Category: اسلام آباد

اسلام آباد کی احتساب عدالت میں آج جعلی اکاونٹس کیس کی سماعت ہو گی، عدالت نے تمام ملزمان کو طلب کر رکھا ہے

باغی ٹی وی کی رپورٹ کے مطابق جعلی اکاونٹس کی سماعت آج احتساب عدالت میں ہو گی،احتساب عدالت کےجج ارشدملک منی لانڈرنگ ریفرنس کی سماعت کریں گے ،احتساب عدالت نے تمام ملزمان کو طلب کررکھا ہے ،نیب کی جانب سے سابق صدر آصف زرداری کواحتساب عدالت میں پیش کیا جائے گا .

سابق صدر آصف زرداری کی ہمشیرہ فریال تالپورسندھ اسمبلی کےاجلاس میں شرکت کےلیے پروڈکشن آرڈرپرکراچی میں ہیں ،احتساب عدالت نے فریال تالپورکی حاضری سےاستثنیٰ کی درخواست منظورکی تھی .

آصف زرداری کو نیب نے اسمبلی کی بجائے کہاں پہنچا دیا؟ بلاول پریشان

آصف زرداری کو عدالت میں پیش کیا جائے، عدالت کا نیب کو حکم

بلاول زرداری کے حلقہ میں خاتون نے فون پر بات کرنے سے انکار کیا تو اسکے ساتھ کیا ہوا، افسوسناک خبر

سابق صدر آصف زرداری کی عدالت میں پیشی کے موقع پر سیکورٹی کے سخت انتظامات کئے گئے ہیں‌، عدالت کے چاروں اطراف پولیس کی بھاری نفری تعینات کی جائے گی اور کسی بھی غیر متعلہ شخص کو جوڈیشیل کمپلیکس میں داخلے کی اجازت نہیں ہو گی.

حکومت کو نکالنے کیلئے سیاسی قوتوں کو آگے ہونا ہو گا، آصف زرداری

ایک ہفتے کی جیل کے بعد زرداری کی بس ہو گئی، اسمبلی میں کیا کہہ دیا؟ بڑی خبر؟

نواز شریف کی بیماری کا علاج جیل میں نہیں ہو سکتا، ڈاکٹر کا انکشاف

میں پیر یا ولی نہیں لیکن عمران خان کے ساتھ کیا ہونیوالا ہے ؟ نواز شریف نے کیا کہہ دیا

افغانستان کے صدر اشرف غنی آج پاکستان پہنچیں گے جہاں وہ پاکستانی حکام سے ملاقاتیں کریں گے، وزیراعظم عمران خان کی دعوت پر افغان صدر پاکستان آ رہے ہیں

باغی ٹی وی کی رپورٹ کے مطابق افغانستان کے‌صدر اشرف غنی آج اسلام آباد پہنچیں گے،افغان صدارتی ترجمان کے مطابق اشرف غنی پاکستان کے وزیراعظم عمران خان سے چار اہم معاملات پر گفتگو کریں گے جن میں طالبان سے سیکیورٹی، امن مذاکرات، علاقائی رابطے شامل ہیں جب کہ تجارتی تعلقات اور سرمایہ کاری سرفہرست ہوگی۔

پاکستان کے دفتر خارجہ کے ترجمان کا کہنا ہے کہ افغان صدراشرف غنی آج 2روز کے دورے پر پاکستان پہنچ رہے ہیں ،افغان صدرکو دورے کی دعوت وزیراعظم عمران خان نے دی ہے ،افغان صدراشرف غنی کے ساتھ وفد بھی پاکستان آئے گا،ملاقات میں مختلف شعبوں میں دو طرفہ تعاون کو فروغ دینے پر بات ہو گی ،اشرف غنی اوروزیراعظم عمران خان کے مابین وفود کی سطح پرملاقات ہوگی ،وفد میں وزرا،بزنس مین،مشیر اور سینیر حکام شامل ہوں گے،اشرف غنی کی دورہ پاکستان کےدوران صدرعارف علوی سےملاقات ہوگی، دفتر خارجہ کا مزید کہنا ہے کہ تجارت،معیشت، سیکیورٹی،امن کی صورتحال،تعلیم ،دیگرامور پرتبادلہ خیال کیاجائیگا

افغان صدرپنجاب کے صوبائی دارالحکومت لاہور کا بھی دورہ کریں گے جہاں ایک بزنس فورم سے خطاب کریں گے فورم میں پاکستان اور افغانستان کی کاروباری شخصیات شرکت کریں گے۔ یہ افغان صدر کا پاکستان کا تیسرا دورہ ہے،

سپیکرقومی اسمبلی اسد قیصرنے چترال کے لیے پی آئی اے کے فلائیٹس کی تعداد کم کرنے پر نوٹس لیتے ہوئے وزیر ہوابازی غلام سرور کوفلائیٹس بحال کرنے کی ہدایت جاری کردی ہیں۔

باغی ٹی وی کی رپورٹ کے مطابق بدھ کوقومی اسمبلی کے اجلاس میں متحدہ مجلس عمل کے ممبرقومی اسمبلی عبداکبر چترالی نے کٹوتی کی تحریک پیش کرتے ہوئے کہا کہ چترال کے لیے اسلام آباد اور دیگر علاقوں سے فضائی سروس آتی تھی مگر اب تمام فلائیٹس بندکردی گئی ہیں. ان کا کہنا تھا کہ اب ہفتہ میں ایک فلائیٹ اسلام آباد سے چترال آتی ہے اس لئے اس کا نوٹس لینا چاہیے اور فلائٹس بحال ہونی چاہیے.

ایم ایم اے کے ممبر اسمبلی کے اعتراض‌ پر سپیکرقومی اسمبلی اسدقیصر نے وزیرہوابازی غلام سرور کوہدایات جاری کیں‌ کہ وہ بند کئے جانے والے فلائیٹس کو بحال کریں‌ تاکہ مقامی لوگوں کے ساتھ سیاح بھی چترال آ سکیں اور ان کے لئے کسی قسم کی کوئی مشکل نہ ہو.

پاکستان کے سابق صدر آصف علی زرداری نے چیئرمین سینیٹ بننے کی خواہش ظاہر کر دی ہے. آج پارلیمنٹ ہاؤس میں ایک صحافی نے جب ان سے سوال کیا کہ کیا آج کی آل پارٹیز کانفرنس میں چیئرمین سینٹ کو ہٹانے کا فیصلہ ہو گیا ہے تو انہوں نے کہاکہ اگر ایسا ہو گیا ہے تو بسم اللہ، ہم اے پی سی کے فیصلوں پر عمل درآمد کریں‌ گے اور نیا چیئر مین سینیٹ میں خود بنوں گا ۔

باغی ٹی وی کی رپورٹ کےمطابق میڈیا رپورٹس میں‌ کہا گیا ہے کہ صحافی نے یہ سوال بھی کیا کہ کیا آپ نیا چیئرمین سینیٹ رضاربانی کو بنائیں‌ گے تو ان کا مسکراتے ہوئے کہنا تھا کہ میں‌ خود چیئرمین بنوں‌ گا.

مولانا فضل الرحمن کی رہائش گاہ پر آج اے پی سی ہوئی ہے جس میں تمام اپوزیشن جماعتوں نے شرکت کی. اس اے پی سی میں اپوزیشن جماعتوں‌ نے چیئرمین اور ڈپٹی چیئرمین سینیٹ کو تبدیل کرنے کا فیصلہ کر لیا ہے. میڈیا رپورٹس میں‌ کہا گیا ہےکہ پہلے ڈپٹی چیئر مین سینیٹ سلیم مانڈی والا اپنے عہدے سے مستعفی ہوں‌ گے ۔

واضح‌ رہے کہ اے پی سی میں‌ تمام اپوزیشن جماعتوں‌نے شرکت کی تاہم استعفوں‌پر اختلافات کے سبب کوئی بڑا فیصلہ نہیں‌کیا جاسکا. اے پی سی کے مشترکہ اعلامیہ میں‌ کہا گیا ہے کہ اپوزیشن جماعتوں‌ کی آل پارٹیزکانفرنس کے مشترکہ اعلامیہ میں‌ کہا گیا ہے کہ نام نہاد حکمرانوں کوتمام سیاسی جماعتیں مسترد کرچکی ہیں، نام نہاد حکمرانوں کا ٹولا دھاندلی کے نتیجے میں قوم پر مسلط کیا گیا. ملک پرعوام کی نمایندہ حکمرانی موجود نہیں.

باغی ٹی وی کی رپورٹ کے مطابق اعلامیہ میں‌ کہا گیا ہے کہ نام نہاد حکمرانوں کوتمام سیاسی جماعتیں مسترد کرچکی ہیں. ملک کا ہر شعبہ زبوں حالی کا شکا رہے. ملکی معیشت زمین بوس ہوچکی ہے. حکمرانوں کایجنڈا ملکی مفادات کی بجائے کسی گھناؤنی سازش کا حصہ ہے. مہنگائی سے غریب عوام کی کمر توٹ گئی ہے. حکومتی قیادت کے فیصلوں نےہمارے شکوک و شبہات کو یقین میں بدل دیا ہے. ملک دیوالیہ پن کی حدود کو عبورکرنے کی تیاری کررہا ہے.

پاکستان پیپلز پارٹی کے چیئرمین بلاول بھٹو زرداری نے پارلیمنٹ کو غیر مستحکم کرنے کی مخالفت کر دی اور کہا ہے کہ جو ابھی اقدام کیا جائے جمہوری انداز میں ہونا چاہیے،

باغی ٹی وی کی رپورٹ کےمطابق بلاول بھٹو نے کہاکہ عام انتخابات میں دھاندلی کرتے ہوئے بے شرمی کے سارے رکارڈ توڑے گئے. عام انتخابات میں بدترین دھاندلی کی گئی، جب 2008 میں پی پی اقتدار میں آئی تو سادہ اکثریت دھاندلی سے چھینی گئی. ان انتخابات کے نتائج بھی ہم نے احتجاجاً قبول کیے.

انہوں نے کہاکہ جو بھی اقدام کیا جائے جمہوری انداز میں ہونا چاہیے. پیپلزپارٹی جمہوری سسٹم میں رہتے ہوئے جدوجہد کرنا چاہتی ہے.

واضح‌ رہے کہ اے پی سی میں مولانا فضل الرحمن کی جانب سے اسمبلیوں‌ سے استعفوں‌ کی تجویز پیش کی گئی تھی تاہم مسلم لیگ ن اور پیپلز پارٹی کی طرف سے اس کی مخالفت کی گئی. اے پی سی کا اعلامیہ جاری کر دیا گیا ہے اور حکومت مخالف تحریک کے حوالہ سے کوئی بڑا فیصلہ نہیں‌ کیا جاسکا.

پاکستان مسلم لیگ ن کی نائب صدر مریم نواز نے کہا ہے کہ ہماری لڑائی عمران خان سے نہیں اسے سلیکٹ کرنے والوں سے ہے. آج اگرصحیح فیصلہ نہ کیاتوقوم ہمیں کبھی معاف نہیں کرے گی. وقت آگیا ہے کہ اس وسیع تر قومی مفاد کی اصطلاح کو تبدیل کریں۔

باغی ٹی وی کی رپورٹ کےمطابق مریم نواز نے اے پی سی سے خطاب کرتے ہوئے کہاکہ آل پارٹیز کانفرنس میں ٹھوس فیصلے ہونے چاہئیں، ملکی معیشت بدحالی کاشکارہےاورعوام ہماری جانب دیکھ رہےہیں. ایسااقدام اُٹھائیں کہ عمران خان توجائےلیکن ایساکوئی شخص پھرنہ آسکے. ہم کب تک وسیع تر قومی مفاد کے پیچھے چھپتے رہیں گے؟

انہوں نے کہاکہ یہ سچ ہے اپوزیشن تاریخ کی بدترین دھاندلی کے خلاف موثر آواز نہیں اٹھا سکی، عوام کو اپوزیشن سے بہت توقعات ہیں۔ نیب کی زیر حراست لوگوں کو سیاسی قیدی ڈکلیئر کیا جائے۔ چیئرمین اور ڈپٹی چیئرمین سینیٹ کی تبدیلی پر متفقہ فیصلہ کیا جائے، یہ پہلی اینٹ جب سرکے گی تو جمہوریت کی پیٹھ میں چھراگھونپنے والی حکومت کی بنیادیں ہل جائیں گی۔

واضح رہے کہ اے پی سی کا اعلامیہ جاری کر دیا گیا ہے اور استعفوں پر اختلافات کے سبب اپوزیشن جماعتیں حکومت مخالف تحریک کے حوالہ سے کوئی بڑا فیصلہ نہیں‌ کر سکی ہیں.

وزیراعظم عمران‌ خان سے فواد چودھری نے ملاقات کی ہے

عمران خان نے کہا تھارلاوَں گا رلادیا،کہا تھا پکڑوں گا،پکڑلیا، فواد چودھری

اوبر اور کریم پر خواتین کے لئے سفر ہوا غیر محفوظ

باغی ٹی وی کی رپورٹ کے مطابق وزیراعظم عمران خان سے وفاقی وزیر سائنس وٹیکنالوجی فواد چودھری نے ملاقات کی ہے، فواد چودھری نے پارلیمنٹ ہاوس میں وزیراعظم سے ملاقات کی، اس موقع پر وزیراعظم عمران خان نے وزارت سائنس،ٹیکنالوجی میں ری اسٹرکچرنگ پراقدامات اور کارکردگی کوسراہا، وزیراعظم عمران خان کا کہنا تھا کہ سائنس اورٹیکنالوجی کافروغ ہمارے مستقبل کیلئےانتہائی اہمیت کاحامل ہے ،

فواد چودھری کے تھپڑ پر وزیراعظم کا سمیع ابراہیم کو فون، کیا بات ہوئی جان کر فواد چودھری پریشان ہو جائے

صحافیوں کے احتجاج میں‌ ڈبو مردہ باد کے نعرے، فواد چوہدری نے تھپڑ کیوں‌ مارا؟ سمیع ابراہیم نے بتا دیا

قبل ازیں فواد چودھری نے سماجی رابطے کی ویب سائٹ پر ٹویٹ کرتے ہوئے اپوزیشن جماعتوں کی اے پی سی کو شدید تنقید کا نشانہ بنایا.

So all pseudo liberals have accepted a Taliban mentor as their leader? Muddled to see Names of @sherryrehman @FarhatullahB and Raza Rabbani in the list of Maulana desciples, PMLn included all confused rightests in their list #OppositionAPC

— Ch Fawad Hussain (@fawadchaudhry) June 26, 2019