Category: حیدرآباد

ٹھٹھہ،باغی ٹی وی (نامہ نگاربلاول سموں کی رپورٹ )پولیس کی کامیاب کارروائی، 6 بین الاضلاعی کریمنل گینگز کے 19 ارکان گرفتار

تفصیل کے مطابق ٹھٹھہ پولیس نے جرائم پیشہ افراد کے خلاف کامیاب کارروائیاں کرتے ہوئے 6 بین الاقوامی کرمنل گینگز کو بکھیر دیا ہے۔ پولیس نے 19 خطرناک مجرموں کو گرفتار کیا ہے اور ان کے قبضے سے چھینی گئی املاک سمیت اسلحہ بھی برآمد کیا ہے۔

ایس ایس پی ٹھٹھہ ڈاکٹر محمد عمران خان نے پولیس اسٹیشن دھابیجی میں پریس بریفنگ کے دوران بتایا کہ انہوں نے جرائم کے خلاف سخت کارروائی کا حکم دیا تھا جس کے نتیجے میں یہ کامیابی حاصل ہوئی ہے۔ ایس ڈی پی او ساکرو، واجد تھہیم کی زیرِ نگرانی پولیس ٹیم نے مختلف علاقوں میں کارروائیاں کرکے مجرموں کو گرفتار کیا ہے۔

گرفتار مجرموں میں ایاز چانڈیو، علی شاہ، سہیل آرائیں، عبداللہ بھٹ، دولت خان پٹھان، نثار شیدی، نبیل بھٹی، فرحان ملاح اور دیگر شامل ہیں۔

پولیس نے ان کے قبضے سے 2 مزدا ٹرک، 2 بھینسیں، 1 الٹس کار، 8 موبائل فونز، 11 موٹر سائیکلیں، 1 کلاشنکوف، 5 پستول اور گولیاں برآمد کی ہیں۔

ابتدائی تحقیقات سے پتہ چلا ہے کہ یہ گینگز ضلع ٹھٹھہ سمیت کراچی کے مختلف علاقوں میں ڈکیتی، چوری اور گاڑیاں چرانے جیسے جرائم میں ملوث تھے۔ پولیس نے گرفتار مجرموں کو مزید تفتیش کے لیے اپنی تحویل میں لے لیا ہے۔

ایس ایس پی ٹھٹھہ نے پولیس ٹیم کو ان کی کامیابی پر مبارکباد دی اور انہیں تعریفی سرٹیفکیٹ دینے کا اعلان کیا۔

نوری آباد(باغی ٹی وی نامہ نگاراللہ وسایا پالاری) نوری آباد کے قریب حیدرآباد سے کراچی جانے والی سڑک پر آج صبح ایک بھیانک حادثہ پیش آیا ہے۔ اس حادثے میں ایک ٹرک اور ٹرالر آپس میں ٹکرا گئے جس کے نتیجے میں ٹرک میں سوار دو افراد موقع پر ہی جاں بحق ہوگئے جبکہ تین دیگر زخمی ہوگئے۔

ریسکیو ذرائع کے مطابق، زخمیوں کو فوری طور پر طبی امداد فراہم کرنے کے لیے ڈی ایچ کیو ہسپتال کوٹری منتقل کیاگیا۔ پولیس کے ابتدائی جائزے کے مطابق حادثہ اس وقت پیش آیا جب ایک خراب حالت میں ٹرالر سڑک پر کھڑا تھا اور پیچھے سے آنے والے ایک تیز رفتار ٹرک اس سے ٹکرا گیا۔

اس حادثے نے علاقے میں غم و غصے کی لہر دوڑا دی ہے۔ مقامی لوگوں نے حکام سے سڑکوں کی حالت بہتر بنانے اور حادثات کو روکنے کے لیے فوری اقدامات اٹھانے کا مطالبہ کیا ہے۔

نوری آباد (باغی ٹی وی نامہ نگار اللہ وسایا پالاری)پولیس کا مسافروں سے لوٹ مار کا سلسلہ جاری، یوٹیوبر کی ویڈیو وائرل ہونے پر کارروائی، موٹروے ایم نائن پر گزرنے والے مسافروں سے نوری آباد پولیس کی جانب سے لوٹ مار کا سلسلہ جاری ہے۔ حال ہی میں یوٹیوبر حسن بن شاہد کوکراچی سے لاہور جاتے ہوئے چوکی نمبر 5 پر روک لیاگیا۔

یوٹیوبر کے مطابق ان کی گاڑی کے کاغذات پورے ہونے کے باوجود پولیس نے انہیں روکے رکھا اور رشوت طلب کی گئی۔ اس پوری واقعے کی ویڈیو یوٹیوبر نے سوشل میڈیا پر شیئر کردی جس کے بعد اس ویڈیو نے وائرل ہونے میں زیادہ وقت نہیں لگایا۔

سوشل میڈیا پر ویڈیو وائرل ہونے کے بعد ایس ایس پی جامشورو طارق نواز نے نوٹس لیتے ہوئے فوری کارروائی کا حکم دیا۔ اس حوالے سے تھانہ نوری آباد میں ہیڈ کانسٹیبل غلام علی کلہوڑو، ہیڈ کانسٹیبل محمد رمضان بھٹی، ڈرائیور کانسٹیبل محمد پریل چانڈیو اور کانسٹیبل فل محمد خاصخیلی کے خلاف مقدمہ درج کرکے چاروں اہلکاروں کو لاک اپ کردیا گیا۔

شہری حلقوں کے مطابق یہ واقعہ ایک بار پھر پولیس کی بدعنوانی اور مسافروں کو ہراساں کرنے کا ایک سنگین مثال ہے۔ اس واقعے نے عوام میں پولیس کے خلاف مزید نفرت پیدا کردی ہے۔ عوام کا مطالبہ ہے کہ ایسے عناصر کو عبرتناک سزا دی جائے تاکہ آئندہ کوئی ایسا واقعہ پیش نہ آئے۔

نوری آباد،باغی ٹی وی ٰ(نامہ نگاراللہ وسایاپالاری)کوٹری پولیس نے نشے کے کاروبار میں ملوث افراد کے خلاف کریک ڈاؤن تیز کر دیا ہے۔

تازہ ترین کارروائی میں ایس ایچ او کوٹری انسپیکٹر آغا ارسلان پٹھان کی زیرِ قیادت پولیس ٹیم نے ایک مشکوک شخص کو گرفتار کرکے اس کے قبضے سے 65 گرام آئس برآمد کی ہے۔

گرفتار ملزم کی شناخت غلام علی ولد غلام نبی لنڈ کے طور پر ہوئی ہے۔ پولیس نے ملزم کے خلاف کوٹری تھانے میں مقدمہ درج کر لیا ہے اور اس سے مزید تفتیش جاری ہے۔

جامشورو،باغی ٹی وی (نامہ نگاراللہ وسایاپالاری):کوٹری میں پولیس نے جوئے کے اڈوں کے خلاف بڑی کارروائی کرتے ہوئے متعدد افراد کو گرفتار کرلیا ہے۔

ڈی ایس پی کوٹری اور ایس ایچ او کوٹری کی مشترکہ کارروائی کے دوران مختلف علاقوں میں واقع جوئے کے اڈوں پر چھاپے مارے گئے۔ پولیس نے ان چھاپوں کے دوران 7 جوئے بازی کے اڈوں کے ملازمین کو گرفتار کرلیا جبکہ چار ملزمان موقع سے فرار ہونے میں کامیاب ہوگئے۔

گرفتار افراد کے قبضے سے پولیس نے اکڑا پرچی کی بکیں اور نقدی برآمد کی ہے۔ پولیس کے مطابق ان جوئے کے اڈوں میں لاکھوں روپے کا جوا کھیلا جاتا تھا۔

گرفتار اور فرار ہونے والے افراد کے خلاف کوٹری تھانے میں 5 مقدمات درج کر لیے گئے ہیں۔ پولیس نے فرار ہونے والے ملزمان کو گرفتار کرنے کے لیے بھی اپنی کوششیں تیز کر دی ہیں۔

جامشورو،باغی ٹی وی (نامہ نگاراللہ وسایاپالاری) منشیات کے اسمگلروں کے خلاف پولیس کی کامیاب کارروائی

جامشورو کے ایس ایس پی محمد طارق نواز کی ہدایت پر لونی کوٹ پولیس نے ایک بڑی کارروائی کرتے ہوئے منشیات کے اسمگلروں کو رنگے ہاتھ گرفتار کرلیا ہے۔

پولیس کے مطابق، ایس ایچ او لونی کوٹ سب انسپیکٹر سکندر علی رودرانی کی سربراہی میں ایک اہم اطلاع کے بعد کارروائی کرتے ہوئے منشیات کی اسمگلنگ کا ایک بڑا منصوبہ ناکام بنادیا گیا۔ پولیس نے ملزمان وسیم مری اور محمد عارف چانگ کو گرفتار کرلیا۔

گرفتار ملزمان کی گاڑی KB-3970 سے پولیس نے بڑی مقدار میں منشیات برآمد کی ہیں جن میں مین پوری میں استعمال ہونے والا چورا اور مین پوری شامل ہے۔

پولیس نے گرفتار ملزمان کے خلاف تھانہ لونی کوٹ میں مقدمہ درج کرلیا ہے۔

نوری آباد،باغی ٹی وی (نامہ نگار اللہ وسایا پالاری) نوری آباد کے قریب موٹروے پر آج صبح ایک دل دہلا دینے والا حادثہ پیش آیا ہے جس میں ایک مسافر کوچ ٹرالر سے ٹکرا گئی۔ اس حادثے میں ایک مسافر جاں بحق ہو گیا جبکہ تین سے زائد افراد شدید زخمی ہو گئے ہیں۔

حادثے کی اطلاع ملتے ہی ریسکیو اہلکار فوری طور پر موقع پر پہنچے اور زخمیوں کو قریبی ہسپتال منتقل کیا گیا۔ حادثے کے نتیجے میں موٹروے پر ٹریفک کی لمبی لائنیں لگ گئیں۔ تاہم، موٹروے پولیس نے موقع پر پہنچ کر ٹریفک کی روانی بحال کر دی ہے۔

پولیس کے مطابق، حادثے کی وجہ ابتدائی طور پر تیز رفتار اور لاپرواہی بتائی جا رہی ہے۔ اس حوالے سے مزید تحقیقات جاری ہیں۔

نوری آباد(باغی ٹی وی رپورٹ)حیدرآباد، جامشورو، نوری آباد، تھانہ بولا خان اور گردونواح میں ہونے والی تیز بارشوں کے باعث شہر کے مختلف علاقوں میں پانی جمع ہو گیا ہے۔ رات پونے 10 بجے سے سوا 11 بجے تک ہونے والی اس بارش نے شہر کو مشکلات کا سامنا کرنے پر مجبور کر دیا ہے۔

بارش شروع ہوتے ہی شہر کا بیشتر حصہ تاریکی میں ڈوب گیا۔ حیسکو ترجمان کے مطابق بارش کی وجہ سے شہر بھر کے 48 فیڈر بند کر دیے گئے ہیں جس کی وجہ سے بجلی کی فراہمی بھی متاثر ہوئی ہے۔

شہر میں نکاسی آب کا کام بھی متاثر ہوا ہے۔ میئر حیدرآباد کاشف شورو اور ڈپٹی کمشنر زین العابدین نے مختلف پمپنگ اسٹیشنز کا دورہ کر کے صورتحال کا جائزہ لیا ہے۔ ضلعی انتظامیہ کا کہنا ہے کہ پمپنگ اسٹیشنز پر بجلی کی عدم فراہمی کی وجہ سے نکاسی آب کا کام متاثر ہو رہا ہے۔

دوسری جانب جامشورو، نوری آباد، تھانہ بولا خان اور گردونواح میں بھی تیز بارش ہوئی ہے۔ ریسکیو اہلکاروں کے مطابق تھانہ بولا خان کے علاقے کرچات میں متعدد کچے مکانوں کی چھتیں گر گئیں جس کے نتیجے میں ایک شخص اور ایک خاتون جاں بحق ہو گئے۔

جامشورو میں موسلادھار بارش کے باعث نشیبی علاقے زیر آب آگئے اور ندی نالوں میں طغیانی ہے۔