کرونا وائرس، پاکستانیوں کو واپس لا رہے ہیں یا نہیں؟ ڈاکٹر ظفر مرزا نے کی وضاحت
باغی ٹی وی کی رپورٹ کے مطابق وزیراعظم عمران خان کے معاون خصوصی برائے صحت ظفر مرزا نے کہا ہے کہ عالمی ادارہ صحت نے کرونا وائرس کو عالمی ایمرجنسی اور خطرہ قرار دے دیا ہے اس لئے پاکستان وہ اقدامات اٹھانا چاہتا ہے جس سے زیادہ سے زیادہ لوگوں کو محفوظ بنایا جائے۔ گزشتہ روز وزیر خارجہ شاہ محمود قریشی سے ملاقات میں اس معاملے پر طویل بحث کے بعد اس نتیجے پر پہنچے ہیں کہ اپنے شہریوں کو واپس نہیں لانا۔ اس ضمن میں چینی وزیر خارجہ سے بھی بات ہوئی ہے۔ کرونا وائرس کی تشخیص کرنے والی کٹیں آج شام تک مل جائیں گی.
ڈاکٹر ظفر مرزانے پاکستانی طلبہ کو واپس نہ لانے کی وجوہات بتاتے ہوئے کہا کہ اس حوالے سے ایک تو عالمی ادارہ برائے صحت کے احکامات موجود ہیں دوسرا یہ کہ چین کی حکومت وہاں موجود چینی باشندوں اور دیگر ممالک کے شہریوں کے تحفظ کیلئے بھرپور اقدامات کررہی ہے اور پاکستان ان پر یقین رکھتا ہے،اور ان کے تمام اقدامات کی تائید کرتا ہے۔
ڈاکٹر ظفر مرزا کا مزید کہنا تھا کہ ابھی تک صرف سات آٹھ ملکوں نے چین سے اپنے شہریوں کو نکالنے کی درخواست کی ہے اور کچھ لوگوں کو وہاں سے نکالا بھی گیا ہے۔ ہمیں یہ نہیں بھولنا چاہئے کہ وہاں ایک سو بیس ملکوں کے لوگ موجود ہیں جن میں سے سات آٹھ کے علاوہ باقی تمام ممالک نے چینی اقدامات پر یقین کرتے ہوئے اپنے شہریوں کو وہاں سے نہیں نکالا۔ ہمیں اس بات کا یقین ہے کہ پاکستانیوں کی صحت کا خیال رکھا جارہا ہے اس لئے ہم وہاں سے اپنے شہریوں کی واپسی کے حوالے سے کئے گئے اپنے فیصلے پر قائم ہیں۔ چین سے اپنے شہریوں کو واپس لانا پبلک ہیلتھ کیلئے ٹھیک نہیں ہے۔
ڈاکٹر ظفر مرزا کا مزید کہنا تھا کہ وائرس کی وجہ سے پھنس جانے والوں کے ویزا کی معیاد ختم ہونے یا ٹکٹیں کینسل ہونے کے حوالے سے بھی چینی حکومت سے معاملات طے کرلئے گئے ہیں کیونکہ وہاں موجود پاکستانیوں کو ہر صورت وہاں چودہ دن گزارنا ہوں گے۔
کرونا وائرس سے نمٹنے کیلئے حکومت کے اقدامات جاری ہیں، اس ضمن میں نئی ایڈوائزری جاری کی گئی ہے،پاکستان داخل ہونیوالوں کیلئے ہیلتھ ڈیکلریشن فارم جمع کرانا لازم قرار دیدیا گیا۔
ترجمان سول ایوی ایشن کے مطابق فارم میں رابطے کی تفصیلات اور سفر کی تاریخ شامل ہے، طیارے کا عملہ مسافروں میں ہیلتھ ڈیکلریشن کارڈ تقسیم کرے گا، کرونا وائرس کے پیش نظر کارڈ میں معلومات کا اندراج لازمی ہے۔ بصورت دیگر پاکستان میں داخلہ اور امیگریشن کی اجازت نہیں دی جائے گی۔
دوسری جانب بلوچستان میں سیندک اور دودرمنصوبوں پر کام کرنے والے چینی اور پاکستانی ملازمین کی سکینگ کا عمل شروع ہو گیا۔ کمپنی حکام کے مطابق ان دونوں منصوبوں پر تقریبا 480 چائنز اور 2 ہزار 9 سو پاکستانی کا م کر رہے ہیں، سیندک منصوبے پر 030 چینی، 18سو پاکستانی ملازمین ہیں۔ دوسرے منصوبے پر 180 چینی اور 11سو پاکستانی ملازمین کام کر رہے ہیں۔ حکام کے مطابق ملازمین کی چین جانے پر بھی پابندی عائد کی گئی ہے جبکہ چین اور پاکستان کے مختلف علاقوں میں گئے ملازمین کی چھٹیوں میں 15 روز کی مزید توسیع کر دی گئی ہے۔
واضح رہے کہ کرونا وائرس دنیا کے 22 ممالک میں پھیل گیا،عالمی ادارہ صحت نے گلوبل ایمرجنسی کا اعلان کردیا، چین میں 24 گھنٹوں میں مزید 43 افراد ہلاک ہو گئے جس سے مجموعی تعداد بڑھ کر 213 ہو گئی جبکہ کرونا وائرس سے دس ہزار افراد متاثر ہیں، دیگر اٹھارہ ممالک میں اٹھانوے کیس سامنے آ گئے۔
دنیا کے مختلف ممالک میں کرونا وائرس سامنے آنے پر عالمی ادارہ صحت نے گلوبل ایمرجنسی کا اعلان کر دیا۔ ڈبلیو ایچ او کے چیف ٹیڈروس ایدھینوم کا کہنا ہے کہ وائرس کا کمزور طبی نظام والے ممالک میں پھیلنے کا خدشہ ہے۔انہوں نے چینی حکام کرونا وائرس کی روک تھام کے لیے کی گئی کوششوں کو بہترین قرار دیا۔
کورونا وائرس یورپ میں قدم جما رہا ہے اور جرمنی کے مغربی شہر سارلینڈمیں کورونو وائرس کا ایک اور مشتبہ مریض سامنے آیا ہے۔ یہ جرمنی میں دوسرا مشتبہ کیس ہے۔
سرکاری ترجمان کے مطابق ، مریض ہمبرگ کے یونیورسٹی اسپتال میں زیرنگرانی رکھا گیا ہے۔ حکومتی ترجمان الیگزینڈر زائر نے کہا ہیمبرگ کے سارلینڈ یونیورسٹی اسپتال میں فی الحال ایک شخص موجود ہے جو ممکنہ طور پر کورونو وائرس سے متاثر ہوسکتا ھے۔ ان کے مطابق مریض کے خون کے ٹیسٹ کئے جا رہیں ہیں اور ان کو یونیورسٹی ہسپتال میں ایک الگ تھلگ کمرے میں رکھا گیا ہے۔
امریکا نے اپنے شہریوں کو چین کا سفر نہ کرنے کی ہدایت کر دی۔ اقوام متحدہ میں چینی سفیر کا کہنا ہے کہ کرونا وائرس کو شکست دینے کی کوشش میں چین اس وقت مشکل حالات میں ہے جس کے لیے عالمی یکجہتی ضروری ہے۔ چینی شہر ووہان میں کرونا وائرس سے نمٹنے کے لیے دو ہسپتالوں کی تعمیر کا کام بھی جاری ہے جو تین فروری تک آپریشنل ہو جائے گا۔
کرونا وائرس، چین میں ہلاکتوں میں اضافہ ،کتنے پاکستانی چین میں ہیں ؟ ترجمان دفتر خارجہ نے بتا دیا
کرونا وائرس پاکستان میں پھیلنے کا خدشہ، ملتان کے بعد لاہور میں بھی چینی باشندہ ہسپتال داخل
وفاقی دارالحکومت میں بھی کرونا وائرس کا مشتبہ کیس سامنے آ گیا
کرونا وائرس، بچاؤ کے لئے کیا کیا جائے؟ وفاقی کالجز کے پروفیسرزنے دی تجاویز
کرونا وائرس سے کتنے پاکستانی چین میں متاثر ہوئے؟ ترجمان دفتر خارجہ نے بتا دیا
کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات
کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا
کرونا وائرس، چین سے طالب علم پاکستان پہنچا تو اسکے ساتھ کیا ہوا؟
کرونا وائرس، مائیں رو رہی ہیں ،حکومت سو رہی ہے، مشاہد اللہ خان کی سینیٹ میں کڑی تنقید
گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران
وزیراعظم عمران خان کے معاون خصوصی برائے صحت ڈاکٹر ظفر مرزا نے کہا ہے کہ کرونا وائرس جیسے 4وائرس پہلے سے موجود ہیں،کرونا وائرس کی مخصوص علامات نہیں،جس کے باعث تشخیص مشکل ہے،لیبارٹری میں جانچ پڑتال کے بغیر کرونا وائرس کی تشخیص نہیں کی جاسکتی،
ڈاکٹر ظفر مرزا نے مزید کہا کہ کروناوائرس سے چھاتی کاانفیکشن ہوتاہےجونمونیاکی شکل اختیارکرلیتاہے،کرونا وائرس ایک انسان سے دوسرےانسان میں منتقل ہوتا ہے،یہ بیماری جانوروں سے انسانوں میں منتقل ہوئی،ریسرچ کے مطابق کرونا وائرس کے3فیصدمریضوں کی اموات ہوتی ہیں،بیماری میں شدت ہے لیکن مرنے والوں کی شرح بہت کم ہے،
ڈاکٹر ظفر مرزا کا مزید کہنا تھا کہ دنیابھرمیں 6ہزار 52افراد میں کروناوائرس کی تشخیص ہوچکی ہے،کرونا وائرس کے 99 فیصد مریض چین میں ہیں،چین کے علاوہ14ممالک میں کرونا وائرس کے مریض سامنے آئے ہیں،چین کےعلاوہ دیگر ممالک میں کروناوائر س سے اموات نہیں ہوئیں
