جام پور: دھند کے باعث،2بسوں میں تصادم ،6مسافرجاں بحق، متعدد زخمی
تفصیل کے مطابق ڈیرہ غازی خان سے راجن پور جانے والی شہزاد برادر اور کراچی سے واپس آنے والی گبول برادر بس کا جام پورکے قریب رسول پور کے علاقہ ماچھی والا کے مقام پر آمنے سامنے ٹکرا گئیں،
اس حادثہ میں 6مسافرجاں بحق ہونے کی اطلاعات ہیں جبکہ 35 سے زائد مسافرزخمی ہوئے ہیں جنہیں ریسکیو 1122کی ایمبولینسوں کے ذریعے ٹراما سنٹر جامپور میں منتقل کردیا گیا ہے
حادثہ میں زخمی ہونے والوں کی تفصیل دی گئی لسٹ میں ملاحظہ فرمائیں
ڈیرہ غازی خان(باغی ٹی وی)جمعیت علماء اسلام کے مرکزی مجلس شوریٰ کے رکن ملک فیض محمد ایڈووکیٹ، مولانا قاری جمال عبدالناصر ،عزیز بلوچ نے مشترکہ بیان میں کہا کہ اسلامی نظام کیلئے کتاب کا نشان عظمتوں کا نشان ہے، امیدوار نہیں پارٹی کے منشور پر ووٹ دیاجاتا ہے
حلقہ این اے 185سے عبدالسلام ناصر اور پی پی 288 سے پیر مدثر عرفان نقشبندی امیدوار ہیں ،لاکھوں علماء اور بزرگان دین کی دعائیں اور حمایت کتاب کے نشان کو حاصل ہے، خاتم الانبیاء صلی اللہ علیہ وسلم پر پہلی وحی کتاب پڑھنے کی تھی ،آج بھی ترقی کازینہ کتاب ہے، بڑے چھوٹے سب پاکستانی اگر ترقی یافتہ ملکوں کامقابلہ کرنا چاہتے ہیں تو پھر کتاب سے دوستی لگانی ہوگی
76 سالہ دور میں علماء اسمبلی میں رہے ایک پیسہ کی کرپشن آج تک کوئی حکمران ثابت نہیں کرسکا ،اسلام دشمن علماء پر بہتان تراشی توکرتے ہیں لیکن ملک دشمنی اور کرپشن ثابت نہیں کرپائے
ہم ڈیرہ غازیخان کی عوام سے اپیل کرتے ہیں 8 فروری کو کتاب کے نشان پر مہر ثبت کرکے نظام مصطفی کی بنیاد رکھیں
:ڈیرہ غازی خان، باغی ٹی وی (نیوز رپورٹرشاہد خان ) جنرل الیکشن2024 کی تیاریوں بارے اجلاس ڈسٹرکٹ ریٹرننگ آفیسر/ ڈپٹی کمشنر مہر شاہد زمان لک کی زیرصدارت منعقد ہوا۔اجلاس میں ضلع کے تمام مانیٹرنگ افسران نے شرکت کی۔جنرل الیکشن کیلئے تمام تر اقدامات کو فائنل کرنے کیلئے انتظامیہ الرٹ،عام انتخابات میں الیکشن کمیشن آف پاکستان کی ہدایات پر عمل درآمد یقینی بنانے کا فیصلہ،ضلع میں انتخابی جلسوں کیلئے جگہیں مختص کی جائیں گی۔
ڈسٹرکٹ ریٹرننگ آفیسر و ڈپٹی کمشنر مہر شاہد زمان لک نے کہا کہ حکومتی احکامات کی روشنی میں شفاف،پرامن الیکشن ہماری اولین ترجیح ہے،
مانیٹرنگ افسران الیکشن کوڈ آف کنڈکٹ پر عملدرآمد کو ممکن بنائینگے،ڈپٹی کمشنر نے کہا کہ الیکشن کمیشن آف پاکستان کی ہدایات کا بغور مطالعہ کیا اور باہمی تعاون کو فروغ دیا جائے،جنرل الیکشن سے قبل تمام معاملات کا جائزہ لیا جائے،انتخابات کی ایفکٹیو مانیٹرنگ پر کوئی کمپرومائز نہیں کیا جائیگا،
قانون وضوابط کے تحت الیکشن کے تمام تر معاملات حل کئے جائیں،شفاف انتخابات کیلئے منظم حکمت عملی پر عمل کیا جائے گا،مہر شاہد زمان لک نے کہا کہ ضابطہ اخلاق کی خلاف ورزی کرنے والوں سخت ایکشن لیا جائے گا،ضلعی انتظامیہ مانیٹرنگ افسران کو مکمل سپورٹ فراہم کریگی۔اجلاس میں ایڈیشنل ڈپٹی کمشنرز میاں رضوان نذیر،غلام مصطفیٰ،پی اے محمد اسد چانڈیہ،اسسٹنٹ کمشنر عثمان غنی،طارق شبیر،زاہد اقبال اور مانیٹرنگ افسران شریک تھے۔
ڈیرہ غازی خان، تھانہ چوٹی زیریں کے علاقے میں افسوس ناک واقعہ رونماء ہوا ہے جہاں پوتوں نے قبرستان میں جا کر اپنےدادا کی لاش نکالنے پر آگ لگانے کی کوشش کی
لیکن نزدیکی مسجد میں تبلیغی جماعت آئی ہوئی تھی انھوں نے دیکھ لیا جس پر انہوں نے علاقے کے لوگوں کو بلا کر لاش کی بے حرمتی اور آگ لگانے سے بچا لیا
اطلاع پرمقامی پولیس بھی موقع پر پہنچ گئی ملزمان موقع سے فرار ہو گئے پولیس نے سعیدولدفضل اورفاروق کے خلاف مقدمہ درج کر لیا لیکن ابھی تک ملزم گرفتار نہیں ہوسکے
ملزمان کی عدم گرفتار ی پر خون خرابے اور جانی نقصان کا خطرہ بھی پیدا ہوگیا ہے ،ملزم کی طرف سے دھمکی آمیز فون کال بھی کی گئی
آڈیو ملاحظہ فرمائیں
ڈیرہ غازیخان باغی ٹی وی( نیوز رپورٹرشاہد خان )ڈی پی او احمد محی الدین کی ہدایت پر سمگلنگ کی روک تھام کے لئے داخلی و خارجی راستوں پر سخت چیکنگ جاری،چیک پوسٹ غازی گھاٹ پولیس نے ہفتہ واری کاروائی میں لاکھوں روپے مالیت کے 8 عدد ٹائرز،246 کارٹن سگریٹ اور 3 بیگ شاپر کی سمگلنگ کی کوشش کو ناکام بنا دیا،جسے قانونی کارروائی کرنے کے بعد کسٹم حکام کے حوالے کر دیا گیا ہے
تفصیلات کے مطابق ڈی پی او احمد محی الدین کی ہدایت پر سمگلنگ کی روک تھام کے لئے ضلع بھر میں چیکنگ کا سلسلہ جاری ہے اسی چیکنگ کے سلسلہ چیک پوسٹ غازی گھاٹ پولیس نے ہفتہ واری کاروائی کرتے ہوئے لاکھوں روپے مالیت کے سمگل ہونے والے 8عدد ٹائرز،246 کارٹن سگریٹ اور 3 بیگ شاپر کو قبضہ میں لیکر کاروائی کے بعد کسٹم حکام کے حوالہ کر دیا گیا ہے۔
انچارج چیک پوسٹ غازی گھاٹ نے کہا ہے کہ نان کسٹم اشیا کی سمگلنگ کرنے والوں کے خلاف آہنی ہاتھوں سے نمٹا جائے گا۔نان کسٹم اشیا کی سمگلنگ کرنے والوں کے ساتھ کسی بھی قسم کی کوئی رعایت نہیں برتی جائے گی۔
مزید سیکورٹی کے پیش نظر چیک پوسٹ غازی گھاٹ پولیس نے چیکنگ کے سسٹم کو مربوط کیا ہوا ہے کسی بھی صورتحال سے نمٹنے کیلئے تمام تر وسائل بروئے کار لانے جارہے ہیں۔
ڈیرہ غازیخان،باغی ٹی وی(نامہ نگارشہزادخان)ڈسٹرکٹ بار انتخابات عارف گورمانی صدر ،محمد علی چنڑجنرل سیکرٹری،زاہد خاتون قریشی نائب صدر ،ریحان الحسن سیال جوائنٹ سیکرٹری،فیصل ندیم درانی لائبریری سیکرٹری منتخب
ڈسٹرکٹ بار ایسوسی ایشن ڈی جی خان کے سالانہ انتخابات2024-25، صدارت کے تین امیدوار وں کے درمیان کانٹے دار مقابلہ کے بعد کا نتیجہ سامنے آ گیا، عارف گورمانی 477ووٹ لے کر صدر ڈسٹرکٹ بار ڈی جی خان منتخب،مد مقابل امیدوارمحمد بلال گوپانگ نے 443 ووٹ حاصل کیے، چیئر مین الیکشن کمیشن محمد طالب خان داؤدی نے ممبران یاسر کھوسہ، رانا افلاطون،میاں فیاض احمد،آفتاب خان بلوچ کے ہمراہ نتائج کا اعلان کر تے ہو ئے بتایا کہ ڈسٹرکٹ بار ایسوسی ایشن ڈی جی خان کے سالانہ انتخابات2024-25 میں صدار ت کے امیدواروں کے درمیان پنجاب بار کونسل کی زیر نگرانی الیکشن کرایا گیا
جس میں عارف خان گورمانی477ووٹ لے کر صدر منتخب ہو گئے جبکہ ان کے مد مقابل امید وار محمد بلال گوپانگ نے 443ووٹ لے کر دوسرے نمبر پر رہے جبکہ امید وار برائے صدر خالد اقبال بھٹی نے39 ووٹ لے کر تیسرے نمبر پر رہے جبکہ جنرل سیکرٹری کی نشست پر محمد علی چنڑنے 643 اورانکے مدمقابل سید جہانگیر شاہ 309 ووٹ لے سکے نائب صدر کے عہدہ پرزاہد خاتون قریشی 665ووٹ لیکر کامیاب اور انکے مدمقابل ریاض حسین لُنڈ نے290 ووٹ لئے جبکہ بار کے جوائنٹ سیکرٹری کے عہدہ پر ریحان الحسن سیال 462 ووٹ لیکر کامیاب،انکے مدمقابل رانا غلام حیدر نے 447 ووٹ لے سکے لائبریری سیکرٹری کے عہدہ پر فیصل ندیم درانی ایڈووکیٹ 605 ووٹ لے کر کامیاب ان کے مد مقابل مفتی محمد طیب حنفی ایڈووکیٹ 339 ووٹ لے سکے
محمد طالب خان داؤدی ایڈووکیٹ نے مزید بتایا کہ فنانس سیکرٹری کے عہدہ پر باقر حسین اکبر،مجلس عاملہ کی دس سیٹوں پر نبی بخش رمدانی،عطاء اللہ برمانی، حیدر کفایت عباسی،اختر حسین احمدانی،راجہ سلیم اختر، رفیق احمد لُنڈ،جعفر حسین ببر،عبد الرؤف احمدانی، فرحت اللہ،محمد ذوالفقار پہلے ہی بلا مقابلہ منتخب ہو گئے رزلٹ کااعلان ہوتے ہی کامیاب امیدواروں کے حامیوں نے بھنگڑے ڈالے، پھولوں کے ہار پہنائے، ایک دوسرے کو مبارکباد دی اور مٹھائیاں کھلائیں
ڈ سٹرکٹ بار ایسوسی ایشن ڈیرہ غازیخان کے نئے عہدیداروں کے چناؤ کے لئے پولنگ صبح نو بجے سے شام پانچ بجے تک انتہائی پر امن ماحول میں مکمل ہو ئی نومنتخب صدر بار سردار عارف گورمانی نے خطاب کرتے ہوئے کہا کہ وکلاء کی فلاح وبہبود کے لئے دن رات ایک کردیں گے وکلاء کالونی اور ہائیکورٹ بنچ کاقیام،جونیئر وکلاء کے مسائل حل کرنا انکی ترجیحات میں شامل رہے گی بار اور بنچ کا کردار مثالی ہوگا۔
ڈیرہ غازی خان(باغی ٹی وی)گذشتہ ادوار میں علاقہ کے حقوق کا سودا کرنیوالے چہروں کو عوام پہچانیں۔منتخب ہو کر علاقے کی پسماندگی کی آواز اسمبلی میں اٹھاؤں گا۔ان خیالات کا اظہار صوبائی حلقہ 289 کے امیدوار "میری ترجیحات عوام کی سہولیات” اور "میری ترجیحات ہمارا پاکستان” کی ویژنری شخصیت عابد یحیی خان بابر نے جاری کردہ پریس ریلیز میں کیا
انہوں نے کہا کہ ماضی سے لیکر آج تک اسمبلیوں میں جانیوالوں نے ذاتی مفادات کے عوض ضلع ڈیرہ غازی خان کی عوام کے حقوق کا ہمیشہ سے سودا کیا ہے، یہاں برطانیہ نواز سمیت سرمایہ داروں سے ہمیشہ سے ملک کی صوبائی اسمبلی اور قومی اسمبلی پر مسلط ہونیوالوں کا ساتھ دیکر اسمبلیوں میں پہنچنے میں کامیاب ہوئے ہیں اور عوامی فلاح پر ذاتی مفادات کو ترجیح دیتے رہے ہیں
انہوں نے کہا کہ منتخب ہو کر عام اور پسماندہ عوام کی فلاح کا مقدمہ اسمبلی میں لڑوں گا ،ووٹ ایک امانت ہے اور اس میں خیانت کرنیوالوں کو شکست ہی عوام کی حقیقی فتح ہو گی ،عوام ان روائتی سیاستدانوں سے خوب واقف ہیں تاہم بنیوں کی مزید پہچان کرنا ان کا فرض ہے۔
ڈیرہ غازیخان ،باغی ٹی وی کے 12 برس مکمل ہونے پر باغی ٹی وی ٹیم نے سینئر صحافی و اینکر پرسن سی ای او باغی ٹی وی مبشر لقمان اور ایڈیٹرباغی ٹی وی ممتازحیدراعوان اورانچارج نمائندگان ڈاکٹرغلام مصطفیٰ بڈانی سمیت پوری ٹیم کو مبارکباد دی اور نیک خواہشات کا اظہار کیا،
ڈیرہ غازیخان میں باغی ٹی وی کی سالگرہ کا کیک کاٹنے کی پروقاراورسادہ سی تقریب پریس کلب ڈی جی خان میں منعقد کی گئی،کیک کاٹنے کی تقریب کااہتمام باغی ٹی وی کے نمائندگان کیا ،اس تقریب میں ڈیرہ غازیخان کے سینئرصحافیوں منظورخان لغاری نائب صدرانجمن صحافیان پریس کلب ڈویژنل صدر پی آئی ایم سی اور بیوروچیف روزنامہ مرکزاسلام آباد،سینئرصحافی چوہدری شکیل احمدنائب صدرپریس کلب ڈی جی خان،نائب صدر پی آئی ایم سی جنوبی پنجاب وبیوروچیف روزنامہ آغازسفرملتان،شمیم احمدپیراماؤنٹ نیوزایجنسی،محمداشرف،نمائندگان باغی ٹی وی شاہدخان،جواداکبربھٹی،شہزادخان یوسفزئی،شاہدعمران ودیگرنے شرکت کی .
انچارج نمائندگان باغی ٹی وی ڈاکٹرغلا م مصطفیٰ بڈانی جوکہ پریس کلب ڈی جی خان کے الیکٹرانک میڈیا کے سینئرنائب صدراور پی آئی ایم سی کے ضلعی صدرہیں کی موجودگی میں باغی ٹی وی کے تمام نمائندوں اور سینئرصحافیوں نے مل کر کیک کاٹا –
سینئرصٍحافی منظورخان لغاری اور چوہدری شکیل احمدنے کہا کہ ہم باغی ٹی وی کے سی ای او مبشرلقمان اور ان کی پوری ٹیم کی جرات مندانہ صحافت کرنے اور معاشرے میں پائی جانے والی کرپشن ، جہالت ، ظلم اور زیادتی کے خلاف جدوجہدکی اورمعاشرتی برائیوں کے خاتمے کے لیے آوازبلند کی حق و سچ ، مظلوم کی مدد اوردنیا سے جہالت ختم کرنےکے لیے اپنا بھرپورکردار ادا کیا .
ڈیرہ غازیخان،باغی ٹی وی (نامہ نگارشہزادخان) غیرقانونی آئل ایجنسیوں کے خلاف کارروائیاں جاری،حکومت پنجاب کے احکامات کی روشنی میں ڈپٹی کمشنر مہر شاہد ز مان لک کی زیر نگرانی ڈیرہ غازی خان میں غیرقانونی آئل ایجنسیوں کے خلاف کارروائیاں جاری ہیں.
اس حوالے سے سول ڈیفنس آفیسر ڈیرہ غازیخان ربنواز اور چیف انسٹرکٹر عمران مہدی نے تھانہ صدر کی حدود میں غیر قانونی آئل ایجنسی کو ڈسپنسری یونٹ سمیت ضبط کرکے دکاندار کیخلاف اندراج مقدمہ کیلئے استغاثہ بھی جمع کرا دیا ہے.
ڈیرہ غازیخان،باغی ٹی وی(نامہ نگار)جماعت اسلامی کی خدمات کسی سے ڈھکی چھپی نہیں،غریب عوام کے ہر دکھ درد میں اس کا نمائندہ شریک ہوتا ہے،اپوزیشن میں بھی راہ کر عوامی خدمت سےپیچھے نہیں ہوتی،واحدبخش مخلص۔
امیدوارحلقہ پی پی 291واحدبخش مخلص نےاپنےایک بیان میں کہاہے کہ پاکستان کی واحدسیاسی جماعت ہے جوبغیرکسی لالچ کےغریب لوگوں کی خدمت کرتی ہے،انہوں نے کہادیگرجماعتوں کےنمائندےصرف الیکشن والےدن حاضرہوتےہیں اور غریب سادہ لوعوام کو سبزباغ دکھا کر ان کے قیمتی ووٹ ہتھیاکررفو چکرہوجاتےہیں مگرپھر پانچ سال بعد دوبار ان کی آمد کا سلسلا شروع ہوجاتاہے۔مگرواحدجماعت ہے جماعت اسلامی جوہروقت غریب عوام کی فکرمیں رہتی ہے،
انہوں نےکہاہماری جماعت یہ سب اللّه پاک کی رضاکیلےہی کرتی ہے،انہوں نےکہاہماراراستہ سنت رسول ﷺ کا راستہ ہےہماری خدمت صرف اللّه اور اس کےرسول ﷺ کیلےہی ہےانہوں نےکہاآج اگرتم لوگ اپنےووٹ کا صحیح استمعال کروگےتوآنےوالےدنوں میں پچھتانانہیں پڑےگااگراس باربھی مداری لوگوں کو کامیاب کراؤگےتو شایدپھر کبھی موقع نہ ملےاپنی نسل کو سدھارنےکامیرا آپ سب کو ایک ہی پیغام ہے کہ اپنے ووٹ کو صحیح استعمال کرو۔
فلڈکےدن یاد کروجب فصلیں تباہ ہوگئی تھیں،گھرمنہدم ہوگئےتھےہماری مائیں بہنیں اور بیٹےبیٹیاں بے گھر ہوکردربدر تھیں اس وقت کون سی جماعت کانمائندہ تھاجس نےاپنےبھائیوں،ماؤں اوربہنوں کی خاطرگہرے پانی کو عبور کرکےراشن خیمےاور دیگرضروریات زندگی کی چیزیں پہنچائیں تھی،
جب کھاد کا بحران تھا،جب پانی کی بندش تھی،کون تھاتمہارےدرمیان،اس وقت کوئی ووٹ نہیں تھےکوئی الیکشن کااعلان نہیں ہواتھامگر یہ سب اللہ کی رضا کیلئےتھا
آج آپ بھی اپنا فرض نبھائیں اورہمدردجماعت کےنمائندوں کومنتخب کریں تاکہ تم عزت سے رہ سکو۔8فروری احتساب کا دن ہے اپنی قیمتی مہرترازو پر لگاکراپنی نسل کو اندهیرےمیں رکھنےوالوں کوہمیشہ ہمیشہ کیلئے آؤٹ کردوتاکہ تمہاری ہماری نسل ایک باشعوربنےنہ کےڈاکو اور رہزن۔اس لیئےاچھےکا انتخاب ہی ہماری کامیابی ہے۔