Category: فیصل آباد

آئی جی پی پنجاب پولیس کرکٹ لیگ2022؁ء کااختتامی میچ آرپی اوالیون ریجن فیصل آباد بمقابلہ ریجن ڈیرہ غازی خان کی ٹیموں کے درمیان اقبال سٹیڈیم میں کھیلا گیا۔

مزید تفصیلات :

(شان رسول نماٸندہ باغی ٹی وی سے)

آئی جی پی پنجاب پولیس کرکٹ لیگ2022؁ء کااختتامی میچ آرپی اوالیون ریجن فیصل آباد بمقابلہ ریجن ڈیرہ غازی خان کی ٹیموں کے درمیان اقبال سٹیڈیم میں کھیلا گیا۔

میچ کے مہمان خصوصی جناب صاحبزادہ شہزاد سلطان ایڈیشنل آئی جی ڈائریکٹر جنرل سپورٹس بورڈپنجاب پولیس تھے۔

میچ زیر سرپرستی جناب آرپی او فیصل آبادعمران محمودہوا جبکہ دیگر مہمانوں میں سٹی پولیس آفیسر فیصل آباد غلام مبشر میکن،ڈی پی او جھنگ حسن اسد علوی،ایس ایس پی آپریشن محمد عبداللہ لک،ایس ایس پی انوسٹی گیشن کیپٹن ریٹائرڈ محمد اجمل،ایس ایس پی RIBفداحسین،ایس ایس پی سپیشل برانچ احمد ارسلان و ٹاؤن ایس پیز صاحبان شامل تھے۔

ڈیرہ غازی خان کی ٹیم نے ٹاس جیت کر پہلے باؤلنگ کرنے کا فیصلہ کیا اور فیصل آباد کو بیٹنگ کی دعوت دی۔ فیصل آبادکی ٹیم نے شاندار بیٹنگ کا مظاہرہ کرتے ہوئے مقررہ اوورز میں ڈیرہ غازی خان ریجن کی ٹیم کو205رنز کا ہدف دیا۔

جس کے تعاقب میں ڈیرہ غازی خان کی ٹیم بیٹنگ کرتے ہوئے19اوورز میں 173رنز پر آل آؤٹ ہوگئی۔ فیصل آباد نے 32رنز سے میچ جیت کر ٹرافی اپنے نام کرلی۔میچ کے اختتام پر ایڈیشنل آئی جی ڈائریکٹر جنرل سپورٹس بورڈپنجاب پولیس صاحبزادہ شہزاد سلطان اور آرپی او فیصل آباد عمران محمودنے کھلاڑیوں میں ٹرافی اور انعامات تقسیم کیے۔

میچ کی پہلی اینگز کے بعدآرپی او فیصل آباد عمران محمود نے کھلاڑیوں کا جذبہ بڑھانے کیلئے بیٹنگ کی اور ایس ایس پی آپریشن،ایس ایس پی انوسٹی گیشن اور ڈی پی او جھنگ نے باؤلنگ کروائی۔

ایڈیشنل آئی جی پی ڈائریکٹر جنرل سپورٹس بورڈصاحبزادہ شہزاد سلطان نے شاندار ٹورنامنٹ کا انعقاد کروانے پر آرپی او فیصل آباد عمران محمود کو خراج تحسین پیش کیا۔

اس موقع پر انہوں نے اظہارخیال کرتے ہوئے کہا کہ پولیس اہلکاروں کو اپنے فرائض منصبی کی سرانجام دہی کے ساتھ ساتھ کھیلوں کی سرگرمیوں میں بھی بڑھ چڑھ کر حصہ لینا چاہیے۔ایسی سرگرمیاں فٹنس کو بحال رکھنے اور ذہنی دباؤ کو کم کرنے کا ذریعہ بنتی ہیں۔

آئی جی پنجاب راؤسردار کے احکامات کی روشنی میں ڈی گراونڈ فیصل آباد میں پولیس خدمت مرکز کا افتتاح

تفصیلات:

(شان رسول نماٸندہ باغی ٹی وی)

آئی جی پنجاب راؤسردار کے احکامات کی روشنی میں ڈی گراونڈ فیصل آباد میں پولیس خدمت مرکز کا افتتاح

اس موقع پر آر پی او فیصل آباد عمران محمود ، سٹی پولیس آفیسر غلام مبشر میکن ،ایس ایس پی آپریشنز عبداللہ لک ،ایم این اے فیض اللہ کموکا اور ایم پی اے لطیف نذر موجود تھے۔

اس موقع پر سٹی پولیس آفیسر غلام مبشر میکن کا کہنا تھا کہ خدمت مرکز پر پولیس ویرفکیشن سرٹیفکیٹ ، لرنرز ، وہیکل سرٹیفکیٹ ،اندارج گمشدگی کاغذات ،ایف آئی آر کاپی اور دیگر قسم کی 14 سہولیات دی جائیں گی

مزید انکا کہنہ تھا کہ خدمت مرکز کا مقصد عوام کو پولیس کی جانب سے بہترین سہولیات فراہم کرنا ہے ۔

آرپی او فیصل آباد عمران محمود نے آئی جی پنجاب کرکٹ لیگ 2022؁ء کاشاندار افتتاح کیا

تفصیلات:(شان رسول نماٸندہ باغی ٹی وی)

آرپی او فیصل آباد عمران محمود نے آئی جی پنجاب کرکٹ لیگ2022؁ء کا شانداد افتتاح کیا

اس موقع سابق قومی کرکٹرسعید اجمل،سی پی او فیصل آباد غلام مبشر میکن،ایس ایس پی آپریشز عبد اللہ لک،ایس ایس پی انوسٹی گیشن محمد اجمل اور دیگر معز زمہمانان گرامی نے شرکت کی۔

تقریب سے خطاب کرتے ہوئے آرپی او فیصل آباد عمران محمود نے بتلایا کہ آئی جی پنجاب راؤ سردار علی خاں نے پہلا پنجاب لیول پر ٹورنامنٹ جس کی نمائندگی کا اعزاز فیصل آباد ریجن کو دیا ہے۔

جس میں تمام ٹیمیں ایک دوسرے کے مدمقابل ہونگی ٹورنامنٹ کا مقصد پولیس جوانوں میں کھیل کے جذبے کو فروغ دینا، ذہنی اور جسمانی صلاحیتوں کو ابھارناہے۔

بعدازاں آرپی او فیصل آباد عمران محمود،سٹی پولیس آفیسر فیصل آباد غلام مبشر میکن،سابق قومی کرکٹر سعید اجمل اور دیگر معززمہمانوں نے دیگر اضلاع سے آنے والی ٹیموں کے ساتھ ملاقات کی۔

بعدازاں آرپی او فیصل آباد عمران محمود نے ٹورنامنٹ کے باقاعدہ آغازکرتے ہوئے بیٹنگ کی اور سٹی پولیس آفیسر فیصل آباد غلام مبشر میکن نے بولنگ کروائی۔

امروزپول Aمیں ریجن فیصل آباد اور ریجن بہاولپور کے درمیان جبکہ پول Aکا ہی دوسرا میچ ٹیلی اینڈ ٹرانسپورٹ پنجاب اور ٹریفک پولیس پنجاب کے درمیان کھیلا جائے گا۔

اسی طرح پولBمیں ریجن گجرانوالہ اور ریجن سرگودھا کے درمیان جبکہ پولBکا ہی دوسرا میچ ایلیٹ پولیس پنجاب اور پنجاب ہائی وے پٹرولنگ کے درمیان کھیلا جائے گا۔

پول Cمیں ریجن ملتان اور CCPOلاہور کے درمیان جبکہ دوسرا میچ ریجن ساہیوال اور ریجن راولپنڈی کے درمیان کھیلا جائے گا۔پول Dمیں ریجن ڈیرہ غازی خان کا مقابلہ CTDپنجاب اور چوہنگ پولیس ٹریننگ سنٹر کا مقابلہ فاروق پولیس ٹریننگ سنٹر سے ہوگا۔

باوا چک واردات کے بعد لاثانی پلی ذولفقار علی شاہ روڈ پر چور شٹل کاٹ کر لاکھوں کی مالیت کا سامان لے اُڑے ۔

تفصیلات: (شان رسول سے)

باوا چک پر کچھ خواتین نے دن دیہاڑے واردات کرنے کی کوشش کی جسکو دوکانداروں نے اپنی مدد آپ کے تحت ناکام بنا دیا۔

پر اس واردات میں اُلٹا چوروں نے دوکانداروں پر ہی ایف آٸ آر کروا دی اسکی وجہ چور خواتین تھیں لہٰذہ اپنے عورت ہونے کا پورہ فاٸدہ اُٹھاتے ہوۓ اُنہوں نے پولیس کو بھی بوگس ڈیٹا فراہم کیا اور رفو چکر ہو گٸیں ۔

اُسی رات باوا چک سے تھوڑے فاصلے پر خیابان گارڈن کے نزدیک ایمان ٹریڈرز جو کے کوکنگ آٸل کا کاروبار کرتے ھیں اُنکی دوکان پر چوروں نے رات کے اندھیرے میں دوکان کے شٹل کاٹ کر لاکھوں مالیت کا سامان اور ایک ایل ای ڈی لے اُڑے ۔

دوکان مالک حاجی طارق محمود کا کہنا ہے کہ ان حالات میں کاروبار کرنا انتہاٸ مشکل ہے ۔

قریبی دوکانداروں کا کہنہ ہے کہ یہ اس علاقہ میں کچھ عرصہ کہ دوران تیسری واردات ہے ۔

اسی روڈ پر واقعہ مسلم ٹاٶن کے علاقہ میں بھی اس قسم کی واردات کا ہونا معمول بنتا جا رہا ہے ۔

بڑھتی ہوٸ واردات کے پیشے نظر علاقہ مکینوں میں شدید خوف و حراس پھیل چکا ہے لوگوں کا کہنہ ہے کہ مہنگاٸ کی وجہ سے پہلے ہی دو وقت کی روٹی پوری کرنا مشکل ہو چکا ہے اور پھر بڑھتی ہوٸ وارداتوں نے ہمیں شدید مشکل سے دو چار کر رکھا ہے ۔

علاقہ مکینوں کی آر پی او اور سی پی او فیصل آباد سے درد مندانہ گُزارش ہے کہ اپنے جدید آلا کاروں کو استعمال کرتے ہوۓ ان وارداتوں کو روکا جاۓ اور ہمارے ہونے والے نقصان کو ریکور کروایا جاۓ ۔

تھانہ صدر جڑانوالہ پولیس نے کارروائی کرتے ہوئے اندھے قتل کا ملزم گرفتار کر لیا۔

تفصیلات:

(شان رسول نُماٸندہ باغی ٹی وی)

ملزم جمیل نے 7 سالہ حسنین کو گلا دبا کر قتل کر دیا تھا۔

پولیس نے 7 سالہ حسنین کی والدہ کی مدعیت میں نامعلوم ملزم کے خلاف مقدمہ درج کیا تھا۔

سٹی پولیس آفیسر ڈاکٹر محمد عابد خان کی ہدایات پر ایس پی جڑانوالہ،ڈی ایس پی جڑانوالہ اور ایس ایچ او صدر جڑانوالہ نے فوری کارروائی کرتے ہوئے نامعلوم ملزم کو 16 گھنٹوں میں گرفتار کر لیا۔

ملزم جمیل 7 سالہ مقتول حسنین کے گاؤں کا رہائشی ہے۔

آئی جی پنجاب راؤ سردار علی خان کا ٹوبہ ٹیک سنگھ میں ٹرک ڈکیتی میں ملوث پولیس اہلکاروں کو محکمہ سے برخاست کرنے کا حکم

تفصیلات (شان رسول نُماٸندہ باغی ٹی وی)

اگرکوئی افسر یا اہلکار جرائم کی کاروائیوں میں ملوث یامجرمان کا سہولت کار پایا جائے تو زیروٹالرینس کے تحت انکے خلاف محکمانہ و قانونی کاروائی عمل میں لائی جائے۔ آئی جی پنجاب

آر پی او فیصل آباد چوری ہونے والا ٹرک اور تمام سامان اپنی نگرانی میں اصل مالکان کے حوالے کریں – راؤ سردار علی خان

لاہور20نومبر-انسپکٹر جنرل پولیس پنجاب راؤ سردار علی خان نے ٹوبہ ٹیک سنگھ میں ٹرک ڈکیتی کے واقعہ میں ملوث پولیس اہلکاروں کو محکمہ سے برخاست کرنے کا حکم دیتے ہوئے کہاہے کہ مذکورہ اہلکاروں کے خلاف سخت محکمانہ و قانونی میں ہرگز تاخیر نہ کی جائے۔

انہوں نے واقعہ کا نوٹس لے کر آر پی او فیصل آباد سے تفصیلی رپورٹ طلب کر لی۔

راؤ سردار علی خان نے کہا کہ واقعہ کا مقدمہ درج کرکے بلا تاخیر سخت قانونی کاروائی عمل میں لائی جائے اور گرفتار کانسٹیبل سے تحقیقات کرکے باقی اہلکاروں کو بھی جلد از جلد گرفتار کیا
جائے۔

انہوں نے مزیدکہاکہ گرفتار ہونے والے دو ملزمان کے خلاف بھی سخت قانونی کاروائی عمل میں لائی جائے۔ آئی جی پنجاب نے ہدایات دیتے ہوئے کہاکہ اگر کوئی افسر یا اہلکار جرائم کی کاروائیوں میں ملوث یا مجرمان کا سہولت کار پایا جائے تو انکے خلاف زیروٹالرینس کے تحت محکمانہ و قانونی کاروائی عمل میں لائی جائے۔

انہوں نے کہاکہ کرپشن، اختیارات سے تجاوز یا غیر قانونی سرگرمیوں میں ملوث کالی بھیڑوں کی محکمہ پولیس میں کوئی جگہ نہیں اور انٹرنل اکاؤنٹیبلٹی کے تحت انہیں محکمہ سے نکال باہر کیا جائے گا۔

انہوں نے مزید کہا کہ آر پی او فیصل آباد چوری ہونے والا ٹرک اور تمام سامان اپنی نگرانی میں اصل مالکان کے حوالے کریں اور کیس کو جلداز جلد منطقی انجام تک پہنچایا جائے۔
٭٭٭٭٭٭٭

آر پی او فیصل آبادعمران محمود کی طرف سے آر پی او آفس میں اردل روم کا انعقاد۔پولیس افسران کوکر پشن اور اختیارات کے ناجائز استعمال کی صورت میں کڑے محکمانہ احتساب کا سامنا کرناہو گا۔

آرپی او فیصل آباد عمران محمود نے آر پی او آفس میں اردل روم کا انعقاد کیا۔

اردل روم کے دوران 16پولیس افسران جن میں ڈسٹرکٹ فیصل آباد 9،ڈسٹرکٹ جھنگ 5ٹوبہ ٹیک سنگھ2 کے شوکاز نوٹسز کی سماعت کے سلسلہ میں پیش ہو ئے۔

دوران سماعت آرپی او فیصل آباد نے ڈسٹرکٹ جھنگ سے پیش ہو نے والے انسپکٹر غلام مصطفی کو محکمانہ امور میں غفلت کا مظاہرہ کر نے پر سزاء میں اضافہ کے لیے شوکاز،

ڈسٹرکٹ فیصل آباد سےSIولی محمد کو محکمانہ امور میں غفلت کا مظاہرہ کر نے پر ایک سال کے لیے پر وموشن روکنے کی سزاء جبکہ SIجاوید اقبال کے شوکاز نوٹس میں ایس ایس پی آپریشز کو ریگولر انکوائری کر نے کے احکامات جاری کر دیے۔

جبکہ ڈسٹرکٹ فیصل آباد سے انسپکٹر عمر دارز،انسپکٹر محمد ایوب،SIمحمد الیاس بیگ،ASIغلام عباس،ASIریاض مختار،کنسٹیبل محمد حسن 4628،شاہد اقبال 6503،ڈسٹرکٹ جھنگ سے انسپکٹر محمد اسلم،انسپکٹر ظفر عباس،ASIمظہر اقبال،ASIمحمد ارشد،ڈسٹرکٹ ٹوبہ ٹیک سنگھ SIاعجاز احمد، اسسٹنٹ اظہر حسین کے شوکاز نوٹسز فائل کر نے کے احکامات جا ری کر دیے۔

اردل روم میں 28 پولیس افسران/ اہلکاران مختلف اپیل ہائے کے سلسلہ میں پیش ہوئے۔آر پی او فیصل آباد نے بنظر عمیق تمام اپیلوں کا جائزہ لیا۔دوران سماعت02 اپیلیں مظہر حسین SIکیمسترد کر دی گئیں جبکہ18افسران و ملازمین کی اپیلوں کو فائل کیا جن میں ڈسٹرکٹ فیصل آباد 9،ڈسٹرکٹ جھنگ 3،ٹو بہ ٹیک سنگھ3چنیوٹ 3شامل ہے جبکہ 8افسران و ملازمین کی اپیلوں کے فیصلے پینڈنگ کر نے کے احکامات جاری کر دیے۔

اس موقع پر آرپی او فیصل آباد نے اظہار خیال کر تے ہو ئے کہا کہ محکمہ میں سزا اور جزاء کا عمل ہر صورت جاری رکھا جائے گا۔اچھی پروفارمنس کا مظاہرہ کر نے والے پولیس افسران انعامات کے حقدار ہو نگے جبکہ کرپشن اور اختیارات کا ناجائز استعمال کر نے والے پولیس افسران کوکڑے محکمانہ احتساب کا سامنا کر نا ہو گا۔