Category: ڈیرہ غازی خان

ڈیرہ غازیخان(تنویر احمد)وزیر اعلی پنجاب سردار عثمان احمد خان بزدار کی ہدایت پر اتحاد بین المسلمین کے امن قافلے نے خطیب امام بادشاہی مسجد و چیئرمین مجلس علمائے پاکستان مولانا عبدالخبیر آزاد کی قیادت میں ڈیرہ غازیخان کا دورہ کیا. سرکٹ ہاوس میں منعقدہ اجلاس کی صدارت کرتے ہوئے کنوینر اتحاد بین المسلمین کمیٹی پنجاب مولانا عبدالخبیر آزاد نے کہا کہ محرم الحرام کی شہادتیں صبر، ایثار، قربانی او ر برداشت کا درس دیتی ہیں. افواج پاکستان نے دشمن قوتوں کا ایجنڈہ ناکام بنا دیا ہے. علماء محرم الحرام میں امن او راتحاد کو مضبوط کریں. تمام علماء، خطباء، ذاکرین اشتعال انگیز تقاریر سے اجتناب کریں. اتحاد بین المسلمین وقت کی ضرورت ہے. پاک فوج نے قربانیاں دے کر ملک کو مضبوط بنا دیا ہے. آزاد ی کشمیر کیلئے ہر قربانی دیں گے. ظلم کی سیاہ رات جلد ختم ہو گی. مولانا عبدالخبیر آزاد نے کہاکہ وزیر اعلی کی ہدایت پر لاہو رسے اتحاد امت، یکجہتی، سلامتی، جذبہ ایثار، قربانی، امن و محبت کا پیغام لے کر نکلے ہیں. انہوں نے کہاکہ محرم الحرام کے دوران سکیورٹی حالات کو مدنظر رکھتے ہوئے جلوس او رمجالس وقت پر ختم کریں. روٹس کی پابندی اور لاؤڈ سپیکر ایک پر عملدرآمد کیاجائے ضابطہ اخلاق پر عمل کرتے ہوئے تمام مسالک کے عقائدو نظریات اور عبادت گاہوں کااحترام کیا جائے. کمشنر ڈیرہ غازیخان ڈویژن مدثر ریاض ملک نے کہاکہ ڈویژن میں محرم الحرام کے دوران فرقہ وارانہ ہم آہنگی کی مثالی فضا برقرار رہنی چاہیئے. علمائے کرام اپنے کردار کا احسن استعمال کرتے ہوئے امن دشمن عناصر کے ناپاک عزائم خاک میں ملا دیں. انہوں نے کہاکہ اتحاد بین المسلمین کمیٹی جوڑنے کا کام کررہی ہے.آر پی او عمران احمر نے کہاکہ عوام کی جان کا تحفظ اولین ترجیح ہے جس کیلئے سول سوسائٹی کے ہر فرد کو کردارادا کرناہو گاارد گرد کے ماحول پر کڑی نظر رکھی جائے او رشر پسند عناصر کی حوصلہ شکنی کے ساتھ نشاندہی کی جائے. ا س موقع پر اتحاد بین المسلمین کے اراکین مولانا محمد خان لغاری، شفقت حسین بھٹہ، مولانا حبیب الرحمن، حافظ عبدالستار، مولانا عبدالمعبود آزاد، مولانا اشفاق قاسمی، پیر محمد شاہ حسین، مولانا عبدالستار نیازی، مولانا محمد مسعود قاسم قاسمی، مولانا قاسم قریشی، صاحبزادہ جلیل الرحمن، قاری اکرم حقانی، مولانا ابوبکر جام پو ری، مہر عبدالخالق مرالی، صاحبزادہ سید عبدالبصیر آزاد و دیگرنے بھی خطاب کیا. سرکٹ ہاوس میں سید احسن حسین شمسی، مولانا یاسین راہی، صاحبزادہ انو رحسن قریشی، گلزار عباس نقوی، مولانا عبدالروف، سید ظفر عباس نقوی،مولانا اقبال رشید، عبدالصمد درخواستی اور دیگر نے خطاب کرتے ہوئے قیام امن کیلئے ہر ممکن تعاون کی یقین دہانی کرائی. اس موقع پر مولانا عبدالخبیر آزاد کی سربراہی میں ہاتھوں کی زنجیر بنا کراور قومی اور کشمیر کے جھنڈے لہرا کر کشمیر یوں سے یکجہتی کا اظہار کیا. مولانا عبدالخبیر آزاد نے استحکام پاکستان، ملک و قوم کی خوشحالی او رکشمیر کی آزادی کیلئے خصوصی دعا کی. اس موقع پر ڈپٹی کمشنرز وقاص رشید،ذیشان جاوید، افضل ناصر، ڈی پی اوز اسد سرفراز، ہارون الرشید، عثمان باجوہ او ردیگر انتظامی افسران کے علاوہ ہر مکتب فکر کے علماء، مشائخ اور نمائندے موجود تھے.

ڈیرہ غازیخان(نمائندہ باغی ٹی وی )مسیحی برادری کے زیر اہتمام کشمیریوں سے اظہار یکجہتی کے لئے سینٹ انتھونی یونائٹڈچرچ میں مظاہرہ کیااور ریلی نکالی،مقبوضہ کشمیر کے مقامی مسیحی بھی بھارتی فوج کے ظلم وستم کا شکار ہیں،مسیحی برادری پاک فوج کے شانہ بشانہ کھڑی ہے ان خیالات کا اظہار منتظم اعلی سینٹ انتھونی یونائٹڈ چرچ ڈیرہ غازیخان سلیم الیاس مسیح نے سنڈے عبادت کے بعد کشمیریوں سے اظہار یکجہتی کے حوالہ سے صحافیوں سے گفتگوکرتے ہوئے کہی اس موقع پر ریلی میں بینر اٹھا کر بھارتی مظالم کے خلاف نعرے بھی لگائے گئے اس موقع پر پاسٹر پیٹر جوزف گل، سابق اقلیتی ضلع ممبر یونس پرویز،پاسٹرپرویز قمر، عمر بوٹا،عامر پرویز، لعل مسیح، دانیال گل،عمران پال، شہزاد عمانوائل،سہیل اقبال،عرفان اقبال،یشب عامر، یشوع سلیم و دیگر موجود تھے انہوں نے اپنے خیالات کا اظہار کرتے ہوئے کہا کہ ملک پاکستان کے لیئے اقلیتیں اپنی جانوں کا نذرانہ پیش کرنے کے لئے ہمہ وقت تیار ہیں اور کسی بھی قسم کی قربانی سے دریغ نہ کرینگے۔ ریلی کے اختتام پر ملکی ترقی وخوشحالی کے لیئے پاسٹر پیٹر جوزف گل نے خصوصی دعا کروائی۔

ڈیرہ غازیخان(نمائندہ باغی ٹی وی)ڈی پی او اسد سرفراز کا محرم الحرام کے حوالے سے امام بارگاہوں کادورہ، ڈیوٹی پر موجود ملازمین کو ہائی الرٹ رہنے کی ہدایت ترجمان پولیس کے مطابق ڈی پی او اسد سرفراز نے محرم الحرام کے حوالے سے امام بارگاہوں کادورہ کیا دوران وزٹ ڈی پی او نے سیکیورٹی کے انتظامات کا جائزہ لیا اور ڈیوٹی پر موجود ملازمین کو ہائی الرٹ رہنے کی ہدایت جاری کیں ضلع بھر کے سرکل آفیسران اور ایس ایچ اوزکو محرم الحرام کے حوالے سے تمام پروگرامز پر سیکیورٹی کے فول پروف انتظامات کرنے کی ہدایت کی ڈی پی او نے کہا کہ عزاداروں کی حفاظت کو ہر صورت یقینی بنائیں گے جبکہ محرم الحرام کے حوالے سے منتظمین بھی ضابطہ اخلاق پر عملدرآمد یقینی بنائیں

ڈیرہ غازیخان(تنویر احمد)پاکستان تحریک انصاف ڈیرہ غازی خان سٹی کے سینئر نائب صدر راشد بخاری قتل کیس میں ملوث ملزم اعزاز سدوزئی کے والد محمد الیاس خان سدوزئی نے تحریک منہاج القران ساؤتھ پنجاب کے جنرل سیکرٹری سیف اللہ خان سدوزئی کے ہمراہ پریس کانفرنس کرتے ہوئے کہا ہے کہ راشد بخاری قتل کیس میں اسکے بیگناہ بیٹے کو پھنسایا جا رہا ہے عید سے ایک روز قبل سی ٹی ڈی ملتان نے ہمارے گھر واقع شہزاد کالونی میں ریڈ کیا اور ہمارے گھر کی مکمل تلاشی لی گئی ضروری دستاویزات کپڑے موٹر سائیکل سمیت گھر کا کونہ کونہ چیک کیا گیا اور میرے بیٹوں یوسف، مشرف، ثاقب اور ایک بیٹی سمیت مجھے حراست میں لے کر ملتان آفس لے گئے جہاں ہمیں ایک ایک کرکے تفتیش کیلئے رکھا گیا مجھے کہا کہ آپ نے راشد بخاری کا قتل کیا ہے لہٰذا آپ کو اس کیس میں گرفتار کیا ہے میں نے جواب میں کہا کہ میں 60 سال کا بزرگ ہوں ریٹائرڈ پولیس ملازم ہوں میں کیوں راشد بخاری کو قتل کروں گا جس پر مجھے اور میرے بیٹوں کو مبینہ طور پر تشدد کا نشانہ بنایا گیاپھر ایک دن بعد دوبارہ ملتان سی ٹی ڈی اور پولیس نے میرے گھر ریڈ کیا میرے سامنے ایک کپڑے میں لپٹا پستول جو کہ لوہے کی الماری کے نیچے فرش پر رکھ کر اٹھایا اور کہا کہ یہ آلہ قتل ہے جو ہم نے برآمد کرلیا ہے اور کہا کہ آپکی بیٹی کے شہید راشد بخاری کیساتھ تعلقات تھے جس کی بنا پر آپکے بیٹے نے اس کو قتل کیا ہے جبکہ میں خود روزانہ اپنی بیٹی کیساتھ جوبلی آفس جاتا تھا اور واپس لے آتا تھا پھر بعد میں میری بیٹی کا داخلہ علامہ اقبال اوپن یونیورسٹی میں ہو گیا جس کی بنا پر میں نے جوبلی انشورنس سے اپنی بیٹی کی جاب ختم کرائی اعزاز سدوزئی کو حراست میں لینے کے بعد 15 دن گزرنے کے بعد میں نے اعلی افسران سے اپنے بیٹے کی رہائی کیلئے ملاقاتیں کی تو انہوں نے کہا آپ کا بیٹا بے گناہ ہے بہت جلد چھوٹ جائے گالیکن گزشتہ روز سوشل میڈیا کے ذریعے ہمیں معلوم ہوا کہ میرے بیٹے اعزاز کو راشد بخاری قتل کیس میں باضابطہ ملوث کر لیا ہے جس پر ملتان آر پی او کی جانب پریس ریلیز جاری کی گئی ہے ملزم کے والد نے مزید کہا کہ میں آج حلفا کہتا ہوں کہ اگر میرا بیٹا قاتل ثابت ہوا تو میرے بیٹے کا خون مدعیان پر معاف ہے صرف کچھ بااثر لوگ اپنی سیاسی ساکھ کو بچانے کے لیے ہمیں پھنسا رہے ہیں میرا بیٹا بے گناہ ہے میری اعلی عدلیہ، آرمی چیف اور وزیر اعظم عمران خان سے اپیل ہے کہ میرے ساتھ انصاف کیا جائے اس سلسلہ میں رابطہ کر نے پر جے ٹی آئی ٹیم کے ممبر ڈی ایس پی سٹی ڈیرہ ضیاء الحق نے بتایا کہ گزشتہ تین ماہ سے اس کی تفتیش جدید بنیادوں پر جاری تھی کیس کے حوالے سے چار ہزار سی ڈی آر لی گئیں جبکہ چار سو بندوں کی فیملی ٹری بھی اکٹھی کی گئی جوبلی میں کام کرنے والے ملازمین کے بیانات نوٹ کیے گئے اور تمام شواہد اکٹھے کرنے کے بعد ملزم کو گرفتار کرتے ہوئے اس سے آلہ قتل اوروادات میں استعمال ہونے والا موٹر سائیکل بھی برآمد کر لیا گیا ہے ملزم نے باقاعدہ اعتراف جرم کیا ہے ملزم ایک شکی مزاج انسان ہے اور کئی مرتبہ مقتول سے بہن سے روابطہ کے حوالے سے الجھ بھی چکا تھا اس رنجش کی بنا پر اس نے راشد بخاری کو قتل کیا ملزم کی گرفتاری میں انصاف کے تمام تقاضے پورے کیے گئے ہیں اس کے والد کا بیانات سراسر جھوٹ پر مبنی ہیں۔

ڈیرہ غازیخان(تنویر احمد)ڈی پی او اسد سرفراز کی ضلع بھر کے ایس ایچ اوزاور محرران سے میٹنگ، لاء اینڈ آرڈر کنٹرول کرنے اور تمام ریکارڈ مکمل کرنے کی ہدایات تفصیلات کے مطابق ڈی پی او اسد شہزاد نے اپنے دفتر میں ضلع بھر کے ایس ایچ اوز اور محرران سے میٹنگ کی اس موقع پر ڈی پی او نے کہا کہ تمام ایس ایچ اوزاور محرران اپنی نگرانی میں فرنٹ ڈیسک پر ریکارڈ کی تکمیل کرتے ہوئے بروقت آن لائن کروائیں انہوں نے کہا کہ وہ کسی وقت تھانہ کا اچانک دورہ کر کے آن لائن کیا جانے والا ریکارڈ چیک کر سکتے ہیں ڈی پی او نے ایس ایچ اوز کو سختی سے ہدایت کہ 15 پر کی جانی والی کال پر کوئیک رسپانس دیتے ہوئے اس پر عمل درآمد کو یقینی بنائیں فرائض منصبی کی ادائیگی میں سستی اور کوتاہی برتنے والوں کو نشان عبرت بنایا جائے گاانہوں نے کہا کہ ایس ایچ اوزاپنے علاقوں میں لاء اینڈ آرڈر کی صورتحال کو ہر ممکن کنٹرول کریں اور گشت کے نظام کو موثر بنایا جائے تھانوں میں آئے ہوئے سائلین کے ساتھ خوش اخلاقی کا مظاہرہ کرتے ہوئے ان کے مسائل اور شکایات کا بروقت ازالہ کریں۔

ڈیرہ غازیخان(تنویر احمد) یکم محرم الحرام سے دس محرم الحرام تک 410 جلوس اور 530 مجالس کے لیے فول پروف سیکیورٹی انتظامات کو حتمی شکل دے دی گئی محرم الحرام کی سیکیورٹی پر 1000 ہزار سے زائد پولیس افسران و اہلکاروں کے علاوہ انتظامیہ مجالس و جلوس کے ہزاروں رضا کاربھی ڈیوٹی سر انجام دیں گے۔ڈی پی او اسد سرفراز نے بتایا کہ سخت سکیورٹی انتظامات کو مدِ نظر رکھتے ہوئے اہم مقامات پر پولیس کے سنائیپرز تعینات کئے گئے ہیں۔ جلوس کے راستے میں آنے والی گلیوں اور بازاروں کو خار دار تار سے بند کر دیا جائیگا۔امن و امان کو برقرار رکھنے کے لئے ایلیٹ کے 16 مسلح دستے بھی شہر بھر میں گشت کریں گے۔ تاکہ ٹریفک کو رواں دواں رکھنے اور ٹریفک پرابلم نہ ہو اس کے لئے الگ سے ٹریفک ڈیوٹی لگا دی گئی ہے۔انہوں نے کہا کہ محرم الحرام کے دوران ڈیوٹی میں کسی قسم کی سستی، موبائل فون کا استعمال،کاہلی اور کوتاہی ہرگز برداشت نہیں کی جائے گی۔محرم الحرام کے خاص ایام میں شرانگیزی پھیلانے والوں اور مشکوک اشخاص کی کڑی نگرانی کی جائے گی۔ فرقہ وارانہ ہم آہنگی کے لیے نفرت آمیز تقاریر، وال چاکنگ، لاؤڈ اسپیکر اور اسلحہ کی نمائش کرنے والوں کے خلاف سختی سے عملدرآمد کروایا جائے گا۔جبکہ مکمل تلاشی لینے کے بعد ہی مجالس اور جلوس میں داخلے کی اجازت دی جائے گی۔اس کے علاوہ ڈی پی او آفس میں مرکزی کنٹرول روم قائم کر دیا گیاڈیرہ غازیخان پولیس عوام کے جان و مال اور عزت و آبرو کی حفاظت اور جرائم کے خاتمہ کے لیے ہمہ وقت مصروف عمل ہے۔

ڈیرہ غازیخان(تنویر احمد )کشمیر کے مسئلہ پر ہم کسی مصلحت کو تسلیم نہیں کرتے کشمیر کشمیریوں کا ہے جس کے مستقبل کا فیصلہ کشمیریوں نے کرنا ہے ان خیالات کااظہار سابق گورنر پنجاب سردار ذوا لفقار علی خان کھوسہ نے اپنی رہائش گاہ پر صحافیوں سے گفتگو کرتے ہوئے کیا انہوں نے کہا کہ کشمیریوں کا مقدمہ اقوام متحدہ، ا و آئی سی اور ہر عدالت میں لڑا جائے گا پاکستان کا ہر پیر و جو ا ں ہر سطح اور ہر حوالے سے کشمیروں کے شانہ بشانہ ہے سردار ذوا لفقار علی خان کھوسہ نے کہا کہ کشمیر کے مسئلہ پر نام نہاد کشمیری کہلوانے والی اپوزیشن کی خاموشی بھی شرم ناک ہے ہمیں اپنے تمام تر اندرونی اختلافات بھلا کر پاک فوج اور کشمیری بھائیوں کے شانہ بشانہ کھڑے ہونا ہے کہ یہی وقت کی آواز ہے۔

ڈیرہ غازیخان(تنویر احمد)چیئرپرسن سٹینڈنگ کمیٹی برائے داخلہ پنجاب مسرت جمشید چیمہ نے سنٹرل جیل ڈیرہ غازیخان، دارالامان او رٹیچنگ ہسپتال کا دورہ کیا. سنٹرل جیل کے معائنہ کے دوران پولیس کے چاق و چوبند دستے نے سلامی دی. انہوں نے سنٹرل جیل میں جامن، مالٹا، امرودکے پودے لگائے او رسنٹرل جیل میں موجودقیدیوں سے ملاقات کی انہوں نے قیدیو ں او رملازمین کے مسائل سنے. میڈیا سے بات چیت کرتے ہوئے مسرت چیمہ نے کہا کہ کلین اینڈ گرین پاکستان کے تحت صوبہ کی جیلوں کو خصوصی فوکس کیاجارہاہے اور 45جیلو ں میں گنجائش کے مطابق پھلدار پودے لگا کر جیلو ں کو باغات میں تبدیل کر دیاجائے گا. انہوں نے کہاکہ درختوں کی وجہ سے ماحولیاتی آلودگی کے خاتمہ کے ساتھ درجہ حرارت کو کنٹرول کرنے میں مدد ملے گی. ایم پی اے مسرت جمشیدچیمہ نے کہاکہ وزیر اعلی جنوبی پنجاب کی ترقی کیلئے سنجیدگی سے کام کررہے ہیں 350ارب روپے کے پیکج میں سے 35فیصد حصہ جنوبی پنجاب کیلئے مختص کیاگیا ہے. انہوں نے کہاکہ وزیر اعلی کے ساتھ پارٹی کی لیڈر شپ کا فوکس جنوبی پنجاب ہے. ایک سوال کے جواب میں انہوں نے کہاکہ جیل وارڈن اور ملازمین کی ترقیوں او ردیگر مسائل کے حل کیلئے وزیر اعلی کو سفارشات پیش کی جائیں گی. چیئرپرسن نے دارالامان کے معائنہ کے دوران موجود خواتین اور بچوں سے ملاقات کی. ان کے مسائل دریافت کیے. سپرنٹنڈنٹ زرینہ بی بی سے دارالامان کے بارے میں بریفنگ لی. انہوں نے ٹیچنگ ہسپتال کے معائنہ کے دوران بس حادثہ کے زخمیو ں اوردیگر مریضو ں کی عیادت کرتے ہوئے ایم ایس ڈاکٹر شاہد حسین مگسی اور دیگر سے طبی سہولیات کے بارے میں معلومات حاصل کیں. انہوں نے مریضوں او رلواحقین سے مسائل سنے او ران کے حل کیلئے ہدایات جاری کیں.

ڈیرہ غازیخان(تنویر احمد)حکومت کی ہدایت پر ڈیرہ غازی خان میں یکجہتی کشمیر بھرپور طریقے سے منایا گیاڈویژنل و ضلع کی مرکزی تقریب ٹریفک چوک پر منعقد ہوئی۔ کمشنر مدثر ریاض ملک،آر پی او عمران احمر،ڈپٹی کمشنر وقاص رشید،ڈی پی او اسد سرفراز اور شہریوں کی کثیر تعداد سمیت مشیر صحت پنجاب محمد حنیف خان پتافی،چیئر مین پنجاب لینڈ ریکارڈ اتھارٹی سردار احمد علی دریشک، ایم پی اے ڈاکٹر شاہینہ نجیب کھوسہ،اخوند ہمایوں رضا،ضلعی صدر پی ٹی آئی ملک محمد اقبال ثاقب اور دیگر نے شرکت کی تقریب میں بار،انجمن تاجران کے عہدیداران،علماء اور زندگی کے ہر شعبہ سے تعلق رکھنے والے افراد کا جم غفیر بھی موجودتھا بارہ بجے پاکستان اور کشمیر کے ترانے پڑھے گئے بارہ بجکر پانچ منٹ پر سائرن بجا کر ایک منٹ کی خاموشی اختیار کی گئی اور تمام ٹریفک رک گئی شرکاء نے پاکستان زندہ باد،پاک فوج زندہ باد اور کشمیر بنے گا پاکستان کے فلک شگاف نعرے لگائے شرکاء نے قومی اور کشمیر کے پرچم اٹھائے ہوئے تھے اور قومی اور کشمیر کے پرچم کے بیجز لگائے گئے تھے اوربازوؤں پر سیاہ پٹیاں باندھیں ہوئی تھیں تقریب پاکستان اور کشمیر کے ملی نغموں سے فضا گونجتی رہی جس میں استحکام پاکستان،ملک و قوم کی خوشحالی اور کشمیر کی آزادی کے لیے خصوصی دعا کی گئی سیاسی نمائندوں اور کمشنر ودیگر آفیسران نے خطاب بھی کیا۔

ڈیرہ غازی خان (تنویر احمد )وزیر اعلی پنجاب سردار عثمان بزدار اور انکے بھائیوں اور فرنٹ مین کی کرپشن کے بارے میں اسسٹنٹ ڈائریکٹر انٹی کرپشن پھٹ پڑے وزیر اعظم اور چیف جسٹس سے نوٹس لینے کا مطالبہ کر دیا اس سلسلہ میں مزید تفصیل کے مطابق اسسٹنٹ ڈائریکٹر انٹی کرپشن سید احمد علی بخاری نے اپنی جاری کردہ ویڈیو میں انکشاف کیا ہے کہ انہوں نے ایک قانونگو بازمحمد بزدار کے خلاف قانونی تقاضوں کے مطابق درخواست پر کاروائی کی تو وزیر اعلی کے رشتہ دار نے سنگین نتائج کی دھمکیاں دیں اور ایک ماہ میں میرا تین مرتبہ تبادلہ کیا گیا انہوں نےآنکشاف کیا کہ وزیر اعلی عثمان بزدار اور انکے بھائیوں مے محکموں میں کرپشن کا بازار گرم کر رکھا ہے اور تمام محکموں کے ایکسئین وزیر اعلی کا باقاعدہ حصہ رکھنے کا کہ کر ٹینڈر شروع کرتے ہیں اسسٹنٹ ڈائریکٹر انٹی کرپشن سید احمد علی بخاری نے وزیر اعظم اور چیف جسٹس سے نوٹس لینے اور تحقیقات کرانے کا مطالبہ کیا ہےاس سلسلہ میں رابطہ کرنے پر ڈائریکٹر انٹی کرپشن آغا علی عباس نے بتایا کہ ویڈیو کے بارے میں ہم تحقیقات کرا رہے ہیں ٹرانسفر پوسٹنگ یہ محکمانہ معاملہ ہے اس پر اسطرح سے سوشل میڈیا میں وائرل کرنے کے محرکات پر رپورٹ تیار کرکے ڈائریکٹر جنرل پنجاب کو بھیجی جارہی ہے انکی ہدایات پر مخکمانہ کاروائی شروع کی جائے گی ۔