Category: گوجرانوالہ

گوجرانوالہ: چیف سیکرٹری پنجاب کامران علی افضل کی زیر صدارت کمشنر آفس گوجرانوالہ میں اعلیٰ سطح اجلاس ہوا جس میں ترقیاتی سکیموں، پرائس کنٹرول اقدامات، زیر التوا ریونیو مقدمات کا جائزہ لیا گیا۔

چیف سیکریٹری نے اجلاس میں محکموں کے سربراہان سے خطاب کرتے ہوئے کہا کہ عوام کی فلاح ریاست کا بنیادی منشور اور ذمہ داری ہے۔اس منشور پر عملدرآمد سرکاری افسران کا فرض ہے۔
انہوں نے ہدایت کی کہ اس بات کو یقینی بنایا جائے کہ عام آدمی کو سرکاری دفاتر میں عزت و احترام ملے، افسران اپنے اختیارات کا استعمال کرتے ہوئے لوگوں کیلئے آسانیاں پیدا کریں۔

چیف سیکرٹری نے کہا کہ کرپشن اور ناقص کارکردگی کسی صورت برداشت نہیں،افسران میرٹ اور قانون کے مطابق اپنے فرائض بلا خوف وخطر سر انجام دیں۔

چیف سیکرٹری نے ترقیاتی سکیموں میں فنڈز کےبروقت استعمال اور شفافیت یقینی بنانے کی بھی ہدایت کی۔ انہوں نے کہا کہ منصوبوں پر پیش رفت کا باقاعدگی سے جائزہ لیا جائے گا۔
ریونیو سے متعلق عوامی مسائل کو ترجیحی بنیادوں پر حل کیا جائے، دو سال سے زائد کوئی ریونیو مقدمہ زیر التواء نہ رہے۔

پرائس کنٹرول کے حوالے گفتگو کرتے ہوئے انہوں نے کہا کہ اشیاء کی طلب، رسد اور قیمتوں کی مانیٹرنگ کی جائے۔ قیمتوں کو اعتدال میں رکھنے کیلئے مارکیٹ میں مقابلے کی فضا پیدا کی جائے، پھلوں، سبزیوں کی درست قیمتوں کے تعین اور منڈیوں کی مانیٹرنگ افسران کی ذمہ داری ہے۔

بڑے سٹوروں پر ڈپٹی کمشنر کاؤنٹرز کے قیام کے سلسلہ میں چیف سیکرٹری کی کمشنراور ڈپٹی کمشنرز کو شاباش. کسان پلیٹ فارم اور ریڑھی بازاروں کے قیام کو بھی سراہا۔ پرائس کنٹرول اقدامات کے تحت 52 سہولت بازار، 151 ڈی سی کاونٹرز بنائے گئے ہیں،
گوجرانوالہ ڈویژن میں گزشتہ ہفتے 3364 گراں فروشوں، ذخیرہ اندوزوں کے خلاف کارروائیاں کی گئیں۔
37 لاکھ سے زائد جرمانے، 74 مقدمات درج اور 90 افراد کو گرفتار کیا گیا، بریفنگ
ریونیو کیسوں کی جلد سماعت کو یقینی بنایا جارہا ہے، کمشنر کی بریفنگ
چیف سیکرٹری نے اوورسیز پاکستانیوں کے مسائل کے حل کیلئے کئے جانیوالے اقدامات کو بھی سراہا.
گوجرانوالہ ڈویژن کے تمام ڈپٹی کمشنرز اور متعلقہ افسران نے اجلاس میں شرکت کی.

کار پارکنگ مافیا کے خلاف گوجرانوالہ شہر میں کاروائی جاری

گوجرانوالہ: اسسٹنٹ کمشنرہیڈکوارٹرز شبیرحسین بٹ نے کار پارکنگ کےنام پرلوگوں کولوٹنے والوں کیخلاف کریک ڈاؤن شروع کر دیا۔

کمشنرذوالفقاراحمد گھمن اورڈپٹی کمشنردانش افضال کی ہدایت پر شہر بھر میں پارکنگ کے نام پر لوگوں کو لوٹنے والے مافیا کے خلاف آپریشن شروع کر دیا گیا۔ اسسٹنٹ کمشنرہیڈکوارٹرزشبیرحسین بٹ نے سوموار کے روز شہر کے مختلف علاقوں میں پارکنگ مافیا کے خلاف کریک ڈاؤن کیا ۔ مختلف مقامات پر بنے پارکنگ اسٹینڈ پر موٹرسائیکل پارکنگ پر 10 کی بجائے 30 روپے وصول کیے جا رہے تھے ۔ اس کے علاوہ بعض مقامات پر ناجائز پارکنگ کا قیام عمل میں لایا گیا تھا جہاں پر بھی موٹرسائیکل پارک کرنے پر 30 روپے وصول کیے جا رہے تھے ۔

گوجرانوالہ : آصف اینڈ کمپنی سٹیل شیٹ ٹریڈرز کے نام سے فراڈ کمپنی متحرک متاثرہ کاروباری شخصیت کے پچاس لاکھ روپے ہڑپ کرنے والے شخص کے خلاف دادرسی کے لئے متاثرہ شخص نے تھانہ سول لائن پولیس کو درخواست دے دی۔ تفصیل کے مطابق بینک کالونی کمشنر روڈ کے رھائشی میاں محمد افضل نے تھانہ سول لائن پولیس کو درخواست دیتے ہوے مؤقف اختیار کیا کہ وہ چوھدری محمد اکرام کے ساتھ زاتی کاروباری تعلق ہونے کی بنا پر کاروبار کی غرض سے پچاس لاکھ روپے وصول کیے اور 75 فیصد ماہانہ منافع ادا کرنے کا معاہدہ کیا مگر پچاس لاکھ روپے کی ادائیگی کے بعد چوھدری محمد اکرام کئے گئے تمام معاہدوں سے منحرف ہوگیا۔
متاثرہ کاروباری شخصیت نے اپنی رقم واپسی کے لیے معززین سے رجوع کیا مگر الزام علیہ فریق پنچائت کے فیصلہ کو ماننے سے انکاری ہوگیا اور پنچائت سے راہ فرار اختیار کرلی جس کے ردعمل میں متاثرہ کاروباری شخصیت نے پچاس لاکھ روپے خرد برد کرنے میں ملوث کے خلاف قانونی کاروائی کے لیے تھانہ سول لائن پولیس کو درخواست دے دی ہے۔

سینیٹرسیف اللہ خان نیازی اور سینیٹر اعجاز چوہدری نے ڈی سی آفس میں ڈسٹرکٹ کوآرڈینیشن کمیٹی کےاجلاس سے خطاب کرتے ہوئے کہا ہے کہ ڈسٹرکٹ کوآرڈینیشن کمیٹی کا فورم گڈ گورننس کے فروغ اور مشترکہ کوششوں اور مربوط کوآرڈینیشن سے عوام کو درپیش مسائل کے مقامی سطح پرحل کا بہترین ذریعہ ہے، وزیر اعظم پاکستان عمران خان اور وزیراعلی پنجاب سردار عثمان بزدار نے عوامی مسائل کو مقامی سطح پر حل کرنے اور سرکاری اداروں کی کارکردگی اور گورننس کے معاملات کی بہتری کے لیے اس فورم کے قیام کا فیصلہ کیا تا کہ حکومتی سروسز میں شفافیت،سائلین کی آسان رسائی اور خد مات کے معیار کو عوامی امنگوں اور وزیر اعظم کے ویژن کے مطابق بہتر بنایا جا سکے۔انہوں نے یہ بھی کہا کہ ترقیاتی سکیموں کے علاوہ میگا پراجیکٹس(یونیورسٹی آف گوجرانوالہ کا قیام،چلڈرن ہسپتال،ٹراما سینٹر گکھڑ،موٹر وے لنک،شیخوپورہ روڈ،حافظ آباد روڈ)،صفائی،نکاسی آب،لاء اینڈ آرڈر کی بہتری،اشیائے خوردونوش کی ارزاں نرخوں پر دستیابی،شہر و ضلع کی خوبصورتی کے حوالے سے امور کا جائزہ لیا اور متعلقہ محکموں کے سربراہان کو ہدایات بھی جاری کیں۔انہوں نے کہا کہ اس فورم سے جو ہدایات جاری ہوں ان پر وسیع تر عوامی مفاد میں فوری عملدرآمد کروایا جائے،ڈی سی سی کمیٹی کا اجلاس ہر ماہ کم از کم 2بار منعقد کیا جائے اور اجلاس میں ہونے والے فیصلوں کو تمام تحصیلوں اور محکموں کی نچلی فارمیشنز تک منتقل کیا جائے۔
ڈسٹرکٹ کوآرڈینیشن کے اجلاس میں کمشنر گوجرانوالہ ڈویژن ذوالفقار احمد گھمن، آر پی او راؤ عبدالکریم،ڈپٹی کمشنر دانش افضال،سی پی او سید حماد عابد،ٹکٹ ہولڈرزو ضلعی عہدیداران(رضوان اسلم بٹ،خالد پرویز ورک، رانا بلال اعجاز،چودھری یوسف مہر، رانا عمر نذیر احمد خاں،ظفر اللہ چیمہ،ندیم بھنڈر،جواد حسن منج،رانا ساجد علی خان،ڈاکٹر سجاددھاریوال، عثمان بسراء)،ایڈیشنل ڈپٹی کمشنرز(ریونیو حسین رضا چوہدری،جنرل انجم ریاض سیٹھی)،سی ای او جی ڈبلیو ایم سی عتیق الرحمن،سی ٹی او سہیل فاضل،اسسٹنٹ کمشنرز (سٹی کامران حسین،صدر ڈاکٹر انعم فاطمہ،کامونکی حراء رضوان،وزیرآباد رانا امجد محمود،نوشہرہ ورکاں عمران صفدر)،سی ای او ہیلتھ ڈاکٹر فرجاد بٹ سمیت ایجوکیشن،کالجز،میٹروپولیٹن کارپوریشن،تحصیل کونسل،میونسپل کمیٹیز اور دیگر محکموں کے سربراہان اور نمائندوں نے اجلاس میں شرکت کی۔
کمشنر ،آر پی او ،ڈپٹی کمشنر اور سی پی او نے ترقیاتی سکیموں،امن و امان،گورننس کی بہتری کے حوالے سے اجلاس کے شرکاء کو بریفنگ دیتے ہوئے بتایا کہ وزیر اعلی پنجاب سردار عثمان بزدار کے دورہ گوجرانوالہ کے موقع پر جن سکیموں کی منظوری دی گئی تھی وہ باقاعدہ طور پر اے ڈی پی 2021-22میں شامل کر لی گئی ہیں اور ان کے لیے فنڈز بھی مختص کر دیے گئے ہیں ان سکیمون میں (یونیورسٹی آف گوجرانوالہ کا قیام،چلڈرن ہسپتال،ٹراما سینٹر گکھڑ،موٹر وے لنک،شیخوپورہ روڈ،حافظ آباد روڈ) اور دیگر منصوبے شامل ہیں،انہوں نے بتایا کہ ضلع گوجرانوالہ 55لاکھ آبادی پر مشتمل ہے جو زرعی اور صنعتی شعبوں میں ملک بھر میں اپنا مقام پیدا کر چکا ہے،ضلع گوجرانوالہ کے تمام محکمے باہمی روابط کے تحت کام کررہے ہیں اور پنجاب بھر میں نمایاں پوزیشنز پرہیں انہوں نے بتایا کہ گوجرانوالہ ویسٹ مینجمنٹ کمپنی شہر کی صفائی ستھرائی میں بھرپور کرداد ادا کر رہی ہیں حال ہی میں گوجرانوالہ ویسٹ مینجمنٹ کمپنی نے اپنے سالانہ فنڈز میں سے بچت کرتے ہوئے 37نئے ٹریکٹرز کی خریداری کی جو کہ صفائی ستھرائی میں معاون ثابت ہو رہے ہیں اور شہر کی صفائی ستھرائی مزید بہتر ہو چکی ہے۔ریونیو سروسز کی بہتری کے حوالے سے ڈیجیٹل گرداوری کا آغاز اور اس پر عملدرآمد،دیہی مراکز مال کا قیام اور دیگر ریونیو ریفارمز کے حوالے سے بھی آگاہ کیا۔پولیس ریفارمز کے حوالے سے ڈویژنل اور ضلعی سطح پر کیے جانے والے اقدامات،جرائم کی روک تھام کے لیے جدید ٹیکنالوجی کا استعمال،تھانوں میں سائلین سے اچھے اخلاق سے پیش آنے،ملازمین و افسران کی ویلفیئر بارے بھی بریگ کیا گیا۔بعد ازاں ضلعی عہدیداران و ٹکٹ ہولڈرز نے اجلاس کے شرکاء کو اپنے اپنے علاقہ کے مسائل بارے آگاہ کیا۔