کہ ضابطہ اخلاق کی خلاف ورزی کرنے والوں سخت ایکشن لیا جائے گا،ضلعی انتظامیہ مانیٹرنگ افسران کو مکمل سپورٹ فراہم کریگی۔اجلاس میں ایڈیشنل ڈپٹی کمشنرز میاں رضوان نذیر،غلام مصطفیٰ،پی اے محمد اسد چانڈیہ،اسسٹنٹ کمشنر عثمان غنی،طارق شبیر،زاہد اقبال اور مانیٹرنگ افسران شریک تھے۔

ڈیرہ غازیخان،باغی ٹی وی(نامہ نگارشہزادخان)ڈسٹرکٹ بار انتخابات عارف گورمانی صدر ،محمد علی چنڑجنرل سیکرٹری،زاہد خاتون قریشی نائب صدر ،ریحان الحسن سیال جوائنٹ سیکرٹری،فیصل ندیم درانی لائبریری سیکرٹری منتخب

ڈسٹرکٹ بار ایسوسی ایشن ڈی جی خان کے سالانہ انتخابات2024-25، صدارت کے تین امیدوار وں کے درمیان کانٹے دار مقابلہ کے بعد کا نتیجہ سامنے آ گیا، عارف گورمانی 477ووٹ لے کر صدر ڈسٹرکٹ بار ڈی جی خان منتخب،مد مقابل امیدوارمحمد بلال گوپانگ نے 443 ووٹ حاصل کیے، چیئر مین الیکشن کمیشن محمد طالب خان داؤدی نے ممبران یاسر کھوسہ، رانا افلاطون،میاں فیاض احمد،آفتاب خان بلوچ کے ہمراہ نتائج کا اعلان کر تے ہو ئے بتایا کہ ڈسٹرکٹ بار ایسوسی ایشن ڈی جی خان کے سالانہ انتخابات2024-25 میں صدار ت کے امیدواروں کے درمیان پنجاب بار کونسل کی زیر نگرانی الیکشن کرایا گیا

جس میں عارف خان گورمانی477ووٹ لے کر صدر منتخب ہو گئے جبکہ ان کے مد مقابل امید وار محمد بلال گوپانگ نے 443ووٹ لے کر دوسرے نمبر پر رہے جبکہ امید وار برائے صدر خالد اقبال بھٹی نے39 ووٹ لے کر تیسرے نمبر پر رہے جبکہ جنرل سیکرٹری کی نشست پر محمد علی چنڑنے 643 اورانکے مدمقابل سید جہانگیر شاہ 309 ووٹ لے سکے نائب صدر کے عہدہ پرزاہد خاتون قریشی 665ووٹ لیکر کامیاب اور انکے مدمقابل ریاض حسین لُنڈ نے290 ووٹ لئے جبکہ بار کے جوائنٹ سیکرٹری کے عہدہ پر ریحان الحسن سیال 462 ووٹ لیکر کامیاب،انکے مدمقابل رانا غلام حیدر نے 447 ووٹ لے سکے لائبریری سیکرٹری کے عہدہ پر فیصل ندیم درانی ایڈووکیٹ 605 ووٹ لے کر کامیاب ان کے مد مقابل مفتی محمد طیب حنفی ایڈووکیٹ 339 ووٹ لے سکے

محمد طالب خان داؤدی ایڈووکیٹ نے مزید بتایا کہ فنانس سیکرٹری کے عہدہ پر باقر حسین اکبر،مجلس عاملہ کی دس سیٹوں پر نبی بخش رمدانی،عطاء اللہ برمانی، حیدر کفایت عباسی،اختر حسین احمدانی،راجہ سلیم اختر، رفیق احمد لُنڈ،جعفر حسین ببر،عبد الرؤف احمدانی، فرحت اللہ،محمد ذوالفقار پہلے ہی بلا مقابلہ منتخب ہو گئے رزلٹ کااعلان ہوتے ہی کامیاب امیدواروں کے حامیوں نے بھنگڑے ڈالے، پھولوں کے ہار پہنائے، ایک دوسرے کو مبارکباد دی اور مٹھائیاں کھلائیں

ڈ سٹرکٹ بار ایسوسی ایشن ڈیرہ غازیخان کے نئے عہدیداروں کے چناؤ کے لئے پولنگ صبح نو بجے سے شام پانچ بجے تک انتہائی پر امن ماحول میں مکمل ہو ئی نومنتخب صدر بار سردار عارف گورمانی نے خطاب کرتے ہوئے کہا کہ وکلاء کی فلاح وبہبود کے لئے دن رات ایک کردیں گے وکلاء کالونی اور ہائیکورٹ بنچ کاقیام،جونیئر وکلاء کے مسائل حل کرنا انکی ترجیحات میں شامل رہے گی بار اور بنچ کا کردار مثالی ہوگا۔