Category: حیدرآباد

ٹھٹھہ،باغی ٹی وی (بلاول سموں) ڈسٹرکٹ رٹرننگ افسر و ڈپٹی کمشنر اسد علی خان کی زیر صدارت الیکشن کمیشن آف پاکستان کے جاری کردہ عام انتخابات 2024ء کے حوالے سے ضابطہ اخلاق کے متعلق دربار ہال مکلی میں ایک اہم اجلاس منعقدہ ہوا، جس میں ایس ایس پی آفتاب احمد نظامانی، ڈسٹرکٹ الیکشن کمشنر محمد عمران آرائیں اور ڈسٹرکٹ مانیٹرنگ افسر سجاد انصاری سمیت قومی و صوبائی نشستوں کے امیدواران اور ان کے نمائندگان نے شرکت کی۔

اس موقع پر ڈسٹرکٹ رٹرننگ افسر و ڈپٹی کمشنر اسد علی خان نے کہا کہ عام انتخابات 2024ء میں حصہ لینے والے امیدوار اور پارٹیاں الیکشن کمیشن آف پاکستان کے جاری کردہ ضابطہ اخلاق پر عملدرامد کو ہر صورت یقینی بنائیں۔ انہوں نے کہا کہ ہمارے لئے تمام امیدوار برابر ہیں، سب کیلئے فری ماحول پیدا کرنا ہے، اگر کسی بھی امیدوار کو شکایت ہے تو وہ تحریری طور پر آگاہ کرے، ثابت ہونے پر کارروائی ہوگی۔

انہوں نے کہا کہ ضلع بھر میں صاف و شفاف انتخابات کے انعقاد کو یقینی بنانے کے لیے تمام تر وسائل بروئے کار لائے جائیں گے، کسی کو بھی امن و امان خراب کرنے کی اجازت ہر گز نہیں دی جائے گی۔ انہوں نے کہا کہ ٹھٹھہ پرامن ضلع ہے، تمام امیدواران کو الیکشن کے دن اور ایک دن بعد امن و امان برقرار رکھنے کیلئے اپنا بھرپور کردار ادا کرنا ہوگا۔ انہوں نے کہا کہ بلدیاتی نمائندے اور سرکاری ملازمین انتخابی مہم کا حصہ بننے سے گریز کریں بصورت دیگر ثبوت ملنے پر کارروائی عمل میں لائی جائے گی۔

اس موقع پر امیدواران کی جانب سے مختلف شکایات کی گئیں جس پر انہوں نے متعلقہ افسران کو کارروائی کے احکامات بھی دیئے۔ بعد اس موقع پر ایس ایس پی آفتاب احمد نظامانی نے کہا کہ صاف، شفاف اور پر امن انتخابات کے انعقاد کیلئے ہر ممکن اقدامات کئے جائیں گے اور اس ضمن میں ایک مؤثر کانٹیجنسی پلان بھی تشکیل دیا گیا ہے۔

بعد ازاں ڈسٹرکٹ مانیٹرنگ افسر سجاد انصاری نے شرکاء کو بریفنگ میں عام انتخابات کے ضابطہ اخلاق کے حوالے سے تفصیلی بریفنگ دیتے ہوئے بتایا کہ انتخابی مہم کے دوران گاڑیوں اور کار ریلیوں پر مکمل پابندی ہوگی جبکہ عوامی جلسوں اور جلوسوں میں اور پولنگ والے دن کسی قسم کے ہتھیار اور آتشی اسلحہ کو لے جانے یا ان کی نمائش پر بھی مکمل پابندی عائد ہوگی۔

انہوں نے بتایا کہ بل بورڈز، وال چاکنگ اور پینافلیکس پر مکمل پابندی عائد ہوگی جبکہ ضابطہ اخلاق کے تحت مقررہ سائز کے پوسٹرز، ہینڈ بل اور پمفلیٹس کی اجازت ہوگی جبکہ سرکاری عمارتوں پر کسی قسم کا انتخابی تشہری مواد لکھنے یا لگانے پر پابندی ہوگی۔

انہوں نے بتایا کہ سیاسی جماعتیں اور امیدواران اپنی انتخابی مہم کے سلسلے میں ریلیاں اور جلسے و جلوس نکالنے سے قبل متعلقہ ڈی آر او اور آر اوز کو اطلاع کرنے کے پابند ہوں گے جبکہ ایسی جگہوں پر عوامی جلسے اور اجتماعات منعقد کریں گے اور ایسا راستہ اختیار کریں گے جو اس مقصد کیلئے مختص کیا گیا ہو علاوہ ازیں الیکشن سے 48 گھنٹے پہلے ہر قسم کی انتخابی مہم بند ہوگی۔

میرپورخاص،باغی ٹی وی( نامہ نگار سید شاہزیب شاہ کی رپورٹ ) ریجنل الیکشن کمشنر آفس میرپورخاص کی جانب سے عام انتخابات میں پولنگ اسٹیشنز میں سیکیورٹی انتظامات کو یقینی بنانے کے متعلق دو روزہ تربیتی ورکشاپ کا انعقاد
تفصیلات کے مطابق ریجنل الیکشن کمشنر میرپورخاص کی جانب سے میرپورخاص ڈویژن میں عام انتخابات کے دوران پولنگ اسٹیشنوں میں سیکیورٹی انتظامات کو یقینی بنانے سے متعلق ڈی آئی جی آفس میرپورخاص میں ماسٹرز ٹریننگ کی دو روزہ تربیتی ورکشاپ کا انعقاد کیا گیا

ورکشاپ کے پہلے روز عام انتخابات کے دوران پولیس ماسٹر ٹرینرز کو پولنگ اسٹیشن یا پولنگ بوتھ میں سیکیورٹی اور حفاظتی انتظامات کو یقینی بنانے سے متعلق مختلف اقدامات کرنے جس میں پولنگ اسٹیشنوں کے ارد گرد مشکوک افراد پر کڑی نظر رکھنے ، پولنگ اسٹیشن پر ووٹ کے اندراج کے لیے آنے والے ووٹرز کا اصل قومی شناختی کارڈ چیک کرنے اور تلاشی لینے ، میڈیا اور مبصرین کے الیکشن کمیشن کی جانب سے جاری کردہ پاس چیک کرنے ، کسی بھی ناخوشگوار واقعہ رونما ہونے کی صورت میں حفاظتی اقدامات کرنے کے متعلق تربیت دی گئی

حفاظتی انتظامات کے متعلق تربیتی ورکشاپ میں ریجنل الیکشن کمشنر میرپورخاص امتیاز علی کلہوڑو ، ڈسٹرکٹ الیکشن کمشنرسانگھڑ شاہنواز بروہی نے الیکشن کمیشن آف پاکستان کی جانب سے جاری کردہ پولنگ اسٹیشنوں پر حفاظتی انتظامات کو یقینی بنانے سے متعلق تربیت دی

اس موقع پر ریجنل الیکشن کمشنر آفس کے اسٹنٹ وقار حسین ، عدنان ہالیپوٹو میرپورخاص ، عمرکوٹ ، اور تھرپارکر کے پولیس ماسٹر ٹرینرز نے شرکت کی

میرپورخاص،باغی ٹی وی( نامہ نگار سید شاہزیب شاہ کی رپورٹ )میرپورخاص میں منعقد ہونے والے پہلی میراتھن ریس میں اول پوزیشن پر آنے والی بچی لالی کی مالی و تکنیکی مدد کی جائے ویمن لیڈر شپ فورم،

تفصیلات کے مطابق میرپورخاص میراتھن ریس میں حصہ لینے والی بچی لالی جس کا تعلق ایک پسماندہ گاؤں مگھو پٹیل نزد 78 موری میرپورخاص سے ہے ، لالی کا خاندان مگھو پٹیل 78 موری کا ہی رہائشی ہے سماجی تنظیم سی ایس ایس پی کی کمیونٹی گروپ سے تعلق رکھنے والی اس لڑکی کے گاؤں میں کچے مکانات،جھونپڑیاں اور مال مویشی کا کام جاری رہتا ہے سماجی تنظیم کی ہمت افزائی اور تربیت کے نتیجے میں ہزاروں لوگوں کے مجمع گاڑیوں کے سائرن اور لاؤڈ اسپیکرز کے شور میں با اعتماد طور پر میراتھن دوڑ میں حصہ لیکر پہلی پوزیشن پر آئیں-

ویمن لیڈر شپ فورم کی ممبران شرمین ملک،طاہرہ اعجاز، مرک مری،عزیز بانو، رضیہ بیگم ،افشین اقبال، فوزیہ ناصر ، نجمہ شیخ و دیگر نے اپنے بیان میں مطالبہ کیا ہے کہ پہلی پوزیشن پر آنے والی بچی کو سندھ حکومت و وفاقی حکومت کی جانب سے مالی و تکنیکی مدد فراہم کی جائے تاکہ یہ بچی اپنے ملک کا نام روشن کر سکے ۔

میرپورخاص(باغی ٹی وی نامہ نگار سید شاہزیب شاہ کی رپورٹ ) پہلا کمشنر میراتھن ریس مقابلے کامیابی سے ہمکنار ہوئے جو میرپورخاص کے شہریوں کی زندہ دلی سے ممکن ہوا . ڈویژنل کمشنر میرپورخاص فیصل احمد عقیلی

تفصیلات کے مطابق ڈویژنل کمشنر میرپورخاص فیصل احمد عقیلی نے کہا ہے کہ پہلا کمشنر میراتھن ریس مقابلوں کی کامیابی کا سہرا میرپورخاص کی عوام کو جاتا ہے اور کہا کہ ڈویژن اور ضلع انتظامیہ کھیلوں کے فروغ کے لیے ہر ممکن اقدامات کر رہی ہے ان خیالات کا اظہار انہوں نے شہید بینظیر بھٹو اسپورٹس اسٹیڈیم (گاما اسٹیڈیم) میرپورخاص میں پہلے کمشنر میراتھن ریس مقابلے کی تقریب تقسیم انعامات سے خطاب کرتے ہوئے کیا

انہوں نے مزید کہا کہ ڈویژن انتظامیہ کی ہر ممکن کوشش ہے کہ ڈویژن بھر میں کھیلوں کی سرگرمیوں کو اجاگر کرنے کے ساتھ ساتھ کھیلوں کے میدانوں میں بھی بہتری لائی جائے تاکہ نوجوان کھیلوں کی طرف راغب ہو سکیں کمشنر نے کہا کہ میراتھن مقابلوں سے پیار ، امن ، بھائیچارگی پیدا ہوگی .

اس موقع پر ڈپٹی کمشنر میرپورخاص ڈاکٹر رشید مسعود نے کہا ضلع انتظامیہ میرپورخاص کی ہر ممکن کوشش ہے کہ کھیلوں کو عام کیا جائے اور کھیلوں کا شوق رکھنے والے نوجوانوں کی حوصلہ افزائی ہو سکے واضح رہے کہ پہلے کمشنر میراتھن ریس میں تین کیٹیگریز جس میں وہیل چئیر میراتھن ریس ، لڑکوں کے میراتھن ریس اور لڑکیوں کے میراتھن ریس شامل تھے لڑکوں کا میراتھن ریس 5 کلو میٹر رتن آباد اسٹیشن سے گاما اسٹیڈیم تک ، جبکہ لڑکیوں کا میراتھن ریس ڈیڑھ کلو میٹر کے فاصلے پر مشتمل تھا .

پہلے کمشنر میراتھن میرپورخاص کے جیتنے والے تینوں کیٹیگریز میں نمایاں پوزیشن حاصل کرنے والے کھلاڑیوں میں کمشنر فیصل احمد عقیلی ، ڈپٹی کمشنر ڈاکٹر رشید مسعود خان ، ایس ایس پی عادل میمن اور دیگر نے نقد انعامات اور میڈل دئیے .جس میں وہیل چئیر کیٹیگری میں پہلی پوزیشن گلستان معذورین کے اقبال، دوسری پوزیشن صلاح الدین، اور تیسری پوزیشن نوید نے حاصل کی .

لڑکوں کے میراتھن مقابلوں میں چھٹی پوزیشن امن بلوچ، پانچویں پوزیشن سلیمان، چوتھی پوزیشن عمر، تیسری پوزیشن ہر چند ، دوسری پوزیشن غلام مرتضی اور پہلی پوزیشن ذیشان نے حاصل کی لڑکیوں کی کیٹیگری میں چھٹی پوزیشن لتا ، پانچویں پوزیشن لائبہ ، چوتھی پوزیشن مدھو ، تیسری پوزیشن ماریہ ، دوسری پوزیشن مسکان اور پہلی پوزیشن لالی نے حاصل کی اس موقع پر پہلی پوزیشن حاصل کرنے والے کھلاڑیوں کو 25 ہزار نقد انعام اور میڈل ، دوسری پوزیشن حاصل کرنے والے کھلاڑیوں کو 15ہزار اور میڈل اسی طرح تیسری پوزیشن حاصل کرنے والے کھلاڑیوں کو 10 ہزار روپے نقد انعام اور میڈل ، چوتھی سے چھٹی پوزیشن حاصل کرنے والے کھلاڑیوں کو 5،5ہزار روپے نقد انعام دئیے گئے .

اس موقع پرڈسٹرکٹ آفیسر اسپورٹس واس دیو ، سماجی رہنماؤں محمد بخش کپری، شہزادو ملک ، اسکول کے اساتذہ ، طلبہ و طالبات ، صحافیوں اور شہریوں اور شائقین بے بڑی تعداد میں شرکت کی . تقریب تقسیم انعامات میں صوفی کلام ، صوفیانہ بین اور ساز کے ذریعے ثقافتی نغمے پیش کئے گئے مختلف شعبہء ہائے زندگی سے تعلق رکھنے والے افراد اور عام شہریوں نے کمشنر فیصل عقیلی اور ڈپٹی کمشنر ڈاکٹر رشید مسعود خان کے اقدامات کی تعریف کی

ٹھٹھہ،باغی ٹی وی(بلاول سموں): ڈسٹرکٹ الیکشن کمشنر محمد عمران آرائیں نے ٹریننگ کوآرڈینیٹر نعمان احمد عیسانی و دیگر افسران کے ہمراہ گورنمنٹ گرلز ہائی اسکول مکلی میں قائم ٹریننگ سینٹر کا دورہ کرکے عام انتخابات 2024ء کیلئے تعینات پرزائڈنگ اور سینیئر اسسٹنٹ پریزائیڈنگ آفسران کی جاری ٹریننگ کا تفصیلی جائزہ لیا.

اس موقع پر ڈسٹرکٹ الیکشن کمشنر محمد عمران آرائیں نے کہا کہ پولنگ عمل کے دوران پولنگ اسٹیشنز کے انتظامات اور نگرانی سمیت انتخابات کی تکمیل تک پریزائڈنگ افسران کا اہم رول ہوتا ہے۔ انہوں نے کہا کہ الیکشن کے انعقاد کیلئے پولنگ اسٹاف کا کردار بہت اہمیت کا حامل ہوتا ہے جس کیلئے انہیں ٹریننگ دی جا رہی ہے تاکہ وہ پولنگ کے دوران اپنے فرائض بہتر طریقے سے انجام دے سکیں.

انہوں نے ٹریننگ حاصل کرنے والے پولنگ اسٹاف پر زور دیا کہ وہ اپنی ٹریننگ سے بھرپور استفادہ حاصل کریں تاکہ دوران الیکشن کسی بھی قسم کی شکایات کا موقع نہ ملے۔

انہوں نے انہیں ہدایت کی کہ وہ انتخابات کے روز اس قومی فریضہ میں ایمانداری اور فرض شناسی سے اپنے فرائض ادا کریں تاکہ انتخابات کے عمل کو بہتر، صاف و شفاف، آزادانہ و منصفانہ طریقے سے پایہ تکمیل تک پہنچایا جا سکے۔

ڈسٹرکٹ الیکشن کمشنر نے آئندہ عام انتخابات کے عمل کے متعلق پریزائڈنگ اور سینیئر اسسٹنٹ پریزائیڈنگ آفسران کو تفصیلی آگاہی بھی دی۔ اس موقع پر مانیٹرنگ افسران نیاز احمد میمن، شفیق آرائیں اور ضلعی اطلاعات افسر محفوظ علی سومرو بھی موجود تھے۔

میرپورخاص(باغی ٹی وی نامہ نگار سید شاہزیب شاہ کی رپورٹ ) پاکستان مسلم لیگ فنکشنل کی صوبائی ورکنگ کمیٹی سندھ ممبر غزالہ بابر لغاری حر نے سال برائے 2024 الیکشن کے حوالے سے اپنے ویڈیو بیان میں کہا کہ جی ڈی اے مرکز کی ہدایت پر پاکستان مسلم لیگ فنکشنل کی خواتین اپنی تمام تر کوششوں کو بروئےکار لاتے ہوئے عوام کو جی ڈی اے کے ممبر قومی اسمبلی اور صوبائی اسمبلی کی نشتوں پر نمائندگان کی بھرپور الیکشن مہم چلائیں اور گلی گلی کوچہ کوچہ عوام میں فنکشل مسلم لیگ کے پیغام کو پہنچائیں.

غزالہ بابر لغاری حر نے مزید کہا کہ پیر صاحب پاگارا کے احکامات پر الیکشن مہم میں خواتین اپنی سیاسی مصروفیات کو فعال کریں.انہوں نے پاکستان مسلم لیگ فنکشنل کی خواتین کو مشورہ دیا کہ اپنی نسل کی بقا اور پاکستان کو کرپٹ لوگوں سے بچانا ہے تو اپنے قیمتی ووٹ کو پاکستان مسلم لیگ فنکشنل کے رہنماؤں کو دلانے میں اپنے کردار ادا کریں اور کسی بھی پریشانی میں خواتین رابطہ کریں اور جن خواتین نے فنکشنل مسلم لیگ کے پلیٹ فارم سے اپنا پولیٹیکل کیئریئر شروع کیا ہے انہیں خوش آمدید کہتی ہیں.

اس موقع پر ان کےہمراہ متحرک انسان دوست ایڈوکیٹ ہائی کورٹ نورالعین یوسف لغاری بھی موجود تھیں

ٹھٹھہ،باغی ٹی وی(بلاول سموں)8 فروری کو ہونے والے الیکشن میں تمام امیدواروں کی سرگرمیاں شروع ہوگئیں
8 فروری کو ہونے والے عام انتخابات میں حصہ لینے والے تمام امیدواروں کی سرگرمیاں شروع ہوگئیں ہیں اس سلسلے میں پاکستان پپلز پارٹی ضلع ٹھٹھہ کے صدر اور این اے 225 ٹھٹھہ پپلز پارٹی کے نامزد امیدوار صادق علی میمن نے جام ہاؤس پہنچ کر سابقہ ایم پی اے جام اویس بجار خان جوکھیو سے ملاقات کی اور آئندہ ہونے والے عام انتخابات کے سلسلے میں بات چیت بھی کی گئی

اس موقع پر جام اویس بجار خان نے این اے 225 ٹھٹھ ہپر صادق میمن کو یقین دلایا کہ وہ صادق میمن کے ساتھ ہیں اور انکے حلقے سمیت ضلع ٹھٹھہ کے عوام پپلز پارٹی کے تمام امیدواروں کو بھرپور طریقے سے کامیاب کرائینگے

اس موقع پر گھارو ٹاؤن کمیٹی کے چیئرمین جام احسان جوکھیو ،امتیاز قریشی ،سید محمود عالم شاہ، ممتاز عرف ممی میمن ،جہانگیر خان پالاری اور دیگر موجود تھے

دوسری طرف پپلز پارٹی کے نامزد قومی اسمبلی حلقہ این اے 225 کے مضبوط ترین امیدوار ضلعی صدر صادق علی میمن، امتیاز قریشی ،محمود عالم شاہ جہانگیر پالاری، ممتاز میمن ،رئیس سلیم گندرو ،آفتاب عالم سومرو ،رئیس ممتاز علی جاکھرو اور دیگر نے الیکشن کیمپ آفس گھارو کا دورہ کیا جہاں پر پپلز پارٹی کے رہنماؤں کا مولوی قاسم چانڈیو پپلز پارٹی کے کارکنان اور شہریوں نے شاندار استقبال کیا اور اجرکوں کے تحائف پیش کئے

اس موقع پر پپلز پارٹی کے ضلعی صدر این اے 225 کے امیدوار صادق علی میمن نے کہا کہ پاکستان پیپلز پارٹی شھیدوں کی پارٹی ہے پپلز پارٹی کا منشور ہی عوام کی خدمت کرنا ہے اور انشاء اللہ 8 فروری کو پورے ملک سے پاکستان پیپلز پارٹی کامیابی حاصل کریگی

میر پورخاص(باغی ٹی وی نامہ نگار سید شاہزیب شاہ کی رپورٹ ) پہلا کمشنر میراتھن کھیل میرپورخاص کی عوام کے لیے بڑا تحفہ ہے . ڈویژنل کمشنر میرپورخاص فیصل احمد عقیلی
تفصیلات کے مطابق ڈویژنل کمشنر میرپورخاص فیصل احمد عقیلی نے کہا ہے کہ ڈویژنل اور ضلع انتظامیہ میرپورخاص کی جانب سے پہلا کمشنر میراتھن کھیل میرپورخاص کی عوام کے لیے بڑا تحفہ ہے ان خیالات کا اظہار انہوں نے کمشنر کمپلیکس میں میراتھن کھیلوں کے انعقاد کے حوالے سے میڈیا کے نمائندوں سے خطاب کرتے ہوئے کیا .

انہوں نے مزید کہا کہ 21 جنوری 2024 کو ہونے والے پہلے کمشنر میراتھن کے انعقاد کروانے کا مقصد لوگوں میں امن ، پیار و محبت اور بھائی چارگی کو پروان چڑھانا ہے اور کہا کہ میراتھن میں واک اور نوجوان لڑکوں اور لڑکیوں کے میراتھن ریس کے مقابلوں کا انعقاد کیا جائے گا جس میں لڑکوں کی میراتھن ریس 5کلو میٹر اور لڑکیوں کی میراتھن ریس ڈیڑھ کلو میٹر تک ہوگی جبکہ میراتھن ریس کی اختتامی تقریب گاما اسٹیڈیم میں منعقد ہوگی .

انہوں نے مزید کہا کہ میراتھن ریس میں پہلی پوزیشن حاصل کرنے والے کو 25 ہزار اور میڈل انعام ، دوسری پوزیشن حاصل کرنے والے کو 15 ہزار اور میڈل ، تیسری پوزیشن حاصل کرنے والے کو 10 ہزار اور میڈل جبکہ چوتھی اور پانچویں پوزیشن حاصل کرنے والے کو بھی 5 ،5 ہزار انعام اور میڈل دیا جائے گا . کمشنر نے اس بات کا اعلان کیا کہ میراتھن میں ہونے والی واک میں بزرگ شہری بھی حصہ لے سکتے ہیں .

انہوں نے میڈیا کے نمائندوں سے اپیل کرتے ہوئے کہا کہ میرپورخاص میں ہونے والے میراتھن مقابلوں کو بہتر طور پر اجاگر کریں تاکہ ان مقابلوں کو قومی اور بین الاقوامی سطح پر میرپورخاص کو اجاگر کریں تاکہ لوگوں کو یہ معلوم ہو سکے کہ میرپورخاص زندہ دل لوگوں کا شہر ہے .

اس موقع پر ایڈیشنل کمشنر ون علی نواز بھوت ، ایڈیشنل کمشنر ٹو سونو خان چانڈیو ، ڈپٹی کمشنر میرپورخاص ڈاکٹر رشید مسعود خان ، ایڈیشنل ڈپٹی کمشنر ون میرپورخاص پریم چند ، پڈسٹرکٹ آفیسر اسپورٹس واس دیو ، اسپورٹس آرگنائزر میرپورخاص واحد حسین پہلوانی اور دیگر متعلقہ محکموں کے افسران اور میڈیا کے نمائندوں نے شرکت کی .

میرپور خاص( باغی ٹی وی نامہ نگار سید شاہزیب شاہ کی رپورٹ )پاکستان پیپلز پارٹی کے نامزد کردا ایم این اے 211پیر آفتاب حسین شاہ جیلانی سے ملک برادری کے 40 رکنی وفد نے ملک محمد ابراہیم چوہان کی سربراہی میں ملاقات کی اور اپنی جانب سے 8 فروری کے عام انتخابات میں بھرپور تعاون کا یقین دلایا اور شہر کے مسائل پر بات چیت کی

وفد کا کہنا تھا ملک برادری میرپورخاص میں الیکشن میں کلیدی کردار ادا کرنے کی صلاحیت رکھتی ہے۔اور ہمارے 29000 رجسٹر ووٹر ہے پر ہمارے نوجوان بنیادی سہولیات اور روزگار سے محروم ہے ۔

پیر افتاب حسین نے اپنی جانب سے وفد کو مکمل تعاون کا یقین دلایا اس موقع پر سیاسی شخصیت چیئرمین حاجی محمد علی بھی موجود تھے۔