Category: گجرات

گجرات ( طارق محمود سے) گجرات عزیز بھٹی شہید ہسپتال میں کرونا وائرس کے شعبہ میں داخل 3 مریضوں میں سے ایک کی رپورٹ پازیٹو آ گئی مریض بشارت گجرات کے نواحی علاقے شادیوال سے تعلق رکھتا ہے اور حالیہ دنوں میں وہ سپین سے اپنے آبائی گھر آیا ہے کرونا وائرس کی تصدیق کے بعد ڈاکٹروں اور انتظامیہ کی ہنگامی میٹنگ جاری ہے یاد رہے کہ ماضی میں کرونا وائرس کے بارے میں گجرات کے مقامی صحافیوں نے کئی بار خبریں چلائیں لیکن باغی ٹی وی ان خبروں کی ترید کرتا رہا اور اب کرونا وائرس کی تصدیق کے بعد سب سے پہلے خبر بریک کر رہا ہے۔

گجرات (چوہدری فیضان ارشاد سے)
گجرات: تھانہ شاہین کے علاقہ میں کانسٹیبل کی طرف سے پتنگ بازی کے متعلق غیر سنجیدہ اعلان کا معاملہ،ڈی پی اوگجرات توصیف حیدر نے ویڈیو وائرل ہونے پر ایس ایچ او تھانہ شاہین اور اعلان کرنے والے کانسٹیبل کو معطل کرکے انکوائری لگا دی۔
تفصیلات کے مطابق تھانہ شاہین میں تعینات ایک کانسٹیبل محمد افضل نے دوران ڈیوٹی ایک غیر سنجیدہ اعلان کرتے ہوئے ویڈیو بنوائی،جس میں وہ اعلان کررہا تھا کہ پتنگ بازی کرنے والے بچوں کے والدین کے خلاف بھی قانونی کارروائی کی جائے گی اور اگر پتنگ بازی کرنے والا بچہ چھوٹا ہوا تو اس کی امی کے خلاف بھی مقدمہ درج کیا جائے گا۔ مذکورہ کانسٹیبل نے بعد ازاں ویڈیو سوشل میڈیا پر وائرل کردی۔جو ویڈیو وائرل ہونے پر ڈی پی او گجرات توصیف حیدر نے فوری نوٹس لیتے ہوئے متعلقہ ایس ایچ او اور کانسٹیبل محمد افضل کو معطل کرکے لائن حاضر کردیا اور انہوں نے ڈی ایس پی سٹی سرکل رضا حسنین اعوان کو ہدایت دی کہ واقعہ کی مکمل انکوائری کرکے فوری رپورٹ دی جائے۔
ڈی پی او گجرات توصیف حیدر نے تمام افسران کو سختی سے ہدایات دی رکھی ہیں کہ قانون اور اختیارات سے تجاوز کرنے والے افسران و ملازمین کے خلاف بلا تفریق محکمانہ کارروائی کی جائے گی۔ انہوں نے اس موقع پر کہا کہ محکمہ کی بدنامی کا باعث بننے والوں کی محکمہ میں کوئی جگہ نہ ہے۔

گجرات (چوہدری فیضان ارشاد سے) گجرات عزیز بھٹی شہید ہسپتال میں 3 کورونا وائرس کے شعبہ میں داخل مریضوں میں سے ایک مریض بشارت شادیوال میں کورونا وائرس کی تصدیق رپورٹ پازیٹو آئی،ڈاکٹرز کی ہنگامی میٹنگ جاری۔ ذرائع کے مطابق بشارت نامی شخص جو دو دن پہلے سپین سے آیا تھا اس کی تصدیق کر دی گئی

گجرات (چوہدری فیضان ارشاد سے)
گجرات: 16سالہ لڑکی کے ساتھ زبردستی جنسی زیادتی کرنے والا ملزم گرفتار
ایس ایچ او تھانہ شاہین نے لڑکی کی والدہ کی مدعیت میں مقدمہ درج کرکے زیادتی کرنے والا ملزم چند گھنٹو ں کے اندر گرفتار کرلیا۔
تفصیلات کے مطابق ڈی پی او گجرات توصیف حیدر کی ہدائیت پر پولیس نے کم عمر لڑکی کے ساتھ زبردستی زیادتی کرنے والا درندہ گرفتار کرلیا۔ ایس ایچ او تھانہ شاہین راجہ احسان اللہ کو محلہ ٹاہلی پورہ کی رہائشی متاثرہ لڑکی کی والدہ نے اطلاع دی کہ ملزم قیصر اقبال ولد ظفر اقبال مغل ساکن محلہ سلطان پورہ نے میری بیٹی کو گھر چھوڑنے کے لئے اپنے رکشہ پر بٹھا لیا اور بعد ازاں ریلوے لائن کے قریب ویران فیکٹر ی میں لے جا کر زبردستی جنسی زیادتی کی۔ اس اطلاع پر ایس ایچ او تھانہ شاہین نے زیر دفعہ 376تعزیرات پاکستان فوری مقدمہ درج کرلیا اور ملزم کی گرفتاری کے لئے چھاپہ مار ٹیم تشکیل دے کر چند گھنٹو ں کے اندر زیادتی کے مرتکب ملزم کو گرفتار کرلیا۔ جس کی مزید انٹیروگیشن جاری ہے۔

گجرات (چوہدری فیضان ارشاد سے)گجرات۔ڈپٹی کمشنر ڈاکٹر خرم شہزاد نے اراضی ریکارڈ سنٹر، مدینہ روڈ، جیل روڈ، انجم کالونی کا اچانک دورہ کیا، شہریوں کو فراہم کی جانیوالی سہولیات، صفائی کے لئے انتظامات کا جائزہ لیا، انچارج لینڈ ریکارڈ سنٹر سید یوسف شاہ میونسپل کارپوریشن گجرات کے افسران بھی انکے ہمراہ تھے۔ ڈپٹی کمشنر ڈاکٹر خرم شہزاد نے لینڈ ریکارڈ سنٹر کے دورہ کے موقع پر مختلف شعبہ جات کا معائنہ کیا، وہاں موجود سائلین سے افسران و عملہ کے رویہ بارے دریافت کیا۔ انہوں نے ہدایت کی کہ افسران میوٹیشن، فرد اجراء سمیت تمام زیر التواء معاملات کو ترجیحی بنیادوں پر نمٹائیں، نام درستگی سمیت معمولی نوعیت کی شکایات کا مقامی سطح پر ہی حل یقینی بنایا جائے۔ انجم کا لو نی مدینہ روڈ اور جیل روڈ کے اچا نک دورہ کے مو قع پر انہوں نے روڈ پر بلڈنگ میٹریل اور تجاوزات کا سخت نوٹس لیا اور ہدایت کی کہ میونسپل کارپوریشن کے افسران فوری طور پر ہر قسم کی تجاوزات ختم کریں، اور سڑک پر رکاوٹیں کھڑی کرنیوالوں پر جرمانے عائد کئے جائیں۔ 
۔۔۔۔۔۔۔۔۔۔۔۔۔۔۔

گجرات (چوہدری فیضان ارشاد سے)
گجرات:گلیانہ کے علاقہ میں نوجوان کا اندھا قتل، پولیس نے جدید ٹیکنالوجی کی مدد سے چند گھنٹو ں میں واردات ٹریس کرکے شاطر قاتل گرفتار کرلیا
تفصیلات کے مطابق مسمی محمد یاسین ولدغلام حسین ساکن ڈھل گہڑ نے تھانہ گلیانہ پولیس کو اطلاع دی کہ اس کا 21 سالہ بیٹا محمد حسنین شام کو گھر سے باہر نکلا ہوا تھا، جو رات بھر گھر واپس نہیں آیا،ہمیں شبہ ہے کہ میرے بیٹے کو نامعلوم ملزمان نے اغواء کرلیا ہے۔ اس اطلاع پر ایس ایچ او تھانہ گلیانہ عدنان عباس نے نامعلوم ملزمان کے خلاف فوری مقدمہ درج کرکے تفتیش شروع کردی۔ واقعہ کے متعلق ڈی پی او گجرات توصیف حیدر کو بھی آگاہ کیا گیا جنہوں نے ڈی ایس پی کھاریاں اسد اسحاق کی سربراہی میں پولیس ٹیم تشکیل دے کر انہیں ہدائیت دی کہ مقدمہ کی مختلف پہلوؤں سے تفتیش کی جائے اور واردات میں ملوث ملزمان کو جلد از جلد گرفتار کرکے ملزمان کو ٹریس کیا جائے۔ ڈی پی او گجرات کی ہدائیت پر ڈی ایس پی کھاریاں اور ایس ایچ او تھانہ گلیانہ عدنان عباس نے مقدمہ کی مختلف پہلوؤں سے تفتیش شروع کردی۔جو دوران تلاش پولیس ٹیم کوموضع بیگہ کے قریب کھیتوں سے ایک موٹر سائیکل اور مغوی کا جوتا ملا، جس سے کچھ فاصلے پر کافی خون بھی پڑا ہوا تھا۔ پولیس ٹیم نے ان شواہد کو قبضہ میں لے کر واقعہ کی جدید ٹیکنالوجی کی مدد سے تفتیش شروع کی۔ جو پولیس ٹیم کی پیشہ ورانہ مہارت اور ٹیکنالوجی کی مدد سے چند گھنٹو ں میں اغواء کاڈراپ سین سامنے آگیا۔مغوی محمد حسنین کو ملزمان محمد محسن ولد محمد اکرم اور ذیشان عرف شانی ولد محمد احمد اقوام بٹ سکنائے ڈھل گہڑ نے وقوعہ کی رات گھر سے بلا کراغواء کرلیا اور بعد ازاں کھیتوں میں لے جا کر بذریعہ فائر قتل کردیا تھا۔ شاطر ملزمان نے مقتول کی نعش کو زمین میں گڑھا کھود کر دفنا دیا تھا تاکہ کوئی سراغ نہ بچے،قاتل کوئی اور نہیں مقتول کا کزن نکلا۔ پولیس ٹیم نے پیشہ ورانہ مہارت سے واردات ٹریس کرکے مرکزی ملزم محمد محسن کو گرفتار کرلیا۔ جبکہ ساتھی ملزم کی گرفتاری کے لئے چھاپے مارے جارہے ہیں،جسے جلد گرفتار کرکے قرار واقعی سزا دلوائی جائے گی۔
ڈی پی او گجرات توصیف حید ر نے کہا ہے کہ قاتل کتنا ہی شاطر اور چالاک کیوں نہ ہو،وہ قانون کی گرفت سے نہیں بچ سکتا۔قتل کی اس اندھوناک واردات میں ملوث ملزمان کو قرار واقعی سزا دلوائی جائے گی۔