Category: گوجرانوالہ

گوجرانوالہ : کمشنر گوجرانوالہ ڈویژن وقاص علی محمود نے کہا ہے کہ ملکی حالات کے پیش نظر ڈویژن کے تمام اضلاع می سیکورٹی کے فول پروف انتظامات کئے گئے ہیں تاکہ کسی قسم کے نقص امن کا احتمال نہ رہے اس ضمن میں حکومت پنجاب کی ہدایات کے مطابق کانٹی جینسی پلان تشکیل دے دیا گیاہے اور کسی بھی ناگہانی صورتحال سے نمٹنے کے لئے ہم پوری طرح چوکس ہیں اور اضلاع کے تمام قانون نافذکرنے والے اداروں کو بھی متحرک کر دیا گیا ہے – انہو ں نے کہاکہ کسی کو بھی قانون شکنی یا قانون ہاتھ میں لینے کی ہر گز اجازت نہیں دی جائے گی-

یہ بات انہو ں نے صو بائی وزیر قانون راجہ بشارت علی اور چیف سیکرٹری پنجاب کی ویڈیو لنک کانفرس (برائے لاء اینڈ آر ڈر) کے دوران گفتگو کرتے ہو ئے کہی – آر پی او طار ق عباس قریشی، سی پی او ڈاکٹر معین مسعود، اسسٹنٹ کمشنر ریونیو تنویر یاسین کے علاوہ دیگر افسران کمشنر آفس میں ویڈیو لنک کانفرنس میں شریک تھے –

آر پی او طار ق عباس قریشی نے کہاکہ آئی جی پنجاب اور حکومت پنجاب کی ہدایات کی روشنی میں سیکورٹی کے تمام انتظامات مکمل کر لئے ہیں اور محکمہ پولیس کے تمام افسران الرٹ ہیں اور کسی بھی نا گہانی صورتحال سے نمٹنے کیلئے ہمہ وقت تیار ہیں کسی بھی سیاسی جماعت کے عہدیداران کو انتشار پھیلانے کی ہر گز اجازت نہیں دی جائے گی اور قانون کی بالادستی کو قائم رکھتے ہوئے سماج دشمن اور شر پسند عناصر کے ساتھ آھنی ہاتھوں سے نمٹا جائے گا- انہوں نے کہا کہ یہ ملک ہمارا ہے اس پر کسی قسم کی آنچ نہیں آنے دیں

گوجرانوالہ :ایڈیشنل کمشنر (ریونیو) راؤ پرویز اختر نے گوجرانوالہ ڈویژن کے تمام ایڈیشنل ڈپٹی کمشنرز (ریونیو) کو ویڈیو لنک کانفرنس کے ذریعے خطاب کرتے ہو ئے کہا ہے کہ ڈویژن کے کے تمام اضلاع میں تمام سرکاری اراضی کی پہلے مرحلہ میں جیو ٹیگنگ کا عمل مکمل کیا جائے گا تمام ایڈیشنل کمشنرز (ریونیو)خالص بقایا سرکار پر توجہ دیں اور آئندہ 15 دن کے اندر تمام کام مکمل کیا جائے

ان خیالات کا اظہار انہوں نے کمشنر آفس میں ویڈیولنک کانفرنس کے ذریعے ڈویژن کے تمام اضلاع کے ایڈیشنل ڈپٹی کمشنرز (ریونیو) اور ایس این ایز سے خطاب کرتے ہوئے کیا- اسسٹنٹ کمشنر ریونیو منظور حسین اور ایس این ایز نے اجلاس میں شر کت کی-

ایڈیشنل کمشنر (ریونیو) راؤ پرویز اختر نے کہاکہ تمام سرکاری اراضی کی جیو ٹیگنگ کے بعد تمام ڈیٹا بیس کمشنر آفس میں قائم آپریشنل مینجمنٹ سسٹم سے منسلک کیا جائے گا تاکہ عوامی شکایات کا بروقت ازالہ کیا جا سکے اورسسٹم میں پائی جانی والی خرابیوں کو بھی دور کیا جاسکے اس سلسلہ میں سسٹم نیٹ ورک ایڈمنسریٹرز کی تربیت بھی کی جائے گی – اجلاس میں بتایاگیاکہ حافظ آباد،منڈی

بہاؤ الدین اور نارووال میں جیو ٹیگنگ کاکام مکمل کیا گیا ہے جبکہ گوجرانوالہ سیالکو ٹ اور گجرات میں آئندہ 15 دن میں یہ عمل مکمل کر لیا جائے گا-

گوجرانوالہ: کمشنر گوجرانوالہ ڈویژن وقاص علی محمود اور ریجنل پولیس آفیسر گوجر انوالہ طارق عباس قریشی نے عید الفطر پر ڈویژن بھر کے تمام اضلاع میں امن و امان کے سلسلہ میں بہترین خدمات سر انجام دینے پر ڈپٹی کمشنرز، ڈی پی اوز، اسسٹنٹ کمشنرز، ایس ڈی پی اوز اور متعلقہ سرکاری محکمو ں اور قانون نافذ کرنے والے اداروں کے افسران، اہل کاروں کا شکریہ ادا کرتے ہو ئے کہا ہے کہ تمام افسران اور ان کی ٹیم نے عید الفطر کے ا یام میں لو گوں کے جان و مال کے تحفظ کو یقینی بنانے کیلئے شاندار کارکردگی کا مظاہرہ کیا جس پر وہ خصوصی ستائش اور حوصلہ افزائی کے حق دار ہیں – انہوں نے کہا کہ عیدالفطر پر دہشت گرد عناصر کی مذموم کاروائی کا خطرہ موجود تھا لیکن ہمارے خفیہ اداروں ، پولیس اور دیگر محکمو ں نے اپنی بہترین پیشہ وارانہ صلاحیتوں کو برو ئے کار لاتے ہو ئے امن و امان کے قیام کو یقینی بنایا اور لوگوں کے جان ومال کے تحفظ کیلئے دن رات کی پرواہ کئے بغیر کام کیا- کمشنر گوجر انوالہ اور آر پی او نے کہاکہ حکومت پنجاب کی ہدایت کی روشنی میں تمام ممکنہ وسائل فراہم کرتے ہو ئے عیدالفطر پر صفائی، سیکورٹی اور دیگر انتظامات کے لئے تمام اداروں نے ٹیم ورک کا شاندار مظاہرہ کیا او ر تمام محنتی، فرض شناس افسران ہمارا اثاثہ ہیں –

انہو ں نے ان خیالات کاا ظہار ڈویژنل انٹیلی جنس کمیٹی کے خصوصی اجلاس کے دوران کیا- ڈپٹی کمشنر گوجر انوالہ نائلہ باقر، اسسٹنٹ کمشنر جنرل تنویر یسین اور دیگر افسران اجلاس میں موجود تھے جبکہ دیگر اضلاع کے ڈ پٹی کمشنرز اور ڈی پی اوز نے بذریعہ ویڈیو لنک اجلاس میں شر کت کی-

کمشنر نے اجلاس کے شرکاء پر زور دیا کہ وہ اسی حکمت عملی اور پیشہ وارانہ ذمہ دار ی کے احساس کے ساتھ شہریوں کے جان و مال کا تحفظ یقینی بنائیں – انہو ں نے کہا کہ ملک دشمن قو تیں اور دہشت گردعناصر، امن و امان کو تباہ کرنے کے مذموم ایجنڈے کے تحت کسی بھی وقت کاروائی کرسکتے ہیں اور ان حالات میں قانون نافذ کرنے والے اداروں، انتظامیہ، پولیس اور دیگر محکموں کو ہمہ وقت

چو کس رہنے کی ضرورت ہے – کمشنر نے میونسپل کارپوریشن، میونسپل کمیٹیوں کے ایڈمنسٹریٹرز کو بھی ہدایت کی کہ وہ صفائی ستھرائی کے لئے تمام ممکنہ وسائل استعمال کریں اور اس سلسلہ میں شہریوں کے شکایات کے ازالہ کیلئے بر وقت اقداما ت کریں –

گوجرانوالہ( ) ڈپٹی کمشنر گوجرانوالہ نائلہ باقر نے ڈسٹرکٹ ہیڈ کوارٹر ٹیچنگ ہسپتال گوجرانوالہ کا اچانک دورہ کیا اور ہسپتال کے مختلف شعبو ں کا معائنہ کیااورحکومت پنجاب کی شجرکاری مہم کے تحت ہسپتال کے احاطہ میں ربڑ پلانٹ کا پودا بھی لگایا-ایم ایس ڈی ایچ کیو ٹیچنگ ہسپتال ڈاکٹر سہیل انجم، صدر روٹری انٹرنیشنل ساجد بھٹی، ایم ایس ڈاکٹر گلزار احمد،ڈاکٹرنصیر احمد ودیگر افسران واہلکاران ان کے ہمراہ تھے-اس موقع پر صدر روٹری انٹرنیشنل ساجد بھٹی نے ٹراما سنٹر میں آنے والے ایمرجنسی کے مریضوں کے علاج معالجہ کیلئے درکار 70 ہزار روپے کی ضروری ادویات عطیہ کیں اور اس عزم کا اعادہ کیا کہ مریضوں کی فلاح کیلئے روٹری انٹرنیشنل اقدامات جاری رکھے گی-
ڈپٹی کمشنر نائلہ باقر نے کہا کہ حکومت پنجاب کی شجر کاری مہم کے تحت ضلع بھر میں لاکھو ں پودے لگائے جاچکے ہیں انہوں نے کہا کہ صاف ستھرے ماحول کیلئے زیادہ سے زیادہ ماحول دوست پودے لگانا ہونگے- شہری ہر سطح پر شجر کاری کریں – پھل اور پھولدار پودے لگائیں تاکہ آلودگی کی روک تھام ممکن بنائی جاسکے- انہوں نے ہسپتال کے احاطہ میں ربڑ پلانٹ کا پودا بھی لگایا اور ہسپتال میں مریضوں کی فلاح کیلئے روٹری انٹرنیشنل کی جانب سے دی جانے والی ادویات پر روٹری کا شکریہ بھی ادا کیا-