Category: ڈیرہ غازی خان

شاہصدردین ۔ پیرعادل میں ڈکیتی،ڈاکوؤں کی فائرنگ سے راہگیر 2 بیٹیوں سمیت زخمی، ڈاکو گرفتار
باغی ٹی وی (شاہدعمران گاڈی کی رپورٹ)ڈیرہ غازی خان کے علاقہ پیر عادل پیرن پر ہار پکی علاقہ تھانہ شاہ صدر دین پر موٹر سائیکل ڈکیتی کی واردات تین مسلح ڈاکوؤں نے عباس لاشاری سے موٹرسائیکل چھین لیا اور چک جھنگیل کی جانب فرار ہو گئے تاہم ایس ڈی پی او صدر سرکل سید اعجاز بخاری پولیس تھانہ کوٹ مبارک اور پولیس تھانہ شاہ صدر دین نے ڈاکوؤں کا تعاقب کیا پولیس کے نزدیک آنے پر ڈاکوؤں نے فائرنگ کردی جس کے نتیجے میں راہگیر مرید حسین ولد محمد رمضان پولی اور اس کی دو بیٹیاں زخمی ہوگئیں پولیس نے ڈاکوؤں کو گرفتار کرکے نامعلوم مقام پر منتقل کر دیا جبکہ زخمیوں کو ٹیچنگ ہسپتال ڈیرہ غازی خان منتقل کر دیا گیا ہے .عوام کی جانب سے سوال اٹھایا جارہا ہے کہ پولیس نے ابتک گرفتار ہونے والے ڈکیتوں کی شناخت کیوں چھپائی ہوئی ہے کہیں ان ڈکیتوں کو کسی بڑی شخصیت کی سرپرستی تو حاصل نہیں ہے.؟

ڈیرہ غازی خان شہر میں غنڈہ راج،اسلحہ کے زور پر پی ٹی آئی سیکرٹریٹ کے سامنے مین روڈ بند،گرفتار کئے گئے اسلحہ بردار فوراََِ رہاکردیاگیا.
باغی ٹی وی رپورٹِ. ڈیرہ غازی خان شہر میں غنڈہ راج ایم پی اے حنیف خان پتافی کے دفتر کے سامنے اکرم حجانہ نامی شخص کا درجن بھر مسلح افراد کے ہمراہ روڈ بلاک کر کے خوف و ہراس پھیلا دیا شہریوں کے 15 پر کال کرنے پر پولیس نے اکرم حجانہ کو مسلح ساتھیوں سمیت حراست میں لے لیا اکرم حجانہ اینٹی کرپشن کو مطلوب ہونے کے باوجود رہا شہریوں کا آئی جی پنجاب سے ذمہ دارن کیخلاف کارروائی کا مطالبہ تفصیل کے مطابق گزشتہ روز اکرم حجانہ نامی شخص نے مجرمانہ انداز میں مسلح افراد کے ہمراہ شہر میں انٹری ڈالی شہر کے گنجان آباد علاقہ میں مین روڈ پر گاڑیاں کھڑی کر کے روڈ بلاک کر دیا اور مسلح افراد کے ہمراہ خوف و ہراس پھیلایا شہریوں کی طرف 15 پر کال کر کے پولیس کو آگاہ کیا گیا پولیس نے اکرم حجانہ کو مسلح افراد سمیت گرفتار کرلیا اور بعد ازاں اکرم حجانہ نامی شخص جو پولیس کا چہیتا بتایا جاتا ہے اس کیخلاف قانونی کارروائی کے بغیر اسے رہا کر دیا جس پر شہریوں نے تشویش کا اظہار کرتے ہوئے وزیر اعلیٰ پنجاب آئی جی پنجاب سے ذمہ دارن کیخلاف محکمانہ کارروائی اور شہریوں میں خوف و ہراس پھیلانے والے اکرم حجانہ اور اسکے ساتھیوں کی گرفتاری کا مطالبہ کیا ہے واضح رہے اکرم حجانہ نامی شخص اینٹی کرپشن کو مطلوب تھا اسکے باوجود ڈیرہ غازی خان پولیس نے اسے رہا کر دیا.
ویڈیو میں دیکھاجاسکتا ہے کس طرح اسلحہ بردار لوگوں نے روڈ بند کیاہواہے

زرتاج گل کی اقرباء پروری پر سیلاب متاثرین پھٹ پڑے
سابق وفاقی وزیرزرتاج گل کئی ٹرک سامان لیکر آئی ہمارے گرے ہوئے مکانوں کیساتھ ہمارے فوٹو بنائے اور سارادن ہمیں امداددینے کے بہانے بٹھائے رکھا ،امدادی سامان ہمیں دینے کی بجائے زرتاج گل نے اپنے خاص بندے ملک رفیق ارائیں نامی شخص کے حوالے کردیا جو تمام ٹرک اپنے فارم پرلے گیا،متاثرین
باغی ٹی وی رپورٹ۔اس وقت دریائے سندھ پرسکون بہہ رہاہے ،ا س سے قبل گذشتہ ہفتے دریا میں آنے والے سیلابی ریلے نے ہزاروں ایکڑپرمشتمل فصلات تباہ کردیں،فصلات کے ساتھ ساتھ سینکڑوں گھردریاکے پانی کی نظرہوگئے ،ان گھروں کے مکین دربدرہوئے ،سب سے اہم بات دریائے سندھ کے مشرقی کنارے ملتان روڈ پر پیشہ ور بھکاریوں کاقبضہ ہے جن کے موٹرسائیکل پھٹے رکشے روڈ پر موجود ہیں جنہوں نے فرضی جھونپڑیاں بنائی ہوئی ہیں ،مخیرحضرات کی طرف سے سیلاب متاثرین کیلئے لائے گئے سامان پر یہ بھکاری جھپٹ پڑتے ہیں ،ان کی وجہ سے حقیقی سیلاب متاثرین امدادسے محروم رہتے ہیں اور شام ہوتے ہی یہ پیشہ ور بھکاری اپنے رکشوں پر بیٹھ کرچلے جاتے ہیں ،جس پر اعلیٰ حکام کونوٹس لیناچاہئے دوسری طرف سیلاب متاثرین سیاستدانوں کی اقربا پروری اور دھونس دھاندلی پرپھٹ پڑے ،سیلاب متاثرین سندھی خواتین نے بتایا کہ سابق وفاقی وزیرزرتاج گل کئی ٹرک سامان لیکر آئی ہمارے گرے ہوئے مکانوں کیساتھ ہمارے فوٹو بنائے اور سارادن ہمیں امداددینے کے بہانے بٹھائے رکھا ،ہمارے مردوں کودھکے دیکروہاں بھگایاگیا،

ڈیرہ غازیخان۔علاقہ تھانہ شاہصدر دین آٹھ سال قبل مسماة (ر) بی بی کے اندھے قتل کا معمہ حل، اپنا ہی سگہ بھائی قاتل نکلا۔
باغی ٹی وی ، تفصیلات کے مطابق آٹھ سال قبل (ر) بی بی کے اندھے قتل کا معمہ حل ہو گیا اس کا اپنا ہی سگہ بھائی قاتل نکلا۔ ایس ایچ او تھانہ شاہصدر دین محمد انظر نے بتایا مدعی مقدمہ نے سال 2016 میں پولیس کو اطلاع دی گئی کہ اس کی بیٹی مسماة (ر) بی بی کو کسی نامعلوم نے قتل کر دیا ہے جس پر تھانہ شاہصدردین میں مقدمہ نمبر 147/16 درج کر کے تفیش شروع کر دی تھی۔ ڈی پی او محمد علی وسیم کی خصوصی ہدایت پر ڈی ایس پی سرکل صدر اعجاز احمد بخاری اور ایس ایچ او تھانہ شاہصدر دین محمد انظر معہ ٹیم نے اس مقدمہ پر جدید سائنسی طریقہ تفتیش پر کام شروع کیا اور دن رات محنت کر کے آخر کار تمام ثبوت اکٹھے کر کے مسماة (ر) بی بی کے اندھے قتل میں ملوث ملزم کو ٹریس کیا جو کہ اس کا سگہ بھائی غلام فرید ہی قاتل نکلا دوران تفتیش ملزم نے انکشاف کیا کہ وہ سعودی عرب میں تھا اور چپکے سے اپنے علاقے کے کسی فرد کو بتائے بغیر پاکستان آیا اور اپنی بہن کو قتل کرنے کے بعد دوبارہ سعودی عرف فرار ہو گیاجبکہ مدعی مقدمہ جو کہ مقتولہ کی ماں ہے نے پولیس کو غلط بیانی کی اور قاتل سے تعاون کرتی رہی۔ملزم نے بتایا کہ اسی کی بہن پر اپنے شوہر کو قتل کرنے کا الزام تھا بوجہ گرفتاری بے عزتی سے پچنے کے لئے اپنی بہن کو قتل کیا ۔اس حوالے سے ڈی ایس پی سرکل صدر اعجاز احمد بخاری نے کہا کہ پولیس کی بہترین کاوشوں کی بدولت ہی مسماة (ر) بی بی کے اندھے قتل کا معمہ حل ہوا۔

کوہ سلیمان میں سیلاب کے بعد ہیضہ کی وباء پھوٹ پڑی،4جاں بحق،کئی اس خطرناک بیمارکا شکار بن چکے ہیں
باغی ٹی وی رپورٹ ۔ ڈیرہ غازیخان کی ٹرائبل ایریاپر مشتمل تحصیل کوہ سلیمان میںسیلاب سے تباہی کے بعد ہیضے کی کی وبا ء پھوٹ پڑی ہے اب تک ہیضے سے 4افراد کے جاں بحق ہونے کی اطلاعات ملی ہیں، راستے بند ہونے سے سیلاب متاثرین کے مشکلات میںمزید اضافہ ہوگیا ہے ،ہیضہ کے مریضوں کو ہسپتال منتقل کرنے میں شدید دشواری کا سامناکرناپڑرہاہے ، کوہ سلیمان کے علاقہ جھنڈی میں ہیضے کی وباء پھوٹ چکی ہے بیماری کے باعث اب تک جھنڈی میں ایک خاتون سیمت چار افراد جاں بحق ہوگئے،

راستے بند اور وسائل نہ ہونے باعث مریض کو ہسپتال منتقل کرنے میں دشواری کا سامنا ہے۔ تونسہ کے متعدد علاقوں میں تاحال ریلیف کیمپ لگائے گئے اور نہ ہی سیلاب متاثرین کو خیمے دیے گئے ہیں ،امداد صرف سیاسی وابستگی رکھنے والے بااثرافراد جو سیلاب سے متاثرہ ہی نہیں ان کودی جارہی ہے، سیلاب متاثرین کھلے آسمان تلے بھوکے پیاسے رہنے پر مجبور ہیں ، کوہ سلیمان کے سیلاب زدہ علاقوں میں غذائی قلت پیدا ہوگئی ہے،ضلعی انتظامیہ سیاستدانوں کے آگے بے بس ہوچکی ہے ،امداد سامان اور خیمے ایم این اے ،ایم پی اے یاسابق ضلعی چیئرمین کے رقعوں اور فون کالز کے ذریعے غیرمستحق افرادکودی جارہی ہے، بے یارو مددگار سیلاب متاثرین نے اعلی حکام سے فوری نوٹس لینے کا مطالبہ کیا۔

آر پی او ڈی جی خان محمد سلیم کا دفترمیں کھلی کچہری کا انعقاد ۔ خاتون کی درخواست پر فوری ایکشن ۔ شکایت پر کنسٹیبل خادم حسین کو معطل کرکے ڈسٹرکٹ پولیس آفیسر ڈی جی خان کو انکوائری کے احکامات جاری ۔
باغی ٹی وی رپورٹ:ڈیرہ غازی خان میں ریجنل پولیس آفیسر ڈی جی خان محمدسلیم نے روزانہ کی بنیادپر ریجنل پولیس آفس میں کھلی کچہری کا انعقاد کیا ۔آر پی او نے کھلی کچہری میں کثیرتعداد میں سائلین کے مسائل سماعت کیئے ۔دوران سماعت خاتون شازیہ بی بی نے اپنے شوہر کنسٹیبل خادم حسین کے خلاف درخواست پیش کی کہ مذکورہ نے دھوکہ دہی سے اس کے ساتھ شادی کرکے اس کا مکان بیچ کرفروختگی کی رقم سمیت طلائی زیورات ہڑپ کرلیے ہیں ۔مزید جائیداد کی فروختگی سے انکار پر خاتون کو شدید تشد د کا نشانہ بنایا ہے اورخاتون سمیت ایک سالہ بیٹے کو گھر سے نکال دیا ہے ۔خاتون کی درخواست پر آر پی او محمدسلیم نے فوری ایکشن لیتے ہوئے کنسٹیبل خادم حسین کو معطل کرکے ڈپی او ڈی جی خان محمدعلی وسیم کو انکوائر ی کے احکامات جاری کردئیے۔اس موقع پر آر پی او کا کہنا تھا کہ خواتین کے ساتھ ہونے والے تشد د اور حراسمنٹ پر زیرو ٹالرینس کی پالیسی ہے ۔کسی بھی غیرقانونی فعل کا ارتقاب کرنے والے شخص کو قطا معافی نہیں دی جائے گی ۔

فلڈریلیف کیمپ صرف دکھاوا،اصل سیلاب متاثرین دھکے کھانے پرمجبور
باغی ٹی وی رپورٹ ۔ ڈیرہ غازیخان میں اصل سیلاب متاثرین ٹھوکریں کھانے پر مجبور کردئے گئے ہیں ،گورنمنٹ ہائی سکول سروروالی میں بنایا گیا فلڈ ریلیف کیمپ صرف دکھاوے کیلئے ہی بنایاگیا ہے ،اس فلڈ ریلیف کیمپ میں امداد کیلئے آئے ہوئے سیلاب متاثرین پھٹ پڑے ، لنک نمبر ون برجی نمبر138حیدروالا ریگولیٹرسپربندکے دریابرد ہونے کے نتیجے میں موضع سکھیرا آرائیں کی بیشترآبادی پانی میں ڈوب گئی ،موضع سکھیراآرائیں کے سیلاب متاثرین نے اپنے موضع کے پٹواری کے رویہ پرشدیداحتجاج کیا ، آئیے سنتے ہیں متاثرین کیا کہتے ہیں ۔۔۔۔