Category: فیصل آباد

وزیراعظم کے مشیررانا ثناء اللہ کا کہنا ہے کہ عمران خان آج بھی بات چیت کو تیار نہیں، بانی پی ٹی آئی نے ہمیشہ ڈیڈ لاک پیدا کیا، مخالفین پروپیگنڈا چھوڑیں اپنے ووٹرز کو نکالیں۔

رہنماء ن لیگ رانا ثناء اللہ نے فیصل آباد میں میڈیا سے گفتگو کرتے ہوءے کہا کہ کسی پولنگ اسٹیشن سے کوئی شکایت موصول نہیں ہوئی، جب 10ووٹ بھی کاسٹ نہیں ہوئے، اس وقت کہا گیا ضابطہ اخلاق کی خلاف ورزی ہوئی،امید ہے عوام مسلم لیگ ن کا ساتھ دیں گے، بانی پی ٹی آئی سیاست کر ہی نہیں رہے،بانی پی ٹی آئی جب برسراقتدار تھے تو کہتے تھے کسی سے بات نہیں کروں گا، عمران خان کا سارا دھیان صرف ہم پر مقدمات بنانے میں تھا، لیکن ہم آج بھی سیاستدانوں کے ساتھ بیٹھ مسائل حل کرنے کے حق میں ہیں، وزیراعظم نے پیشکش کی کہ آئیں میثاق پاکستان پر بات کریں، جمہوریت ڈائیلاگ سے آگے بڑھتی ہے لیکن انہوں نے ڈیڈلاگ کیا، بانی پی ٹی آئی اقتدار میں تھے تو بھی ہم پر مقدمات بناتے تھے، ہم آج سے سیاستدانوں کے میز پر بیٹھ کر مذاکرات کے حق میں ہیں، پورے حلقے پر کوئی گرفتاری نہیں ہوئی، مخالفین کو پورے حلقے میں شکایت کا موقع نہیں ملا، ترقی کا دور مریم نواز کی صورت میں واقع آچکا ہے، 70 ارب روپے کا فیصل آباد میں منصوبہ شروع ہورہا ہے، اس حلقے میں میرٹ کی بنیاد پر 7 الیکشن لڑے، 5 میں جیتا، ضمنی الیکشن میں ٹرن آؤٹ 25 سے 30 فیصد ہوتا ہے،10 مئی 2025ء کو معرکہ حق میں بھارت کو منہ توڑ جواب دیا، یہ پہلا موقع ہے جب دنیا نے تسلیم کیا کہ جنگ جیتی، پاکستان 99 کی طرح آگے بڑھنے کیلئے تیار ہے۔

فیصل آباد کے علاقے ملک پور میں ایک ہولناک صنعتی حادثہ پیش آیا جہاں کیمیکل فیکٹری میں بوائلر دھماکے کے نتیجے میں 15 افراد جاں بحق اور 7 زخمی ہوگئے۔ خوفناک دھماکے نے پورے علاقے کو لرزا کر رکھ دیا جبکہ فیکٹری مکمل طور پر تباہ ہوگئی۔

عینی شاہدین کے مطابق دھماکا اتنا شدید تھا کہ اس کے فوراً بعد فیکٹری میں آگ بھڑک اٹھی۔ریسکیو حکام کا کہنا ہے کہ زوردار دھماکے کے اثر سے نہ صرف فیکٹری زمین بوس ہوگئی بلکہ ساتھ موجود کئی گھروں کی چھتیں بھی منہدم ہوگئیں، جس سے مزید جانی نقصان کا خدشہ پیدا ہوگیا۔ریسکیو 1122 کے مطابق ملبہ ہٹانے کا کام جاری ہے۔اب تک 14 افراد کی لاشیں ملبے سے نکالی جا چکی ہیں،ایک زخمی اسپتال میں دم توڑ گیا،7 زخمیوں کو اسپتال منتقل کر دیا گیا ہے جہاں ان کی حالت نازک بتائی جا رہی ہے۔

ریسکیو اہلکاروں کا کہنا ہے کہ فیکٹری اور ملحقہ گھروں کے ملبے کے نیچے مزید افراد کے دبے ہونے کا خدشہ ہے، جس کے باعث آپریشن میں مزید تیزی لائی گئی ہے۔ڈپٹی کمشنر فیصل آباد ندیم ناصر موقع پر موجود ہیں اور خود ریسکیو کارروائیوں کی نگرانی کر رہے ہیں۔پولیس، فائر بریگیڈ اور میڈیکل ٹیموں کی اضافی نفری بھی جائے حادثہ پر تعینات کر دی گئی ہے۔

ابتدائی اطلاعات کے مطابق بوائلر میں پریشر بڑھنے کے باعث دھماکا ہوا، تاہم اصل وجوہات جاننے کے لیے تحقیقات کا آغاز کر دیا گیا ہے۔انتظامیہ نے کہا ہے کہ فیکٹری کی حفاظتی اقدامات اور لائسنسنگ کے معاملات بھی چیک کیے جائیں گے۔

وزیر مملکت برائے داخلہ طلال چوہدری کا کہنا ہے کہ ججز آئین کا حلف اٹھاتے ہیں، سیاسی پارٹی نہیں ہوتے، ججز کے استعفے بھی سیاسی اور یہ خود بھی بہت جانبدار رہے ہیں۔

فیصل آباد میں میڈیا سے گفتگو کرتے ہوئے طلال چوہدری نے کہا کہ آئین میں ترمیم پارلیمنٹ کا حق ہے، پارلیمنٹ جب چاہے گی آئین میں ترمیم کرے گی، آئین ججز کی مرضی کا نہیں پارلیمنٹ اور عوام کی مرضی کا ہوگا، عدلیہ کا جب دل کرتا تھا سوموٹو پر وزیراعظم کو گھر بھیج دیتی تھی، ججز کا جب دل کرتا تھا حکومت کو کٹہرے میں کھڑا کرکے لاچار کر دیتے تھے، جس کو دل چاہے ہٹا دیں اور جس کو دل چاہے لے آئیں، یہ آپ کا کام نہیں ہے، ججز کی تنخواہوں سے لے کر ایک ایک فیصلہ پارلیمنٹ کرتی ہے، پارلیمنٹ کو پارلیمنٹ نظر آنا چاہیے، ان لوگوں نے پارلیمنٹ کو میونسپل کارپوریشن بنا دیا تھا، پاکستان اس وقت کسی بھی قسم کے انتشار کا متحمل نہیں ہو سکتا، ججز آئین کا حلف اٹھاتے ہیں سیاسی پارٹی نہیں ہوتے، ججز کے استعفے بھی سیاسی اور یہ خود بھی بہت جانبدار رہے ہیں، فیصل آباد میں ن لیگ اپنی کارکردگی سے جیتے گی، جو تشدد کرتا ہے، وہ سیاست نہیں کرتا، فیصل آباد میں ن لیگ آسانی سے الیکشن جیتے گی، ن لیگ کے دور حکومت میں ملک میں ترقی ہوئی۔

فیصل آباد میں ایک افسوسناک واقعہ پیش آیا ہے جہاں دو وین ڈرائیوروں نے یونیورسٹی کی طالبہ کو مبینہ طور پر زیادتی کا نشانہ بنایا۔ پولیس نے دونوں ملزمان کو گرفتار کرکے مقدمہ درج کرلیا ہے۔

تفصیلات کے مطابق متاثرہ طالبہ یونیورسٹی جانے کے لیے روزانہ ایک نجی وین سروس استعمال کرتی تھی۔ پولیس ذرائع کا کہنا ہے کہ اسی دوران دو وین ڈرائیوروں نے منصوبہ بندی کے تحت طالبہ کو اغوا کرکے زیادتی کا نشانہ بنایا۔ ملزمان نے واقعے کے بعد طالبہ کے موبائل فون سے ذاتی تصاویر چرا لیں اور ان تصاویر کے ذریعے اسے بلیک میل کرکے زیورات بھی ہتھیا لیے۔پولیس کے مطابق ملزمان کی یہ بلیک میلنگ کئی ماہ تک جاری رہی۔ طالبہ نے خوف اور شرمندگی کے باعث کسی کو کچھ نہ بتایا، تاہم مسلسل ہراسانی اور دباؤ کے بعد آخرکار اس نے اپنے والدین کو تمام حقیقت سے آگاہ کیا۔ والدین کی شکایت پر پولیس نے فوری کارروائی کرتے ہوئے دونوں وین ڈرائیوروں کو گرفتار کرلیا۔

ترجمان پولیس کے مطابق گرفتار ملزمان کے خلاف مقدمہ درج کرلیا گیا ہے جبکہ متاثرہ طالبہ کا میڈیکل ٹیسٹ بھی مکمل کرلیا گیا ہے۔ مزید تفتیش جاری ہے اور پولیس اس معاملے کے تمام پہلوؤں کا جائزہ لے رہی ہے تاکہ کسی اور متاثرہ لڑکی کے ساتھ ایسا واقعہ نہ دہرایا جا سکے۔پولیس حکام کا کہنا ہے کہ خواتین کے خلاف اس قسم کے جرائم ناقابل برداشت ہیں اور مجرموں کو سخت سے سخت سزا دلوانے کے لیے کیس کو چالان کے مرحلے تک پہنچایا جائے گا۔

اسلام آباد سے گرفتار سابق رکن قومی اسمبلی صاحبزادہ حامد رضا کو انسداد دہشتگری عدالت فیصل آباد میں پیش کردیا گیا۔

پولیس کے مطابق صاحبزادہ حامد رضا کو 9 مئی مقدمہ میں گزشتہ روز اسلام آباد سے گرفتار کیا گیا تھا۔پی ٹی آئی نے دعویٰ کیا کہ پشاور سے فیصل آباد جاتے ہوئے اسلام آباد پولیس نے حراست میں لیا، مرکزی ترجمان تحریک انصاف شیخ وقاص نے سوشل میڈیا پیغام میں لکھا حامد رضا اسلام آباد پولیس کو کسی بھی کیس میں مطلوب نہیں تھے۔چیئرمین پی ٹی آئی بیرسٹر گوہر کا کہنا ہے کہ سہیل آفریدی کوعمران خان سے ملاقات کی اجازت نہیں مل سکی، ملاقات ہو گی تیمارداری بھی ہو گی تو اچھی خبریں آئیں گی، حامد رضا سے بات ہوئی تھی انکی گرفتاری نہیں ہوئی، انھوں نے خود کو سرینڈر کیا تھا،

واضح رہے کہ صاحبزادہ حامد رضا کو 9 مئی کیس میں 10 سال کی سزا سنائی گئی تھی، جس کے بعد سے وہ مفرور تھے۔

پنجاب بار کونسل کے غیر حتمی نتائج کے مطابق رانا معظم عباس 2268 ووٹ لے کر سرفہرست ہیں، جبکہ چنگیز خان کاکڑ 2130 ووٹوں کے ساتھ دوسرے نمبر پر ہیں۔

قیصر نزیر ساہی 1866، امتیاز لونا 1769، میاں عبدالسلام 1606، شہزاد بشیر چیمہ 1599 اور میاں مہران طاہر 1470 ووٹوں کے ساتھ مقابلے میں شامل ہیں۔
پولنگ اسٹیشن بوتھ نمبر 2 فیصل آباد
میاں مہران طاہر 48، رانا معظم عباس 46، امتیاز لونا 45، چنگیز خان کاکڑ 33، شہزاد بشیر چیمہ 34، قیصر ساہی 26 ووٹ حاصل کرنے میں کامیاب رہے۔
جڑانوالہ غیر حتمی نتیجہ
معظم عباس 111 ووٹ کے ساتھ پہلے نمبر پر، قیصر نزیر ساہی اور امتیاز لونا 97، 97 ووٹوں کے ساتھ دوسرے نمبر پر ہیں، جبکہ چنگیز خان کاکڑ نے 91 اور میاں مہران طاہر نے 73 ووٹ حاصل کیے۔
سمندری سے 150 ووٹوں کی گنتی مکمل
ارشدمُنیر 89، میاں انوارالحق 67، امتیاز لونا 62، قیصر ساہی 55، چنگیز خان کاکڑ اور شہزاد بشیر چیمہ 46، جبکہ معظم عباس نے 45 ووٹ حاصل کیے۔ابتدائی نتائج کے مطابق رانا معظم عباس، چنگیز خان کاکڑ اور قیصر نزیر ساہی واضح برتری حاصل کیے ہوئے ہیں، جبکہ شہزاد چیمہ اور امتیاز لونا کے درمیان کانٹے کا مقابلہ جاری ہے

وزیراعظم کے مشیر سینیٹر رانا ثنااللہ نے کہا ہے کہ فیلڈ مارشل سید عاصم منیر کی قیادت میں بہادر مسلح افواج نے افغانستان میں دشمن کو عبرتناک سبق سکھایا ہے۔

فیصل آباد میں میڈیا سے گفتگو کرتے ہوئے رانا ثنااللہ نے کہا کہ جارحیت کا آغاز دشمن کی جانب سے ہوا، چھپے ہوئے دشمن کو آج ہم نے منہ توڑ جواب دیا ہے اور فیلڈ مارشل سید عاصم منیر کی قیادت میں بہادر مسلح افواج نے دشمن کو عبرتناک سبق سکھایا ہے.پاک فوج نے دشمن کی متعدد چیک پوسٹوں کو نیست و نابود کر دیا، دنیا ہماری عسکری اور سفارتی قوت کو تسلیم کرتی ہے، جس مؤثر انداز سے جواب دیا گیا یہی جواب بنتا تھا، جس طرح روز ہمارے جوانوں کے جنازے اٹھائے جا رہے تھے تو جوابی کارروائی کے حوالے سے سوال اٹھ رہے تھے اس لیے کل کی کارروائی وقت کی ضرورت تھی۔

رانا ثناء اللہ کا کہنا تھا کہ اپوزیشن جماعتوں کو ایک بار پھر دعوت دیتے ہیں کہ استحکام پاکستان کے لیے ہمارے ساتھ بیٹھیں، بالخصوص پی ٹی آئی سے گزارش ہے کہ ہمیں بے شک گالیاں دیتی رہے لیکن پاکستان کے استحکام کے لیے ساتھ بیٹھے، آئیں آپ بھی اس کامیابی کا حصہ بنیں، مذہبی جماعت کے احتجاج پر سیاسی اور مذہبی جماعتوں نے تحفظات کا اظہار کیا، مذہبی جماعت کے قائدین سے پاکستان اور مسلح افواج کا ساتھ دینے اور مارچ ختم کرنے کی اپیل کرتے ہیں۔

فیصل آباد میں چھت گرنے سے ایک خاتون جاں بحق تین افراد زخمی ہو گئی

ریسکیو 1122 ترجمان کے مطابق فیصل آباد محمود ٹاؤن، اسٹریٹ نمبر 24، نواباں والا روڈ، مظفر کالونی کے قریب ایک مکان کی چھت گرنے کی اطلاع موصول ہوئی، جس پر فوری طور پر امدادی ٹیم روانہ کر دی گئی۔ ٹی آر گارڈر کی بنی ہوئی خستہ حال چھت اچانک زمین بوس ہو گئی، جس کے نتیجے میں ایک ہی خاندان کے چار افراد ملبے تلے دب گئے۔ریسکیو ٹیم نے فوری طور پر سرچ اینڈ ریسکیو آپریشن کا آغاز کرتے ہوئے متاثرہ افراد کو ملبے سے نکالا اور ابتدائی طبی امداد فراہم کی، ریسکیو ٹیم نے تمام متاثرین کو جنرل ہسپتال سمن آباد منتقل کر دیا گیا۔ واقعہ میں زاہدہ بی بی زوجہ اللہ دتہ، عمر 55 سال کی موت ہو گئی جبکہ اللہ دتہ ولد محمد علی، عمر 55 سال، علیشبا دختر اللہ دتہ، عمر 19 سال ، وارث علی ولد اللہ دتہ، عمر 1 سال زخمی ہوئے.

ایف آئی اے امیگریشن نے فیصل آباد ائرپورٹ پر بڑی کارروائی کی ہے

وزٹ ویزے کی آڑ میں غیر قانونی طور پر بوسنیا جانے کی کوشش ناکام – مسافر آف لوڈ کر دیا گیا،مسافر واصف علی فلائٹ نمبر FZ356 کے ذریعے آذربائیجان جا رہا تھا،مسافر کا تعلق منڈی بہاءالدین سے ہے،ابتدائی تفتیش کے مطابق مسافر ایجنٹ سے رابطے میں تھا، مسافر نے آذربائیجان سے غیر قانونی طور پر بوسنیا جانا تھاممسافر نے ایجنٹ کو مجموعی طور پر 35 لاکھ روپے ادا کئے،مسافر کو آف لوڈ کر کے ایف آئی اے اینٹی ہیومن ٹریفکنگ سرکل فیصل آباد کے حوالے کر دیا گیا،مزید تحقیقات جاری ہیں