پاکستان کو بنے ہوئے 72 سال گزر گئے مگر ٹوبہ ٹیک سنگھ کی تحصل کمالیہ کی عوام کے لئے لاری اڈا نہ بن سکا ۔عوام کے کروڑوں روپے سے خرید کی گئی زمین بنجر پڑی ہےکمالیہ کی عوام بھی ہر چیز خریدتے وقت اور دیگر گورنمنٹ کے تمام ٹیکسز ادا کرتی ہے مگر کمالیہ کے شہریوں کو ٹرانسپورٹ کی بنیادی سہولت سے محروم رکھا گیا ہے۔حیران کن بات یہ ہے کہ اب تک عوام کے کروڑوں روپے لاری اڈا کمالیہ کی مد میں خرچ کئیے جا چکے ہیں مگر عوام کو سوائے ذلت اور رسوائی کے کچھ بھی حاصل نہیں۔
Category: فیصل آباد
ڈسٹرکٹ سپورٹس ڈیپارٹمنٹ کے زیراہتمام یکجہتی کشمیر کبڈی ٹورنامنٹ کا انعقاد
فیصل آباد(نمائندہ باغی ٹی وی )ڈسٹرکٹ سپورٹس ڈیپارٹمنٹ کے زیراہتمام یکجہتی کشمیر کبڈی ٹورنامنٹ چک 198ر ب منیانوالہ میں کھیلا گیا جس میں مختلف کلبز کی ٹیموں کے مابین میچز کھیلے گئے۔ڈسٹرکٹ سپورٹس آفیسر رانا حماد اقبال،ملک اشتیاق،ملک غلام مصطفی،مہر اشرف،مہر عرفان اور عمر شہزاد کے علاوہ دیگر آفیشلز اورشائقین کبڈی بھی موجود تھے۔کبڈی ٹورنامنٹ میں منڈا پینڈ،مکوانہ،کشمیر کبڈی کلب،گڈیا،پکا جنڈیالہ،چک 204،جوہل بگہ،مرزا کبڈی کلب،جڑانوالہ کبڈی کلب،ڈھڈی والا،نشاط آباد،لوکھا کبڈی کلب اور فخر آباد کبڈی کلب کی ٹیموں نے اپنی صلاحیتوں کے جوہر دکھائے۔اس موقع پر کھلاڑیوں میں انعامات بھی تقسیم کئے گئے۔
گورنمنٹ گرلز ڈگری کالج میں تربیتی سیشن برائے کلینکل سائیالوجسٹ کا انعقاد
فیصل آباد( نمائندہ باغی ٹی وی)گورنمنٹ گرلز ڈگری کالج ایوب ریسرچ میں فیملی ہیلتھ کلینک ڈسٹرکٹ ہیڈ کوارٹرزہسپتال کے زیراہتمام تربیتی سیشن برائے کلینکل سائیالوجسٹ کا اہتمام کیا گیا جس میں طالبات کو اڈولسنٹ ہیلتھ کے بارے میں آگاہی دی گئی۔ہیلتھ سنٹر کی ٹیم نے بتایا کہ ماہر نفسیات کی طرف سے تولیدی صحت سے متعلق معلومات بلامعاوضہ فراہم کی جاتی ہے جبکہ بچوں اورنوجوانوں سے متعلقہ تمام نفسیاتی،جسمانی،ذہنی اور جذباتی مسائل سے بھی آگاہ کیا جارہا ہے۔پرنسپل کالج ڈاکٹر سائرہ خانم نے فیملی ہیلتھ کلینک کی ٹیم کا شکریہ ادا کرتے ہوئے کہا کہ ایسے مفید ومعلوماتی پروگرامز سے صحت کے بارے میں معلومات حاصل ہوتی ہیں جن کا آئندہ بھی انعقاد کیا جائے گا۔
کھاد کی مصنوعی قلت پیدا کرنے والوں کے سخت احکامات آگئے
فیصل آباد۔ (اے پی پی) محکمہ زراعت کے ترجمان نے کہا کہ محکمہ نے حکومت کے زرعی پیکج کے تحت کھادیں سستی کرنے کے اعلان کے بعد بعض مقامات پر کھاد کی مصنوعی قلت اورسابق نرخوں پر کھاد کی فروخت کا سختی سے نوٹس لیا ہے اور تمام کھاد ڈیلرز کو ہدایت کی گئی ہے کہ وہ چور بازاری، ذخیرہ اندوزی، ناجائز منافع خوری، کھادوں کی مصنوعی قلت سے باز رہیں ورنہ ا ن کے ساتھ آہنی ہاتھوں سے نمٹا جائے گا۔ انہوں نے بتایا کہ تما م کھاد ڈیلرز اور ان کے سب ایجنٹس کو سختی سے کہاگیاہے کہ وہ یوریا و ڈی اے پی کھاد مہنگے داموں فروخت کرنے سے اجتناب برتیں ورنہ ان کے ساتھ کوئی رعایت نہیں کی جائے گی۔انہوں نے کہا کہ محکمہ زراعت کے افسران کھاد بنانے والی کمپنیوں اور ان کے ڈیلرز سے روزانہ کی بنیاد پر سٹاک پوزیشن حاصل کر یں گے تاکہ کسی کو ذخیرہ اندوزی یا ناجائز منافع خوری کا موقع نہ مل سکے۔
برائلر مرغی کے گوشت کی قیمت میں اتار چڑھاؤ جاری
فیصل آباد۔ (اے پی پی) فیصل آباد میں برائلر مرغی کے گوشت کی قیمت میں اتار چڑھاؤ جاری ہے جبکہ برائلر انڈوں کی قیمت میں اضافے کا رجحان بھی برقرار دیکھا جا رہا ہے جس کے باعث ایک ہفتہ میں برائلر انڈوں کی قیمت 90سے بڑھ کر 115روپے فی درجن اور برائلر گوشت کی قیمت 180روپے سے 240روپے فی کلو گرام تک پہنچ گئی ہے۔فیصل آباد کی پولٹری مارکیٹ میں گزشتہ ایک ہفتہ سے برائلر مرغی کے گوشت کی قیمت میں اتار چڑھاؤ کا سلسلہ جاری ہے اور روزانہ کی بنیاد پر نرخ مقرر کئے جانے کے باعث مرغی کا گوشت 180روپے سے لے کر 240روپے فی کلو گرام کے درمیان گردش کر رہا ہے۔دوسری جانب موسم کی تبدیلی اور ٹھنڈی ہوائیں چلنے کے باعث فضاء میں خنکی بڑھنے سے انڈوں کے استعمال میں بھی اضافہ ہوا ہے اور گزشتہ ایک ہفتہ کے دوران برائلر انڈوں کی قیمت 90روپے سے بڑھ کر منگل کے روز 115روپے فی درجن تک آگئی ہے جس میں مزید اضافے کا بھی امکان ہے۔
وزارت ٹیکسٹائل کا انٹر پرینیور شپ کے فروغ کے لیے فنی تربیت کے مواقع فراہم کرنے کا فیصلہ
فیصل آباد۔ (اے پی پی) وزارت ٹیکسٹائل نے انٹر پرینیور شپ کے فروغ اور ہنر مند افراد کی تربیت کیلئے وومن بزنس انکیوبیشن سنٹر کے انٹر پرینیورز کو فنی تربیت کے مواقع فراہم کرنے کا فیصلہ کیا ہے اور کہا ہے کہ وزار ت ٹیکسٹائل اس ضمن میں فیصل آباد کے علاوہ دیگر چیمبرز آف کامرس سے بھی رابطہ میں رہے گی تاکہ مذکورہ چیمبرز آف کامرس فیشن انڈسٹری سے جڑی مصنوعات کی ویلیو ایڈیشن میں ان کا ہاتھ بٹا سکیں۔وزارت کے ذرائع نے بتایاکہ صنعتی، کاروباری، تجارتی شعبہ کی معاونت اور حکومتی اقدامات سے ٹیکسٹائل کا شعبہ تیزی سے بحال ہو رہا ہے جبکہ ٹیکسٹائل ایکسپورٹرز کے ریفنڈ کلیمز کی بتدریج ادائیگیوں کے ۱ٓغاز کے باعث ایکسپورٹرز کے اعتماد میں اضافہ ہوا ہے۔ انہوں نے کہا کہ ویلیو ایڈیشن کیلئے حکومت مزید مراعات دے رہی ہے تاکہ علاقائی مسابقتی فضاء میں پاکستان کے ایکسپورٹر ز کو برتری حاصل ہو اور وہ زیادہ سے زیادہ مصنوعات برآمد کر کے قیمتی زر مبادلہ حاصل کر نے میں مدد گار ثابت ہو سکیں۔ انہوں نے کہا کہ وزارت ٹیکسٹائل چیمبر ز آف کامرس کے ساتھ مل کر ہنر مند افراد کو تربیت فراہم کرے گی تاکہ اس کے مقررہ اہداف کی تکمیل ممکن ہو سکے۔ انہوں نے بتایاکہ راولپنڈی چیمبر آف کامرس بھی جلد برمنگھم برطانیہ میں ایک بزنس کانفرنس منعقد کرنے جا رہا ہے جس کیلئے وفاقی وزارت ٹیکسٹائل بھر پور معاونت اور رہنمائی فراہم کرے گی۔
بے قابو بس نے 3 موٹر سائیکل سواروں کو روند ڈالا،مشتعل افراد نے بس کو ۱ٓگ لگادی
فیصل آباد۔ (اے پی پی) پولیس تھانہ ٹھیکری والا فیصل ۱ٓباد کے علاقہ ٹھیکری والا جھپال مین جھنگ فیصل ۱ٓباد روڈپر ایک تیز رفتاربے قابو بس نے 3 موٹر سائیکل سواروں کو روند ڈالاجس کے نتیجہ میں 2 موٹر سائیکل سوار موقع پر ہی جاں بحق جبکہ ایک شدید زخمی ہوگیا۔ واقعہ کے فوری بعدمشتعل افراد نے بس کو ۱ٓگ لگادی تاہم ڈرائیور فرار ہونے میں کامیاب ہوگیا۔پولیس اور ریسکیو 1122 کے ذرائع نے بتایا کہ جھنگ سے فیصل ۱ٓباد جا نے والی تیز رفتار مسافر بس نے ٹھیکری والا جھپال کے قریب مین جھنگ فیصل ۱ٓباد روڈ پر مخالف سمت سے ۱ٓنیوالے موٹر سائیکل کو روند ڈالا جس کے نتیجہ میں 2 موٹر سائیکل سوار 28سالہ محمد مجید ولد بوٹا سکنہ نیا لاہور اور 18سالہ شیراز ولد امتیاز سکنہ چک نمبر 347ج ب فیصل ۱ٓباد موقع پر ہی جاں بحق جبکہ ایک موٹر سائیکل سوار نوجوان خالد محمود ولد محمد صادق سکنہ نیا لاہورعمر25سال شدید زخمی ہوگیا جسے تشویشناک حالت کے باعث الائیڈ ہسپتال منتقل کردیا گیا ہے نیزہلاک شدگان کی میتیں مزید قانونی کاروائی کیلئے آر ایچ سی 30چک فیصل ۱ٓباد منتقل کردی گئی ہیں۔ المناک حادثہ کے فوری بعد شہریوں کی بڑی تعداد جا ئے وقوعہ پر اکٹھی ہوگئی جن میں سے مشتعل افراد نے بس کو آگ لگا دی تاہم ڈرائیور فرار ہونے میں کامیاب ہوگیا۔پولیس نے مقدمہ درج کر کے ملزم کی گرفتاری کیلئے کوششیں شروع کردی ہیں۔ایک دوسرے واقعہ میں بڑا گھسیٹ پورہ شیخوپورہ روڈ فیصل ۱ٓبادکے علاقہ میں دو گروپوں کے مابین تصادم میں گولی لگنے سے 26سالہ شخص وقاص ولد عنایت شدید زخمی ہوگیا جسے الائیڈ ہسپتال منتقل کردیا گیا ہے۔مزید تفتیش جاری ہے۔
ٹی ٹونٹی کرکٹ میلہ آج سے فیصل آباد میں سجے گا، اقبال اسٹیڈیم میں انتظامات مکمل زونگ فور جی نیشنل ٹی ٹونٹی کپ کا آغاز آج سے ہو گا
فیصل آباد: ٹی ٹونٹی کرکٹ میلہ اتوار سے فیصل آباد میں سجے گا۔ اقبال انٹرنیشنل کرکٹ اسٹیڈیم میں انتظامات مکمل۔ • زونگ فور جی نیشنل ٹی ٹونٹی کپ 13 سے 24 اکتوبر تک اقبال اسٹیڈیم میں جاری رہے گا. ملک بھر کے بہترین کرکٹر زونگ فور جی نیشنل ٹی ٹونٹی کپ میں شرکت کے لیے فیصل آباد پہنچ چکے ہیں۔
اقبال اسٹیڈیم فیصل آباد 8 سال بعد ایونٹ کی میزبانی کرے گا۔ جہاں 96 بہترین کرکٹرز کو ایکشن میں دیکھنے کے لیے شائقین کرکٹ کی ایک بڑی تعداد اسٹیڈیم کا رخ کرے گی۔ نئے ڈومیسٹک کرکٹ اسٹرکچر کی تیاری کے دوران پاکستان کرکٹ بورڈکی جانب سے کھلاڑیوں کی آمدن میں اضافہ کو ترجیح دی گئی۔ یہی وجہ ہے کہ فیصل آباد میں شیڈول ٹی ٹونٹی کپ کی فاتح ٹیم کی انعامی رقم میں 100 فیصد اضافہ کیا گیا۔13 سے 24 اکتوبر تک جاری رہنے والے ایونٹ کی فاتح ٹیم کو 50 لاکھ روپے کی انعامی رقم دی جائے گی۔ ایونٹ کی رنرزاپ ٹیم کو 25 لاکھ روپے بطور انعام دیا جائے گا۔ اقبال اسٹیڈیم فیصل آباد میں شیڈول ایونٹ کے دوران مین آف دی میچ کو 25 ہزار اور فائنل میچ کے بہترین کھلاڑی کو 35 ہزار جبکہ پلیئر آف دی ٹورنامنٹ کوایک لاکھ روپےکی انعامی رقم دی جائے گی۔
ایونٹ کے بہترین بیٹسمین، باؤلر اور وکٹ کیپر کو بھی ایک ایک لاکھ روپے کی انعامی رقم دی جائے گی۔ ایونٹ میں بہترین کارکردگی کا مظاہرہ کرنے والے کھلاڑیوں کو آسٹریلیا کے خلاف 3 ٹی ٹونٹی میچوں پرمشتمل سیریز اور ایچ بی ایل پی ایس ایل 2020 کی ڈرافٹنگ میں شامل کیا جاسکتا ہے تاہم نئے ڈومیسٹک کرکٹ اسٹرکچر کی منظوری کے بعدکھلاڑیوں کو اقبال اسٹیڈیم میں عمدہ کارکردگی کا مظاہرہ کرنے کے لیے سخت محنت کرنا ہوگی۔
زونگ فور جی نیشنل ٹی ٹونٹی کپ کے تمام میچز ٹین اسپورٹس اور پی ٹی وی اسپورٹس پر براہ راست نشر کیے جائیں گے۔ ایونٹ میں روزانہ 2 میچز کھیلے جائیں گے تاہم فائنل مقابلہ 24 اکتوبر کو ہوگا۔ پاکستانی وقت کے مطابق پہلا میچ روزانہ دوپہر 1:30 بجے اور دوسرا میچ 5:30 بجے شروع ہوگا۔ تمام میچوں کی تازہ ترین تفصیلات پاکستان کرکٹ بورڈ کے سوشل میڈیا اکاؤنٹ پر جاری کی جائیں گی۔
پی سی بی ہر میچ کی رپورٹ بھی شائع کرے گا۔ شان مسعود، کپتان سدرن پنجاب: سدرن پنجاب کرکٹ ٹیم کے کپتان شان مسعود کا کہنا ہے کہ یہ ایونٹ قومی کرکٹ کو نئے ستارےدے گا۔ انہوں نے شائقین کرکٹ سے اسٹیڈیم آنے کی درخواست کرتے ہوئے کہا کہ پی سی بی نے جاوید میانداد انکلوژر کو فیملیز کے لیے مختص کیا ہے۔ امید ہےگراؤنڈ میں مداحوں کی بھرپور اسپورٹ میسر ہوگی۔
احمد شہزاد، نائب کپتان سنٹرل پنجاب: سنٹرل پنجاب کرکٹ ٹیم کے نائب کپتان احمد شہزاد نے کہا کہ شائقین کرکٹ کھیل کی جان ہیں۔ انہوں نے کہا کہ فیصل آباد کی عوام کرکٹ اور کرکٹر سے بے حد محبت کرتی ہے۔ سنٹرل پنجاب کرکٹ ٹیم کے اوپنر نے مداحوں کو اسٹیڈیم کا رخ کرنے کی درخواست کی ہے۔ عمران فرحت، نائب کپتان بلوچستان: بلوچستان کرکٹ ٹیم کے نائب کپتان عمران فرحت کا کہنا ہے کہ ایونٹ میں شامل ٹیموں میں نوجوان اور باصلاحیت کھلاڑی موجود ہیں۔
انہوں نے کہا کہ بہترین کھلاڑیوں کی موجودگی میں فیصل آباد کی عوام کومعیاری کرکٹ دیکھنے کو ملے گی۔ سرفراز احمد، کپتان سندھ: سندھ کرکٹ ٹیم کے کپتان سرفراز احمد نے کہا کہ نئےڈومیسٹک کرکٹ اسٹرکچر کے ماتحت پہلے ٹی ٹونٹی کپ میں معیاری کرکٹ دیکھنے کو ملے گی۔ انہوں نے والدین کو بچوں کےہمراہ جاوید میانداد انکلوژر کی نشستیں بھرنے کی درخواست کی ہے۔
سہیل تنویر، کھلاڑی ناردرن: ناردرن کرکٹ ٹیم کے سینئر کھلاڑی سہیل تنویر کا کہنا ہےکہ فیصل آباد میں موجود کرکٹ کے مداح ہمیشہ کھلاڑیوں کی حوصلہ افزائی کرنے میدان کا رخ کرتے ہیں۔ انہیں امید ہے کہ شائقین کرکٹ اتوار سے شروع ہونے والے ایونٹ میں بھی اپنی روایت کو برقرار رکھیں گے۔ محمد رضوان، کپتان خیبرپختونخوا: خیبرپختونخوا کرکٹ ٹیم کےکپتان محمد رضوان نے کہا کہ انہیں میچ کے دوران اسٹیڈیم میں موجود مداحوں کی حوصلہ افزائی کی ضرورت ہے۔
انہوں نے کہا کہ نئے ڈومیسٹک اسٹرکچر کی منظوری کے بعد ہر ٹیم میں 10 سے 11 کھلاڑیوں کے پاس بین الاقوامی کرکٹ کا تجربہ ہے۔ نیشنل ٹی ٹونٹی کپ سیکنڈ الیون ٹورنامنٹ: نیشنل ٹی ٹونٹی کپ سیکنڈ الیون ٹورنامنٹ کا آغاز 13 اکتوبر سے نیشنل اسٹیڈیم کراچی میں ہوگا۔ ٹورنامنٹ سیکنڈ الیون ٹیموں میں شامل نوجوان کھلاڑیوں کو صلاحیتوں کے اظہار کا موقع فراہم کرے گا۔
یہاں بہترین کارکردگی کا مظاہرہ کرنے والے کھلاڑیوں کو فرسٹ الیون ٹیموں میں بطور بیک اپ شامل کیا جاسکتا ہے۔ فرسٹ الیون ٹورنامنٹ کی طرح سیکنڈ الیون ٹورنامنٹ میں بھی آخری روز کے علاوہ روزانہ 2 میچز کھیلے جائیں گے۔ پاکستان کرکٹ بورڈ نیشنل اسٹیڈیم کراچی سے دونوں میچوں کے اختتام پر روزانہ راؤنڈ اپ جاری کرے گا۔ فرسٹ الیون اسکواڈز: بلوچستان: حارث سہیل (کپتان)، عمران فرحت (نائب کپتان)، عاکف جاوید، علی شفیق، عماد بٹ، اویس ضیاء، بسم اللہ خان (وکٹ کیپر)، حسین طلعت،امام الحق، عمران بٹ، محمد اصغر، محمد طلحہٰ، شہباز خان، تیمور خان، عمر گل اور یاسر شاہ۔
سنٹرل پنجاب: بابر اعظم (کپتان)، احمد شہزاد(نائب کپتان)، احمد بشیر، علی شان، بلال آصف، فہیم اشرف، حسن علی (فٹنس سے مشروط)، کامران اکمل، نسیم شاہ، رضوان حسین، سعد نسیم، سلمان بٹ، عمر اکمل، عثمان قادر، وقاص مقصوداورظفر گوہر۔ خیبرپختونخوا: محمد رضوان (کپتان، وکٹ کیپر)، صاحبزادہ فرحان (نائب کپتان)، عادل امین، فخر زمان، افتخار احمد، اسرار اللہ، جنید خان، خوشدل شاہ، محمد محسن، محمد الیاس، مصدق احمد، عمر خان، عثمان خان شنورای، ذوہیب خان، عمران خان جونیئر، عرفان اللہ شاہ۔
ناردرن: عماد وسیم (کپتان)، عمر امین (نائب کپتان)، علی عمران، آصف علی، حیدر علی، حماد اعظم، حارث رؤف، محمد عامر،محمد نواز، موسیٰ خان، نوید ملک، روحیل نذیر، شاداب خان، سہیل اختر، سہیل تنویر اور زید عالم۔ سندھ: سرفراز احمد (کپتان ، وکٹ کیپر)، اسد شفیق (نائب کپتان)، عابد علی، احسان علی، انور علی، فواد عالم، کاشف بھٹی، خرم منظور، میر حمزہ، مرزا احسن جمیل، محمد حسنین، عمیر بن یوسف، سعد علی، سعود شکیل، سہیل خان اور ولید احمد
سدرن پنجاب: شان مسعود (کپتان)، سمیع اسلم (نائب کپتان)، عامر یامین، بلاول بھٹی، محمد عرفان، محمد عباس(فٹنس سے مشروط)، محمد حفیظ، محمد عرفان (اسپنر)، راحت علی، سیف بدر،شعیب ملک، صہیب مقصود، عمید آصف، عمر صدیق، وہاب ریاض اور زاہد محمود
چارے کی فصل کو لشکری سنڈی کے حملہ سے بچانے کیلئے فوری ان اقدامات کی ہدایت
فیصل آباد۔ (اے پی پی)ماہرین زراعت نے چارے کی فصل کو لشکری سنڈی کے حملہ سے محفوظ رکھنے کیلئے فوری اقدامات کی ہدایت کی ہے اور کہا ہے کہ چونکہ لشکری سنڈی سبز چارے کی پیداوار کو نقصان پہنچاتی ہے لہٰذا کاشتکار چارے کی فصل پر کڑی نظر رکھیں تاکہ لشکری سنڈی کے حملہ سے محفوظ رہ کر فی ایکڑ زائد پیداوار کا حصول ممکن ہو سکے۔ انہوں نے بتایاکہ برسیم وغیرہ کے کاشتکاروں کو چاہیے کہ وہ فصل کی کاشت کیلئے بھاری میر ا یا قدرے ہلکی میرا زمین کاانتخاب کریں اور اسے تین سے چار مرتبہ ہل و سہاگہ دے کر دو سے تین ٹرالیاں فی ایکڑ گوبر کی گلی سڑی کھاد ڈال کر مکس کر لیاجائے تاکہ ذرخیز زمین تیار ہو سکے۔ انہوں نے بتایاکہ ایک ایکڑ کاشت کیلئے 8کلو گرام صاف ستھرا صحت مند اور جڑی بوٹیوں سے پاک بیج کاشت کرنااشد ضروری ہے۔ انہوں نے بتایاکہ لشکری سنڈی پتوں کو کھا کر چٹ کر جاتی ہے اس لئے اس کے خاتمہ اور پروانوں کی تلفی کیلئے روشنی کے پھندے لگانے چاہئیں۔ انہوں نے کہا کہ اگر لشکری سنڈی کا حملہ شدت اختیار کر جائے تو ماہرین زراعت یا محکمہ زراعت توسیع و پیسٹ وارننگ کے عملہ کی مشاورت سے 125سے 140 ملی لیٹر فی ایکڑ سٹیوارڈ کاسپرے بہتر نتائج کاحامل ہو سکتاہے۔
یکجہتی کشمیر کے لیے تیراکی چیمپئن شپ….
فیصل آباد (اے پی پی):ڈویژنل کمشنر محمود جاوید بھٹی جمعہ 11،اکتوبر کو سہ پہر 3بجے منروا کلب میں یکجہتی کشمیر تیراکی چیمپئن شپ کے موقع پر مہمان خصوصی ہونگے۔ صدر منروا کلب میاں زاہد سرفراز،رانا افتخار احمد اور مینجمنٹ کمیٹی کے دیگر ارکان بھی موجود ہونگے۔چیف آرگنائزر/سپورٹس سیکرٹری ڈاکٹر محمد جلال عارف کے مطابق سوئمنگ مقابلوں میں 8,10,12,14,16,18اور اوپن ایج کے کھلاڑی حصہ لیں گے۔انہوں نے بتایا کہ اس موقع پر ونر کھلاڑیوں میں انعامات بھی تقسیم کئے جائیں گے جبکہ مقابلوں کے اختتام پر کشمیریوں سے اظہار یکجہتی کے لئے ریلی بھی منعقد ہوگی جس کی قیادت ڈویژنل کمشنر اور صدر منروا کلب کریں گے۔
