فیصل آباد، صوبائی وزیر صحت ڈاکٹر یاسمین راشد نے کہاہے کہ حکومت پنجاب نے شعبہ صحت کی ترقی و استحکام کے لئے آئندہ مالی سال میں 308،ارب روپے کا تاریخ ساز بجٹ مختص کیا ہے جو گزشتہ حکومت کے ہیلتھ بجٹ سے 8.4فیصدزیادہ ہے اورصوبہ بھر کے مختلف اضلاع میں 9نئے ہسپتالوں کے قیام کے علاوہ موجودہ ہسپتالوں کی اپ گریڈیشن کے منصوبے مکمل کئے جائیں گے اس مالی سال میں صوبہ کے سرکاری ہسپتالوں میں اڑھائی ہزار بیڈز کا اضافہ ہوگا۔انہوں نے یہ بات دورہ فیصل آباد کے دوران فیصل آباد میڈیکل یونیورسٹی کے سینڈیکیٹ کے اجلاس کے بعد میڈیا نمائندگان سے گفتگو کرتے ہوئے کہی۔وائس چانسلر فیصل آباد میڈیکل یونیورسٹی ڈاکٹر ظفر علی چوہدری،ایم پی اے عادل پرویز گجر،ایڈیشنل ڈپٹی کمشنر فنانس عاصمہ اعجاز چیمہ،میڈیکل سپرنٹنڈنٹس الائیڈ،ڈسٹرکٹ ہیڈ کوارٹرزوگورنمنٹ جنرل ہسپتال غلام محمد آبادڈاکٹر خرم الطاف،ڈاکٹر خالد فخر،ڈاکٹر عامر،ڈاکٹر احمد بلال اوردیگر بھی موجود تھے۔صوبائی وزیر صحت نے کہا کہ شعبہ صحت کی ترقی اور مریضوں کو جدید طبی سہولیات کی دہلیز پر فراہمی موجودہ حکومت کی ترجیحات میں سر فہرست ہے اسی مقصد کے لئے بجٹ میں خاطر خواہ فنڈز رکھے گئے ہیں۔انہوں نے بتایا کہ جدید سہولتوں سے آراستہ نئے ہسپتال لیہ،میانوالی،رحیم یار خاں،بہاولپور،ڈیری غازی خاں،ملتان،راولپنڈی اورلاہور میں بنائے جائیں گے۔انہوں نے بتایا کہ رواں مالی سال میں 2،ارب روپے ہیلتھ کارڈکے اجراء کے لئے مختص کئے گئے ہیں اور اس سال پنجاب کے 36،اضلاع میں 72لاکھ ہیلتھ کارڈ جاری کئے جائیں گے جس کی بدولت 3سے 4کروڑ لوگ علاج معالجہ کی سہولتوں سے مستفید ہونگے اوردوسرے شہروں سے علاج کے لئے آنے والے مریضوں کو ایک ہزارروپے کرایہ بھی دیا جائے گا۔صوبائی وزیر صحت نے کہا کہ صوبائی ہیڈ کوارٹرز پر پیڈیاٹرک اینڈ چائلڈہیلتھ یونیورسٹی بھی بنائی جارہی ہے جس کا مقصد بچوں کی شرح اموات پر تحقیق کرنا ہے۔انہوں نے کہا کہ صوبہ بھر میں 2ہزار نئے کنسلٹنٹس کے انٹرویو جاری ہیں جس کی بدولت رورل ایریاز میں کمی دور ہوگی۔انہوں نے میڈیا نمائندگان کے سوالوں کے جواب دیتے ہوئے کہا کہ صوبہ میں ایچ آئی وی ایڈز کا کوئی نیا مریض رپورٹ نہیں ہوا تاہم ٹی بی کے مریضوں کی سکریننگ کے بعد ایچ آئی وی ایڈز ظاہر نے پر 350مریضوں کو ادویات فراہم کی جارہی ہیں اور ہر ضلع میں ایڈز کنٹرول پروگرام کے تحت سنٹر بھی قائم کریں گے۔انہوں نے کہا کہ عطائیت کے خاتمے کے لئے سنجیدہ اقدامات کئے جارہے ہیں اور ہیلتھ کیئر کمشن کا نیا بورڈ تشکیل دیا گیا ہے اور متعلقہ قوانین پر عملدرآمد کراکر اس کا خاتمہ یقینی بنائیں گے۔انہوں نے کہا کہ وطن عزیز کو پولیو فری بنانے کے لئے میڈیا نمائندگان شعور اجاگر کریں اور بچوں کو پولیو سے بچاؤ کی ویکسین ہر بار لازمی پلوانے،کھانا کھانے سے قبل ہاتھ دھونے،ابلا ہوا پانی استعمال کرنے کا پیغام والدین تک پہنچائیں تاکہ مشترکہ کاوشوں سے مطلوبہ نتائج حاصل کئے جاسکیں۔انہوں نے کہا کہ پاکستان تحریک انصاف کی حکومت پنجاب میں سوشل سیکٹر کی ترقی و استحکام پر خصوصی توجہ دے رہی ہے جس میں ہیلتھ اور ایجوکیشن کے شعبوں کی ترقی سرفہرست ہے۔انہوں نے بتایا کہ میڈیکل ویسٹ کو جدید و سائنسی انداز میں ٹھکانے لگانے کے لئے نجی کمپنی کے ساتھ معاہدہ کیا جارہا ہے جس کی بدولت میڈیکل ویسٹ سے بیماریاں پھیلنے کے خدشات دور ہونگے اور ماحولیاتی تحفظ کویقینی بنایا جاسکے۔اس سے قبل صوبائی وزیر صحت ڈاکٹر یاسمین راشدنے سینڈیکیٹ کے اجلاس کی صدارت کی جس میں ارکان صوبائی اسمبلی خیال احمد کاسترو،عادل پرویز گجر،وائس چانسلر پروفیسر ڈاکٹر ظفرعلی چوہدری،رجسٹرارفیصل بلال لودھی،میڈیکل سپرنٹنڈنٹس الائیڈ،ڈی ایچ کیووگورنمنٹ جنرل ہسپتال غلام محمد آبادڈاکٹر خرم الطاف،ڈاکٹر خالد فخر،ڈاکٹر عامر،ڈاکٹر احمد بلال،محکمہ فنانس،پلاننگ اینڈڈویلپمنٹ کے نمائندے،مخیر حضرات سیٹھ افتخار،محمدارشد اچھی ودیگر نے شرکت کی۔اجلاس کے دوران یونیورسٹی کے مختلف مالی،طبی وانتظامی امور کی منظوری دی گئی جس کے تحت میڈیکل مشینری کی خریداری،آپریشن تھیٹرز کی اپ گریڈیشن ودیگر منصوبے شامل ہیں۔صوبائی وزیر صحت نے سینڈیکیٹ کے ارکان سے کہا کہ وہ یونیورسٹی کے زیراہتمام ہسپتالوں کا مختلف اوقات میں ماہانہ وزٹ کرکے انتظامی کمزوریوں کی نشاندہی کریں اور علاج معالجہ کی سہولتوں کی بھی مکمل مانیٹرنگ کرکے تحریری رپورٹ بھجوائی جائے۔انہوں نے سینڈیکیٹ کے ارکان کا واٹس ایپ گروپ تشکیل دینے کی ہدایت کی تاکہ اس ضمن میں متعلقہ سرگرمیوں سے تمام ممبران آگاہ رہیں۔صوبائی وزیر صحت نے ہسپتالوں میں برقی توانائی کے لئے سولر سسٹم کے منصوبوں کے قیام کی پلاننگ کرنے کی تجویز پیش کی تاکہ بجلی کے بھاری مالیت کے بلوں میں کمی آسکے۔
۔۔۔///۔۔۔
Category: فیصل آباد
حکومت پنجاب کا شعبہ صحت کی ترقی و استحکام کے لئے 308 ارب روپے کا بجٹ
الائیڈ ہسپتال فیصل آباد میں 3 منزلہ شیلٹر ہوم کی تعمیر کا آغاز کردیا گیا
فیصل آباد، وزیراعظم عمران خان کے ویژن کے مطابق الائیڈ ہسپتال میں ابتدائی طور پر تین منزلہ شیلٹر ہوم تعمیر کیا جارہا ہے جس کی دو منازل پر مریضوں کے لواحقین کے لئے آرام دہ قیام کی سہولیات میسر آئیں گی جبکہ تیسری منزل پر طویل دورانیہ کے قیام کے مریضوں کے علاج معالجہ کا شعبہ قائم ہوگا جس کے لئے الحمرا ویلفیئر ٹرسٹ کا مالی تعاون حاصل ہے۔اس شیلٹر ہوم کا باقاعدہ سنگ بنیاد صوبائی وزیر صحت ڈاکٹر یاسمین راشد نے دورہ فیصل آباد کے دوران کیا۔اس موقع پر وائس چانسلر فیصل آباد میڈیکل یونیورسٹی ڈاکٹر ظفر علی چوہدری،ایڈیشنل ڈپٹی کمشنر فنانس عاصمہ اعجاز چیمہ،ایم پی اے عادل پرویز گجر،الحمراء ویلفیئر ٹرسٹ کے محمد ارشداچھی اوردیگر بھی موجود تھے۔صوبائی وزیر صحت نے کہا کہ پناہ گاہوں (شیلٹر ہومز)کے قیام کے فلاحی منصوبوں سے متعلق ملکی تاریخ میں پہلی بار موجودہ وزیراعظم عمران خان نے سوچا ہے جس کو عملی جامعہ پہنانے کے لئے وسائل یافتہ افراد آگے آرہے ہیں جو کہ ایک عظیم کار خیر ہے۔انہوں نے الائیڈ ہسپتال میں شیلٹر ہوم وطویل دورانیہ کے وارڈ کے قیام کے سلسلے میں خطیر مالی تعاون پر الحمرا ویلفیئر ٹرسٹ کے چیئرمین محمد ارشد اچھی کے جذبہ خدمت کو سراہا اور کہا کہ فیصل آباد کے مخیر حضرات نے فلاحی اقدامات میں ہمیشہ بڑھ چڑھ کر حصہ لیا ہے اور شیلٹر ہوم کے منصوبہ میں معاونت قابل ستائش اقدام ہے۔انہوں نے کہا کہ وزیراعظم عمران خان اور وزیراعلیٰ پنجاب سردار عثمان بزدار کے ویژن کے مطابق صوبہ بھر میں پردیسی افراد کو رات گزارنے کے لئے چھت میسر کرنے کی خاطر پاکستان بھر کے مختلف شہروں میں شیلٹرہومز قائم کئے جارہے ہیں اورالائیڈ ہسپتال میں پناہ گاہ کا قیام بھی اسی سلسلے کی ایک کڑی ہے جس کی بدولت مقامی ودیگر شہروں سے آنے والے مریضوں کے لواحقین ورشتہ داروں کو قیام کرنے کی سہولت میسر آئے گی۔
فیصل آباد، انتہائی خطرناک دہشتگرد پولیس مقابلے میں ہلاک
فیصل آباد میں انتہائی خطرناک دہشتگرد سلمان رندھاوا پولیس مقابلے میں اپنے ساتھیوں کی فائرنگ سے ہلاک ہوگیا۔ ایس ایچ او تھانہ غلام محمد آباد ملزم کو برآمدگی کے لئے لے جا رہا تھا۔ گھونہ میں کار اور موٹرسائیکل سوار ملزمان کی سلمان رندھاوا کو چھڑوانے کی کوشش کی اوت اس موقع حملہ آوروں نے پولیس پر فائرنگ کی اور مزم کی ساتھیوں کی فائرنگ سے سلمان رندھاوا مارا گیا۔ پولیس اور حملہ آوروں کے درمیان فائرنگ کا تبادلہ جاری ، مزید نفری طلب کر لی گئی ہے۔ ایچ او ملت ٹاون ارم رضا شاہ بھی نفری کے ساتھ جائے وقوعہ پہنچ گئے ہیں۔
صحافیوں کے احتجاج میں ڈبو مردہ باد کے نعرے، فواد چوہدری نے تھپڑ کیوں مارا؟ سمیع ابراہیم نے بتا دیا
وفاقی وزیر برائے سائنس و ٹیکنالوجی فواد چوہدری کی جانب سے سینئر صحافی سمیع ابراہیم کو تھپڑ مارے جانے کیخلاف ملک بھر میں صحافیوںکا احتجاج جاری رہے. گزشتہ روز صحافیوں کے ایک احتجاجی مظاہرہ میں سمیع ابراہیم نے بھی شرکت کی اور کل پیش آنےو الے واقعہ سے متعلق صحافیوں کو آگاہ کیا.
باغی ٹی وی کی رپورٹ کے مطابق سمیع ابراہم نے صحافیوں کے مظاہرہ کے دوران خطاب کرتے ہوئے کہاکہ میں فیصل آباد میں شادی کی تقریب میں شرکت کیلئے گیا اور یہ شادی کی تقریب کے اختتامی لمحات تھے. میں ، ارشد شریف، رؤف کلاسرا اور فرخ حبیب آرہے تھے کہ اچانک مجھے پیچھے سے گالیوں کی آواز سنائی دی ، میں پیچھے مڑا تو وفاقی وزیر فواد چوہدی قریب آچکے تھے، میں سوچ رہا تھا کہ یہ کون اور کسی کو گالیاںدے رہا ہے تاہم اسی دوران میں پیچھے مڑا تو انہوں نے مکا بنایا ہوا تھا جو انہوں نے مجھے پنچ کیا.
سمیع ابراہیم کی اس بات پرصحافیوںنے نعرے غنڈہ گری نہں چلے گی. ڈبو مردہ باد، ڈبو ہائے ہائے کے زوردار نعرے لگائے. سمیع ابراہیم کا کہنا تھا کہ جب فواد چوہدری نے مجھے پنچ مارا تو میری عینگ گر گئی اور مجھے سمجھ نہیں آئی کہ کیا ہوا ہے؟ میںجب لڑکھڑایا تو فرخ حبیب نے مجھے پٔکڑا . اس موقع پر فواد چوہدری نے مجھے ماؤں بہنوں کی گالیاں نکالیں. ان کا کہنا تھا کہ فواد چوہدری کو ان کے ساتھ لوگوں نے حفاظتی حصار میں لیا ہوا تھا . اس دوران وہ گالیاں نکالتے ہوئے وہاںسے نکل گئے.
یاد رہے کہ سمیع ابراہیم نے فیصل آباد میں فواد چوہدری کے خلاف اندراج مقدمہ کیلئے درخواست دے دی ہے.
سمیع ابراہیم کو تھپڑ، ملک بھر کی صحافی برادری سراپا احتجاج، فواد چوہدری کو وزارت سے ہٹانے کا مطالبہ
وفاقی وزیر برائے سائنس و ٹیکنالوجی فوادی چوہدری کی جانب سے سینئر صحافی و اینکر سمیع ابراہیم کو فیصل آباد میں ایک شادی کی تقریب میں تھپڑ مارنے کے خلاف ملک بھر کی صحافتی تنظیموں اور صحافی کارکنوں نے شدید احتجاج کیا ہے۔ صحافتی تنظیمیں جلد اس حوالہ آئندہ کے لائحہ عمل کا اعلان کریں گی اور اس سلسلہ میں احتجاج کی کال دیے جانے کی بھی توقع ہے۔
باغی ٹی وی کی رپورٹ کے مطابق الیکٹرانک میڈیا رپورٹرز ایسوسی ایشن ایمرا کے صدرشوکت علی، نائب صدر ریاض اعوان،سیکرٹری عدنان شیخ ، جوائنٹ سیکرٹری افضال سعیداورخزانچی و سیکرٹری انفارمیشن عباس نقوی سمیت گورننگ باڈی کے دیگر اراکین نے وفاقی وزیر سائنس و ٹیکنالوجی فواد چوہدی کی جانب سے سینئر صحافی سمیع ابراہیم کے ساتھ بدتمیزی اور مارپیٹ کے واقعہ کی شدید مذمت کی ہے۔ صدر ایمرا شوکت علی نے کہا کہ فواد چوہدری سوشل میڈیا پر سمیع ابراہیم کے خلاف مسلسل ہرزہ سرائی کرتے رہے اور اب انھوں نے ایک تقریب میں سمیع ابراہیم کے ساتھ مارپیٹ کی جو کسی صورت قابل قبول نہیں ہے۔ وزیراعظم پاکستان عمران خان کو فوری طور پر اس واقعہ کا نوٹس لے کر کارروائی کرنی چاہیے بصورت دیگر صحافی برادری اس واقعہ کے خلاف اپنا لائحہ عمل طے کرے گی ۔ ایمرا باڈی نے سینئر صحافی سمیع ابراہیم کو اپنی مکمل سپورٹ اور حمایت کا یقین دلایا ہے۔
سمیع ابراہیم کو تھپڑپڑا تو فردوس عاشق نے کی معذرت،صحافیوں کی مذمت
رپورٹ کے مطابق الیکٹرونک میڈیا رپورٹرز ایسوسی ایشن ( ایمرا ) کے دوسرے گروپ کے صدرمحمد آصف بٹ نے فیصل آبادشادی کی تقریب میں وفاقی وزیر فواد چودھری کی جانب سے بول نیوز چینل کے سینئر اینکر سمیع ابراہیم کو تلخ کلامی کے بعد تھپڑ مارنے کی شدید مذمت کرتے ہوئے کہا ہے کہ حکومت پاکستان فوری طور پر فواد چودھری کو وزارت سے ہٹائے اور اس مذموم حرکت پر انہیں قرار واقعی سزا دی جائے ۔
تبدیلی سرکار یا تھپڑوں والی سرکار،فواد چودھری کا سمیع ابراہیم کو تھپڑ مارنے کی اطلاعات
صحافیوں کی ایک اور تنظیم ایمپرا کی جانب سے بھی سینئر صحافی سمیع ابراہیم کو تھپڑ مارنے کی شدید مذمت کی گئی ہے۔ ایمپرا کے ترجمان اذان ملک نے اس واقعہ پر سخت افسوس کا اظہار کیا ہے۔ ایمرا اور ایمپرا کی طرح دیگر صحافتی تنظیموں اور پرنٹ و الیکٹرونک میڈیا سے تعلق رکھنے والے صحافیوں نے اس واقعہ پر شدید احتجاج کرتے ہوئے وفاقی وزیر برائے سائنس و ٹیکنالوجی فواد چوہدری کو ان کے عہدہ سے ہٹانے کا مطالبہ کیا ہے۔ صحافتی تنظیموں کی جانب سے اس سلسلہ میں احتجاج کی کال بھی متوقع ہے۔
واضح رہے کہ فواد چوہدری اور سمیع ابراہیم کا سوشل میڈیا پر کافی دنوں سے تنازعہ چل رہا تھا۔ سمیع ابراہیم نے اپنے ذرائع سے خبر دی تھی کہ فواد چوہدری پیپلز پارٹی کے رابطہ میں ہیں اور تحریک انصاف کے اندر گروپ بنانے کی کوشش کر رہے ہیں۔ اس خبر کے بعد سے فواد چوہدری کی جانب سے سوشل میڈیا پر سمیع ابراہیم کے خلاف انتہائی نازیبا اور سخت بیان بازی کی جارہی تھی۔ گزشتہ روز شادی کی تقریب میں سمیع ابراہیم کو تھپڑ مارے جانے کی وہاں موجود تمام مہمانوں اور سینئر صحافیوں نے شدید مذمت کی اور یہ بھی کہا جارہا ہے کہ بعض مہمانوں سے فواد چوہدری کو وہاں سے فوری نکل جانے کا کہا جس پر وہ اسی وقت شادی کی تقریب سے باہر نکل گئے۔
چائلڈ لیبر کے خاتمے کے عالمی دن کے موقع پر فیصل آباد میں آگاہی واک
فیصل آباد: چائلڈ لیبر کے خاتمے کے عالمی دن کے موقع پر محکمہ محنت کے زیر اہتمام آگاہی واک کی گئی۔ جس کی قیادت ڈائریکٹر لیبر ملک منور احمد اعوان نے کی۔ واک لیبر آفس سے شروع ہو کر جیل روڈ پر پہنچ کر اختتام پذیر ہوئی۔ اسسٹنٹ ڈائریکٹرز لیبر یسین سرفراز، مدثر رضوان،افتخاراحمد،سپرنٹنڈنٹ محمدانور،دیگرافسران،اہلکار،مزدور رہنما محمد اسلم وفا اور شہری بھی شریک تھے۔ڈائریکٹر لیبر نے اظہار خیال کرتے ہوئے کہا کہ چائلڈ لیبر کے خاتمے کے لئے موثر اقدامات کئے جارہے ہیں اس ضمن میں آگاہی سیمینارز اور واکس کے انعقاد کا سلسلہ بھی جاری ہے۔انہوں نے بتایا کہ خلاف ورزی کرنیوالوں کیخلاف قانونی کارروائی بھی عمل میں لائی جارہی ہے اور رواں سال ایک سو سے زائد مقدمات درج کرائے گئے ہیں۔انہوں نے کہا کہ چائلڈ لیبرکی روک تھام کے لئے ٹیمیں سرگرم ہیں اور آئندہ بھی متعلقہ قوانین پر عملدرآمد کویقینی بنائیں گے۔دیگرمقررین نے بھی چائلڈ لیبر کے خاتمے پر زور دیتے ہوئے کہا کہ اس سلسلے میں عوامی آگاہی ناگزیر ہے۔
گھنٹہ گھر اور ملحقہ 8 بازاروں سے تجاوزات کے خاتمے کا فیصلہ
فیصل آباد: ڈپٹی کمشنر سردار سیف اللہ ڈوگر نے کہا ہے کہ گھنٹہ گھر اور ملحقہ 8 بازاروں سے تجاوزات کے خاتمہ‘ پارکنگ اور ٹریفک نظام کی بہتری کے لئے منصوبہ بندی کا از سر نو جائزہ لیا جائے گا۔اس ضمن میں تاجر تنظیموں کو بھی اعتماد میں لیں گے۔ انہوں نے یہ بات اپنے آفس میں مختلف کاروباری و تاجر تنظیموں سے مشترکہ طورپرمیٹنگ کرتے ہوئے کہی۔ سرپرست اعلی سپریم انجمن تاجران اسلم بھلی‘ چیئرمین محمد امین بٹ‘ وائس چیئرمین رانا سکندر اعظم‘ نائب صدر محمد یاسین لطیف چھینہ‘ جنرل سیکرٹری انجمن تاجران سٹی الائیڈ گروپ میاں تنویر ریاض کے علاوہ آفتاب احمد‘ میاں سجاد احمد‘ حاجی محمد عابد‘ رانا عبدالحمید خاں‘ طارق محمود قادری‘ ملک عبدالستار اعوان‘محمد اسلم بشیر‘خالد محمود‘ ملک حماد رضا‘ملک شاہدرسول و دیگر عہدیداران بھی موجود تھے۔ ڈپٹی کمشنر نے کہا کہ تاجر حضرات معاشرے کا فعال اور اہم حصہ ہیں جو معاشری سرگرمیوں کے ساتھ ساتھ سماجی بھلائی کے کاموں میں بھی قابل قدر کردار ادا کرتے ہیں۔ انہوں نے تاجر برادری کے مسائل کے حل پر ترجیحی اقدامات کرنے کی یقین دہانی کراتے ہوئے کہا کہ باہمی مشاورت سے گھنٹہ گھر اور ملحقہ بازاروں کو صاف ستھرا بنائیں گے اور پارکنگ کمپنی‘ ویسٹ مینجمنٹ کمپنی‘ سٹی ٹریفک پولیس‘ میونسپل کارپوریشن اور دیگر متعلقہ محکموں و اداروں کی کارکردگی کو بھی مزید بہتر بنایا جائے گا۔ ڈپٹی کمشنر نے کہا کہ عوامی خدمت ضلعی انتظامیہ کی ترجیحات میں شامل ہے اور ان کے دفتر کے دروازے عام آدمی کے مسائل کے حل کے لئے کھلے ہیں۔
فیصل آباد سمیت 5 مختلف شہروں میں ایچ آئی وی پازیٹو کے مریضوں میں خطرناک حد تک اضافہ
فیصل آباد سمیت پنجاب کے 5 اضلاع میں ایچ آئی وی پازیٹو کا شکار افراد کی تعداد میں خطرناک حد تک اضافہ ہونے کا انکشاف ہوا ہے جس کے باعث محکمہ صحت پنجاب میں کھلبلی مچ گئی ہے – ان پانچوں اضلاع سے پنجاب ایڈز کنٹرول پروگرام کے تحت مفت ادویات کے حصوصل کے لئے 3 ہزار کے قریب افراد نے رابطہ کیا جس سے یہ معاملہ سامنے آیا ہے – واضح رہے کہ ایچ آئی وی پازیٹو کے حامل افراد کا تعلق فیصل آباد، چنیوٹ، جھنگ، ساہیوال اور ننکانہ صاحب شامل ہیں۔
پنجاب ایڈز کنٹرول پروگرام کا فیصل آباد یونٹ الائیڈ ہسپتال کے کمرے میں قائم کیا گیا ہے جو ایچ آئی وی/ایڈز کے رجسٹرڈ مریضوں کو مفت ادویات فراہم کررہا ہے جبکہ ان 5 اضلاع سے ماہانہ 70 سے 90 کیسز اس بیماری کے موصول ہورہے ہیں جبکہ ان مریضوں میں زیادہ تر کو اپنی حالت کے بارے میں خون عطیہ کرنے، بیرون ملک جانے یا سرجری سے گزرنے سے قبل کیے گئے اسکریننگ ٹیسٹ کے ذریعے معلوم ہوا۔
پنجاب ایڈز کنٹرول پروگرام کے جاری کردہ اعداد و شمار کے باوجود فیصل آباد ڈویژن کے تین اضلاع فیصل آباد،چنیوٹ اور جھنگ سمیت ساہیوال اور ننکانہ میں ابھی تک ضلعی انتظامیہ خاموشی کا مظاہرہ کررہی ہیں کیونکہ ابھی تک ضلعی حکومتوں کی جانب سےایک بھی ضلع میں کسی بھی مقام پر کوئی اسکریننگ کیمپ نہیں لگایا گیا۔ جبکہ یہ بھی وارننگ دی گئی ہے کہ پی اے سی پی کا متعلقہ سٹاف کسی کو بھی بیماری کے حوالے سے کوئی معلومات کسی کو دے گا نہ کوئی رپورٹ لیک کرے گا بصورت دیگراس کے خلاف سخت کارروائی کی جائے گی۔فیصل آباد کے تاجروں اور صنعتکاروں نے وفاقی بجٹ عوام دشمن قرار دے دیا
فیصل آباد کے صنعتکاروں اور تاجروں نے حکومت کے پہلے وفاقی بجٹ برائے سال 2019-20 کو مایوس کُن اور عوام دشمن قرار دے دیا۔ حکومت کی جانب سے پیش کئے گئے اپنے پہلے وفاقی بجٹ میں صنعتوں کی برامدی اشیاء پر زیرو ریٹڈ ٹیکس کی شرط ختم کرتے ہوئے 17 فیصد جی ایس ٹی ٹیکسز کا نفاذ کیا گیا تو صنعتی شہر کے تاجر و صنعتکار چکرا کر رہ گئے۔ صنعتکاروں و تاجر کہتے ہیں ہوزری، پاور لومز، یارن اور ٹیکسٹائل سیکٹر جی ایس ٹی کے نفاذ سے تباہی کے دہانے پر پہنچ جائے گی۔ جس سے ناصرف مالکان انڈسٹریز کی تالا بندی پر مجبور ہوجائیں گے بلکہ لاکھوں مزدوروں کے گھروں کے چولہے بھی ٹھنڈے پڑجائیں گے۔
صنعتی شہر کے تاجر و صنعتکار کہتے ہیں 17 فیصد جی ایس ٹی کے نفاذ سے وہ انٹرنیشنل سطح پر دیگر ممالک کے صنعتکاروں سے بہت پیچھے رہ جائیں گے، حکومت نے ظالمانہ ٹیکسز کا نفاذ فوری واپس نہ لیا تو ملک بھر کی تاجر تنظیموں کی مشاورت سے سڑکوں پر دمادم مست قلندر کیا جائے گا.فیصل آباد نئی نویلی دلہن کو سسرال میں اجتماعی زیادتی کا نشانہ بنا دیا گیا، ملزم گرفتار
فیصل آباد میں دو روز کی دلہن کو سسرال میں اجتماعی زیادتی کا نشانہ بنانے کے الزام میں اس کے شوہر کو گرفتار کر لیا گیا۔ پولیس نے مبینہ زیادتی کا شکار ہونے والی لڑکی کے شوہر اور دیور سمیت 4 افراد کے خلاف مقدمہ بھی درج کر لیا ہے۔ فیصل آباد کے علاقے کوہالہ میں زیادتی کا نشانہ بنائی گئی لڑکی کا الزام ہے کہ اس کے شوہر اور دیور سمیت 4 افراد نے اسے اجتماعی زیادتی کا نشانہ بنایا۔متاثرہ لڑکی کی 2 روز پہلے ہی شادی ہوئی تھی، پولیس نے لڑکی کے بیان کی روشنی میں اس کے شوہر سمیت 4 ملزمان کے خلاف مقدمہ درج کر لیا ہے
