Category: ڈیرہ غازی خان

باغی ٹی وی :ڈیرہ۔غازیخان(نامہ نگار) علاقہ تھانہ صدر میں دو فریقین کے مابین زمین کے تنازع پر تصادم، فائرنگ سے ایک شخص جانبحق جبکہ تین افراد کے زخمی ہونے کی اطلاع ابتدائی اطلاع کے مطابق کھلول برادری میں زمینی تنازع تھا۔زمینی تنازع کی وجہ سے کھلول برادری میں دوران جھگڑا فائرنگ سے ایک شخص جانبحق جبکہ تین کس اشخاص کے زخمی ہونے کی اطلاع۔ڈی ایس پی سرکل سٹی منور بزدار، اور ایس ایچ او تھانہ صدر سمیت پولیس کی نفری موقع پر پہنچ گئی۔زخمیوں کو ہسپتال منتقل کر دیا گیا ہے۔پولیس تھانہ صدر قانون کے مطابق قانونی کاروائی عمل میں لا رہی ہے۔انصاف کے تقاضے پورے کرتے ہوئے ذمہ داران کے خلاف سخت قانونی کاروائی عمل میں لائی جا رہی ہے۔

باغی ٹی وی : دراہمہ (نامہ نگار) گن پوائنٹ پر گھر سے لاکھوں روپے اور طلائی زیورات کی ڈکتی .ڈی پی او ڈیرہ غازیخان موقع پر پہنچ گئے
تفصیل کے مطابق ڈی پی او محمد علی وسیم نے علاقہ تھانہ دراہمہ میں غلام فرید کے گھر ہونے والی ڈکیتی کے حوالے سے موقع واردات کا وزٹ کر کے ملزمان کو جلد از جلد گرفتار کرنے کے احکامات جاری کئے۔پولیس کو غلام فرید ولد ممدو نے بتایا کہ 6/7 کس نامعلوم اشخاص آئے اور اس کے گھر سے لاکھوں روپے اور طلائی زیورات اٹھا کر لے گئے۔اطلاع ملتے ہی تھانہ دراہمہ پولیس نے موقع پر پہنچ کر کاروائی شروع کر دی۔اطلاع دہندہ غلام فرید کی درخواست پر پولیس نے مقدمہ درج کر دیا گیا ہے۔ڈی پی او نے خود جائے واردات کا وزٹ کیا اور ملزمان کی گرفتاری کے لئے سپیشل ٹیم تشکیل دے دی ہے۔تمام تر معاملات کی چھان بین کی جارہی ہے اور ملزمان کو جلد قانون کے کٹہرے میں لایا جائے گا۔واقعہ میں ملوث ملزمان کو جلد گرفتار کر کے قانون کے تحت سزا کے دلوائی جائے گی۔

باغی ٹی وی ،ڈیرہ غازیخان (شہزاد خان نامہ نگار)غازی خان میڈیکل کالج ، ڈاکٹرز اور کلرک کا معاملہ ، کلاسسز کو بند کرکے تالے لگانا انتہائی شرمناک عمل ہے سپریٹنڈنٹ ٹیچنگ ہسپتال ضیاءاللہ نے صلح کی بجائے جلتی پر تیل چھڑک کر معاملے کو بڑھا دیا ، ملازمین سے ڈاکٹروں کے خلاف نعرے لگوا کر استعمال کیا سپریٹنڈنٹ کی سیکرٹریٹ رپورٹ تک احتجاج جاری رہے گا اگر دو دن کے اندر عمل درآمد نہ کیا گیا تو ہم اپنا اگلا لا ئے عمل دیں گے یہ بات ینگ ڈاکٹرز ایسوسی ایشن کے صدر ڈاکٹر شہزاد آغا ،پاکستان میڈیکل ایسوسی ایشن کے صدر ڈاکٹر شکیل احمد لغاری ،ڈاکٹر آصف گورمانی، ڈاکٹر عبد المنان ، ڈاکٹر عبد الرحمن عامر قیصرانی نے دیگر ڈاکٹر کے ہمراہ پریس کانفرنس کرتے ہوئے کہی انہوں نے کہا کہ میڈیکل کالج کے کلرک ظفر سے ڈاکٹرز کی معمولی توں تکرار ہوئی جس کی اسی وقت صلح ہو سکتی تھی لیکن ٹیچنگ ہسپتال کے سپریٹنڈنٹ ضیاءاللہ نے کلرکس و دیگر ملازمین کو ڈاکٹروں کے خلاف اکسایا نعرے بازی کرائی اور ملازمین کو ڈاکٹرز کے خلاف اکساتا رہا کلاس روم کو تالے لگا کر اس میں ایلفی ڈلوا دی اور پرائیویٹ گاڈز کے ذریعے سٹوڈنٹس کو باہر نکالتے رہے ڈاکٹر شہزاد آغا نے کہا کہ سپریٹنڈنٹ ضیاءاللہ ایک کرپٹ ترین شخص ہے اس کے خلاف انٹی کرپشن میں کیس چل رہے ہیں اس نے ڈاکٹرز کالونی کا ملبہ اونے پونے داموں میں فروخت کرکے لاکھوں کھرے کیئے چلڈرن وارڈ کا ملبہ اپنے گھر لے گیا اور درجنوں جعلی ڈیلی ویجز ملازمین بھرتی کرکے ہر ماہ لاکھوں روپے ہڑپ کررہا ہے نجی کلینکل لیب پر اس کے شیئر تھے بے تحاشا عوامی شکایات کے بعد اسے بند کرا دیا گیا جو ہر ماہ لاکھوں روپے کے فرضی بل ہسپتال سے کَلیم کرتے تھے،ہسپتال میں کام کرنے والے ملازمین کے سروس کارڈ گلے میں نہ ہونے پر ان کی تنخواہیں کاٹی جا رہی ہیں میڈیکل کالج اور ٹیچنگ ہسپتال کی ایڈمنسٹریشن فوری طور پر اس معاملے کی انکوائری کراکے معاملے کو حل کرائیں ، ہسپتا ل کا ماحول خراب کرنے والے ایسے عناصر کی کوئی جگہ نہیں سپریٹنڈنٹ کی بر طرفی تک ہمارا احتجاج جاری رہے گا ۔

باغی ٹی وی ِ ڈیرہ غازیخان ( نامہ نگار) شہریوں کا کہنا تھا انٹی کرپشن دفتر میں کی جانے والی کھلی کچہری میں ایک ڈرامہ رچایا جاتاہے۔ کھلی کچہری میں چند منظور نظر افراد کو پکڑ کر بیٹھا دیا جاتا ہے۔ شہری تو دور کی بات یہاں تک کہ میڈیا نمائندوں کو بھی اطلاع نہیں دی جاتی ہے .
تفصیل کے مطابق ڈیرہ غازیخان میں ریجنل ڈائریکٹر اینٹی کرپشن دفتر میں کھلی کچہری کاانعقاد، 95%فیصد شکایات پٹواری اور تحصیلدار کے خلاف نکلیں،ریجنل ڈائریکٹر نے عوامی شکایات پر موقع پر ہی احکامات جاری کئے شہریوں کا کہنا تھا انٹی کرپشن دفتر میں کی جانے والی کھلی کچہری میں ایک ڈرامہ رچایا جاتاہے۔ کھلی کچہری میں چند منظور نظر افراد کو پکڑ کر بیٹھا دیا جاتا ہے۔ شہری تو دور کی بات یہاں تک کہ میڈیا نمائندوں کو بھی اطلاع نہیں دی جاتی ہے ۔عوامی مسائل کی شنوائی بند کمروں کے بجائے کھلی کچہری میں زیادہ موثر ثابت ہوسکتی ہے،ہرماہ بروز منگل عوامی شکایات کے موقع پر حل کیلئے کھلی کچہری کاانعقاد کیاجائیگا،جن لوگوں کو افسران کے دفتر میں نہ ملنے کی شکایات ہیں وہ کھلی کچہری میں تشریف لائیں شنوائی ہوگی۔کرپشن پر زیرو ٹالرینس ہے ہر آفیسر کو کرپشن کے خاتمہ میں اپنا کردار ادا کرناہوگا۔یہ بات ریجنل ڈائریکٹر اینٹی کرپشن ڈی جی خان سید احمدحبیب عرفانی نے اپنے دفتر کے باہر منعقدہ کھلی کچہری میں عوامی شکایات سننے کے موقع پر میڈیاسے گفتگو کرتے ہوئے کیا۔ ان کے ہمراہ اسسٹنٹ ڈائریکٹر پراسیکیوشن اینڈ کمپلینٹس اعجازحیدر خان بھی موجود تھے جبکہ محکمہ جاتی معاونت کیلئے محمدبہزاد صادق ریڈر RD۔عرفان غنی ریڈر ADC اور رانا عزیر ریڈر ADDبھی موجود تھے۔ کھلی کچہری میں روہیلانوالی کے محمد جمیل سعیدی نے شکایت کی کہ مجھ سے پٹواری طارق بھٹی وغیرہ نے انتقال فیس کی مد میں 1لاکھ 27ہزار روپے وصول کئے جبکہ سرکاری خزانہ میں صرف 18000ہزار روپے جمع کرائے، کوٹلہ سکھانی کے اللہ بخش نے کہاکہ میں نے ڈپٹی کمشنر کو درخواست دی تھی کہ میرے رقبہ کے معاملہ میں پٹواری نے درست تقسیم نہیں کی جس کی شنوائی نہیں ہورہی،بیٹ کرم حسین کے جاوید اقبال نے کہاکہ میں اپنے مقدمہ نمبر1969/22کے سلسلہ میں تین ماہ سے ہر آفیسر کے پاس چکر لگارہاہوں میری کوئی نہیں سن رہا،بلاک 55ڈی جی خان کی خدیجہ بی بی نے کہاکہ میرا اڑھائی مرلہ کامکان تھاجسے پٹواری اور تحصیلدار نے ایک شخص ملازم حسین سے ساز باز کرکے میری جگہ جعلی عور ت پیش کرکے مکان اپنے نام کرالیا،چھابری بالا کے ریاض حسین ولد احمد بخش نے کہاکہ میرے رقبہ کی تقسیم کا معاملہ ہے تحصیلدار کے پاس تین ماہ سے چکرلگارہاہوں سنتاہی نہیں میرے ساتھ انصاف کرتے ہوئے فوری معاملہ حل کرایاجائے۔ ان تمام شکایات پر ریجنل ڈائریکٹرسید احمدحبیب عرفانی نے موقع پر ہی متعلقہ افسران کو سائلان کے مسائل کے حل کے احکامات جاری کردیے۔جبکہ دوسری جانب شہریوں کا کہنا تھا کہ انٹی کرپشن دفتر میں کی جانے والی کھلی کچہری میں ایک ڈرامہ رچایا جاتاہے۔ کھلی کچہری میں چند منظور نظر افراد کو پکڑ کر بیٹھا دیا جاتا ہے۔ شہری تو دور کی بات یہاں تک کہ میڈیا نمائندوں کو بھی اطلاع نہیں دی جاتی ہے۔ کھلی کچہری کی مد میں ہزاروں روپے کے اخراجات کے بل بنتے ہیں مگر رزلٹ نہ ہونے کے برابر ملتا ہے۔ انہوں نے ڈائریکٹر جنرل انٹی کرپشن پنجاب سے مطالبہ کیا ہے کہ وہ ریجنل ڈائریکٹر انٹی کرپشن ڈیرہ کو ہدایت جاری کریں کہ عوام الناس کے مسائل کے حل کے لئے کی جانے والی کھلی کچہری کے حوالے سے ضلع بھر میں بینرز آویزاں کرایا کریں۔ تاکہ پریشان حال سائلین اپنی دادرسی کے لئے شکایات درج کرا سکیں۔ اور کھلی کچہری کے مثبت ثمرات عوام تک پہنچ سکیں۔ دوسری جانب ریجنل ڈائریکٹر سید احمد حبیب عرفانی سے صحافیوں نے اطلاع نہ کرنے اور عوام کی عدم دلچسپی اور خالی کرسیوں بارے بات کی تو ڈائریکٹر انٹی کرپشن نے اپنی غلطی تسلیم کی اور کہا کہ آئندہ کھلی کچہری بابت بینیرز بھی آویزاں کرائیں گے اور میڈیا نمائندوں کو بھی دعوت دی جائے گی۔

باغی ٹی وی : ڈیرہ غازیخان (شہزادخان نامہ نگار) ڈی جی خان میں کمشنر کی تمام تر توجہ صرف امراء کیلئے جم خانہ کی ترقی پر مرکوز، غریب رل گئے۔کمشنرڈپٹی کمشنر کی غریبوں کیلئے عدم دلچسپی، 40گرام کی پاپڑ جیسی روٹی 10روپے میں دھڑلے سے فروخت، اکثر تندور مالکان سرکاری ریٹ والا آٹا خرید کر روٹی لگارہے ہیں لیکن روٹی مہنگی فروخت کررہے ہیں، ایک شخص کوپیٹ بھرنے کیلئے ایسی روٹی کم از کم 10کی تعداد میں چاہیے، عوام کا کوئی پرسان حال نہیں، تندور مالکان آٹا مہنگا کی آڑ میں مہنگی اور کم وزن روٹی فروخت کررہے ہیں۔ تندور مالکان کو لگام دی جائے۔ تفصیل کے مطابق شہر ڈیرہ غازیخان میں بالخصوص گھنٹہ گھر بازاراور شہر کے دیگر حصوں میں تندور مالکان 10روپے میں آٹے کی 40گرام کی روٹی فروخت کررہے ہیں جبکہ اگر روٹی لی جائے تو اس کا وزن اس سے بھی کم ہے، عوامی سماجی حلقوں نے کمشنر ڈیرہ غازیخان اور ڈپٹی کمشنر ڈیرہ غازیخان سے مطالبہ کیاہے کہ وہ فی الفور تندور مالکان کے خلاف کاروائی کرتے ہوئے انہیں سرکاری ریٹ اور وزن کے مطابق روٹی فروخت کرنے کا پابند کریں۔

باغی ٹی وی : ڈیرہ غازیخان (شہزادخان ،نامہ نگار) چیف آفیسر میونسپل کارپوریشن ڈیرہ کی نا اہلی شہر بھر سیوریج مین ہولز کے ڈھکنے گزشتہ تین ماہ سے غائب گزشتہ روز مین ہول میں گرکر ایک بچہ امیر حمزہ جان بحق ہوگیا جبکہ ایک طالب علم زخمی، چیف آفیسر میونسپل کارپوریشن جواد گوندل نے اپنی نااہلی چھپاتے ہوئے اس واقعہ کو بچے کی غلطی قراردے دیا بچہ سڑک پر نا آتا تو وقوعہ نہ ہوتا جواد گوندل کی منطق یہ بھی معلوم ہوا ہے کہ سی او جواد گوندل کی سابق تعیناتی کے دوران میں ہولز کے ڈھکنوں بارے کہا گیا تھا لیکن انہوں نے یہ کہہ کر بات ٹال دی کہ ابھی اس کی ضرورت نہیں شہریوں کے مطابق چیف آفیسر نے کہا کہ اس بارے میں حنیف خان پتافی سے اجازت لوں گا اس وقت شہر میں زیادہ تر کھلے مین ہولز شہریوں کو موت کی دعوت دے رہے ہیں لیکن اس بارے چیف آفیسر جواد گوندل لاپرواہی کا مظاہرہ کرتے ہوئے شہریوں کے مسائل کھڑے کررہے ہیں جواد گوندل کو ایم پی اے حنیف خان پتافی اور کمشنر ڈیرہ کی خوشامد سے وقت ملتا ہے اور نہ ہی وہ عوامی مسائل پر توجہ دے رہے ہیں میونسپل کارپوریشن کے ذمہ داروں کی مجرمانہ غفلت کے باعث جن ماں باپ کا لخت جگر ابدی نیند سوگیا ان کا کیا قصور تھا شہریوں نے کہا کہ اس وقت جواد گوندل کی ساری توجہ ڈیزل اور مشینری مرمت کی مد میں میگا کرپشن کرنا رہ گیا ہے لوگ مرتے ہیں تو مرنے دو یہ بھی معلوم ہوا ہے کہ سرکاری مشینری کے ڈیزل کی مد میں ہر ماہ 15 لاکھ روپے سے زائد کی بدعنوانی کی جارہی ہے ٹریکٹر،پیٹر انجن،سکرمشینوں،کیبل مشین اور دیگر مشینری کے ڈیزل میں بڑے پیمانے پر گھپلوں کا بھی انکشاف ہوا ہے سیوریج کی بندش کے باعث نکاسی آب کے لیئے لگائے جانے والے ایک پیٹر انجن کے ڈیزل کا ماہانہ مبینہ طور پر ایک لاکھ روپے سے زائد کا بل بنایا جاتاہے جبکہ اس وقت ڈیرہ سٹی میں سیوریج سسٹم کو بحال رکھنے کے لیئے 21 پیٹر انجن لگے ہوئے ہیں اور اوسطاً ہر ماہ 25 لاکھ روپے سے زائد کی رقم وصول کی جاتی ہے انتہائی باوثوق ذرائع کے مطابق میونسپل کارپوریشن ڈیرہ آفس میں بیٹھے بیشتر افسران ہر دوسرے دن دس لیٹر ڈیزل کی پرچی کاٹ کرمختلف مدوں میں درج کر کے پیسے ہڑپ رہے ہیں اور چیف آفیسر جواد گوندل مبینہ اس بد عنوانی کی پشت پناہی کرتے ہیں شہریوں کے مطابق جواد گوندل اپنے فرائض منصبی بھول کر کبھی ایم پی اے حنیف خان پتافی اور کبھی کمشنر کے آگے پیچھے پھرتے دکھائی دیتے ہیں یہ بھی معلوم ہوا ہے کہ نا اہل اور کرپٹ چیف آفیسر کو شہریوں پر مسلط کرنے والے ایم پی اے سٹی اور کمشنر لیاقت چٹھہ کے لیئے گزشتہ روز میں ہول میں گرکربچے کی ہلاکت کسی المیہ سے کم نہیں اگر ڈیرہ لیاقت چھٹہ نے کروڑوں روپے جمخانہ پر لگانے کے ساتھ آٹھ دس لاکھ مین ہولز کے ڈھکنوں پر خرچ کیئے ہوتے تو بچے کے جانبق ہونے کا واقعہ پیش نہ آتا اس واقعہ میں جتنا چیف آفیسر جواد گوندل ذمہ دار ہیں اس سے زیادہ کمشنر ذمہ دار ہیں انتہائی باوثوق ذرائع کے مطابق میونسپل کارپوریشن ڈیرہ میں ویسٹ منیجمنٹ کمپنی کے علاؤہ تنخواہ لسٹ میں لگ بھگ پانچ سو سے زائد ملازمین موجود ہیں جو میونسپل کارپوریشن کے مختلف شعبہ جات میں باقائدہ ہر ماہ لاکھوں نہیں بلکہ کروڑوں روپے تنخواہیں وصول کرتے ہیں لیکن ڈیوٹی پر صرف 100 دوسو ملازم کام کرتے دکھائی دیتے ہیں جبکہ دیگر ملازمین افسران کو تنخواہ کا ایک تہائی حصہ بطور رشوت دیکر اپنے ذاتی کاروبار کررہے ہیں جبکہ متعدد پکے ملازمین محنت مزدوری کے لیے خلیجی ممالک محنت مزدوری کے لیے مقیم ہیں محکمہ میونسپل کارپوریشن کرپٹ افسران کے لیئے سونے کی چڑیا بن چکا ہے یہی وجہ ہے کہ میونسپل کارپوریشن کے درجہ چہارم کے بعض ملازمین 30 لاکھ روپے مالیت کی گاڑی پر سوار ہوکر ڈیوٹی کرنے آتے ہیں تو چیف آفیسر بارے بھی بخوبی اندازہ لگایا جاسکتا ہے اس وقت میونسپل کارپوریشن کے ہر ایک شعبہ جات میں کرپٹ افسر تعینات ہیں اور ماہانہ لاکھوں کی کرپشن اور بد عنوانی میں مبینہ طور پر ملوث ہیں جس یہ بات واضع ہوتی ہے کہ ڈسٹرکٹ ڈیرہ کے متعلقہ ارباب اختیار نے ڈھونڈ ڈھونڈ کر کرپشن کنگ چیف آفیسر میونسپل کارپوریشن ڈیرہ جواد گوندل کو ڈیرہ میں تعینات کرایا ہے جس کے باعث ضلع میں سب سے زیادہ انکم والا محکمہ اسوقت پوری طرح سے دیوالیہ ہوچکاہے اگر صرف ڈیزل کے خورد برد کا اندازہ لگایا جائے تو سالانہ کروڑوں روپے کرپشن کی نظر ہوجاتے ہیں جو اعلی ضلعی اور صوبائی با اختیار اتھارٹی کے لیئے لمحہ فکریہ ہے اسی لیئے شہریوں نے وزیر اعلی پنجاب چوہدری پرویز الٰہی اور سکریٹری بلدیات پنجا ب سے مطالبہ کیاہے کہ کرپشن کے بے تاج بادشاہ جواد گوندل کو معطل کرکے اس کے خلاف سخت سے سخت قانونی کارروائی عمل میں لائی جائے