Category: ڈیرہ غازی خان

ڈیرہ غازیخان (نمائندہ باغی ٹی وی) پاکستان فلورملز ایسوسی ایشن (پنجاب) کے ایک وفد نے گزشتہ روز چیئرمین نیب (ریٹائرڈ) جسٹس جاوید اقبال سے اہم ملاقات کی اس مو قع پر فلورملز ایسوسی ایشن کے وفد نے چیئرمین نیب (ریٹائرڈ) جسٹس جاوید اقبال کو فلورملنگ انڈ سٹری کو درپیش مسائل اور اپنے تحفظات بارے آگاہ کیا۔ وفد نے چیئر مین نیب کو جنوبی پنجاب کی فلورملوں کو نیب کی جانب سے ملنے والے نو ٹسز کے بارے بھی بتایا فلورملز ایسوسی ایشن کے رہنماؤں سے گفتگو کے بعد چیئر مین نیب (ریٹائرڈ) جسٹس جاوید اقبال نے جنوبی پنجاب کی فلورملوں کو نیب کی جانب سے جاری کئے گئے نو ٹسز فوری طور پر واپس لینے کے احکامات صادر کئے بلکہ فلورملز ایسوسی ایشن کے وفد کو یقین دہائی کروائی کہ فلورملز پاکستان بھر میں کھل کر کام کریں نیب کسی بھی کاروباری ادارے کو نہ توتنگ کرے گا اور نہ ہی کسی بھی قسم کی ہراسمنٹ پیدا کی جائے گی، نیب کے دروازے آپکے لئے ہمہ وقت کھلے ہیں آپ جب چاہیں مجھ سے ملاقات کر سکتے ہیں، فلورملز ایسوسی ایشن (پنجاب) کے وفد میں چیئر مین پی ایف ایم اے (پنجاب) حبیب الر حمن خان لغاری، گروپ لیڈ ر عاصم رضا احمد، چوہدری عبدالرؤف مختار اور میاں ریاض احمد شامل تھے آخر میں چیئر مین پی ایف ایم اے حبیب الر حمن خان لغاری نے چیئر مین نیب (ریٹا ئرڈ) جسٹس جا وید اقبال کا فوری مسائل حل کرنے پر انکا شکریہ ادا کیا۔

ڈیرہ غازیخان(نمائندہ باغی ٹی وی)ڈی پی او ڈی جی خان اسد سرفراز کی فیصل مسجد نزد آؤٹ ایجنسی چوک میں نماز جمعہ کے بعد کھلی کچہری،ڈی پی او اسد سرفراز نے مسجد میں آئے نمازیوں سے خطاب کیا تفصیلات کے مطابق ڈی پی او ڈی جی خان اسد سرفراز نے فیصل مسجد نزد آؤٹ ایجنسی چوک میں نماز جمعہ ادا کی نماز جمعہ کے بعد کھلی کچہری میں نمازیوں سے خطاب کر تے ہو ئے کہا کہ ڈی جی خان کے شہریوں کے مسائل حل کرنا میری واحد ترجیح ہے اور حکومت پنجاب کی ہدایت پر اوپن ڈور پالیسی پر عمل درآمد کیا جا رہا ہے عوام کے جان و مال کا تحفظ ہماری ذمہ داری ہے تاکہ شہریوں کے مسائل خود سن کر حل کر سکوں اورڈی جی خان کے شہریوں کو امن و امان کے قیام میں پولیس کا ساتھ دینا ہو گا۔گھر گھر تک انصاف کی فراہمی کو یقینی بنانے کے لئے تمام ایس ایچ اوزکو نماز جمعہ کی ادائیگی کے بعد مسجد میں ہی عوام کے مسائل سننے کے احکامات دے دیئے گئے ہیں ڈی پی او نے کہا کہ ہر شہری ذاتی طور پر اچھے شہری ہونے کا کردار ادا کرے اوراپنے بچوں کو بغیر لائسنس کے موٹر سائیکل مت چلانے دیں اور مشکوک شخص کے متعلق اطلاع دے کر مہذب شہری ہونے کا ثبوت دیں۔

ڈیرہ غازی خان(نمائندہ باغی ٹی وی)ڈی جی خان کی تحصیل کوٹ چھٹہ کے علاقہ مانہ احمدانی میں جہالت کی انتہا، مبینہ طور پربد چلنی کے شبہ پر سگے بھائی نے تیز دھار آلے سے اپنی بہن کا پاؤں کاٹ دیا تشویشناک حالت میں ہسپتال منتقل، ڈی پی او اسد سرفراز کا واقعہ کا نوٹس،تھانہ کوٹ چھٹہ پولیس نے ملزم گرفتار کر لیا اس سلسلہ میں مزید تفصیلات کے مطابق ڈیرہ غازی خان کی تحصیل تھانہ کوٹ چھٹہ کی حدود مانہ احمدانی میں جہالت کی انتہاء کردی گئی سگے بھائی نے اپنی ہی بہن کا تیز دھار آلے سے پاؤں کاٹ دیا سلمی بی بی اپنے بھائی شاہنواز احمدانی کے گھر ملنے گئی تو بھائی نے طیش میں آکر تیز دھار آلے سے بہن کا پاؤں کاٹ دیا متاثرہ سلمی بی بی کا کہنا تھا کہ بھائی رشتہ داروں کے گھر جانے سے منع کرتا تھا اور مجھ پر شک بھی کرتا تھا اسی کا میرے بھائی کو رنج تھا آج جب میں گھر آئی تو بھائی نے طیش میں آکر تیز دھار آلے سے میرا پاؤں کاٹ دیا وقوعہ کی اطلاع ملنے پر ریسکیو کے امدادی اہلکاروں نے خاتون کو تشویشناک حالت میں تحصیل ہیڈ کوارٹر ہسپتال کوٹ چھٹہ میں منتقل کردیا گیا ہے، ایس ایچ او تھانہ کوٹ چھٹہ عبدالشکور قیصرانی کے مطابق بدچلنی کے شبہ پر بھائی شاہنواز احمد انی نے اپنی ہی سگی بہن سلمی بی بی کی ٹانگ کاٹ دی ہے اور مقدمہ درج کر دیا گیا ہے تھانہ کوٹ چھٹہ کی حدود میں پاؤں کاٹنے کے دلخراش وقوعہ کا ڈی پی او اسد سرفراز نے نوٹس لے لیاجس پر پولیس نے فوری طور پر ملزم شاہنواز احمدانی کو گرفتا ر کر لیا اس موقع پر ڈی پی او اسد سرفراز نے کہا کہ ظلم اور بربریت کسی صورت برادشت نہیں کی جائے گی مظلوم کی دادرسی اولین ترجیح ہے اور بالخصوص خواتین پر تشدد کسی صورت برداشت نہیں ہو گا۔

ڈیرہ غازیخان (تنویر احمد) وفاقی وزیر مملکت برائے موسمیات زرتاج گل وزیراورکمشنرڈیرہ غازیخان ڈویژن اسداللہ فیض نے ڈپٹی کمشنر آفس میں اجلاس منعقد کیا.،ڈپٹی کمشنر طاہر فاروق اور دیگر افسران شریک تھے اجلاس میں ڈیرہ غازی خان شہر کی خوبصورتی کے پراجیکٹس کا جائزہ لیا گیا. کمشنر نے کہاکہ پل ڈاٹ کی ری ڈیزائننگ کی جا رہی ہے اور نئے پراجیکٹ پر 60کروڑ روپے کا تخمینہ لگایاگیا ہے اسی طرح ملتان بائی پاس روڈ پر موجود وسیع و عریض پاکستان چوک کی تعمیر کیلئے بھی اقدامات کیے جا رہے ہیں جہاں پاکستان ایئر فورس کے جہاز کے علاوہ چاروں صوبوں کے تاریخی مقامات کی مجسمے نصب کیے جائیں گے اور تین ماہ کے اندر پراجیکٹ کو مکمل کرایا جائے گا. اے ڈی پی کے تمام پراجیکٹس میں ایک فیصد پارکس اینڈ ہارٹیکلچراتھارٹی کیلئے مختص کیاگیا ہے جس کے ذریعے پاکستان چوک کو مکمل کرایا جائے گا. اس موقع پر ڈائریکٹر ڈویلپمنٹ و فنانس عبید الرشید اور پاکستان تحریک انصاف کے رہنما اخوند ہمایوں رضا و دیگر موجود تھے. دریں اثناوفاقی وزیر مملکت زرتاج گل وزیر نے کمشنر اور ڈپٹی کمشنر کے ہمراہ رمضان بازار کا بھی معائنہ کیاوفاقی وزیر مملکت برائے موسمیات زرتاج گل وزیر نے رمضان بازار میں اشیاء کے معیار،مقدار اور نرخ کا جائزہ لیادکاندار اور خریداری میں مصروف مرد و خواتین سے معلومات حاصل کیں۔. انہوں نے کہاکہ رمضان بازاروں میں موجودہ حکومت کے اقدامات کی وجہ سے دکاندار اور صارف دونوں مطمئن نظر آ رہے ہیں کیونکہ زیادہ خریداری ہونے کی وجہ سے دکانداروں کا منافع بڑھا ہے اور مارکیٹ کی نسبت اشیاء کے نرخ میں واضح فرق ہونے کی وجہ سے صارفین کو معاشی ریلیف مل رہا ہے. وفاقی وزیر مملکت زرتاج گل وزیر اور کمشنر اسداللہ فیض نے پہاڑ اور دور دراز کے علاقوں کے عوام کو دوگنا مقدار میں اشیاء دینے کا فیصلہ کیا اور موجود خریداروں کو خود اشیاء کی دستیابی یقینی بنائی۔ کمشنر اسداللہ فیض اورڈپٹی کمشنر طاہر فاروق نے بتایا کہ ٹرائیبل ایریا کے لوگوں کیلئے اس مرتبہ موبائل رمضان بازار اور دسترخوان کا بھی اہتمام کیاگیا اور ماہ صیام کے دوران تمام علاقوں کو کور کیا جائے گا جس کیلئے شیڈول کے تحت ہر روز نئے علاقوں میں گاڑی بھجوائی جاتی ہے رمضان بازار کی فیئر پرائس شاپس میں 19اشیاء ہول سیل نرخ پر فراہم کی جا رہی ہیں اور پولٹری کے سٹال پر مرغی کا گوشت دس روپے عام مارکیٹ سے کم اور انڈے پانچ روپے فی درجن رعایتی نرخ پردستیا ب ہیں مارکیٹ میں نرخ زیادہ ہونے کے باوجود رمضان بازار میں لیموں 149روپے فی کلو فراہم کیا جا رہاہے خواتین اور بزرگوں کیلئے الگ کاونٹرز قائم کرنے کے ساتھ بیٹھنے کا بھی انتظام کیاگیا ہے ابتدائی طبی امداد کیلئے میڈیکل کیمپ اور ریسکیو 1122کے کاونٹر بھی قائم کیے گئے ہیں. وفاقی وزیر مملکت برائے موسمیات زرتاج گل وزیر نے رمضان بازار میں قائم میڈیکل کیمپ،شکایت سیل اور دیگر سٹالز کا بھی معائنہ کیا علاوہ ازیں وفاقی وزیر مملکت برائے موسمیات زرتاج گل نے کمشنر اور ڈپٹی کمشنر کے ہمراہ پل ڈاٹ،پاکستان چوک اور دیگر مقامات کا بھی دورہ کیا.

ڈیرہ غازی خان (تنویر احمد) سابق گورنر پنجاب سردار ذوالفقار علی خان کھوسہ نے اپنی رہائش گاہ کھوسہ ہاؤ س میں قبائلی مقدمین اور معزز ین شہر سے بات چیت کر تے ہو ئے کہا ہے کہ جنوبی پنجاب صوبہ وقت کی ضرورت ہے ہمارے وسیب کی زمینیں سونا اگلتی ہیں ہمارے پہاڑ معدنی ذخائر سے مالا مال ہیں وسیب کا ہر فرد محنتی ہے صوبے کے قیام کے بعد یہاں کے وسائل اسی دھرتی پر خرچ ہوں گے علاقے میں خوشحالی آئے گی نوجوانوں کو روزگار کے مواقع میسر ہوں گے سردار ذوالفقار علی خان کھوسہ نے کہا کہ پی ٹی آئی کے دور اقتدار میں صوبہ جنوبی پنجاب کا قیام اگر عمل میں آجا تا ہے تو یہ بہت بڑی کامیابی ہوگی۔

ڈیرہ غازیخان (تنویر احمد) شہری اپنافلیٹ، مکان،عمارت یا دکان کرایے پر دینے سے قبل کرایہ دار کے ساتھ تحریری معاہدہ کریں اور معاہدے کی تصدیق شدہ کاپی کے ساتھ کرایہ دار کا مکمل کوائف متعلقہ تھانہ یا پولیس خدمت مرکز میں درج کروائیں ڈی پی او عاطف نذیر،ڈی پی او عاطف نذیر نے صحافیوں سے گفتگو کر تے ہو ئے کہا کہ انسپکٹر جنرل آف پولیس پنجاب کی ہدایت پر کرایہ داری ایکٹ کے تحت مہم شروع کر دی گئی ہے اس مہم کا مقصد کسی کو خوفزدہ کرنا نہیں بلکہ یہ ایک احتیاطی اقدام ہے تاکہ شہر میں امن وامان کی صورتحال کو بہتر رکھنے کے ساتھ ساتھ مجرمانہ سرگرمیوں کی روک تھام کی جاسکے۔انہوں نے تمام آفیسران کو ہدایت کی کہ جرائم کی شرح میں کمی کیلئے کرایہ داروں گھریلوو نجی ملازمین کے تھانہ اندراج کو یقینی بنانے کیلئے خصوصی ٹیمیں تشکیل دی جائیں اور موجودہ ملکی حالات کے پیش نظر سر چ آپریشن بھی کیے جائیں گے اس مہم کا مقصد ضلع میں سکیورٹی کو فول پروف بنانا اور شہریوں کو تحفظ فراہم کرنا ہے تاکہ کوئی شرپسند اپنے مذموم مقصد میں کامیاب نہ ہو سکے ڈی پی او عاطف نذیر نے مزید کہا کہ کرایہ داروں اورنجی ملازمین کے اندارج کی اہمیت جبکہ گھروں میں کام کرنے والے ملازمین اور کرایہ داروں اورنجی ملازمین کاتھانہ اندراج نہ کروانے والوں کے خلاف سخت کارروائی عمل میں لائی جائے گی کرایہ داروں کے بارے میں چھان بین شروع کر دی گئی ہے عمارت کے مالک پر لازم ہوگا کہ وہ کوئی بھی عمارت، دکان،فلیٹ یا مکان کرایے پر دینے سے قبل کرایہ دار کے ساتھ تحریری معاہدہ کرے گا اور معاہدے کی تصدیق شدہ کاپی کے ساتھ کرایہ دار کا مکمل کوائف متعلقہ تھانہ یا پولیس خدمت مرکز میں درج کروا سکتا ہے۔