Category: گلگت بلتستان

پی آئی اے انتظامیہ نے گلگت ایئر پورٹ پر کھڑے ناکارہ اے ٹی آر طیارے کو نیلام کردیا ہے۔

باغی ٹی وی : پی آئی اے ترجمان کے مطابق پی آئی اے کا ناکارہ اے ٹی آر طیارہ 83 لاکھ روپے میں فروخت کیا گیا ہے، 4 ہزار کلوگرام وزنی اس طیارے کی نیلامی میں کامیاب بولی گلگت کے مقامی ٹھیکے دارکو دی گئی۔

ایئر پورٹ پر کھڑے اس ناکارہ طیارے کے دونوں انجنوں اور دیگر میکینیکل آلات نکال کر وزن کے حساب سے نیلام کیا گیا ہے طیارے کا وزن 4 ہزار کلو گرام تھا۔

غیر یقینی صورتحال میں بہادری، پیشہ ورانہ مہارت،کپتان مقصود بجارانی کو ایوارڈ مل…

ترجمان کا کہنا ہے کہ طیارے کی نیلامی کا عمل شعبہ انجینئرنگ کی جانب سے فراہم کردہ رپورٹ کی روشنی میں سر انجام دیا گیاترجمان نے بتایا کہ نیلامی کے لیے اس طیارے کی قیمت 0.844 ملین رکھی گئی تھی تاہم اسے مقررہ قیمت سے10 گنا زائد پر نیلام کیا گیا۔

واضح رہے کہ پی آئی اے کی جانب سے نیلام کیا جانے والا طیارہ 20 جولائی 2019 کو اسلام آباد سے گلگت جاتے ہوئے رن وے پہ گرکر ناکارہ ہو گیا تھا۔ خوش قسمتی سے طیارے کے حادثے میں کوئی جانی نقصان نہیں ہوا تھا-

آئی ایس پی آر نے یوم دفاع اور شہدا سے متعلق ایک اور خصوصی پرومو جاری کر دیا

محکمہ داخلہ گلگت بلتستان نے کہا ہے کہ شاہراہ قراقرم رائے کوٹ سے گونرفارم تک ہرقسم ٹریفک کے لیے بند ہے سیاح چلاس سے آگے ہرگز سفرنہ کریں شاہراہ قراقرم کھلنے میں 3 سے 4 دن لگ سکتے ہیں۔ شدید بارشوں اور لینڈ سلائیڈنگ کے باعث شاہراہ قراقرم بند ہے۔

باغی ٹی وی : برطانوی نشریاتی ادارے بی بی سی اردو کے مطابق گلگت بلتستان میں 28 جولائی سے شروع ہونے والی بارشوں سے خطے میں مختلف مقامات پر فلیش فلڈ، سیلاب اور لینڈ سلائیڈنگ سے نظام زندگی بری طرح متاثر ہوا ہے کئی مقامات پر شاہراہ قراقرم ٹریفک کے لیے بند ہے جبکہ بابو سر ٹاپ کا راستہ لینڈ سلائیڈنگ اور سیلاب کے سبب ایک بار پھر بند ہو چکا ہے۔

محکمہ موسمیات کے مطابق گلگت بلتستان کے مختلف علاقوں میں جمعے کی رات سے مختلف مقامات پر ایک بار پھر بارش کی توقع کی جا رہی ہے جس کی وجہ سے سیاحوں اور مقامی لوگوں کو احتیاط کرنے کی ہدایات جاری کی گئی ہیں۔

وہ سیاح جو بارشوں کے دنوں میں گلگت بلتستان کی سیاحت کا پروگرام بنا رہے ہیں۔ وہ لازمی طور پر محکمہ موسمیات کی جانب سے جاری کردہ پیش گوئیوں کو دیکھ کر اپنا پروگرام ترتیب دیں تاکہ ان کو مسائل کا سامنا بچا جاسکے۔

محکمہ موسمیات کے مطابق جن علاقوں میں مزید بارش کی توقع ہے ان میں کشمیر میں راولاکوٹ، مظفر آباد، نیلم ویلی، گلگت بلتستان کے مختلف علاقوں کے علاوہ گلگت اور ہنزہ ویلی، صوبہ خیبر پختونخواہ میں دیر، چترال، ایبٹ آباد، ناران، کاغان، مری، گلیات اور بلوچستان میں زیارت شامل ہیں-

گلگت بلتستان حکومت کے ترجمان امتیاز علی تاج کے مطابق گذشتہ تین دنوں میں مون سون کی بارشوں کی وجہ سے گلگت بلتستان کے کئی اضلاع اور دریاؤں میں سیلاب کی کیفیت ہے۔

غذر، نگر، دیامر، گھانچھے اور استور کے اضلاع سب سے زیادہ متاثر ہوئے ہیں جہاں سیلاب اور لینڈ سلائنڈنگ کی وجہ سے سڑکوں، زمینوں، پلوں اور واٹر سپلائی کے چینلز کو نقصان پہنچا ہے لینڈ سلائنڈنگ کی وجہ سے شاہرہ قراقرم تتہ پانی کے مقام پر تباہ ہوئی۔ جبکہ بابوسر روڈ بھی متاثر ہوئی۔ گلگت شندور روڑ بریسٹ ضلع غذر کے مقام پر سیلاب کی زد میں آیا۔

دریائے سندھ میں پانی کے زیادہ بہاؤ کی وجہ سے گلگت سکردو روڈ بھی کٹاؤ کا شکار ہوئی۔ دریائے اشکومن میں سیلاب کی وجہ سے اشکومن ویلی روڈ گشگش کے مقام پر کٹ گیا۔

ضلع گھانچھے میں چھوربٹ کے مقام پر ایک پل اور آبادی میں نالے بھی سیلاب کی زد میں آئے۔ ضلع نگر کی ویلی روڈز اور دو پل سیلابی پانی میں بہہ گئے۔ ضلع دیامر میں کھنر اور بونر میں سیلاب کے باعث نقصان کی اطلاعات ہیں۔

امتیاز علی تاج کے مطابق وزیر اعلیٰ گلگت بلتستان خالد خورشید نے محکمہ موسمیات کے بارشوں کی پیش گوئی کو مد نظر رکھتے ہوئے انتظامیہ، ڈیزاسٹر مینیجمنٹ اور دیگر تمام متعلقہ اداروں کو پہلے ہی سے الرٹ کر دیا تھا اس لیے حکومت گلگت بلتستان ڈیزاسٹر ریسپونس دینے میں کامیاب ہوئی۔

اس وقت ماسوائے شاہراہ قراقرم اور اشکومن روڈ کے دیگر تمام شاہراہوں اور ویلی روڈ کو ابتدائی طور پر بحال کر دیا گیا ہے شاہراہ قراقرم کی بحالی کے لیے بھی ضروری مشنیری اور عملہ پہلے سے تعینات کر دیا گیا تھا جس کی وجہ سے بحالی کا کام تیزی سے شروع کر دیا گیا ہے۔

رواں سال فروری میں دنیا کی دوسری بلند چوٹی کے ٹو کی مہم جوئی کے دوران پاکستان کوہ پیما محمد علی سدپارہ اور دو غیر ملکی کوہ پیما لاپتہ ہوگئے تھے بیس کیمپ ذرائع کے مطابق رواں سال فروری میں کے ٹو پر لاپتہ ہونے والے کوہ پیماؤں کی نعشوں کی تلاش کا آپریشن ایک بار پھرجاری ہے۔ اس آپریشن میں مرحوم محمد علی سدپارہ کے بیٹے ساجد سد پارہ اور غیر ملکی کوہ پیما شریک ہیں۔

باغی ٹی وی : واضح رہے کہ گلگت بلتستان کے وزیر سیاحت راجہ ناصر علی نے کہا ہے کہ کے ٹو بیس کیمپ فور سے دو نعشیں ملی ہیں جن کی شناخت کا عمل کپڑوں کی مدد سے جاری ہے جب کہ وزیراطلاعات فتح اللہ خان نے دعویٰ کیا ہے کہ عالمی شہرت یافتہ کوہ پیما محمد علی سدپارہ سمیت تین کوہ پیماؤں کی نعشیں مل گئی ہیں۔

راجہ ناصر علی نے کہا تھا کہ بیس کیمپ تک نعشوں کو پہنچنے میں وقت لگے گا۔ انہوں ںے کہا کہ نعشوں کی شناخت کپڑوں کی مدد سے کی جارہی ہے تاہم اب الپائن کلب نے کے ٹو پر ملنے والی لاشوں کی شناخت کی تصدیق کردی ہے-

الپائن کلب کی رپورٹ کے مطابق ملنے والی لاشوں میں علی سدپارہ کی لاش بھی شامل ہے،آئس لینڈ کے جان سوزی اور چلی کے ہوان پاہلو موہر کی بھی لاش مل گئی ہیں-تینوں لاشیں نیچے لانے کےلئے پاکستان آرمی کی خدمات لیں جائیں گی جان سوزی کی لاش آئس لینڈ بھجوائی جائے گی-

وزیر اعظم کا دورہ ناران، وزیر اعظم عمران خان سے سخت سوالات، وزیر اعظم آفس نے صحافیوں سے گفتگو رکوا دی-

باغی ٹی وی : ‏وزیر اعظم کی صحافیوں کے ساتھ گفتگو سنسر کر دی گئی۔ اطلاعات کے مطابق صحافیوں کو سیاحت تک محدود رہنے کو کہا گیا، وزیر اعظم سے ایرا کی کرپشن اور صوبے میں 8سال حکومت کے دوران انفراسٹرکچر سے متعلق سوالات پر وزیر اعظم تسلی بخش جواب نہ دے سکے۔ پی ٹی وی نے یہ گفتگو نشر نہیں کی۔

رپورٹ کے مطابق سرکاری ٹی وی پی ٹی وی نے وزیر اعظم عمران خان کی ناران میں صحافیوں سے گفتگو آج نشر کی۔ میڈیا ٹاک میں سے دنیا نیوز کے عمر جٹ، جیو نیوز کے ایاز اکبر یوسفزئی اور ایکسپریس نیوز کے رضوان غلزئی کے حقائق پر مبنی سخت سوالات سینسر کردیے گئے۔

ذرائع کا کہنا ہے کہ معاون خصوصی شہباز گل نے پی ٹی وی کو وزیر اعظم کی گفتگو نشر کرنے سے روکا ہے صحافیوں کی جانب سے سوال کیا گیا کہ کے پی میں 8 سالہ حکومت کے دوران سیاحتی مقامات پر سڑکیں اور واش روم کی سہولت کیوں نہیں دی گئی ؟ کے پی میں سیاحت کی وزارت اورنپی ٹی ڈی سی سربراہ کے عہدے خالی کیوں پڑے ہیں ؟کمراٹ اور کاگان کے لئے اعلان کردہ منصوبوں میں سے ایک بھی منصوبہ مکمل نہیں ہوا-

وزارت اطلاعات کو تحقیقات کرنی چاہیئے کہ میڈیا سے گفتگو کا آدھا حصہ کس نے اور کیوں سینسر کیا؟-