Category: حیدرآباد

ٹھٹھہ،باغی ٹی وی(نامہ نگاربلاول سموں)ایس ایس پی ٹھٹہ ڈاکٹر محمد عمران خان کے احکامات پر ٹھٹہ پولیس کا منشیات، جرائم پیشہ عناصر، عادی مجرمان، گٹکا، مین پڑی کے خلاف کریک ڈاؤن جاری۔6 گٹکا مٹیریل سپلائر ملزمان گرفتار، مقدمات درج

250 کلو گٹکا مٹیریل، 450 پیکٹ گٹکا ماوا، 1 کورولا کار اور 1 سوزوکی پک اپ برآمد

ایس ایس پی ٹھٹھہ کے احکامات پر (دہابیجی، گھارو اور سی آئی اے پولیس) نے مختلف مقامات پر کامیاب کارروائیاں کرکے گٹکا ،6 گٹکا مٹیریل سپلائر ملزمان علی مراد قمبرانی، صدام جوکھیو، کامل خاصخیلی، داؤد خاصخیلی، مسمات روبینہ ملاح اور مسمات گل بانو ملاح کو گرفتار کرلیا۔

گرفتار گٹکا مٹیریل سپلائر ملزمان کے قبضے سے 250 کلو گٹکا مٹیریل، 450 پیکٹ گٹکا ماوا، 1 کورولا کار اور 1 سوزوکی پک اپ برآمد کرکے ملزمان کے خلاف متعلقہ تھانوں پر گٹکا ائیکٹ کے تحت الگ الگ مقدمات درج کردیے۔

نوری آباد،باغی ٹی وی (نامہ نگاراللہ وسایاپالاری) نوری آباد اور گردونواح میں تیز ہواؤں کے ساتھ بارش نے تباہی مچا دی،گاؤں شوکت پالاری میں بارش کے باعث 10 سے زائد گھروں کی چھتیں گر گئیں, ایک بچہ جاں بحق اور3 بچے زخمی

گاؤں بجار پالاری دیگر گاؤں سولر پلیٹ بورنگ سولر پینل اور دیواریں اور گھر بھی ٹوٹ گئے ، 20 سے زائد بکریاں بھی ہلاک ہوگئیں، تیز ہواؤں کے باعث ہائی ٹرانسمشن لائن کے ٹاورز بھی گرگئے،

جامشورو نوری آباد اور مختلف علاقوں کی بجلی کا نظام درہم برہم ہوگیا.

ٹھٹھہ ،باغی ٹی وی ( بلاول سموں کی رپورٹ) ضلع ٹھٹھہ کے جنگشاہی شہر میں پانی کی عدم دستیابی اور بجلی کی مکمل لوڈشیڈنگ کے خلاف شہریوں نے احتجاج کیا۔

جنگشاہی پریس کلب کے سامنے شہریوں نے ’’پینے کو پانی دو جینے کو پانی دو‘‘ "پانی نہیں کیوں بھلہ کربلا کربلا” کے نعرے لگاتے ہوئے شدید احتجاج ریکارڈ کرایا۔

احتجاج کی سربراہی کرتے ہوئے رہنمائوں منیر بروہی، حاجی رفیق جوکھیو، قادر شیخ، افسار جوکھیو اور دیگر نے کہا کہ ہمارے منتخب نمائندوں کی عدم دلچسپی اور لاپرواہی کی وجہ سے جنگشاہی کے عوام پانی اور بجلی کو ترسنے لگے ہیں۔ کیونکہ بجلی نہ ہونے کی وجہ سے پانی کی شدید قلت ہونے لگی ہے۔

جنگشاہی کے غریب عوام پہلے ہی اشیاء کی قیمتوں میں اضافے اور مہنگائی سے پریشان ہیں، اس گرمی میں بجلی کے طویل لوڈ نے عوام کا جینا محال کر دیا ہے، جس کے باعث پانی کی بھی شدید قلت پیدا وگئی ہے۔

غریب لوگوں کے پاس اتنے پیسے نہیں کہ وہ 50 روپے میں پانی کا ڈبہ خرید سکیں۔ ان کا کہنا تھا کہ کروڑوں کی لاگت سے بنائی گئی واٹر سپلائی سکیم بھی ناکامی کا شکار ہو چکی ہے، شہر کی پرانی واٹر سپلائی لائن بھی جگہ جگہ ٹوٹ پھوٹ کا شکار ہے جس کی وجہ سے پانی کی قلت برقرار ہے۔

انہوں نے ڈی سی ٹھٹھہ چیئرمین ٹھٹھہ سے اپیل کرتے ہوئے کہا کہ ہمارے ان جائز مسائل کو فوری طور پر حل کیا جائے اور جنگشاہی کے عوام کی بے چینی کو دور کیا جائے بصورت دیگر احتجاج کا دائرہ کار بڑھایا جائے گا۔

مٹیاری (باغی ٹی وی) نواحی گاؤں میں سیاسی بحث کے دوران گولیاں چل گئیں جس کے نتیجے میں ایس ایس پی افسر اپنے چچا سمیت قتل

پولیس کے مطابق مقتولین کی شناخت سچی ڈنو کاکا اور اللہ بچایو کاکا کے نام سے ہوئی ہےاور قتل ہونے والا نوجوان سچی ڈنو کاکا منسٹری آف فنانس اسلام آباد میں ملازمت کرتا تھا۔

پولیس نے تصدیق کی کہ جاں بحق دونوں افراد آپس میں چچا اور بھتیجا ہیں، پولیس نے جاں بحق افراد کی لاشیں تعلقہ ہسپتال منتقل کردیں۔

ادھر ذرائع کے مطابق ملزم فاروق کاکا نے فائرنگ کرکے چچا اور بھتیجے کو قتل کیا ہے۔مقتول کے والد نے بتایا کہ اس کے بیٹے کو نظام الدین کاکا نے قتل کروایا ہے،

دوسری جانب پولیس نے قاتلوں کی گرفتاری کے لیے چھاپے مارنا شروع کردئیے ہیں تاہم ابھی تک کوئی گرفتاری عمل میں نہیں آئی، جس پر ورثاء غصے میں نظر آرہے ہیں.

ٹھٹھہ ،باغی ٹی وی (نامہ نگار بلاول سموں کی رپورٹ) ٹھٹھہ سے30 کلومیٹر دور ٹھٹھہ حیدرآباد روڈ پر واقع کینجھر جھیل کے قریبی گاؤں علی بحر میں رشتہ کے تنازعہ پرنوجوان لڑکا لڑکی قتل، کئی دنوں سے چلنے والی تکرار کے بعد آج سلمان سومرو نے اپنی بہن مسمات آمنت اور کزن آصف سومرو کو قتل کردیا ،قاتل اور مقتول ایک ہی خاندان سے تعلق رکھتے ہیں، دونوں مقتولین کی لاشیں پوسٹ مارٹم کے لئے سول اسپتال ٹھٹھہ منتقل کردی گئی ہیں پولیس ذرائع،

اس واقعہ کے بعد علاقے میں شدید کشیدگی کی صورتحال پیدا ہوگئی ہے، دوسری طرف ایس ایس پی ٹھٹھہ ڈاکٹر محمد عمران خان نے تھانہ کینجھر کی حدود گاؤں علی بحر پر سومرا برادری کے درمیان پیش آئے جھگڑے کے دوران قتل کی واقعے کا سختی سے نوٹس لیتے ہوئے متعلقہ ایس ڈی پی او ، ایس ایچ او سمیت پولیس کی بھاری نفری کو جائے وقوع پر روانہ ہونے کے احکامات دیے۔

پولیس نے بروقت کارروائی کرتے ہوئے قتل میں ملوث مرکزی ملزم کو حراست میں لے لیا۔ اور لاشوں کو پوسٹ مارٹم کے لیے سول ہسپتال ٹھٹہ منتقل کیا گیا ہے۔ علاقے میں پولیس کی بھاری نفری موجود ہے۔مزید قانونی کارروائی کی جارہی ہے، اور واقعے کی تمام پہلوؤں سے مزید تفتیش جاری ہے.

ٹھٹھہ،باغی ٹی وی ( بلاول سموں کی رپورٹ) کمکلی میں دن دیہاڑے ڈکیتی کی واردات تین مسلح افرادہول سیل کی دکان سے لاکھوں روپے کیش موبائل فون اور موٹر سائیکل لیکر فرار

مکلی سنیری بینک غلام اللہ روڈ پر جہاں قریب میں پولیس چوکی بھی قائم ہے وہاں شفیع محمد سموں کی ہول سیل کی دکان پر ایک موٹر سائیکل پر سوار تین مسلح افراد دکان میں موجود مزدوروں کو یرغمال بناکر اسلحہ کے زور پر 12 لاکھ روپے کیش رقم تین موبائل سیٹ اور ایک موٹر سائیکل لے اڑے

دن دیہاڑے ڈکیتی کی واردات سے تاجروں اور شہریوں میں خوف و ہراس پھیل گیا ایس ایچ او تھانہ مکلی اختیار حسین پھنور اطلاع ملنے پر پولیس نفری کے ہمراہ جائے واردات پر پہنچے ،ایس ایچ او مکلی اختیار حسین پھنور نے کہا کہ ڈکیتی کی واردات پر ایس ایس پی ٹھٹھہ ڈاکٹر محمد عمران خان نے سخت نوٹس لیا ہے اور ہم نے تمام علاقے کی ناکہ بندی کرادی ہے ملزمان قانون کی گرفت سے نہیں بچ سکیں گے

دوسری طرف ڈکیتی کی واردات کے خلاف سندھ ترقی پسند پارٹی کے رہنما جلال شاہ اور دیگر کی قیادت میں مکلی بائی پاس پر دھرنا دیا گیا اور پولیس کے خلاف سخت نعرے بازی کی گئی ،دھرنے کے باعث ٹریفک کی آمدورفت معطل ہوکر رہ گئی، گاڑیوں کی لمبی قطاریں لگ گئیں