Category: گجرات

گجرات (نمائندہ باغی ٹی وی)سیکرٹری آرکائیو پنجاب طاہر یوسف نے کہا ہے کہ رمضان بازاروں کو عید بازاروں میں تبدیل کرنے کا مقصد متوسط طبقہ سے تعلق رکھنے والے افراد کو عید کے حوالے سے اشیائے ضروریہ کی سستے داموں فراہمی ہے، عید رمضان بازاروں میں خریداروں کے لئے سویاں، پھینیاں، سوجی، مہندی، چوڑیاں اور دیگر اشیائے ضروریہ کے اسٹالز لگائے گئے ہیں، اسکے ساتھ پھلوں، سبزیوں اور اشیائے خورد و نوش کی فراہمی بھی یقینی بنائی جارہی ہے، شہریوں کےطرف سے رمضان بازاروں میں فراہم کی جانےوالی سہولیات پر اطمینان کا اظہار حکومت پنجاب اور ضلعی انتظامیہ کے اقدامات کی کامیابی ہے،ان خےالات کا اظہار انہوں نے ڈپٹی کمشنر ڈاکٹر خرم شہزاد کے ہمراہ رمضان بازار جلالپور جٹاں، شاہ جہانگیر روڈ، ظہور الہی اسٹیڈیم کے دورہ کے موقع پر میڈیا سے گفتگو کرتے ہوئے کیا،

گجرات (نمائندہ باغی ٹی وی)ڈپٹی کمشنر ڈاکٹر خرم شہزاد نے کہا ہے کہ ضلع گجرات میں کسان کارڈ کیلئے ابتک70ہزار905کسانوں کی رجسٹریشن کی جاچکی ہے، بیماریوں سے بچانے کیلئے 16لاکھ سے زائد چھوٹے بڑے جانوروں کی ویکسینیشن کر دی گئی، کھاد کی زائد قیمت وصول کرنیوالے 99ڈیلرز پر جرمانہ عائد کر دیا گیا ہے، ان خیالات کا اظہار انہوں نے زرعی ایڈوائزری کمیٹی کے اجلاس سے خطاب کرتے ہوئے کیا، ڈپٹی ڈائریکٹر زراعت توسیع ڈاکٹر عرفان اللہ وڑائچ نے بریفنگ دی، لائیو سٹاک، واٹر مینجمنٹ سمیت مختلف محکموں کے افسران اور کسانوں کے نمائندے بھی موجود تھے۔ ڈپٹی کمشنر ڈاکٹر خرم شہزاد بتایا کہ تحصیل گجرات میں 62، تحصیل کھاریاں میں 30اور تحصیل سرائے عالمگیر میں 7کھاد ڈیلرز پر مقررہ نرخوں سے زائد قیمت وصو ل کرنے پر جرمانے عائد کئے گئے ہیں اسی طرح جعلی کھاد فروخت کرنیوالے 2افراد کے خلاف مقدمات بھی درج کرائے گئے ہیں۔ انہوں نے بتایا کہ رواں مالی سال کے دوران مختلف موضعات میں زرعی زمین کے11586نمونہ جات تجزیہ کیلئے لیبارٹری بھجوائے گئے ہیں، 141 فارمرز ٹریننگ پروگرامز کا انعقاد کیا گیا جہاں زرعی ماہرین نے کسانوں کو بہتر پیداوار کے حصول کیلئے جدید طریقہ ہائے کاشت اور ٹیکنالوجی سے آگاہ کیا۔ انہوں نے بتایا کہ ضلع میں کچن گارڈننگ کے فروغ کیلئے عملی اقدامات اٹھاتے ہوئے ابتک 1000 افراد کو سبزیوں کے بیچ فراہم کئے گئے ہیں۔ ڈپٹی کمشنر ڈاکٹر خرم شہزاد نے کہا کہ مون سون کے دوران ممکنہ سیلاب کی زد میں آنیوالے علاقہ جات میں لائیو سٹاک کو حفاظتی ٹیکہ جات لگائے جاچکے ہیں۔

گجرات(نمائندہ باغی ٹی وی)ڈی پی اوگجرات سید علی محسن کے حکم پرڈی ایس پی سرکل لالہ موسیٰ چوہدری ریاض الحق کی خصوصی ہدائیت پرجرائم پیشہ عناصرکیخلاف مہم کے دوران تھانہ صدرلالہ موسیٰ کے ایس ایچ اوطارق شفیع انسپکٹر نے ڈکیت گینگ سمیت کئی قانون شکن عناصرگرفتار کرلئے ، گھروں میں گھس کرگن پوائنٹ پرڈکیتیاں کرنے والے اوڈھ گینگ کے 1۔ذولفقار علی 2۔شاہجہاں کوگرفتارکرکے ا ن سے موضع چکوڑی شیرغازی میں شاہدوعمران ولدحاکم علی کے گھرہونے والی ڈکیتی کی میں لوٹاگئی ڈیڑھ لاکھ روپے نقدی برآمد کر لی،چائلڈ لیبر کی خلاف ورزی پر ٹائرشاپ کے مالک محمد حنیف ولد محمد شریف قوم شیخ ،الاﺅڈسپیکرکی خلاف ورزی پرشاہدعرفان ولدبشیراحمدقوم جٹ سکنہ میردہ کوگرفتارکرلیا ، کلیوال سیداں میں بجلی چورپرسات افرادکیخلاف بجلی چوری کے مقدمات درج کئے گئے،جبکہ اس سے قبل منشیات ،ناجائز منافع خوری میں ملوث ملزمان کوبھی گرفتارکیاگیاہے۔

گجرات(نمائندہ باغی ٹی وی)پاکستان مسلم لیگ کے مرکزی رہنما چوہدری حسین الٰہی ایم این اے نے میاں چہان میں جلسہ عام سے خطاب کرتے ہوئے کہا کہ اکثر لوگ سیاست کا مطلب بدمعاشی اور طاقت سمجھتے ہیں مگر سیاست کا مطلب اور مقصد لوگوں کی خدمت کرنااور اپنی عوام کی بھلائی کے لیے سوچنا ہے اور یہ مطلب چوہدری موسیٰ الٰہی کے نزدیک اور چوہدری برادران کے نزدیک ہے انشاءاللہ تعالیٰ آپ سب کے بیچ خدمت کا مشن لیکر حاضر ہوئے ہیں ،چوہدری حسین الٰہی نے کہا کہ وقت بدل رہا ہے اور زمانہ بدل رہا ہے اور ہمیں وقت کیساتھ بدلنا ہے آج آپ سب کو یہاں دیکھ کر آپ سب کا پیار دیکھ کرمیں دعوے کیساتھ کہہ سکتا ہوں کہ آپ اگلے پانچ سالوں میں وقت کو بھی بدلتے دیکھیں گے اور ملک کو بھی ترقی کرتا دیکھیں گے انہوں نے کہا کہ عوام کے درد اورمسائل سمجھ کر آگے چلیں گے انہوں نے کہا کہ پچھلے پندرہ ، بیس سال سے دھڑوں اور برادری کی سیاست ہوئی،اس میں غلط فہمی نہ ہو ان میں میں اپنے خاندان کو بھی سمجھتا ہوں اب وقت بدل رہا ہے کہ خدمت کی سیاست کی طرف غور کریں ، ہمارے جتنے ساتھی اور لوگ ہیں انکی صحیح معنوں میں خدمت کی جائے اور خدمت اس طرح ہوتی ہے کہ انکے لیے اچھے پبلک سکول بنانا اور بزرگوں کے لیے اچھے پبلک ہسپتال بنانا ہے سیاست کا مطلب لوگوں کو تھانوں کچہریوں سے مسائل حل کروانا نہیں بلکہ سیاست کا مطلب اور مقصد ہے کہ آنے والے وقت کے بارے میں سوچیں پچھلے پانچ دس سالوں میں ن لیگ کی حکومت رہی انہوں نے اربوں روپے خرچ کر کے سڑکیں اور پل بنائے کیاکسی نے نوجوانوں اور بزرگوں کے بارے میں سوچا کیا کسی نے نوجوانوں کو روزگار دلانے کے مواقع فراہم کیا ، نہ ہی ان نمائندوں نے علاقہ کی ترقی کے لیے کام کیا اور نہ ہی گجرات والوں کے لیے پچھلے دس سالوں میں کوئی ایسا منصوبہ لائے جس سے علاقہ ترقی کر سکے ۔

گجرات (نمائندہ باغی ٹی وی)شہری علاقوں میں ٹریفک کنٹرول کرنے کےلئے چاند گاڑیوں کے لئے مقرر کردہ روٹ”زون ون” کا باضابطہ آغاز کر دیا گیا ہے، میونسپل کارپوریشن پھلوں کی ریڑھیاں لگانے کےلئے فوری طور پر مقامات کی نشاندہی کرے، مقررہ مقامات کے علاوہ کسی بھی جگہ ریڑھی لگا کر کاروبار کی اجازت نہیں دی جائے گی، ان خیالات کا اظہار ڈپٹی کمشنر ڈاکٹر خرم شہزاد نے زون ون کے افتتاح کے موقع پر بات چیت کرتے ہوئے کیا،اے ڈی سی ریونیو ڈاکٹر رانی حفصہ کنول، سکرٹری آر ٹی اے کامران اکبر،چیف آفسر میونسپل کارپوریشن اخلاق وڑائچ، ڈی ایس پی ٹریفک اور ایکسئین روڈز بھی موجود تھے۔ ڈپٹی کمشنر نے بتایا کہ زون ون رامتلائی چوک سے ہریاوالہ چوک اور کٹھالہ پھاٹک کے علاقہ جات تک ہوگا ، ابتدائی طور پر زون ون کےلئے 100چاند گاڑیوں کو روٹ الاٹ کئے گئے ہیں، انکے علاوہ اس روٹ پرچاند گاڑی چلانے کے خواہشمند سکرٹری آر ٹی اے کے دفتر سے روٹ پرمٹ کی درخواست دے سکتے ہیں، ہر چاند گاڑی کی چھت پر سامنے روٹ نمبر کی تختی لگانا لازم ہوگا جبکہ ٹریفک پولیس روٹ کے بغیر چلنے والی چاند گاڑیوں کے خلاف قانو ن کے مطابق کاروائی کی ذمہ دارہوگی۔

گجرات (نمائندہ باغی ٹی وی)میونسپل کارپوریشن گجرات کے ملازمین کا عدالتی فیصلہ ان کے حق میں ہو گیا تفصیلات کے مطابق میونسپل کارپوریشن گجرات کے اڑھائی سو کے لگ بھگ ملازمین کا فیصلہ لیبر کورٹ نمبر 7کے سیشن جج اسدعلی نے فیصلہ سناتے ہوئے جن میں بیلدار ،مالی ،چوکیدار ،ٹیوب ویل آپریٹر ،فائر بریگیڈ و دیگر میونسپل کارپوریشن کے ڈیلی ویجز ملازمین کو مستقل کر نے کا فیصلہ کر دیا ہے جبکہ میونسپل کارپوریشن گجرات کے ملازمین نے 2016سے لے کر 2019تک اپنے فیصلے کےلئے عدالتوں کے چکر لگاتے رہے آخرکار 2019میں میونسپل کارپوریشن گجرات کے ڈیلی ویجز ملازمین کا فیصلہ ان کے حق میں آنے پر گوجرانوالہ کی عدالت کے باہر ملازمین خوشی سے ایک دوسرے کو مبارکباد دیتے رہے مگر اس کے ساتھ ساتھ ٹی ایم اے ایمپلائز یونین کے جنرل سیکرٹری خالد گل اور اس کی پوری ٹیم نے مل کر ملازمین کے ساتھ عدالت کے چکر لگاتے رہے مگر فیصلہ آنے پر خالد گل نے عدالت عالیہ کا شکریہ ادا کرتے ہوئے کہاکہ آج ملازمین کے حق کی فتح ہو چکی ہے اور ملازمین کو ریگولر بھی کر دیا گیا ہے مگر ہم ہر پلیٹ فارم پر ملازمین کےلئے جنگ کرتے رہیں گے ہم خاص طور پر میونسپل کارپوریشن کے افسران کا بھی شکر گزار ہیں جہنوں نے ملازمین کا ساتھ دیا۔